ಪುದೀನಾವನ್ನು (mint leaves) ಮೆಚ್ಚದವರು ಇಲ್ಲ ಎಂದೇ ಹೇಳಬಹುದು. ಯಾಕೆಂದರೆ ಪುದೀನಾದ ರುಚಿ, ಪರಿಮಳ ತುಂಬಾನೇ ಸೊಗಸಾಗಿರುತ್ತದೆ. ಅಲ್ಲದೆ ಇದು ಉತ್ತಮ ಆರೋಗ್ಯಕ್ಕೂ (Health) ಸಹಕಾರಿಯಾಗಿರುವ ಒಂದು ಆಯುರ್ವೇದೀಯ ಗಿಡಮೂಲಿಕೆಯಾಗಿದೆ. ಇದನ್ನು ನೀವು ತೂಕ (Weight) ಇಳಿಸಿಕೊಳ್ಳಲು. ಬೆಲ್ಲಿ ಫ್ಯಾಟ್ (Belly Fat) ಇಳಿಸಿಕೊಳ್ಳಲು ಸಹಾಯ ಮಾಡುತ್ತದೆ. ಅದು ಹೇಗೆ ಅನ್ನೋದು ನೋಡೋಣಾ...
ಪುದೀನಾದ ಚೇತೋಹಾರಿ ರುಚಿಯು ಚಟ್ನಿಗಳಿಂದ ಹಿಡಿದು ರಾಯಿತಗಳು ಮತ್ತು ಬಿರಿಯಾನಿವರೆಗೆ ಎಲ್ಲದರ ರುಚಿಯನ್ನು ಹೆಚ್ಚಿಸುತ್ತದೆ. ಆಯುರ್ವೇದವು(ayurveda) ಪುದೀನಾವನ್ನು ಅದರ ಉತ್ತಮ ವೈದ್ಯಕೀಯ ಗುಣಲಕ್ಷಣಗಳಿಗಾಗಿ ಮತ್ತು ನಮ್ಮ ಆಹಾರಗಳು ಮತ್ತು ಪಾನೀಯಗಳನ್ನು ಪರಿಮಳಯುಕ್ತವಾಗಿಸಲು ಹೆಚ್ಚು ಬಳಕೆ ಮಾಡಲಾಗುತ್ತದೆ.
ಪುದೀನಾದಲ್ಲಿರುವ ಮುಖ್ಯ ತೈಲವು ಆಂಟಿಸೆಪ್ಟಿಕ್ ಮತ್ತು ಬ್ಯಾಕ್ಟೀರಿಯಾ ವಿರೋಧಿ (anti bacteria) ಗುಣಲಕ್ಷಣಗಳನ್ನು ಹೊಂದಿದ್ದು, ಇದು ಅಜೀರ್ಣ ನಿವಾರಿಸಲು ಸಹಾಯ ಮಾಡುತ್ತದೆ. ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ನಿಯಂತ್ರಿಸಲು ಪುದೀನಾ ಪ್ರಯೋಜನಕಾರಿಯಾಗಿದೆ. ಇದು ಉರಿಯೂತ ಶಮನಕಾರಿ ಪರಿಣಾಮಗಳಿಂದ ತುಂಬಿದೆ, ಇದು ಅಸ್ತಮಾದೊಂದಿಗೆ ವಾಸಿಸುವ ಜನರಿಗೆ ಜೀವರಕ್ಷಕವಾಗಬಹುದು. ಪುದೀನಾ ಎಲೆಗಳು ಕ್ರಿಮಿನಾಶಕ ಗುಣಲಕ್ಷಣಗಳನ್ನು ಹೊಂದಿರುವುದರಿಂದ, ಅವುಗಳನ್ನು ಜಗಿಯುವುದು ನಿಮ್ಮ ಉಸಿರಾಟವನ್ನು ತ್ವರಿತವಾಗಿ ತಾಜಾಗೊಳಿಸಲು ಸಹಾಯ ಮಾಡುತ್ತದೆ.
ಇದಲ್ಲದೆ, ಹೆಚ್ಚಿನ ಸಂಖ್ಯೆಯ ಪುದೀನಾ ಎಲೆಗಳು (mint leaves) ಒಂದು ಅಥವಾ ಎರಡು ಪೌಂಡ್ ಗಳನ್ನು ಕಳೆದುಕೊಳ್ಳಲು ನಿಮಗೆ ಸಹಾಯ ಮಾಡಬಹುದು. ಮತ್ತು ತೂಕ ಇಳಿಸಿಕೊಳ್ಳುವುದು ಎಂದರೆ ಕಡಿಮೆ ಕೊಬ್ಬಿನ ಆಹಾರವನ್ನು ತಿನ್ನುವುದು ಎಂದು ನೀವು ಭಾವಿಸಿದ್ದೀರಾ? ಪುದೀನಾ ಎಲೆಗಳು ತೂಕ ಇಳಿಸಿಕೊಳ್ಳಲು ಹೇಗೆ ಸಹಾಯ ಮಾಡುತ್ತದೆ ಎಂದು ತಿಳಿಯಿರಿ.
