ಥಿನ್ ಫ್ಯಾಟ್ ಎಂಬುದು ಹೆಚ್ಚಿನ ಜನರನ್ನು ಗೊಂದಲಗೊಳಿಸುವ ಪದವಾಗಿದೆ. ಏಕೆಂದರೆ ಎರಡು ವಿರುದ್ದ ಪದಗಳು ಒಟ್ಟಿಗೆ ಇವೆ. ಆದರೆ ಇದು ನಿಜವಾದ ಆರೋಗ್ಯ ಸಮಸ್ಯೆಯಾಗುತ್ತಿದೆ ಎಂದು ತಜ್ಞರು ಒಪ್ಪುತ್ತಾರೆ. ಏನಿದು ಥಿನ್ ಫ್ಯಾಟ್ , ಈ ಬಗ್ಗೆ ಹೆಚ್ಚಿಗೆ ತಿಳಿಯಲು ಮುಂದೆ ಓದಿ.
ಈ ದಿನಗಳಲ್ಲಿ "ಥಿನ್ ಫ್ಯಾಟ್" ಎಂಬ ಪದವು ಸಾಕಷ್ಟು ಟ್ರೆಂಡ್ನಲ್ಲಿದೆ, ಇದು ಹೆಚ್ಚಿನ ಜನರನ್ನು ಗೊಂದಲಗೊಳಿಸುತ್ತೆ. ಯಾಕಂದ್ರೆ ಎರಡು ವಿರುದ್ದ ಪದಗಳು ಒಟ್ಟಿಗೆ ಇವೆ. ಆದರೆ ಇದು ನಿಜವಾದ ಆರೋಗ್ಯ ಸಮಸ್ಯೆಯಾಗುತ್ತಿದೆ. ಅಂತಹ ಜನರು ಸ್ಥೂಲಕಾಯತೆಯ (obesity) ಸಮಸ್ಯೆಯೊಂದಿಗೆ ಹೋರಾಡದಿರಬಹುದು, ಆದರೆ ಅವರು ಕೊಬ್ಬಿನ ಸಮಸ್ಯೆಯಿಂದ ಬಳಲುವುದಂತೂ ಖಂಡಿತಾ.
"ಥಿನ್ ಫ್ಯಾಟ್" ಎಂದರೇನು? (what is thin fat): "ಥಿನ್ ಫ್ಯಾಟ್" ಎಂಬುದು ವೈದ್ಯಕೀಯ ಪದವಲ್ಲ ಆದರೆ ಆಡುಮಾತಿನ ಭಾಷೆಯಲ್ಲಿ ಸಾಮಾನ್ಯವಾಗಿ ತೆಳ್ಳಗೆ ಕಾಣುವ ಆದರೆ ತಮ್ಮ ದೇಹದಲ್ಲಿ ಆರೋಗ್ಯಕರಕ್ಕಿಂತ ಹೆಚ್ಚಿನ ಅನಾರೋಗ್ಯಕರ ಕೊಬ್ಬನ್ನು ಹೊಂದಿರುವ ಜನರನ್ನು ವಿವರಿಸಲು ಬಳಸಲಾಗುತ್ತೆ. ಸರಳವಾಗಿ ಹೇಳೋದಾದರೆ, ನಿಮ್ಮ ದೇಹಕ್ಕೆ ಸೂಕ್ತವಾದ ಪ್ರಮಾಣಕ್ಕಿಂತ ಹೆಚ್ಚಿನ ಕೊಬ್ಬನ್ನು ನೀವು ಸೇವಿಸುತ್ತಿದ್ದೀರಿ ಆದರೂ ದಪ್ಪಗಾಗೋದಿಲ್ಲ. ಥಿನ್ ಫ್ಯಾಟ್ ಸಹ ಹಾನಿಕಾರಕ ಏಕೆಂದರೆ ಈ ಪರಿಸ್ಥಿತಿಯಲ್ಲಿ, ವ್ಯಕ್ತಿಯು ತೆಳ್ಳಗೆ ಕಾಣುತ್ತಾರೆ ಮತ್ತು ಈ ಕಾರಣದಿಂದಾಗಿ, ಅವನಿಗೆ ಆಹಾರ ಮತ್ತು ಪಾನೀಯಗಳ ಮೇಲೆ ಹೆಚ್ಚಿನ ನಿಯಂತ್ರಣವಿರೋಲ್ಲ.
