ಅರಿಶಿಣ ಅತಿಯಾಗಿ ತಿಂದರೆ ವಿಷವಾಗುತ್ತೆ; ದಿನಕ್ಕೆ ಎಷ್ಟು ಸೇವಿಸಬೇಕು?

ಅರಿಶಿಣ, ಅದರಲ್ಲಿರುವ ಕರ್ಕ್ಯುಮಿನ್‌ನಿಂದಾಗಿ, ನೋವು ನಿವಾರಣೆ, ಹೃದಯದ ಆರೋಗ್ಯ, ಮಧುಮೇಹ ನಿರ್ವಹಣೆ ಮತ್ತು ರೋಗನಿರೋಧಕ ಶಕ್ತಿ ಹೆಚ್ಚಳದಂತಹ ಹಲವು ಪ್ರಯೋಜನಗಳನ್ನು ನೀಡುತ್ತದೆ. ಆದರೆ, ಅತಿಯಾದ ಸೇವನೆಯು ವಿಷತ್ವ, ಜೀರ್ಣಕಾರಿ ಸಮಸ್ಯೆಗಳು ಮತ್ತು ಅಲರ್ಜಿ ಪ್ರತಿಕ್ರಿಯೆಗಳಿಗೆ ಕಾರಣವಾಗಬಹುದು.

ಅರಿಶಿಣ ಪ್ರಯೋಜನಗಳು

ಅರಿಶಿಣ ಒಂದು ಶಕ್ತಿಶಾಲಿ ಮಸಾಲೆ. ಭಾರತೀಯ ಅಡುಗೆಯಲ್ಲಿ ಒಂದು ಚಿಟಿಕೆ (ಅಥವಾ ಎರಡು) ಅರಿಶಿಣ ಸೇರಿಸುವುದು ಸಾಮಾನ್ಯವಾಗಿದ್ದರೂ, ಅದು ಆಹಾರಕ್ಕೆ ಹೊಳಪನ್ನು ನೀಡುವುದಕ್ಕಿಂತ ಹೆಚ್ಚಿನ ಪ್ರಯೋಜನಗಳನ್ನು ನೀಡುತ್ತದೆ.

ಅರಿಶಿಣದಲ್ಲಿರುವ ಉತ್ಕರ್ಷಣ ನಿರೋಧಕ ಮತ್ತು ಬ್ಯಾಕ್ಟೀರಿಯಾ ವಿರೋಧಿ ಗುಣಲಕ್ಷಣಗಳು ಹಲವು ಕಾಯಿಲೆಗಳು ಅಥವಾ ಸೋಂಕುಗಳ ವಿರುದ್ಧ ನಿಮ್ಮನ್ನು ರಕ್ಷಿಸುತ್ತವೆ.

ಅರಿಶೀಣ ಕರ್ಕ್ಯುಮಿನ್ ಎಂಬ ಸಂಯುಕ್ತದಿಂದ ಕೂಡಿದೆ. ಇದು ಕೆಲವು ಕ್ಯಾನ್ಸರ್‌ಗಳಲ್ಲಿ ಕ್ಯಾನ್ಸರ್ ಕೋಶಗಳನ್ನು ಕೊಲ್ಲುವುದು ಸೇರಿದಂತೆ ಅಸಂಖ್ಯಾತ ರೋಗ ಗುಣಪಡಿಸುವ ಶಕ್ತಿ ಹೊಂದಿದೆ. ಇದು ಚರ್ಮದ ಸಮಸ್ಯೆಗಳು, ಮೇಲ್ಭಾಗದ ಉಸಿರಾಟದ ಪ್ರದೇಶದ ಸಮಸ್ಯೆಗಳು, ಕೀಲು ನೋವು ಮತ್ತು ಅಜೀರ್ಣ ಸಮಸ್ಯೆಗಳಿಗೂ ಚಿಕಿತ್ಸೆ ನೀಡಬಲ್ಲದು.

