ನೆದರ್ಲ್ಯಾಂಡ್ ಮೂಲದ ವಿಶಿಷ್ಟ ತಳಿಯ ಹಾಲನ್ನು ತನ್ನ ದಿನನಿತ್ಯದ ಜೀವನದಲ್ಲಿ ಬಳಸುತ್ತಿದೆ ಅಂಬಾನಿ ಕುಟುಂಬ. ಈ ಹಸುವಿನ ಒಂದು ಲೀಟರ್ ಹಾಲಿನ ಬಲೆ ಭಾರತದ ಡೈರಿಯಲ್ಲಿ ಸಿಗುವ ಹಾಲಿನ ಬೆಲೆಯ ಮೂರು ಪಟ್ಟು ಬೆಲೆ ಇದೆ.
ಹಾಲು ಎಲ್ಲಾ ವಯಸ್ಸಿನವರಿಗೆ ವೈದ್ಯರು ಹೆಚ್ಚು ಶಿಫಾರಸು ಮಾಡುವ ಆರೋಗ್ಯಕರ ಪಾನೀಯವಾಗಿದೆ. ಇದರಲ್ಲಿ ದಟ್ಟವಾದ ಪೋಷಕಾಂಶವಿದೆ. ಮಾತ್ರವಲ್ಲದೆ ಸ್ನಾಯುಗಳು, ಮೂಳೆಗಳು, ಹಲ್ಲುಗಳು, ಚರ್ಮ ಮತ್ತು ದೃಷ್ಟಿಯನ್ನು ಆರೋಗ್ಯಕರವಾಗಿಡಲು ಉತ್ತಮ ಮಾರ್ಗವಾಗಿದೆ. ಇಲ್ಲಿ ಹೋಲ್ಸ್ಟೈನ್-ಫ್ರೀಸಿಯನ್ ತಳಿಯ ಹಸುವಿನ ಹಾಲಿನ ಬಗ್ಗೆ ತಿಳಿಸಿಕೊಡಲಿದ್ದೇವೆ. ಇದು ಅತಿ ಹೆಚ್ಚು ಹಾಲು ಉತ್ಪಾದಿಸುವ ತಳಿ ಎಂದು ಗುರುತಿಸಲ್ಪಟ್ಟಿದೆ ಮತ್ತು ಪ್ರೋಟೀನ್ಗಳು, ಮ್ಯಾಕ್ರೋನ್ಯೂಟ್ರಿಯೆಂಟ್‌ಗಳು, ಮೈಕ್ರೋನ್ಯೂಟ್ರಿಯೆಂಟ್‌ಗಳು ಇತ್ಯಾದಿಳು ಇದರ ಹಾಲಲ್ಲಿ ಅತ್ಯಂತ ಹೇರಳಲಾಗಿದೆ.
ಪುಣೆಯಲ್ಲಿ ಹೆಚ್ಚಾಗಿ ಕಂಡುಬರುವ ಈ ತಳಿಯ ಹಾಲನ್ನು ಭಾರತದ ಶ್ರೀಮಂತ ಕುಟುಂಬಗಳಲ್ಲಿ ಒಂದಾದ ಅಂಬಾನಿ ಕುಟುಂಬವು ಸೇವಿಸುತ್ತದೆ. ಪುಣೆಯಿಂದ ಬರುವ ಈ ತಳಿಯ ಹಾಲನ್ನು ಮುಕೇಶ್ ಅಂಬಾನಿ, ನೀತಾ ಅಂಬಾನಿ ಮತ್ತು ಅವರ ಇಡೀ ಕುಟುಂಬ ಕುಡಿಯುತ್ತದೆ ಎಂದು ವರದಿ ತಿಳಿಸಿದೆ.
