ನೀವು ದಿಂಬಿನಲ್ಲಿ ತಲೆ ಇಟ್ಟು ಮಲಗೋದು ಮಾತ್ರವಲ್ಲದೇ, ದಿಂಬನ್ನು ಅಪ್ಪಿಕೊಂಡು (hugging pillow) ಮಲಗುವ ಅಭ್ಯಾಸವನ್ನು ಹೊಂದಿದ್ದೀರಾ? ಹಾಗೆ ಮಾಡುವವರಲ್ಲಿ ನೀವು ಖಂಡಿತವಾಗಿಯೂ ಏಕಾಂಗಿಯಲ್ಲ. ಬಹಳಷ್ಟು ಜನ ಹೀಗೆ ದಿಂಬನ್ನು ಅಪ್ಪಿ ಮಲಗುತ್ತಾರೆ. ಈ ಗುಣವು ನಿಮ್ಮ ವ್ಯಕ್ತಿತ್ವದ ಬಗ್ಗೆ ಸಾಕಷ್ಟನ್ನು ಹೇಳುತ್ತದೆ. ಅವು ನಿಮ್ಮ ಸಂಬಂಧಗಳು ಹಾಗೂ ಅವುಗಳನ್ನು ನಿರ್ವಹಿಸುವ ಛಾತಿಗೆ ಸಂಬಂಧಿಸಿದ್ದಾಗಿದೆ.
ಪ್ರತಿಯೊಬ್ಬರಿಗೂ ವಿಭಿನ್ನ ನಿದ್ರೆಯ ಅಭ್ಯಾಸಗಳಿವೆ. ಕೆಲವರು ಬೆನ್ನಿನ ಮೇಲೆ ಮಲಗಲು ಬಯಸಿದರೆ, ಇನ್ನು ಕೆಲವರು ಮಗ್ಗಲು ಬದಲಿಸಿ ಮಲಗಲು ಇಷ್ಟಪಡುತ್ತಾರೆ. ಆದರೆ ಬೇರೆ ಬೇರೆ ರೀತಿ ಮಲಗುವ ಭಂಗಿ, ವ್ಯಕ್ತಿಯ ಮಾತು, ನಡಿಗೆ, ಕುಳಿತುಕೊಳ್ಳುವ, ಮುಖದ ಅಭಿವ್ಯಕ್ತಿ ಗಳು ವ್ಯಕ್ತಿಯ ವ್ಯಕ್ತಿತ್ವವನ್ನು ಬಹಿರಂಗಪಡಿಸುತ್ತವೆ. ಹಾಗೆಯೇ ನಿದ್ರೆಯ ಅಭ್ಯಾಸಗಳು (sleeping habits) ಸಹ ವ್ಯಕ್ತಿತ್ವವನ್ನು ತಿಳಿಸುತ್ತದೆ.
ನಿದ್ರೆಯ ಭಂಗಿ (sleeping position) ಮತ್ತು ವ್ಯಕ್ತಿತ್ವದ ಬಗ್ಗೆ ಅನೇಕ ಅಧ್ಯಯನಗಳು ನಡೆದಿವೆ, ಆದರೆ ಯಾವುದೇ ದೃಢವಾದ ತೀರ್ಮಾನವಾಗಿಲ್ಲ. ಆದಾಗ್ಯೂ, ಒಬ್ಬ ವ್ಯಕ್ತಿಯು ತನ್ನನ್ನು ಅಥವಾ ಇತರರನ್ನು ಅರ್ಥ ಮಾಡಿಕೊಳ್ಳಲು ಸಹಾಯ ಮಾಡುವ ಒಂದು ಕಲ್ಪನೆಯನ್ನು ಅವರು ನೀಡುತ್ತಾರೆ ಅನ್ನೋದು ಸುಳ್ಳಲ್ಲ.
ಇಂತಹ ಒಂದು ಅಭ್ಯಾಸವೆಂದರೆ ಕುತ್ತಿಗೆ ಅಥವಾ ಎದೆಗೆ ದಿಂಬು ಸುತ್ತಿಕೊಂಡು ಮಲಗುವುದು. ಇದು ಅತ್ಯಂತ ಸಾಮಾನ್ಯ ಅಭ್ಯಾಸಗಳಲ್ಲಿ ಒಂದಾಗಿದೆ. ಇದನ್ನು ಮಕ್ಕಳು ಮಾತ್ರ ಮಾಡುವುದಿಲ್ಲ, ವಯಸ್ಕರು ಸಹ ದಿಂಬನ್ನು ಅಪ್ಪಿ ಮಲಗುತ್ತಾರೆ.
ಒಬ್ಬ ವ್ಯಕ್ತಿಯು ಆರಾಮ ಮತ್ತು ನಿರಾಳ ಭಾವನೆಯನ್ನು ಅನುಭವಿಸುವುದು ಸಾಮಾನ್ಯವಾಗಲು ಅನೇಕ ಕಾರಣಗಳಿವೆ. ಆದಾಗ್ಯೂ, ಅದೇ ವಿಷಯವು ವ್ಯಕ್ತಿತ್ವದ ಬಗ್ಗೆ ಬೇರೆ ಏನೋ ಎಂದು ತೋರುತ್ತದೆ. ಇದು ಸಂಬಂಧಗಳನ್ನು ನಿರ್ವಹಿಸುವ ವ್ಯಕ್ತಿಯ ಒಂದು ನೋಟವನ್ನು ತೋರಿಸುವ ಬದಿಗೆ ಸಂಬಂಧಿಸಿದೆ.
