ನಿಮ್ಮ ಬ್ರೈನ್ ಶಾರ್ಪ್ ಆಗಬೇಕೆ? ಹಾಗಿದ್ರೆ ದಿನಕ್ಕೆ 5 ನಿಮಿಷ ಇದನ್ನು ಮಾಡಿ

ನಿಮ್ಮ ಮೆದುಳು ಶಾರ್ಪ್ ಆಗಿರಬೇಕೆ? ಹಾಗಿದ್ರೆ ಪ್ರತಿದಿನ ಕೇವಲ ಐದು ನಿಮಿಷಗಳು ಮಾತ್ರ ಸ್ಮರಣೆ, ಏಕಾಗ್ರತೆ ಮತ್ತು ಒಟ್ಟಾರೆ ಮೆದುಳಿನ ಕಾರ್ಯವನ್ನು ಹೆಚ್ಚಿಸುವ ಒಂದಿಷ್ಟು ಚಟುವಟಿಕೆಗಳನ್ನು ಮಾಡಬೇಕು. ಇದು ದೈಹಿಕ ಚಟುವಟಿಕೆ, ಮಾನಸಿಕ ವ್ಯಾಯಾಮ ಅಥವಾ ವಿಶ್ರಾಂತಿ ವಿಧಾನಗಳಾಗಿರಲಿ, ಈ ಸಣ್ಣ ಅಭ್ಯಾಸಗಳು ಮೆದುಳಿನ ಆರೋಗ್ಯಕ್ಕೆ ಗಮನಾರ್ಹ ಕೊಡುಗೆ ನೀಡುತ್ತವೆ.  

ಕಣ್ಣಿನ ವ್ಯಾಯಾಮಗಳು
ದೀರ್ಘಕಾಲ ಸ್ಕ್ರೀನ್ ನೋಡೋದರಿಂದ ಕಣ್ಣಿನ ಮೇಲೆ ಒತ್ತಡ ಉಂಟಾಗುತ್ತೆ, ಜೊತೆಗೆ ಅರಿವಿನ ಸಾಮರ್ಥ್ಯಗಳನ್ನು ದುರ್ಬಲಗೊಳಿಸುತ್ತೆ. ಸರಳವಾದ ಐದು ನಿಮಿಷಗಳ ಕಣ್ಣಿನ ವ್ಯಾಯಾಮ 20-20-20 ಟ್ರೈ ಮಾಡಿ (ಪ್ರತಿ 20 ನಿಮಿಷಗಳಿಗೊಮ್ಮೆ 20 ಸೆಕೆಂಡುಗಳ ಕಾಲ 20 ಅಡಿ ದೂರವನ್ನು ದಿಟ್ಟಿಸಿ). ಆರೋಗ್ಯಕರ ಕಣ್ಣುಗಳು ಸುಧಾರಿತ ಮೆದುಳಿನ ಸಂಸ್ಕರಣೆ ಮತ್ತು ಏಕಾಗ್ರತೆಯನ್ನು ಉತ್ತೇಜಿಸುತ್ತವೆ 

ಹೊಸ ಪದವನ್ನು ಕಲಿಯಿರಿ
ಹೊಸ ಪದವನ್ನು ಕಲಿಯುವುದು ಮತ್ತು ಅದನ್ನು ವಾಕ್ಯವಾಗಿ ಬರೆಯುವುದು ಮನಸ್ಸನ್ನು ಮತ್ತಷ್ಟು ಚುರುಕಾಗಿಸುತ್ತೆ. ಹಲವು ಸಮಯದ ನಂತರ, ಈ ಸಣ್ಣ ಅಭ್ಯಾಸವು ನಿರರ್ಗಳವಾಗಿ ಮಾತನಾಡಲು ಹಾಗೂ ಆತ್ಮವಿಶ್ವಾಸ ಹೊಂದಲು ಸಹಾಯ ಮಾಡುತ್ತೆ. 