ನೋವು ನಿರ್ವಹಣೆ: 

ಅರಿಶಿಣವನ್ನು ಪ್ರಾಚೀನ ಕಾಲದಿಂದಲೂ ಉಳುಕು ಮತ್ತು ಊತಕ್ಕೆ ಚಿಕಿತ್ಸೆ ನೀಡಲು ಬಳಸಲಾಗುತ್ತದೆ. ಅದರ ಸಂಯುಕ್ತ ಕರ್ಕ್ಯುಮಿನ್ ನೋವು ನಿವಾರಕ ಗುಣಗಳನ್ನು ಹೊಂದಿದೆ. ಹಾರ್ವರ್ಡ್ ಸಂಶೋಧನೆಯ ಪ್ರಕಾರ, ಸಂಧಿವಾತ ನೋವನ್ನು ನಿರ್ವಹಿಸುವಲ್ಲಿ ಕರ್ಕ್ಯುಮಿನ್‌ನ ಸಾಮರ್ಥ್ಯವನ್ನು ಸಂಶೋಧನೆ ಸಾಬೀತುಪಡಿಸಿದೆ. ಸಂಧಿವಾತ ರೋಗಿಗಳಿಗೆ, ಅರಿಶಿಣ ಉರಿಯೂತವನ್ನು ಕಡಿಮೆ ಮಾಡುವುದರಿಂದ ಇದು ತುಂಬಾ ಪ್ರಯೋಜನಕಾರಿ.

ಹೃದಯದ ಆರೋಗ್ಯ: ಅರಿಶಿಣ 'ಕೆಟ್ಟ' ಕೊಲೆಸ್ಟ್ರಾಲ್ ಮತ್ತು ಟ್ರೈಗ್ಲಿಸರೈಡ್‌ಗಳನ್ನು ಕಡಿಮೆ ಮಾಡುತ್ತದೆ. ಔಷಧದಲ್ಲಿ ಪೂರಕ ಚಿಕಿತ್ಸೆಗಳ ಪ್ರಕಾರ ಹೃದ್ರೋಗದ ಅಪಾಯವನ್ನು ಕಡಿಮೆ ಮಾಡುತ್ತದೆ. ಇದು ಎಂಡೋಥೀಲಿಯಂ ಅಥವಾ ನಿಮ್ಮ ರಕ್ತನಾಳಗಳ ಹೊರಪದರದ ಕಾರ್ಯವನ್ನು ಸುದಾರಿಸಲು ಸಹಾಯ ಮಾಡುತ್ತದೆ. ಇದು ಹೃದಯವನ್ನು ರಕ್ಷಿಸುವ ಉರಿಯೂತ ನಿರೋಧಕ ಗುಣಗಳನ್ನು ಹೊಂದಿದೆ.

ಮಧುಮೇಹ ನಿರ್ವಹಣೆ: ಅರಿಶಿಣ ರಕ್ತದಲ್ಲಿನ ಸಕ್ಕರೆ ಚಯಾಪಚಯವನ್ನು ಸುಧಾರಿಸಬಹುದು ಮತ್ತು ನಿಮ್ಮ ದೇಹದಲ್ಲಿ ಮಧುಮೇಹದ ಪರಿಣಾಮಗಳನ್ನು ಕಡಿಮೆ ಮಾಡಬಹುದು. ಹಿಂದವಿ ಎಂಬ ಸಹ-ಮೌಲ್ಯಮಾಪನಗೊಂಡ ಪತ್ರಿಕೆಯಲ್ಲಿ ಪ್ರಕಟವಾದ ಒಂದು ಅಧ್ಯಯನದ ಪ್ರಕಾರ, ಕರ್ಕ್ಯುಮಿನ್ ಇನ್ಸುಲಿನ್ ಪ್ರತಿರೋಧ, ಹೈಪರ್‌ಗ್ಲೈಸೀಮಿಯಾ, ಹೈಪರ್‌ಲಿಪಿಡೆಮಿಯಾ ಮತ್ತು ಐಲೆಟ್ ಅಪೊಪ್ಟೋಸಿಸ್ ಮತ್ತು ನೆಕ್ರೋಸಿಸ್ ಅನ್ನು ನಿರ್ವಹಿಸಲು ಸಹಾಯ ಮಾಡುತ್ತದೆ ಮತ್ತು ಮಧುಮೇಹದ ಹಲವು ಸಮಸ್ಯೆಗಳನ್ನು ತಡೆಯುತ್ತದೆ.