ಚಯಾಪಚಯವನ್ನು ಹೆಚ್ಚಿಸುತ್ತದೆ: ಪುದೀನಾ ಜೀರ್ಣಕಾರಿ (digestion) ಕಿಣ್ವವನ್ನು ಉತ್ತೇಜಿಸುತ್ತದೆ, ಆಹಾರದಿಂದ ಹೆಚ್ಚು ಪೌಷ್ಠಿಕಾಂಶವನ್ನು ಹೀರಿಕೊಳ್ಳುತ್ತದೆ. ನಿಮ್ಮ ದೇಹವು ಪೋಷಕಾಂಶದ ಅಂಶವನ್ನು ಹೀರಿಕೊಳ್ಳಲು ಸಾಧ್ಯವಾದಾಗ ನಿಮ್ಮ ಚಯಾಪಚಯ ಕ್ರಿಯೆಯು ಸುಧಾರಿಸುತ್ತದೆ.
ಕಡಿಮೆ ಕ್ಯಾಲೋರಿಗಳು: ಈ ಗಿಡಮೂಲಿಕೆಯಲ್ಲಿ ಕಡಿಮೆ ಕ್ಯಾಲೋರಿ (low callories) ಅಂಶವಿದೆ. ಎರಡು ಟೀಚಮಚ ತಾಜಾ ಪುದೀನಾ ಕೇವಲ ಎರಡು ಕ್ಯಾಲೋರಿಗಳನ್ನು ಹೊಂದಿರುತ್ತದೆ, ಇದು ತೂಕ ಇಳಿಸುವ ಕ್ರಿಯೆಗೆ ಅತ್ಯುತ್ತಮ ಮೂಲಿಕೆಯಾಗಿದೆ. ಇದನ್ನು ನೀವು ತೂಕ ಇಳಿಕೆಗೆ ಬಳಕೆ ಮಾಡಬಹುದು.
ತೂಕ ಇಳಿಸಿಕೊಳ್ಳಲು ಪುದೀನಾ ಎಲೆಗಳನ್ನು ಬಳಸಿ
ಪುದೀನಾ ಸೇರಿಸಿದ ನೀರು: ದಿನವಿಡೀ ತಾಜಾ ಮತ್ತು ಶಕ್ತಿಯುತವಾಗಿ ಉಳಿಯಲು ಬಯಸಿದರೆ, ಜೊತೆಗೆ ತೂಕ ಕಡಿಮೆ ಮಾಡಲು ಪುದೀನಾವನ್ನು ನೀರಿನ ಜೊತೆ ಸೇರಿಸಿ ಸೇವಿಸಬೇಕು. ಒಂದು ಪಾತ್ರೆಯಲ್ಲಿ ಅರ್ಧದಷ್ಟು ನೀರಿನಿಂದ ತುಂಬಿಸಿ, 5-6 ಪುದೀನಾ ಎಲೆಗಳನ್ನು ಸೇರಿಸಿ ಮತ್ತು ರಾತ್ರಿಯಿಡೀ ಹಾಗೆ ಬಿಡಿ. ಈ ಪರಿಮಳಯುಕ್ತ ನೀರನ್ನು ದಿನವಿಡೀ ಕುಡಿಯುವುದನ್ನು ಮುಂದುವರಿಸಿ. ಬಯಸಿದರೆ, ಕತ್ತರಿಸಿದ ಸೌತೆಕಾಯಿಗಳನ್ನು ಸೇರಿಸಬಹುದು.
ಪುದೀನಾ ಚಹಾ: ನೀವು ನಿಮ್ಮ ಚಹಾಕ್ಕೆ ಈ ಗಿಡಮೂಲಿಕೆಯನ್ನು ಸಹ ಸೇರಿಸಬಹುದು. ಈ ಚಹಾವು (mint tea)ನಿಮ್ಮ ಚಯಾಪಚಯವನ್ನು ಹೆಚ್ಚಿಸುತ್ತದೆ ಮತ್ತು ತೂಕವನ್ನು ಕಳೆದುಕೊಳ್ಳಲು ನಿಮಗೆ ಸಹಾಯ ಮಾಡುತ್ತದೆ. ಕೆಲವು ಒಣಗಿದ ಪುದೀನಾ ಎಲೆಗಳನ್ನು ತೆಗೆದುಕೊಂಡು ಕುದಿಯುವ ನೀರಿನ ಪಾತ್ರೆಯಲ್ಲಿ ಹಾಕಿ 8-10 ನಿಮಿಷಗಳ ಕಾಲ ಬಿಡಿ. ನಂತರ ಅದನ್ನು ತೆಗೆದು ಸರ್ವ್ ಮಾಡಿ. ನೀವು ಬಯಸಿದರೆ ಒಂದು ಚಮಚ ಜೇನುತುಪ್ಪ ಸೇರಿಸಬಹುದು.
ಪುದೀನಾ ರಾಯಿತಾ: ನಿಮ್ಮ ನೆಚ್ಚಿನ ಬೇಸಿಗೆಯ ಊಟವು ನಿಮ್ಮ ತೂಕವನ್ನು ಕಳೆದುಕೊಳ್ಳಲು ಸಹಾಯ ಮಾಡುತ್ತದೆ. ಮೊಸರು ನಿಮ್ಮ ಕರುಳಿನ ಮೈಕ್ರೋಬಯೋಟಾಗೆ ವಿಶೇಷವಾಗಿ ಪ್ರಯೋಜನಕಾರಿಯಾಗಿದೆ. ಕರುಳಿನ ಆರೋಗ್ಯವು ಅತ್ಯುತ್ತಮ ಜೀರ್ಣಕ್ರಿಯೆಗೆ ಅತ್ಯಗತ್ಯ, ಇದು ದೀರ್ಘಾವಧಿಯಲ್ಲಿ ತೂಕ ಕಳೆದುಕೊಳ್ಳಲು ಸಹಾಯ ಮಾಡುತ್ತದೆ.