Chanakya niti on love and relationships: ಜೀವನ, ರಾಜಕೀಯ ಮತ್ತು ಮನುಷ್ಯನ ಸಂಬಂಧಗಳ ಬಗ್ಗೆ ಆಚಾರ್ಯ ಚಾಣಕ್ಯ ಸಾವಿರಾರು ವರ್ಷಗಳ ಹಿಂದೆಯೇ ಹೇಳಿರುವ ಈ ಕಟು ಸತ್ಯ ಇಂದಿನ ಪ್ರತಿಯೊಬ್ಬರಿಗೂ ಕಣ್ಣು ತೆರೆಸುವಂತಿದೆ!
ಹಗ್ಗದ ಉದಾಹರಣೆಯ ಮೂಲಕ ಎಚ್ಚರಿಕೆಯ ಸಂದೇಶ ಜೀವನ, ರಾಜಕೀಯ ಮತ್ತು ಮನುಷ್ಯನ ಸಂಬಂಧಗಳ ಬಗ್ಗೆ ಆಚಾರ್ಯ ಚಾಣಕ್ಯ ಹೇಳಿರುವ ಮಾತುಗಳು ಇಂದಿಗೂ ಅಷ್ಟೇ ಪ್ರಸ್ತುತ. ಮನುಷ್ಯ ತನ್ನ ಸಂಬಂಧಗಳನ್ನು ಹೇಗೆ ಉಳಿಸಿಕೊಳ್ಳಬೇಕು, ಎಲ್ಲಿ ಎಡವುತ್ತಾನೆ ಎಂಬುದರ ಬಗ್ಗೆ ಚಾಣಕ್ಯ ಒಂದು ಹಗ್ಗದ ಸುಲಭ ಉದಾಹರಣೆಯ ಮೂಲಕ ಎಚ್ಚರಿಕೆಯ ಸಂದೇಶ ನೀಡಿದ್ದಾರೆ.
24
ಹಗ್ಗ ಮತ್ತು ಸಂಬಂಧದ ಬಗ್ಗೆ ಚಾಣಕ್ಯ ಹೇಳುವುದೇನು?
ಹಗ್ಗ ಮತ್ತು ಸಂಬಂಧದ ಬಗ್ಗೆ ಚಾಣಕ್ಯ ಹೇಳುವುದೇನು? "ಒಂದು ಹಗ್ಗವನ್ನು ನಾವು ಎಷ್ಟು ಬಿಗಿಯಾಗಿ ಹಿಡಿದು, ಬಲವಂತವಾಗಿ ನಮ್ಮ ಕಡೆಗೆ ಎಳೆಯಲು ಪ್ರಯತ್ನಿಸುತ್ತೇವೆಯೋ, ಅಷ್ಟೇ ಹೆಚ್ಚಾಗಿ ಅದು ನಮ್ಮ ಕೈಗಳಿಗೆ ಗಾಯ ಮಾಡಿ ರಕ್ತ ತರಿಸುತ್ತದೆ. ಇನ್ನಷ್ಟು ಬಲಪ್ರಯೋಗ ಮಾಡಿದರೆ ಆ ಹಗ್ಗವೇ ತುಂಡಾಗಿ ಹೋಗುತ್ತದೆ. ಇದೇ ನಿಯಮ ಮನುಷ್ಯನ ಪ್ರತಿಯೊಂದು ಸಂಬಂಧಕ್ಕೂ ಅನ್ವಯಿಸುತ್ತದೆ" ಎನ್ನುತ್ತಾರೆ ಆಚಾರ್ಯ ಚಾಣಕ್ಯ.
34
ಚಾಣಕ್ಯನ ಈ ಮಾತಿನ ಗೂಢಾರ್ಥವೇನು?
