ನಮಗೆ ಆರಾಮಿಲ್ಲದಾಗ ನಾವು ಸಾಮಾನ್ಯವಾಗಿ ಔಷಧಿಗಳನ್ನು ಸೇವಿಸುತ್ತೇವೆ. ಈ ಔಷಧಿಗಳನ್ನು ಹೆಚ್ಚಾಗಿ ಊಟ, ತಿಂಡಿ ಮಾಡಿದ ನಂತರವೇ ಸೇವಿಸುತ್ತೇವೆ. ಆದ್ರೆ ನಿಮಗೆ ಗೊತ್ತಾ? ಕೆಲವೊಂದು ಆಹಾರಗಳೊಂದಿಗೆ ಮೆಡಿಸಿನ್ ಸೇವಿಸಿದಾಗ, ಅಥವಾ ಕೆಲವು ಆಹಾರ ಸೇವಿಸಿದ ಬಳಿಕ ಔಷಧ ಸೇವಿಸಿದ್ರೆ ಅದರಿಂದ ಆರೋಗ್ಯದ ಮೇಲೆ ಗಂಭೀರ ಪರಿಣಾಮ ಬೀರುತ್ತೆ. ಹಾಗಿದ್ರೆ ಯಾವ ಆಹಾರ ಸೇವಿಸಿದ ಬಳಿಕ ಮೆಡಿಸಿನ್ ತೆಗೆದುಕೊಳ್ಳಬಾರದು ಅನ್ನೋದನ್ನು ನೋಡೋಣ.
ಕಳಪೆ ಲೈಫ್ ಸ್ಟೈಲ್, ತಪ್ಪಾದ ಆಹಾರ ಕ್ರಮ ಮತ್ತು ಒತ್ತಡವು ಬೊಜ್ಜು, ಮಧುಮೇಹ, ಪಾರ್ಶ್ವವಾಯು, ಅಧಿಕ ರಕ್ತದೊತ್ತಡ (high blood pressure) ಮತ್ತು ಹೃದ್ರೋಗಗಳ ಅಪಾಯವನ್ನು ಹೆಚ್ಚಿಸುತ್ತದೆ. ಈ ರೋಗಗಳನ್ನು ತಡೆಗಟ್ಟಲು, ನಿಮ್ಮ ದಿನಚರಿಯಲ್ಲಿ ಬದಲಾವಣೆಗಳನ್ನು ಮಾಡಿ, ಸರಿಯಾದ ಆಹಾರವನ್ನು ತೆಗೆದುಕೊಳ್ಳಿ ಮತ್ತು ಪ್ರತಿದಿನ ವ್ಯಾಯಾಮ ಮಾಡಿ.
ನೀವು ರೋಗದಿಂದ ಬಳಲುತ್ತಿದ್ದರೆ, ಔಷಧಿಗಳನ್ನು ತೆಗೆದುಕೊಳ್ಳುವುದರ ಜೊತೆಗೆ ಈ ನಿಯಮಗಳನ್ನು ಅನುಸರಿಸಿ. ಅಲ್ಲದೆ, ಔಷಧಿಗಳನ್ನು ತೆಗೆದುಕೊಳ್ಳುವಾಗ ಆಹಾರದ ಬಗ್ಗೆ ವಿಶೇಷ ಗಮನ ಹರಿಸಬೇಕು. ಯಾಕೆಂದರೆ ಕೆಲವೊಂದು ಆಹಾರಗಳನ್ನು ಸೇವಿಸಿದ ಬಳಿಕ ಮೆಡಿಸಿನ್ ತೆಗೆದುಕೊಂಡ್ರೆ ಅದರಿಂದ ಸಮಸ್ಯೆ ಉಂಟಾಗುತ್ತೆ. ಹಾಗಿದ್ರೆ ಅಂತಹ ಆಹಾರಗಳು ಯಾವುವು ನೋಡೋಣ.