ಆಳವಾದ ಉಸಿರಾಟದ ವ್ಯಾಯಾಮ
ಐದು ನಿಮಿಷಗಳ ದೀರ್ಘಕಾಲದ ಉಸಿರಾಟವು ಮೆಮೊರಿಯನ್ನು ಸುಧಾರಿಸುತ್ತದೆ, ಭಾವನೆಗಳನ್ನು ನಿರ್ವಹಿಸುತ್ತದೆ ಮತ್ತು ಹಗಲಿನಲ್ಲಿ ಮಾನಸಿಕ ದೃಢತೆಯನ್ನು ಹೆಚ್ಚಿಸುತ್ತದೆ. ಪ್ರತಿದಿನ 5 ನಿಮಿಷಗಳ ಕಾಲ ಡಯಾಫ್ರಾಗ್ಮ್ಯಾಟಿಕ್ ಅಥವಾ ಬಾಕ್ಸ್ ಉಸಿರಾಟದಂತಹ ನಿಯಂತ್ರಿತ ಉಸಿರಾಟವನ್ನು ಮಾಡಲು ಪ್ರಯತ್ನಿಸಿ. 

ಬ್ರೈನ್ ಪಝಲ್ ಬಿಡಿಸಿ
ಕ್ರಾಸ್ ವರ್ಡ್, ಸುಡೋಕು, ಅಥವಾ ವರ್ಡ್ ಗೇಮ್ ನಿಮ್ಮ ಮೆದುಳನ್ನು ಚುರುಕಾಗಿಸುತ್ತೆ. ಇದು ಸಮಸ್ಯೆಯನ್ನು ಪರಿಹರಿಸುವ ಸಾಮರ್ಥ್ಯ ಮತ್ತು ಮೆಮೊರಿಯನ್ನು ಸುಧಾರಿಸುತ್ತದೆ. ಒಗಟುಗಳು ತರ್ಕ ಮತ್ತು ಪ್ಯಾಟರ್ನ್ ರೆಕಗ್ನಿಶನ್ ಮೊದಲಾದ ವಿಧಾನಗಳನ್ನು ಒಳಗೊಂಡಿವೆ. 

ಕಾರ್ಡಿಯೋ ಎಕ್ಸರ್ ಸೈಜ್
ಕಾರ್ಡಿಯೋ ಎಕ್ಸರ್ ಸೈಜ್ ಮಾಡೋದರಿಂದ ಸ್ಮರಣೆ, ಜಾಗರೂಕತೆ ಮತ್ತು ಒಟ್ಟಾರೆ ಮೆದುಳಿನ ಪ್ಲಾಸ್ಟಿಸಿಟಿಯನ್ನು ಸುಧಾರಿಸಲು ಸಹಾಯ ಮಾಡುತ್ತದೆ. ಜಂಪಿಂಗ್ ಜಾಕ್ ಗಳು, ಚುರುಕಾದ ನಡಿಗೆ ಇವೆಲ್ಲವೂ ಮೆದುಳಿಗೆ ಆಮ್ಲಜನಕವನ್ನು ಒದಗಿಸುತ್ತೆ. 

ಗ್ರಾಟಿಟ್ಯೂಡ್
ನೀವು ಕೃತಜ್ಞರಾಗಿರುವ ಮೂರು ವಿಷಯಗಳನ್ನು ಬರೆಯುವುದು ಮೆದುಳನ್ನು ಸಕಾರಾತ್ಮಕ ಚಿಂತನೆಯ ಕಡೆಗೆ ತಿರುಗಿಸುತ್ತದೆ. ಕೃತಜ್ಞತಾ ಅಭ್ಯಾಸವು ಡೋಪಮೈನ್ ಮತ್ತು ಸಿರೊಟೋನಿನ್ ಅನ್ನು ಹೆಚ್ಚಿಸುತ್ತದೆ, ಇದು ಸಂತೋಷ ಮತ್ತು ಒತ್ತಡ ಕಡಿತಕ್ಕೆ ಸಂಬಂಧಿಸಿದ ನರಪ್ರೇಕ್ಷಕಗಳಾಗಿವೆ. 