ಚಾಣಕ್ಯನ ಈ ಮಾತಿನ ಗೂಢಾರ್ಥವೇನು? ಅತಿಯಾದ ಅಧಿಕಾರ ಸಂಬಂಧಕ್ಕೆ ಕುತ್ತು: ಯಾವುದೇ ಸಂಬಂಧದಲ್ಲಿ ಎದುರಿಗಿರುವ ವ್ಯಕ್ತಿಯ ಮೇಲೆ ನಮ್ಮ ಸಂಪೂರ್ಣ ಹಿಡಿತವಿರಬೇಕು, ಅವರು ನಮ್ಮ ಅಣತಿಯಂತೆಯೇ ನಡೆಯಬೇಕು ಎಂಬ ಅತಿಯಾದ 'ಅಧಿಕಾರದ ಭಾವನೆ' ಬಂದರೆ, ಆ ಸಂಬಂಧ ಹೆಚ್ಚು ದಿನ ಉಳಿಯುವುದಿಲ್ಲ.
ಬಲವಂತವಾಗಿ ಹಿಡಿದಿಟ್ಟುಕೊಳ್ಳಲು ಸಾಧ್ಯವಿಲ್ಲ: ಹಗ್ಗವನ್ನು ಅತಿಯಾಗಿ ಎಳೆದರೆ ಕೈಗೆ ನೋವಾಗುವಂತೆ, ಯಾರನ್ನಾದರೂ ಬಲವಂತವಾಗಿ ನಮ್ಮ ಬಳಿ ಇಟ್ಟುಕೊಳ್ಳಲು ಹೋದರೆ ಕೊನೆಗೆ ನಮಗೇ ತೀವ್ರ ಮಾನಸಿಕ ನೋವು ಮತ್ತು ನಿರಾಸೆ ಎದುರಾಗುತ್ತದೆ.
ಸಹಕಾರವೇ ಸಂಬಂಧದ ಜೀವಾಳ ಸಂಬಂಧಗಳು ಬೆಳೆಯಬೇಕಾಗಿರುವುದು 'ಅಧಿಕಾರ'ದಿಂದಲ್ಲ, ಬದಲಾಗಿ 'ಪರಸ್ಪರ ಸಹಕಾರ' ಮತ್ತು ಗೌರವದಿಂದ. ಎದುರಿನ ವ್ಯಕ್ತಿಗೆ ಅವರದೇ ಆದ ಸ್ವಾತಂತ್ರ್ಯ ಮತ್ತು ಗೌರವ ನೀಡಿದಾಗ ಮಾತ್ರ ಯಾವುದೇ ಸಂಬಂಧ ಆಯುಷ್ಯಪೂರ್ತಿ ಗಟ್ಟಿಯಾಗಿರುತ್ತದೆ ಎಂದು ಚಾಣಕ್ಯ ನೀತಿ ಬೋಧಿಸುತ್ತದೆ.
ನಿಮ್ಮ ಸಂಬಂಧದಲ್ಲೂ ಪದೇಪದೆ ಬಿರುಕು ಮೂಡುತ್ತಿದ್ದರೆ, ಚಾಣಕ್ಯ ಹೇಳಿದಂತೆ ಒಮ್ಮೆ ನಿಮ್ಮ ಹಿಡಿತವನ್ನು ಸಡಿಲಗೊಳಿಸಿ, ಅಧಿಕಾರದ ಬದಲು ಪ್ರೀತಿ-ಸಹಕಾರಕ್ಕೆ ಜಾಗ ಕೊಡಿ.
ಆರೋಗ್ಯ, ಸೌಂದರ್ಯ, ಫಿಟ್‌ನೆಸ್, ಕಿಚನ್ ಟಿಪ್ಸ್‌, ಸಂಬಂಧ, ಫ್ಯಾಷನ್, ರೆಸಿಪಿ ಅಪ್ಡೇಟ್‌ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್‌ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್‌ಲೋಡ್ ಮಾಡಿ ಹಾಗು ಎಲ್ಲಾ ಅಪ್‌ಡೇಟ್ ಗಳನ್ನು ಪಡೆಯಿರಿ.