ಸೊಪ್ಪು ತರಕಾರಿಗಳು
ತಜ್ಞರ ಪ್ರಕಾರ, ಹಸಿರು ಎಲೆ ತರಕಾರಿಗಳೊಂದಿಗೆ (green vegetables) ಅಥವಾ ಸೇವಿಸಿದ ನಂತರ ಔಷಧಿಯನ್ನು ಸೇವಿಸಬಾರದು. ವಿಶೇಷವಾಗಿ, ವಿಟಮಿನ್-ಕೆ-ಸಮೃದ್ಧ ಆಹಾರ ಸೇವಿಸಿದ ನಂತರ ವಾರ್ಫಾರಿನ್ ಸೇವಿಸುವುದು ಹಾನಿಕಾರಕ. ರಕ್ತದ ಹರಿವು, ರಕ್ತ ಹೆಪ್ಪುಗಟ್ಟುವಿಕೆ ಮತ್ತು ರಕ್ತ ಸಂಬಂಧಿತ ರೋಗಗಳ ಪರಿಣಾಮಗಳನ್ನು ಕಡಿಮೆ ಮಾಡಲು ವಾರ್ಫಾರಿನ್ ಬಳಸಲಾಗುತ್ತದೆ. ಇದಕ್ಕಾಗಿ, ಕೇಲ್, ಬ್ರೊಕೋಲಿ ಮತ್ತು ಸೊಪ್ಪು ತರಕಾರಿಗಳನ್ನು ಸೇವಿಸಿದ ತಕ್ಷಣ ಔಷಧಿಯನ್ನು ಸೇವಿಸಬೇಡಿ.
ಗ್ರೀನ್ ಟೀ
ಚಹಾದೊಂದಿಗೆ ಔಷಧಿ ಅಥವಾ ಔಷಧಿಯನ್ನು ತೆಗೆದುಕೊಂಡ ನಂತರ ಚಹಾ ಕುಡಿಯಬೇಡಿ. ಔಷಧದಲ್ಲಿರುವ ರಾಸಾಯನಿಕ ಅಂಶವು ಗ್ರೀನ್ ಟೀಯೊಂದಿಗೆ (green tea) ಆಕ್ಟೀವ್ ಆಗುತ್ತೆ ಮತ್ತು ಆಮ್ಲೀಯತೆಯನ್ನು ಉತ್ತೇಜಿಸುತ್ತದೆ. ಇದಕ್ಕಾಗಿ, ಚಹಾದೊಂದಿಗೆ ಔಷಧಿಯನ್ನು ತೆಗೆದುಕೊಳ್ಳದಿರುವುದು ಬಹಳ ಮುಖ್ಯ.
ವೈನ್
ಆಲ್ಕೋಹಾಲ್ ನೊಂದಿಗೆ ಔಷಧಿಯನ್ನು ತೆಗೆದುಕೊಳ್ಳಬೇಡಿ. ಆರೋಗ್ಯ ತಜ್ಞರ ಪ್ರಕಾರ, ಆಲ್ಕೋಹಾಲ್ (alcohol) ಸೇವನೆಯು ಯಕೃತ್ತಿನ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ. ಯಕೃತ್ತು ಸಹ ಹಾನಿಗೊಳಗಾಗಬಹುದು. ಅದೇ ಸಮಯದಲ್ಲಿ, ದೀರ್ಘಕಾಲೀನ ಔಷಧ ಸೇವನೆಯು ಪಿತ್ತಜನಕಾಂಗದ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರುತ್ತದೆ. ಇದಕ್ಕಾಗಿ, ಆಲ್ಕೋಹಾಲ್ ನೊಂದಿಗೆ ಔಷಧಿಯನ್ನು ಸೇವಿಸಬೇಡಿ.
ಬಾಳೆಹಣ್ಣು
ಕೆಲವೊಂದು ಆಹಾರಗಳ ಜೊತೆ ಔಷಧ ಸೇವಿಸುವುದು ಅನೇಕ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗುತ್ತದೆ. ಅಲ್ಲದೆ, ರಕ್ತದೊತ್ತಡ ನಿಯಂತ್ರಣ ಔಷಧಿಗಳನ್ನು ಬಾಳೆಹಣ್ಣಿನೊಂದಿಗೆ ಸೇವಿಸಬೇಡಿ. ಪೊಟ್ಯಾಸಿಯಮ್ ಸಮೃದ್ಧ ಆಹಾರದೊಂದಿಗೆ ಔಷಧಿಯನ್ನು (blood pressure) ಸೇವಿಸಬೇಡಿ. ಇದರಿಂದ ಆರೋಗ್ಯ ಸಮಸ್ಯೆಗಳು ಕಾಣಿಸಿಕೊಳ್ಳುತ್ತವೆ.
