ಕಂಪಿಸುವ ಚಳಿಯಲ್ಲೂ ಚೆನ್ನಾಗಿ ನಿದ್ರೆ ಬರಬೇಕು ಅಂದ್ರೆ ಇದನ್ನ ಮಾಡಿ

ವಿಪರೀತ ಚಳಿಯಿಂದಾಗಿ, ಕೆಲವು ಜನರು ನಿದ್ರೆ ಮಾಡಲು ತೊಂದರೆ ಅನುಭವಿಸುತ್ತಾರೆ. ಈ ಕಾರಣದಿಂದಾಗಿ, ಮರುದಿನ ಎದ್ದೇಳುವುದು ಕಷ್ಟ. ಸರಿಯಾಗಿ ನಿದ್ದೆ ಆಗದೇ ಇದ್ದರೆ ಮುಂದಿನ ದಿನವೂ ಸಮಸ್ಯೆಯಿಂದ ಕೂಡಿರುತ್ತೆ. ಉತ್ತಮ ನಿದ್ರೆ ಪಡೆಯಲು, ವೈದ್ಯರು ಕೆಲವು ಉತ್ತಮ ಪರಿಹಾರಗಳನ್ನು ನೀಡಿದ್ದಾರೆ, ಅದು ನಿಮ್ಮ ಸಮಸ್ಯೆಯನ್ನು ನಿವಾರಿಸಬಹುದು.  

ಚಳಿಗಾಲದಲ್ಲಿ, ಕೆಲವರು ಹೆಚ್ಚು ನಿದ್ರೆ ಪಡೆಯುತ್ತಾರೆ, ಮತ್ತು ಕೆಲವರು ಅತಿಯಾದ ಚಳಿಯಿಂದ ನಿದ್ರೆ ಮಾಡೋದಕ್ಕೆ ಸಾಧ್ಯವಾಗದೇ ಚಡಪಡಿಸುತ್ತಾರೆ. ನೀವು ನಿದ್ರೆ ಮಾಡುವ ರೀತಿಯೇ ನಿಮಗೆ ನಿದ್ದೆ ಬಾರದಿರಲು ಕಾರಣ ಇರಬಹುದು.  ಉದಾಹರಣೆಗೆ ತಂಪಾದ ತಾಪಮಾನ, ಬೆಳಕಿನಲ್ಲಿ ಕಡಿಮೆ ಸಮಯ ಕಳೆಯುವುದು ಇತ್ಯಾದಿ. ಈ ಕಾರಣಗಳನ್ನು ಅರ್ಥಮಾಡಿಕೊಳ್ಳುವ ಮೂಲಕ ಮತ್ತು ಸರಿಯಾದ ಕ್ರಮಗಳನ್ನು ಅನುಸರಿಸುವ ಮೂಲಕ ನೀವು ಸಾಕಷ್ಟು ನಿದ್ರೆ ಪಡೆಯಬಹುದು. 

ತಾಪಮಾನದಲ್ಲಿ ತೀವ್ರ ಕುಸಿತವು ಅಂದ್ರೆ ಅತಿಯಾದ ಚಳಿಯಿಂದಾಗಿ ನಿದ್ರೆ ಮಾಡಲು ಕಷ್ಟವಾಗಬಹುದು. ಚಳಿಗಾಲದಲ್ಲಿ ದಿನಗಳು ಕಡಿಮೆ ಇರೋದರಿಂದ, ಸೂರ್ಯನ ಬೆಳಕು ಹೆಚ್ಚಾಗಿ ಸಿಗೋದಿಲ್ಲ. ಇದು ಸಿರ್ಕಾಡಿಯನ್ ಲಯಗಳನ್ನು ಅಡ್ಡಿಪಡಿಸಬಹುದು. ಇದು ರಾತ್ರಿಯಲ್ಲಿ ಚೆನ್ನಾಗಿ ನಿದ್ರೆ ಮಾಡಲು ಮತ್ತು ಬೆಳಿಗ್ಗೆ ಬೇಗನೆ ಎಚ್ಚರಗೊಳ್ಳಲು ತೊಂದರೆ ನೀಡುತ್ತದೆ. ಈ ಋತುವಿನಲ್ಲಿ ಸೀಸನಲ್ ಎಫೆಕ್ಟಿವ್ ಡಿಸಾರ್ಡರ್ (SAD) ರೋಗಲಕ್ಷಣಗಳನ್ನು ಸಹ ಅನುಭವಿಸಬಹುದು, ಇದು ಖಿನ್ನತೆ, ಆಲಸ್ಯ ಮತ್ತು ನಿದ್ರಾಹೀನತೆಗೆ ಕಾರಣವಾಗಬಹುದು. ಹಾಗಿದ್ರೆ ಚೆನ್ನಾಗಿ ನಿದ್ರೆ ಮಾಡಲು ಏನು ಮಾಡಬೇಕು ಅನ್ನೋದನ್ನು ನೋಡೋಣ. 

ಕೋಣೆಯ ತಾಪಮಾನವನ್ನು ಸರಿಪಡಿಸಿ
ಉತ್ತಮ ನಿದ್ರೆಗೆ ನಿಮ್ಮ ಕೋಣೆಗೆ ಎಷ್ಟು ತಂಪು ಬೇಕೋ ಅಷ್ಟು ಇರುವಂತೆ ನೋಡಿಕೊಳ್ಳೋದು ಮುಖ್ಯ, ಹೆಚ್ಚು ತಂಪಾಗಿದ್ದರೆ ಮಲಗೋದು ಅಸಾಧ್ಯ.. ಕೋಣೆಯ ತಾಪಮಾನವನ್ನು (room tempreture) ಹೆಚ್ಚು ಹೆಚ್ಚಿಸದೆ ಬೆಚ್ಚಗಿಡಲು ನೀವು ಹೆಚ್ಚುವರಿ ಕಂಬಳಿಗಳನ್ನು ಬಳಸಬಹುದು. ಅಗತ್ಯವಿದ್ದರೆ ಹೀಟರ್ ಬಳಸಿ, ಆದರೆ ಅದು ಹಾಸಿಗೆಯಿಂದ ದೂರದಲ್ಲಿರುವಂತೆ ನೋಡಿಕೊಳ್ಳಬೇಕು. 

