ಭಾರತದ ಬೆಸ್ಟ್ ಆಹಾರ ಲಿಸ್ಟಲ್ಲಿ ಬಿರಿಯಾನಿಗೆ ಸ್ಥಾನವೇ ಇಲ್ಲ; ಹಾಗಿದ್ರೆ ನಂ 1 ಯಾವುದು?

ಭಾರತವು ತನ್ನ ಸಂಸ್ಕೃತಿ ಮತ್ತು ಸಂಪ್ರದಾಯಗಳಿಗೆ ಮಾತ್ರವಲ್ಲದೆ ