ಈ ಆರೋಗ್ಯ ಸಮಸ್ಯೆ ಇರೋರು ತುಪ್ಪ ತಿನ್ನಲೇಬಾರದು!

ತುಪ್ಪ ಅನಾದಿಕಾಲದಿಂದಲೂ ನಮ್ಮ ಆಹಾರದ ಭಾಗ. ಬಹುತೇಕರು ತುಪ್ಪವನ್ನು ಅಡುಗೆಯಲ್ಲಿ ಬಳಸುತ್ತಾರೆ. ಏಕೆಂದರೆ ತುಪ್ಪದಲ್ಲಿ ಆರೋಗ್ಯಕರ ಕೊಬ್ಬಿನಾಂಶ ಹೆಚ್ಚಿದೆ. ಮುಖ್ಯವಾಗಿ ವಿಟಮಿನ್ ಎ, ಡಿ, ಇ, ಕೆಯೂ ಹೇರಳವಾಗಿದೆ. ಆದ್ರೆ ಕೆಲವು ಆರೋಗ್ಯ ಸಮಸ್ಯೆ ಇರುವವರು ತುಪ್ಪವನ್ನು ತಿನ್ನಲೇಬಾರದು.ಹಾಗಾದ್ರೆ ಯಾರು ತುಪ್ಪ ತಿನ್ನಬಾರದು?  

ತುಪ್ಪ ಪೌಷ್ಟಿಕಾಂಶಗಳ ಆಗರ. ನಮ್ಮ ದಿನನಿತ್ಯದ ಆಹಾರದಲ್ಲಿ ಸೇರಿಸಿಕೊಳ್ಳಬಹುದಾದ ಸೂಪರ್ ಫುಡ್ ಇದು. ತುಪ್ಪ ತಿಂದ್ರೆ ಆರೋಗ್ಯಕ್ಕೆ ತುಂಬಾ ಒಳ್ಳೇದು. ತುಪ್ಪದಲ್ಲಿ ಹೆಲ್ದೀ ಫ್ಯಾಟ್ಸ್ ಹೆಚ್ಚಿದೆ ಅಷ್ಟೇ ಅಲ್ಲ, ನಮ್ಮ ಶರೀರಕ್ಕೆ ಬೇಕಾದ ವಿಟಮಿನ್ ಎ, ಡಿ, ಇ, ಕೆ ಹೇರಳವಾಗಿದೆ. ತುಪ್ಪ ಶರೀರಕ್ಕೆ ಬೇಕಾದ ಪೌಷ್ಟಿಕಾಂಶಗಳನ್ನು ಒದಗಿಸುತ್ತೆ. ಆರೋಗ್ಯಕರ ಕೊಬ್ಬನ್ನು ಹೆಚ್ಚಿಸುತ್ತೆ, ಹಲವು ಆರೋಗ್ಯ ಸಮಸ್ಯೆಗಳನ್ನು ಕಡಿಮೆ ಮಾಡುತ್ತೆ ತುಪ್ಪ. ತುಪ್ಪ ದಿನಕ್ಕೆ ದೇಹಕ್ಕೆ ಬೇಕಾದ ವಿಟಮಿನ್ ಇ ನ 11% ಮತ್ತು ವಿಟಮಿನ್ ಎ ನ 100% ಒದಗಿಸುತ್ತೆ. ಹಾಗೆಯೇ ಇದರಲ್ಲಿ ಫ್ಯಾಟಿ ಆಸಿಡ್ ಕೂಡ ಇದೆ. 