ಹಗಲು ಹೊತ್ತಿನಲ್ಲಿ ಸೂರ್ಯನ ಬಿಸಿನಲ್ಲಿ ಇರಿ
ಚಳಿಗಾಲದ ಹಗಲು ಕಡಿಮೆ, ಆದ್ದರಿಂದ ಹಗಲಿನಲ್ಲಿ ಕಡಿಮೆ ನೈಸರ್ಗಿಕ ಬೆಳಕು ಇರುತ್ತದೆ. ಆದ್ದರಿಂದ ಸಾಧ್ಯವಾದಷ್ಟು ಮಧ್ಯಾಹ್ನದ ಬೆಳಕಿನಲ್ಲಿ ಇರೋದಕ್ಕೆ ಪ್ರಯತ್ನಿಸಿ. ನೀವು ಸ್ವಲ್ಪ ದೂರ ನಡೆದರೂ ಸಹ, ಅದು ಪ್ರಯೋಜನವನ್ನು ನೀಡುತ್ತದೆ.

 ನಿದ್ರೆಯ ದಿನಚರಿಯನ್ನು ನಿಗದಿಪಡಿಸಿ
ಪ್ರತಿದಿನ ಒಂದೇ ಸಮಯದಲ್ಲಿ ಮಲಗುವುದು ಮತ್ತು ಎಚ್ಚರಗೊಳ್ಳುವುದು ಚಳಿಗಾಲದಲ್ಲಿಯೂ ನಿಮ್ಮ ದೇಹದ ಆಂತರಿಕ ಗಡಿಯಾರವನ್ನು ಸರಿಯಾಗಿ ಕಾರ್ಯನಿರ್ವಹಿಸುವಂತೆ ಮಾಡುತ್ತದೆ. ಪ್ರತಿದಿನ ಮಲಗಲು ಸಮಯ ನಿಗದಿಪಡಿಸಿ. ಅದೇ ಸಮಯಕ್ಕೆ ಯಾವಾಗಲೂ ಮಲಗೋದರಿಂದ  ದೇಹವು ಪ್ರತಿದಿನ ಮಲಗಲು ಸಂಕೇತವನ್ನು ಪಡೆಯುತ್ತದೆ. ಉದಾಹರಣೆಗೆ ಓದುವುದು, ಮಲಗುವ ಮೊದಲು ಧ್ಯಾನ (meditation) ಮಾಡುವುದು ಅಥವಾ ಮಲಗುವ ಮೊದಲು ಬೆಚ್ಚಗಿನ ನೀರಿನಿಂದ ಸ್ನಾನ ಮಾಡುವುದು ಇತ್ಯಾದಿಗಳನ್ನು ಮಾಡಬಹುದು. 

ಗಾಳಿಯ ಗುಣಮಟ್ಟವನ್ನು ಸುಧಾರಿಸಿ
ತಂಪಾದ ಶುಷ್ಕ ಗಾಳಿಯನ್ನು ಎದುರಿಸಲು ನಿಮ್ಮ ಕೋಣೆಯಲ್ಲಿ ಹ್ಯೂಮಿಡಿಫೈರ್ ಬಳಸಿ. ಇದು ತೇವಾಂಶದ ಮಟ್ಟವನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ. ಜೊತೆಗೆ ಕೋಣೆಯಲ್ಲಿ ತಾಜಾ ಗಾಳಿ ಪ್ರವಹಿಸಲು ಒಂದು ಮಾರ್ಗವನ್ನು ಬಿಡಿ. ಕೋಣೆಯೊಳಗೆ ಚೆನ್ನಾಗಿ ಗಾಳಿಯಾಡುವಂತೆ ಮಾಡಿ, ಆದರೆ ಸ್ಟ್ರಾಂಗ್ ಆಗಿರುವ ಗಾಳಿ ಬರದಂತೆ ತಡೆಯಿರಿ. 

ಆಹಾರ ಪದ್ಧತಿ ಹೀಗಿರಲಿ
ಸಾಮಾನ್ಯವಾಗಿ ಶೀತ ವಾತಾವರಣದಲ್ಲಿ ಆರಾಮದಾಯಕ ಆಹಾರವನ್ನು (healthy food) ಸೇವಿಸೋದು ಉತ್ತಮ, ಆದರೆ ಭಾರಿ ಊಟವನ್ನು ತಿನ್ನುವುದು ಅಥವಾ ರಾತ್ರಿ ತಡವಾಗಿ ಕೆಫೀನ್ / ಆಲ್ಕೋಹಾಲ್ ಸೇವಿಸುವುದು ನಿಮ್ಮ ನಿದ್ರೆಗೆ ಭಂಗ ತರಬಹುದು. ಹೀಗಾಗಿ, ನಿಮ್ಮ ನಿದ್ರೆಯ ಚಕ್ರಕ್ಕೆ ಅಡ್ಡಿಯಾಗದಂತೆ ತಡೆಯಲು ಮಧ್ಯಾಹ್ನದ ನಂತರ ಕೆಫೀನ್ ಹೊಂದಿರುವ ಆಹಾರವನ್ನು ತಪ್ಪಿಸಿ.