ಸಂಬಂಧಕ್ಕೆ ಬೆಲೆ ನೀಡುವ ವ್ಯಕ್ತಿ (value for relationship)
ಎದೆಗೆ ದಿಂಬು ಹಿಡಿದು ಮಲಗಿದರೆ ಅದು ನೀವು ಪ್ರೀತಿಯ ವ್ಯಕ್ತಿ ಎಂದು ತೋರಿಸುತ್ತದೆ. 'ಹಗ್ಗಿಂಗ್ ಪಿಲೋ ಸ್ಲೀಪಿಂಗ್ ಸೈಕಾಲಜಿ' ಪ್ರಕಾರ, ಹಾಗೆ ಮಾಡುವ ಜನರು ಸಂಬಂಧಗಳನ್ನು ತಮ್ಮ ಜೀವನದ ಉನ್ನತ ಮಟ್ಟದಲ್ಲಿಇಡುತ್ತಾರೆ. ಅದು ಅವರ ಸಂಬಂಧಿಕರು, ಸ್ನೇಹಿತರು, ಕುಟುಂಬ, ಅಥವಾ ಸಂಗಾತಿಗಳು ಮತ್ತು ಮಕ್ಕಳಾಗಿರಲಿ, ಈ ಸಂಬಂಧಗಳು ಎಲ್ಲಕ್ಕಿಂತ ಹೆಚ್ಚಾಗಿರುತ್ತವೆ.
ನಾಚಿಕೆ ಸ್ವಭಾವ (shy nature)
ಮತ್ತೊಂದು ಮಾಹಿತಿ ಪ್ರಕಾರ ಪ್ರಕಾರ ದಿಂಬುಗಳನ್ನು ತಬ್ಬಿಕೊಂಡು ಮಲಗುವ ಜನರು ನಾಚಿಕೆ ಸ್ವಭಾವದವರು ಮತ್ತು ಬೆರೆಯಲು ಸಮಯ ತೆಗೆದುಕೊಳ್ಳುತ್ತಾರೆ. ಅವರು ಯಾರನ್ನೂ ಸಂಪರ್ಕಿಸುವುದು ಸುಲಭವಲ್ಲ. ಭಾವನೆಗಳನ್ನು ಹಂಚಿಕೊಳ್ಳುವುದು ಅವರಿಗೆ ಕಷ್ಟ. ಅವರು ವ್ಯಕ್ತಿಗಿಂತ ದಿಂಬನ್ನು ಅಪ್ಪಿಕೊಳ್ಳುವುದು ಹೆಚ್ಚು ಆರಾಮದಾಯಕ ಎನ್ನುತ್ತಾರೆ.
ಇದು ಪ್ರಯೋಜಕಾರಿಯೂ ಆಗಿದೆ
ಫ್ಲೋರಿಡಾ ಮೂಲದ ಕ್ಲಿನಿಕಲ್ ಸೈಕಾಲಜಿಸ್ಟ್ ಸ್ಟೆಫಾನಿ ಸಿಲ್ಬರ್ಮನ್ ಅವರ ವರದಿಯ ಪ್ರಕಾರ, ದಿಂಬುಗಳನ್ನು ಹಿಡಿದು ಮಲಗುವುದರಿಂದ ಅನೇಕ ವಿಧಗಳಲ್ಲಿ ಪ್ರಯೋಜನವಾಗುತ್ತದೆ. ಮಾನಸಿಕವಾಗಿ, ಇದು ವ್ಯಕ್ತಿಗೆ 'ಸುರಕ್ಷತೆ ಮತ್ತು ಭದ್ರತೆಯ ಪ್ರಜ್ಞೆ'ಯನ್ನು ನೀಡುತ್ತದೆ. ಇದು ವ್ಯಕ್ತಿಯು ತನ್ನ ಆತಂಕ ಮತ್ತು ಒತ್ತಡವನ್ನು ಕಡಿಮೆ ಮಾಡುವ ಮೂಲಕ ವಿಶ್ರಾಂತಿ ಮತ್ತು ನಿದ್ರೆ ಮಾಡಲು ಸಹಾಯ ಮಾಡುತ್ತದೆ.
ಅದರಲ್ಲಿ ಯಾವುದೇ ತಪ್ಪಿಲ್ಲ
ಸಿಲ್ಬರ್ಮನ್ ಪ್ರಕಾರ, ಈ ಅಭ್ಯಾಸವು ಬಾಲ್ಯದಿಂದಲೂ ನಮ್ಮೊಂದಿಗೆ ಇದೆ. ತಾಯಿಯ ಗರ್ಭದಿಂದ ಹೊರಬಂದ ನಂತರ ಸ್ವಲ್ಪ ದೊಡ್ಡವರಾದಾಗಲೂ, ಭ್ರೂಣದ ಸ್ಥಾನದಲ್ಲಿ ಮಲಗಲು ಮಗುವಿಗೆ ಆರಾಮದಾಯಕವೆನಿಸುತ್ತದೆ. ಈ ಕಾರಣದಿಂದಾಗಿ, ಅವರು ಮಲಗುವಾಗ ಮೃದುವಾದ ಆಟಿಕೆ ಅಥವಾ ಕಂಬಳಿಯನ್ನು ಅಪ್ಪಿಕೊಳ್ಳುತ್ತಾರೆ. ಈ ಭಾವನೆ ಬೆಳೆಯುವವರೆಗೂ ಇರುತ್ತದೆ. ದೊಡ್ಡವರಾದ ಮೇಲೂ ಈ ಭಂಗಿಯಲ್ಲಿ ಮಲಗುವುದರಲ್ಲಿ ತಪ್ಪೇನಿಲ್ಲ.