ತುಪ್ಪ ಜಾಸ್ತಿ ತಿಂದ್ರೆ ಹಾರ್ಟ್ ಪ್ರಾಬ್ಲಮ್ ಆಗುತ್ತೆ ಅಂತ ಅನೇಕರು ಅಂದುಕೊಳ್ತಾರೆ. ಆದ್ರೆ ಅದು ತಪ್ಪು. ಮಿತವಾಗಿ ತಿಂದ್ರೆ ತುಪ್ಪ ಹೃದಯದ ಆರೋಗ್ಯಕ್ಕೆ ಒಳ್ಳೇದು. ಅಷ್ಟೇ ಅಲ್ಲ, ಶರೀರದಲ್ಲಿರುವ ವಿಷಕಾರಿ ಅಂಶಗಳನ್ನು ಹೊರಹಾಕುತ್ತೆ, ಚರ್ಮದ ಸೌಂದರ್ಯವನ್ನು ಹೆಚ್ಚಿಸುತ್ತೆ, ದೈಹಿಕ ಮತ್ತು ಮಾನಸಿಕ ಸಾಮರ್ಥ್ಯವನ್ನು ಹೆಚ್ಚಿಸುತ್ತೆ. ಇಷ್ಟೆಲ್ಲಾ ಉಪಯೋಗಗಳಿರುವ ತುಪ್ಪನ ಕೆಲವರು ತಿನ್ನಲೇಬಾರದು ಅಂತ ನಿಮಗೆ ಗೊತ್ತಾ? ಯಾರು ತುಪ್ಪ ತಿನ್ನಬಾರದು ಅಂತ ಈಗ ನೋಡೋಣ.

ತುಪ್ಪದ ಉಪಯೋಗಗಳು

ಜೀರ್ಣಕ್ರಿಯೆ ಸಮಸ್ಯೆ ಇರುವವರು

ಸೂಕ್ಷ್ಮ ಜೀರ್ಣಾಂಗ ವ್ಯವಸ್ಥೆ ಇರುವವರು ತುಪ್ಪ ತಿನ್ನಬಾರದು. ತುಪ್ಪ ತಿಂದ್ರೆ ಹೊಟ್ಟೆ ಉಬ್ಬರ, ವಾಕರಿಕೆ, ಅಜೀರ್ಣ ಆಗಬಹುದು. ಪಿತ್ತಕೋಶದ ಸಮಸ್ಯೆ, ದೀರ್ಘಕಾಲದ ಜೀರ್ಣಕ್ರಿಯೆ ಸಮಸ್ಯೆ, ಇರಿಟೇಬಲ್ ಬವೆಲ್ ಸಿಂಡ್ರೋಮ್ ಇರುವವರಿಗೆ ತುಪ್ಪ ಸಮಸ್ಯೆಯನ್ನು ಹೆಚ್ಚಿಸಬಹುದು.

ತೂಕ ನಿಯಂತ್ರಣ

ತೂಕ ಇಳಿಸಿಕೊಳ್ಳೋರು ತುಪ್ಪ ಜಾಸ್ತಿ ತಿನ್ನಬಾರದು. ಆದ್ರೆ, ಸ್ವಲ್ಪ ತಿಂದ್ರೆ ಹಸಿವು ನಿಯಂತ್ರಣದಲ್ಲಿರುತ್ತೆ. ತೂಕ ಇಳಿಸಿಕೊಳ್ಳಲು ಕಡಿಮೆ ಕ್ಯಾಲೋರಿ ಇರುವ ಆಹಾರ ತಿನ್ನಬೇಕು.

ಲಿವರ್ ಸಮಸ್ಯೆ

ಲಿವರ್ ಸಮಸ್ಯೆ ಇರುವವರು ಜಾಗ್ರತೆ ವಹಿಸಬೇಕು. ತುಪ್ಪದಲ್ಲಿ ಕೊಬ್ಬು ಜಾಸ್ತಿ ಇರೋದ್ರಿಂದ ಲಿವರ್ ಸಮಸ್ಯೆ ಹೆಚ್ಚಾಗಬಹುದು.

ಹೆಚ್ಚಿನ ಕೊಲೆಸ್ಟ್ರಾಲ್

ಕೊಲೆಸ್ಟ್ರಾಲ್ ಜಾಸ್ತಿ ಇರುವವರು ತುಪ್ಪ, ಬೆಣ್ಣೆ, ಎಣ್ಣೆ ತಿನ್ನಬಾರದು. ಆದ್ರೆ, ಸ್ವಲ್ಪ ತಿಂದ್ರೆ ಒಳ್ಳೆಯ ಕೊಲೆಸ್ಟ್ರಾಲ್ ನಿಯಂತ್ರಣದಲ್ಲಿರುತ್ತೆ. ತುಪ್ಪ ಜಾಸ್ತಿ ತಿಂದ್ರೆ ಹೃದಯದ ಆರೋಗ್ಯಕ್ಕೆ ಹಾನಿಕರ.