ರೋಗನಿರೋಧಕ ಶಕ್ತಿ ಹೆಚ್ಚಿಸುತ್ತದೆ: ಅರಿಶಿಣ ಸೋಂಕುಗಳು ಮತ್ತು ಋತುಮಾನದ ಕಾಯಿಲೆಗಳ ವಿರುದ್ಧ ತಡೆಯಬಹುದು ಮತ್ತು ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ವೈದ್ಯರ ಸಲಹೆಯಂತೆ ಸೇವಿಸಬೇಕು.

ಅತಿಯಾದ ಅರಿಶಿಣ ಸೇವನೆ ಅಡ್ಡಪರಿಣಾಮಗಳು: 
ವಿಷತ್ವ: ಅರಿಶಿಣ ಒಂದು ಶಕ್ತಿಶಾಲಿ ಮಸಾಲೆ. ಆದರೆ, ಅದರ ಸಾರಗಳನ್ನು ಹೆಚ್ಚಿನ ಪ್ರಮಾಣದಲ್ಲಿ ಸೇವಿಸಿದಾಗ ಕೆಲವು ಆಲ್ಕಲಾಯ್ಡ್‌ಗಳು ಮತ್ತು ಶುದ್ಧೀಕರಿಸಿದ ಕರ್ಕ್ಯುಮಿನ್‌ ವಿಷಕಾರಿಯಾಗಿ ಪರಿಣಮಿಸಬಹುದು. ತೀವ್ರ ಹಳದಿ ಅರಿಶಿಣ ವಿಷಕಾರಿಯಾಗಿದೆ., ಇದನ್ನು ದಿನಕ್ಕೆ 5-10 ಗ್ರಾಂ ಮಾತ್ರ ಸೇವಿಸಬಹುದು.

ಬಿಸಿ ಮಸಾಲೆ: ಆಯುರ್ವೇದದಲ್ಲಿ ಅರಿಶಿಣವನ್ನು ಬಿಸಿ ಮಸಾಲೆ ಎಂದು ಪರಿಗಣಿಸಲಾಗುತ್ತದೆ. ಅಂದರೆ, ರಕ್ತಸ್ರಾವದ ಕಾಯಿಲೆಗಳು ಮತ್ತು ಋತುಚಕ್ರ ನಿಲುಗಡೆಯಂತಹ ಪಿತ್ತದ ಸಮಸ್ಯೆಗಳಿರುವವರು ಇದನ್ನು ಎಚ್ಚರಿಕೆಯಿಂದ ಸೇವಿಸಬೇಕು.

ಬೇಸಿಗೆಗೆ ಸೂಕ್ತವಲ್ಲ: ಆಯುರ್ವೇದದ ಪ್ರಕಾರ, ಅರಿಶಿಣದ ಸಾರವು ಬೇಸಿಗೆ ಕಾಲಕ್ಕೆ ಹೆಚ್ಚಿನ ಪ್ರಮಾಣದಲ್ಲಿ ಸೂಕ್ತವಲ್ಲ. ಆದರೂ ಕೆಲಬ್ಬರು ಅದನ್ನು ತಮ್ಮ ಹುರಿದ ಮತ್ತು ಕರಿದ ಪದಾರ್ಥಗಳಲ್ಲಿ ಸ್ವಲ್ಪ ಪ್ರಮಾಣದಲ್ಲಿ ಸೇರಿಸಬಹುದು.

