ಚಿನ್ನ, ಬೆಳ್ಳಿ, ಲೆದರ್​, ಕೇಸರಿ ರಿಯಲ್ಲಾ, ಫೇಕಾ? ಮನೆಯಲ್ಲಿಯೇ ತಿಳಿದುಕೊಳ್ಳುವ ಸುಲಭದ ವಿಧಾನ ಇಲ್ಲಿದೆ

ಇಂದಿನ ನಕಲಿ ಜಗತ್ತಿನಲ್ಲಿ ಅಸಲಿ ವಸ್ತುಗಳನ್ನು ಗುರುತಿಸುವುದು ಕಷ್ಟ. ಈ ಲೇಖನದಲ್ಲಿ, ಚಿನ್ನ, ಬೆಳ್ಳಿ, ಕೇಸರಿ, ಪನೀರ್ ಮತ್ತು ಚರ್ಮದಂತಹ ವಸ್ತುಗಳ ಶುದ್ಧತೆಯನ್ನು ಮನೆಯಲ್ಲಿಯೇ ಸುಲಭವಾಗಿ ಪರೀಕ್ಷಿಸುವ ಸರಳ ವಿಧಾನಗಳನ್ನು ವಿವರಿಸಲಾಗಿದೆ.

ಫೇಕ್​ ಹಾವಳಿ

ಈಗ ಎಲ್ಲೆಲ್ಲೂ ನಕಲಿಯ ಹಾವಳಿ. ಅದರಲ್ಲಿಯೂ ಬಹುಬೆಲೆ ಬಾಳುವ ಚಿನ್ನ, ಬೆಳ್ಳಿಯಷ್ಟೇ ಅಲ್ಲ, ಇದರಷ್ಟೇ ಬೆಲೆ ಬಾಳುವ ಅಸಲಿ ಕೇಸರಿ ಸಿಗುವುದು ಕೂಡ ಅಷ್ಟೇ ಕಷ್ಟವಾಗಿದೆ. ಏಕೆಂದರೆ, ಬೆಲೆ ಹೆಚ್ಚಾದಂತೆ ಅದರ ನಕಲಿ ಮಾರಾಟ ಹೆಚ್ಚಾಗುತ್ತಲೇ ಇದೆ. ಈ ನಕಲಿ ಅಸಲಿಗಿಂತಲೂ ಸುಂದರವಾಗಿ ಕಾಣುವ ಹಿನ್ನೆಲೆಯಲ್ಲಿ, ನಕಲಿಯೋ, ಅಸಲಿಯೋ ತಿಳಿಯದೇ ಪರದಾಡುವ ಸ್ಥಿತಿಯೂ ಇರುತ್ತದೆ. ಹಾಗಿದ್ದರೆ, ಅಸಲಿ, ನಕಲಿಗಳನ್ನು ಸುಲಭದಲ್ಲಿ ಪತ್ತೆ ಮಾಡುವ ವಿಧಾನವನ್ನು ಇಲ್ಲಿ ಹೇಳಲಾಗಿದೆ.

ಬೆಳ್ಳಿ ಶುದ್ಧತೆಗೆ ಐಸ್​ ಟಿಪ್ಸ್​

ಬೆಳ್ಳಿಯ ಮೇಲೆ ಒಂದು ಐಸ್​ ಪೀಸ್​ ಇಟ್ಟುನೋಡಿ. ಅದು ಕೂಡಲೇ ಕರಗಿ ಹೋದರೆ, ಬೆಳ್ಳಿ ಶುದ್ಧವಾಗಿದೆ ಎಂದರ್ಥ.

ಚಿನ್ನದ ಅಸಲಿಯತ್ತು ನೋಡುವುದು ಹೇಗೆ?

ಚಿನ್ನದ ಸಮೀಪ ಒಂದು ಮ್ಯಾಗ್ನೆಟ್​ ತೆಗೆದುಕೊಂಡು ಹೋಗಿ. ಅದು ಸ್ವಲ್ಪವೂ ಆಕರ್ಷಿತವಾಗಲಿಲ್ಲ ಎಂದರೆ, ಅದು ಶುದ್ಧವಾದ ಚಿನ್ನ, ಇಲ್ಲದೇ ಹೋದರೆ ಅದರಲ್ಲಿ ಏನೋ ಬೇರೆ ಲೋಹ ಮಿಕ್ಸ್​ ಆಗಿದೆ ಎಂದರ್ಥ.

ಕೇಸರಿಯ ಬಣ್ಣ ನೋಡುವುದು ಹೇಗೆ?

ಕೇಸರಿಯು ಅಸಲಿಯೋ ನಕಲಿಯೋ ನೋಡಲು, ಉಗುರು ಬೆಚ್ಚಗಿನ ನೀರಿನಲ್ಲಿ ಅದರ ಎಸಳು ಹಾಕಿ. ಬಣ್ಣ ಬಿಡುತ್ತಾ ತಿಳಿ ಹಳದಿ ಕಲರ್​ ಬಂದರೆ ಅದು ಅಸಲಿ. ಇಲ್ಲದಿದ್ದರೆ ನಕಲಿ

ಪನೀರ್​ ಕರಾಮತ್ತು!

ಪನೀರ್​ ನಕಲಿಯೋ, ಅಸಲಿಯೋ ನೋಡಲು ಅದರ ಮೇಲೆ ಉಪ್ಪು ನೀರನ್ನು ಹಾಕಿ. ಅದರ ಬಣ್ಣ ಹಾಗೆಯೇ ಇದ್ದರೆ ಅಸಲಿ, ನೀಲಿ ಅಥವಾ ಕಪ್ಪಾದರೆ ಅದು ನಕಲಿ

ಚರ್ಮದ ವಸ್ತುವಿನ ಅಸಲಿಯತ್ತು

ಲೆದರ್​ ಬ್ಯಾಗ್​, ಶೂಸ್​, ಪರ್ಸ್​ ಏನೇ ತೆಗೆದುಕೊಂಡರೂ, ಅದು ಅಸಲಿಯೋ, ನಕಲಿಯೋ ನೋಡಬಹುದು. ಅದರ ಮೇಲೆ ನಾಲ್ಕೈದು ಹನಿ ನೀರು ಹಾಕಿ. ಶೀಘ್ರದಲ್ಲಿ ನೀರನ್ನು ಅದು ಹೀರಿಕೊಂಡರೆ, ಅದು ಅಸಲಿ; ಇಲ್ಲದಿದ್ದರೆ ನಕಲಿ.