ಥಿನ್ ಫ್ಯಾಟ್ ತಪ್ಪಿಸಲು ಏನು ಮಾಡಬೇಕು?: ಭವಿಷ್ಯದಲ್ಲಿ ಕೆಲವು ಆರೋಗ್ಯ ಅಪಾಯಗಳನ್ನು ಕಡಿಮೆ ಮಾಡಲು, ಇಂದಿನಿಂದ ನಿಮ್ಮ ದಿನಚರಿಯಲ್ಲಿ ಕೆಲವು ಬದಲಾವಣೆಗಳನ್ನು ಮಾಡಬೇಕು. ಥಿನ್ ಫ್ಯಾಟ್ ಸಮಸ್ಯೆಯಿಂದ ಬಳಲುತ್ತಿರುವ ಜನರು ಆಕಾರವನ್ನು ಪಡೆಯಲು ಏನು ಮಾಡಬೇಕೆಂದು ತಿಳಿಯೋಣ.
ಸಾಕಷ್ಟು ಹಣ್ಣುಗಳು ಮತ್ತು ತರಕಾರಿಗಳನ್ನು ಸೇವಿಸಿ ( Fruits and Vegetables): ಮೊದಲನೆಯದಾಗಿ ನೀವು ನಿಮ್ಮ ಆಹಾರದ ಮೇಲೆ ಕಂಟ್ರೋಲ್ ಮಾಡಬೇಕು. ಸಸ್ಯ ಆಧಾರಿತ ಆಹಾರವು ಜನರಿಗೆ ಅವರ ಒಟ್ಟಾರೆ ಆರೋಗ್ಯವನ್ನು ಸುಧಾರಿಸಲು ಮಾತ್ರವಲ್ಲದೆ ಆರೋಗ್ಯಕರ ತೂಕವನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತೆ.
ಥಿನ್ ಪ್ರೋಟೀನ್ ಆಯ್ಕೆ ಮಾಡಿ (Thin Protein): ನೀವು ಕೊಬ್ಬಿನ ಮಾಂಸವನ್ನು ನಿಮ್ಮ ಪ್ರೋಟೀನ್ ಮೂಲವಾಗಿ ಹೆಚ್ಚಾಗಿ ಸೇವಿಸಿದ್ರೆ, ಕೋಳಿ ಮತ್ತು ಮೀನಿನಂತಹ ತೆಳ್ಳಗಿನ ಮಾಂಸವನ್ನು ಬಳಸಲು ಪ್ರಯತ್ನಿಸಿ. ಇದು ನಿಮ್ಮ ದೇಹದಲ್ಲಿ ಕೊಬ್ಬಿನ ಕೊರತೆಗೆ ಕಾರಣವಾಗಬಹುದು.
ಸಂಪೂರ್ಣ ಧಾನ್ಯ (Whole Grains): ಕಾರ್ಬ್ ಸೇವನೆಯು ಕೆಟ್ಟದ್ದಲ್ಲ, ಆದರೆ ವೈಟ್ ಬ್ರೆಡ್ ಮತ್ತು ಪಾಸ್ತಾದಂತಹ ಆಹಾರಗಳ ಬದಲಾಗಿ ಕಂದು ಅಕ್ಕಿ ಅಥವಾ ಜೋಳದಂತಹ ಸಂಸ್ಕರಿಸಿದ ಕಾರ್ಬೋಹೈಡ್ರೇಟ್ ಸೇವಿಸಿ. ಏಕೆಂದರೆ ಅವು ದೇಹದಲ್ಲಿ ಕೊಬ್ಬು ಹೆಚ್ಚದಂತೆ ನೋಡಿಕೊಳ್ಳುತ್ತದೆ.
ದೈಹಿಕ ಚಟುವಟಿಕೆ (Physical Exercise): ಎರಡು ರೀತಿಯ ಕೆಲಸಗಳಿವೆ, ಒಂದು ದೈಹಿಕ ಮತ್ತು ಇನ್ನೊಂದು ಮಾನಸಿಕ. ಆದ್ದರಿಂದ ನೀವು ದಿನವಿಡೀ ಕೆಲಸ ಮಾಡುತ್ತಿದ್ದರೆ, ಆದರೆ ದೈಹಿಕ ಚಟುವಟಿಕೆ ಕಡಿಮೆಯಿದ್ದರೆ, ಅದನ್ನು ಪ್ರಾರಂಭಿಸುವ ಸಮಯ ಬಂದಿದೆ. ಇದರರ್ಥ ನೀವು ಜಿಮ್ ಗೆ ಹೋಗಬೇಕು ಎಂದಲ್ಲ, ನಿಮಗೆ ಅಭ್ಯಾಸವಿಲ್ಲದಿದ್ದರೆ, ನೀವು ಯೋಗಾಸನ, ನಿಯಮಿತ ವ್ಯಾಯಾಮದಲ್ಲಿ ವಾಕಿಂಗ್ ಸಹ ಸೇರಿಸಬಹುದು. ನೀವು ಇದನ್ನು ಪ್ರತಿದಿನ ಮಾಡಲು ಸಾಧ್ಯವಾಗದಿದ್ದರೆ, ವಾರಕ್ಕೆ 150 ನಿಮಿಷಗಳ ವ್ಯಾಯಾಮವೂ ಸಾಕು. ಇದು ನಿಮ್ಮ ದೇಹದ ಕೊಬ್ಬನ್ನು ಕಡಿಮೆ ಮಾಡಲು ಬಹಳ ಸಹಾಯ ಮಾಡುತ್ತೆ.