ಸ್ಕೆಚಿಂಗ್
ಸಿಂಪಲ್ ಆಗಿರುವ ಚಿತ್ರ ಬಿಡಿಸೋದು, ಸ್ಕೆಚ್ ಮಾಡೋದು ಇವೆಲ್ಲವೂ ಸಹ ಅರಿವಿನ ನಮ್ಯತೆ, ಒಟ್ಟಾರೆ ಮಾನಸಿಕ ಚುರುಕುತನ ಮತ್ತು ಸೃಜನಶೀಲತೆಯನ್ನು ಹೆಚ್ಚಿಸುತ್ತವೆ. ಕಲೆಯ ಇಂತಹ ಸೃಜನಶೀಲ ಅಭಿವ್ಯಕ್ತಿಯು ನರ ಸಂಪರ್ಕಗಳನ್ನು ನಿರ್ಮಿಸುತ್ತದೆ, ಗಮನವನ್ನು ತೀಕ್ಷ್ಣಗೊಳಿಸುತ್ತದೆ ಮತ್ತು ಒತ್ತಡವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

ಶಾಸ್ತ್ರೀಯ ಸಂಗೀತ ಕೇಳುವುದು
ಸಂಗೀತವನ್ನು ಕೇಳುವುದು, ವಿಶೇಷವಾಗಿ ಶಾಸ್ತ್ರೀಯ ಅಥವಾ ವಾದ್ಯಗಳನ್ನು ಕೇಳೋದರಿಂದ ಮೆಮೊರಿ ಪವರ್ ಹೆಚ್ಚುತ್ತೆ, ಏಕಾಗ್ರತಾ ಶಕ್ತಿ ಕೂಡ ಹೆಚ್ಚಾಗುತ್ತೆ. ಐದು ನಿಮಿಷಗಳ ಕಾಲ ಶಾಸ್ತ್ರೀಯ ಸಂಗೀತ ಆಲಿಸುವುದು ಒತ್ತಡದ ಹಾರ್ಮೋನುಗಳನ್ನು ಕಡಿಮೆ ಮಾಡುತ್ತದೆ, ಬೌದ್ಧಿಕ ಪ್ರಕ್ರಿಯೆಯನ್ನು ಹೆಚ್ಚಿಸುತ್ತದೆ ಮತ್ತು ಮನಸ್ಥಿತಿಯನ್ನು ಸುಧಾರಿಸುತ್ತೆ. 

ಹೈಡ್ರೇಟ್ ಆಗಿರಿ
ನೆನಪಾದಾಗಲೆಲ್ಲಾ ಒಂದು ಲೋಟ ನೀರು ಕುಡಿಯುವ ಮೂಲಕ ಹೈಡ್ರೇಟ್ ಮಾಡಿಕೊಳ್ಳೋದು ಮುಖ್ಯ. ಇದರಿಂದ ನಮ್ಮ ಜಲಸಂಚಯನದ ಮಟ್ಟವನ್ನು ಮರುಪೂರಣ ಮಾಡುತ್ತದೆ, ಮೆದುಳಿಗೆ ಆಮ್ಲಜನಕ ಮತ್ತು ಪೋಷಕಾಂಶಗಳ ವಿತರಣೆ ಕೂಡ ಹೆಚ್ಚುತ್ತೆ. ನಿರ್ಜಲೀಕರಣದಿಂದ ಸ್ಮರಣೆ ಮತ್ತು ಏಕಾಗ್ರತೆ ಶಕ್ತಿ ಕಡಿಮೆಯಾಗುತ್ತೆ, ಆದ್ದರಿಂದ ಆವಾಗವಾಗ ನೀರು ಕುಡಿಯೋದನ್ನು ಮರಿಬೇಡಿ.