ತೂಕ ಕಡಿಮೆ ಇರುವವರಿಗೆ ಸೂಕ್ತವಲ್ಲ: ತೂಕ ಹೆಚ್ಚಿಸಿಕೊಳ್ಳಲು ಬಯಸುವವರಿಗೆ ಅಥವಾ ಈಗಾಗಲೇ ತೂಕ ಕಡಿಮೆ ಇರುವವರಿಗೆ ಹೆಚ್ಚು ಅರಿಶಿಣ ಬಳಸುವುದು ಸೂಕ್ತವಲ್ಲ. ಮತ್ತೊಂದೆಡೆ, ಇದು ತೂಕ ಇಳಿಸಿಕೊಳ್ಳಲು ಸಹಾಯ ಮಾಡುತ್ತದೆ.

ಒಣ ಚರ್ಮದವರೂ ಅರಿಶಿಣ ಹೆಚ್ಚು ಸೇವಿಸಬಾರದು: ದೇಹದ ನಿರ್ಜಲೀಕರಣ, ಮಲಬದ್ಧತೆ ಮತ್ತು ಒಣ ಚರ್ಮದಿಂದ ಬಳಲುತ್ತಿರುವವರು ಈ ಅರಿಶಿಣ ಮಸಾಲೆಯನ್ನು ಹೆಚ್ಚು ಸೇವಿಸಬಾರದು. ಅಂತಹವರು ತುಪ್ಪದಂತಹ ಆರೋಗ್ಯಕರ ಕೊಬ್ಬಿನೊಂದಿಗೆ ಮಿತವಾಗಿ ಅರಿಶಿಣ ಸೇವಿಸಬೇಕು.

ಮಂಜಳಿನ ಅಡ್ಡಪರಿಣಾಮಗಳು

ಅಲರ್ಜಿ ಪ್ರತಿಕ್ರಿಯೆಗಳು ಉಂಟಾಗಬಹುದು: ಹಲವರು ಅರಿಶಿಣದಿಂದ ಅಲರ್ಜಿಯನ್ನು ಹೊಂದಿರುತ್ತಾರೆ. ಅರಿಶಿಣ ತಿನ್ನುವುದರಿಂದ ದದ್ದು, ಚರ್ಮದ ತುರಿಕೆ ಅಥವಾ ಹೊಟ್ಟೆ ನೋವು ಕೂಡ ಉಂಟಾಗಬಹುದು.

ಜೀರ್ಣಕಾರಿ ಸಮಸ್ಯೆಗಳು: ಹೊಟ್ಟೆ ನೋವು, ವಾಕರಿಕೆ, ತಲೆಸುತ್ತು ಅಥವಾ ಅತಿಸಾರದಂತಹ ಜೀರ್ಣಕಾರಿ ಸಮಸ್ಯೆಗಳು ಕೂಡ ಈ ಅರಿಶಿಣದ ಅತಿಯಾದ ಸೇವನೆಯಿಂದ ಬರಬಹುದು.

ಮಂಜಳಿನ ದೈನಂದಿನ ಸೇವನೆ

ದಿನಕ್ಕೆ ಎಷ್ಟು ಅರಿಶಿಣ ಸೇವಿಸಬೇಕು?

ಹಲವು ಅಧ್ಯಯನಗಳು ದಿನಕ್ಕೆ ಕೇವಲ 500–10,000 ಮಿಲಿ ಗ್ರಾಂ ಅರಿಶಿಣವನ್ನು ಮಾತ್ರ ಸೇವಿಸಬೇಕು. ಮಿತವಾಗಿ ಅರಿಶಿಣ ಸೇವಿಸುವುದು ಹಲವು ಕಾಯಿಲೆಗಳಿಂದ ನಿಮ್ಮನ್ನು ತಡೆಯಬಹುದು. ಕೋವಿಡ್, ಆರ್‌ಎಸ್‌ವಿ ಮತ್ತು ಜ್ವರದ ಋತು ಹತ್ತಿರ ಬರುತ್ತಿರುವಾಗ, ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುವಲ್ಲಿ ಇದು ತುಂಬಾ ಪರಿಣಾಮಕಾರಿ ಆಗಿತ್ತು.