Garlic City: ಕರ್ನಾಟಕವಲ್ಲ, ತಮಿಳುನಾಡೂ ಅಲ್ಲ… ಭಾರತದ ‘ಬೆಳ್ಳುಳ್ಳಿ ನಗರ’ ಇರೋದು ಇಲ್ಲೇ!
ಭಾರತೀಯ ಅಡುಗೆಮನೆಗಳಲ್ಲಿ ಬೆಳ್ಳುಳ್ಳಿಗೆ ವಿಶೇಷ ಸ್ಥಾನವಿದೆ. ಸಾಂಬಾರ್, ಚಟ್ನಿ, ಗ್ರೇವಿ, ಪಲ್ಯದಿಂದ ಹಿಡಿದು ವಿವಿಧ ಖಾದ್ಯಗಳವರೆಗೆ ಬೆಳ್ಳುಳ್ಳಿಯನ್ನು ವ್ಯಾಪಕವಾಗಿ ಬಳಸಲಾಗುತ್ತದೆ. ಹಾಗಾದರೆ ಭಾರತದ ‘ಬೆಳ್ಳುಳ್ಳಿ ನಗರ’ ಯಾವುದು ಗೊತ್ತಾ?
ಭಾರತೀಯ ಅಡುಗೆಮನೆಗಳಲ್ಲಿ ಬೆಳ್ಳುಳ್ಳಿಗೆ ವಿಶೇಷ ಸ್ಥಾನವಿದೆ. ಸಾಂಬಾರ್, ಚಟ್ನಿ, ಗ್ರೇವಿ, ಪಲ್ಯದಿಂದ ಹಿಡಿದು ವಿವಿಧ ಖಾದ್ಯಗಳವರೆಗೆ ಬೆಳ್ಳುಳ್ಳಿಯನ್ನು ವ್ಯಾಪಕವಾಗಿ ಬಳಸಲಾಗುತ್ತದೆ. ಅಡುಗೆಗೆ ರುಚಿ ಮತ್ತು ಸುವಾಸನೆ ಹೆಚ್ಚಿಸುವ ಈ ಬೆಳ್ಳುಳ್ಳಿಯನ್ನೇ ಆಧರಿಸಿ ಭಾರತದ ಒಂದು ಪ್ರದೇಶವೇ ವಿಶೇಷ ಖ್ಯಾತಿ ಪಡೆದಿದೆ.
ಹೌದು, ಮಧ್ಯಪ್ರದೇಶದ ಮಂದಸೌರ್ ಅನ್ನು ‘ಭಾರತದ ಬೆಳ್ಳುಳ್ಳಿ ನಗರ’ (Garlic City of India) ಎಂದು ಕರೆಯಲಾಗುತ್ತದೆ. ಇಲ್ಲಿ ಬೆಳ್ಳುಳ್ಳಿ ಕೇವಲ ಒಂದು ಕೃಷಿ ಬೆಳೆಯಲ್ಲ; ಸ್ಥಳೀಯ ರೈತರ ಆದಾಯ ಮತ್ತು ಜಿಲ್ಲೆಯ ಕೃಷಿ ಆರ್ಥಿಕತೆಯಲ್ಲೂ ಪ್ರಮುಖ ಪಾತ್ರ ವಹಿಸುತ್ತದೆ.
ಮಂದಸೌರ್ಗೆ ‘ಬೆಳ್ಳುಳ್ಳಿ ನಗರ’ ಎಂಬ ಹೆಸರು ಯಾಕೆ?
ಮಧ್ಯಪ್ರದೇಶದ ಪ್ರಮುಖ ಬೆಳ್ಳುಳ್ಳಿ ಬೆಳೆಯುವ ಪ್ರದೇಶಗಳಲ್ಲಿ ಮಂದಸೌರ್ ಕೂಡ ಒಂದು. ಇಲ್ಲಿ ಬೆಳ್ಳುಳ್ಳಿಯನ್ನು ದೊಡ್ಡ ಪ್ರಮಾಣದಲ್ಲಿ ಬೆಳೆಯುವುದರ ಜೊತೆಗೆ ವ್ಯಾಪಾರವೂ ನಡೆಯುತ್ತದೆ.
ವಿಶೇಷವೆಂದರೆ, ಮಂದಸೌರ್ನ One District One Product (ODOP) ಉತ್ಪನ್ನವಾಗಿಯೂ ಬೆಳ್ಳುಳ್ಳಿಯನ್ನು ಗುರುತಿಸಲಾಗಿದೆ. ಹೀಗಾಗಿ ಈ ಬೆಳೆ ಇಲ್ಲಿನ ರೈತರಿಗೆ ಪ್ರಮುಖ ಆದಾಯದ ಮೂಲವಾಗಿದೆ.
ಆರೋಗ್ಯ, ಸೌಂದರ್ಯ, ಫಿಟ್ನೆಸ್, ಕಿಚನ್ ಟಿಪ್ಸ್, ಸಂಬಂಧ, ಫ್ಯಾಷನ್, ರೆಸಿಪಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.