ಹೆವಿ ಎಕ್ಸರ್ಸೈಜ್ (Heavy Workout): ನೀವು ಹೆವಿ ಎಕ್ಸರ್ಸೈಜ್ ಮಾಡಲು ಬಯಸೋದಾದ್ರೆ, ತೂಕವನ್ನು ಎತ್ತೋದು ಅಥವಾ ದೇಹದ ತೂಕದ ಅನುಸಾರ ವ್ಯಾಯಾಮ ಮಾಡೋದು ನಿಮ್ಮ ಸ್ನಾಯುಗಳನ್ನು ನಿರ್ಮಿಸಲು ಉತ್ತಮ ಮಾರ್ಗವಾಗಿದೆ. ಇದು ನಿಮ್ಮ ದೇಹದಲ್ಲಿನ ಕೊಬ್ಬಿನ ಶೇಕಡಾವಾರು ಪ್ರಮಾಣವನ್ನು ಕಡಿಮೆ ಮಾಡುತ್ತೆ. ನೀವು ಹೆಚ್ಚು ಸ್ನಾಯು ಹೊಂದಿದ್ದರೆ, ನಿಮ್ಮ ದೇಹವು ಹೆಚ್ಚು ಶಕ್ತಿಯನ್ನು ಆರಾಮವಾಗಿ ಕಳೆಯುತ್ತೆ.
ಸಾಕಷ್ಟು ನಿದ್ರೆ ಮಾಡಿ (Healthy Sleep): ಸಾಕಷ್ಟು ನಿದ್ರೆ ಪಡೆಯದಿರೋದು ನಿಮ್ಮ ಕೊಬ್ಬಿನ ಸಮಸ್ಯೆಯನ್ನು ಹೆಚ್ಚಿಸುತ್ತೆ, ಏಕೆಂದರೆ ನಂತರ ನೀವು ಹೆಚ್ಚು ಹೆಚ್ಚು ಆಹಾರಗಳನ್ನು ತಿನ್ನುತ್ತೀರಿ, ಇದರಿಂದಾಗಿ ನಿಮಗೆ ವ್ಯಾಯಾಮ ಮಾಡಲು ಸಾಕಷ್ಟು ಶಕ್ತಿ ಇರೋದಿಲ್ಲ. ಹಾಗಾಗಿ ನೀವು ಸರಿಯಾಗಿ ನಿದ್ರೆ ಮಾಡೋದು ಮುಖ್ಯ.
ಒತ್ತಡದ ಮಟ್ಟವನ್ನು ಕಡಿಮೆ ಮಾಡಲು ಪ್ರಯತ್ನಿಸಿ (Stress Level): ಒತ್ತಡದ ಮಟ್ಟ ಹೆಚ್ಚುವರಿ ಕೊಬ್ಬನ್ನು ಸಂಗ್ರಹಿಸಬಹುದು. ಆದ್ದರಿಂದ ನಿಮ್ಮ ಇಡೀ ದಿನವನ್ನು ಒತ್ತಡ ರಹಿತವಾಗಿಸುವ ತಂತ್ರಗಳ ಬಗ್ಗೆ ಯೋಚಿಸಿ ಮತ್ತು ಅದಕ್ಕಾಗಿ ಪ್ರಯತ್ನ ಮಾಡಿ. ನೀವು ಸ್ಟ್ರೆಸ್ ಫ್ರೀ ಆಗಿದ್ದರೆ, ಮನಸ್ಸು ಆರಾಮವಾಗಿರುತ್ತೆ, ಇದರಿಂದ ದೇಹದಲ್ಲಿ ಹೆಚ್ಚು ಫ್ಯಾಟ್ ಕೂಡ ತುಂಬೋದಿಲ್ಲ.