ಡೈರಿ ಉತ್ಪನ್ನಗಳು:
ಡೈರಿ ಉತ್ಪನ್ನಗಳಲ್ಲಿ ಕಂಡುಬರುವ ಕ್ಯಾಲ್ಸಿಯಂ ಐರನ್ ಸಪ್ಲಿಮೆಂಟ್ಸ್ ಮತ್ತು ಸಿಪ್ರೋ ಮತ್ತು ಕ್ವಿನೊಲೋನ್ (ಲೆವಾಕ್ವಿನ್) ನಂತಹ ಪ್ರತಿಜೀವಕಗಳ ಹೀರಿಕೊಳ್ಳುವಿಕೆಗೆ ಅಡ್ಡಿಪಡಿಸುತ್ತದೆ, ಇದರಿಂದ ಸಮಸ್ಯೆ ಉಂಟಾಗುವ ಸಾಧ್ಯತೆ ಇದೆ. ಆದುದರಿಂದ ಇವುಗಳನ್ನು ಸಾಧ್ಯವಾದಷ್ಟು ಅವಾಯ್ಡ್ ಮಾಡಿ.
ಅಧಿಕ ನಾರಿನಂಶವಿರುವ ಆಹಾರಗಳು:
ಅವು ಪೆನ್ಸಿಲಿನ್ ನಂತಹ ಕೆಲವು ಆಂಟಿ ಬಯೋಟಿಕ್ಸ್ (antibiotics)ಮೇಲೆ ಪರಿಣಾಮ ಬೀರುತ್ತವೆ. ನಾರಿನಂಶವು ಹೊಟ್ಟೆಯು ಖಾಲಿಯಾಗುವ ದರವನ್ನು ನಿಧಾನಗೊಳಿಸುವುದರಿಂದ, ಔಷಧೋಪಚಾರದ ಹೀರಿಕೊಳ್ಳುವಿಕೆಯ ದರವು ಸಹ ನಿಧಾನಗೊಳ್ಳುತ್ತದೆ, ಇದು ನಿಮಗೆ ನಿರೀಕ್ಷೆಗಿಂತ ಕಡಿಮೆ ರಕ್ತದ ಡೋಸ್ ಅನ್ನು ನೀಡುತ್ತದೆ.
ದ್ರಾಕ್ಷಿ ಹಣ್ಣಿನ ರಸ:
ಇದು ಕೆಲವು ಕೊಲೆಸ್ಟ್ರಾಲ್-ಕಡಿಮೆ ಮಾಡುವ ಏಜೆಂಟ್ ಗಳು, ಕೆಲವು ಹೃದಯದ ಔಷಧಿಗಳು, ಕೆಲವು ಪ್ರತಿರಕ್ಷಣಾ ವ್ಯವಸ್ಥೆಯ ಔಷಧಿಗಳು ಮತ್ತು ಅಲೆಗ್ರಾದಂತಹ ಕೆಲವು ಅಲರ್ಜಿ ಔಷಧಿಗಳ ಮೇಲೆ ಪರಿಣಾಮ ಬೀರುತ್ತದೆ. ದ್ರಾಕ್ಷಿ ಹಣ್ಣಿನ ರಸವು ಕರುಳಿನಲ್ಲಿ ಕಿಣ್ವಗಳ ಕ್ರಿಯೆಯನ್ನು ತಡೆಯುತ್ತದೆ, ಅದು ಅನೇಕ ಔಷಧಿಗಳನ್ನು ಚಯಾಪಚಯಗೊಳಿಸುತ್ತದೆ. ಇದರಿಂದ ಮೆಡಿಸಿನ್ ಹೆಚ್ಚಿನ ಪರಿಣಾಮ ಬೀರೋದಿಲ್ಲ.