ಇದು ಪೋಷಕಾಂಶ-ಭರಿತ ಗುಣಗಳಿಗೆ ಹೆಸರುವಾಸಿಯಾಗಿದೆ. ಈ ತಳಿಯ ಹಸುಗಳನ್ನು ಪುಣೆಯ ಭಾಗ್ಯಲಕ್ಷ್ಮಿ ಡೈರಿಯಲ್ಲಿ ಸಾಕಲಾಗುತ್ತದೆ, ಇದು ಸರಿಸುಮಾರು 35 ಎಕರೆಗಳಲ್ಲಿ 3000 ಕ್ಕೂ ಹೆಚ್ಚು ಹಸುಗಳನ್ನು ಹೊಂದಿದೆ. ಈ ಡೈರಿಯಲ್ಲಿ ಒಂದು ಲೀಟರ್ ಹಾಲಿನ ಬೆಲೆ ಸುಮಾರು 152 ರೂ. ಹೆಚ್ಚು ಇಳುವರಿ ನೀಡುವ ಈ ಹಸುವಿನ ತಳಿಗಾಗಿ, ಕೇರಳದಿಂದ ಬರುವ ವಿಶೇಷ ರಬ್ಬರ್ ಲೇಪಿತ ಹಾಸಿಗೆಗಳನ್ನು ಬಳಸಲಾಗುತ್ತದೆ. ಈ ಹಸುಗಳಿಗೆ ಕುಡಿಯಲು ಆರ್‌ಒ ನೀರು ಕೂಡ ನೀಡಲಾಗುತ್ತದೆ.
ಹೋಲ್ಸ್ಟೈನ್-ಫ್ರೀಸಿಯನ್ ಹಸುವಿನ ತಳಿಯ ಮೂಲ ನೆದರ್ಲ್ಯಾಂಡ್. ಮತ್ತು ಇದು ವಿಶ್ವದಾದ್ಯಂತ ಹೈನುಗಾರಿಕೆಯಲ್ಲಿ ಪ್ರಬಲ ತಳಿಯಾಗಿದೆ. ಅವು ವಿಶಿಷ್ಟವಾದ ಗುರುತುಗಳನ್ನು ಹೊಂದಿರುತ್ತವೆ, ಸಾಮಾನ್ಯವಾಗಿ ಕಪ್ಪು ಮತ್ತು ಬಿಳಿ ಅಥವಾ ಕೆಂಪು ಮತ್ತು ಬಿಳಿ ಬಣ್ಣ, ಸಾಮಾನ್ಯವಾಗಿ ಪೈಬಾಲ್ಡ್ ಮಾದರಿಗಳನ್ನು ಹೊಂದಿದೆ.
ಆರೋಗ್ಯವಂತ ಕರು ಹುಟ್ಟಿದಾಗ 40 ರಿಂದ 50 ಕೆಜಿ ಅಥವಾ ಅದಕ್ಕಿಂತ ಹೆಚ್ಚು ತೂಕವಿರುತ್ತದೆ. ವಯಸ್ಕ ಹೋಲ್ಸ್ಟೈನ್ ಹಸು ಸಾಮಾನ್ಯವಾಗಿ 680-770 ಕೆಜಿ ತೂಗುತ್ತದೆ. ದಿನಕ್ಕೆ 25 ಲೀಟರ್ ಹಾಲು ನೀಡುವ ಸಾಮರ್ಥ್ಯ ಹೊಂದಿದೆ.
ಹೋಲ್ಸ್ಟೈನ್ ಫ್ರೈಸಿಯನ್ ಹಾಲು A1 ಮತ್ತು A2 ಬೀಟಾ-ಕೇಸಿನ್ (ಪ್ರೋಟೀನ್) ನಲ್ಲಿ ಸಮೃದ್ಧವಾಗಿದೆ ಎಂದು ಅನೇಕ ವರದಿಗಳು ಹೇಳುತ್ತವೆ. ಇದರ ಜೊತೆಗೆ, ಇದು ಪ್ರೋಟೀನ್ಗಳು, ಮ್ಯಾಕ್ರೋನ್ಯೂಟ್ರಿಯೆಂಟ್ಸ್, ಮೈಕ್ರೋನ್ಯೂಟ್ರಿಯಂಟ್ಗಳು, ಅಗತ್ಯ ಕೊಬ್ಬುಗಳು ಮತ್ತು ಕಾರ್ಬೋಹೈಡ್ರೇಟ್ಗಳಲ್ಲಿ ಸಮೃದ್ಧವಾಗಿದೆ.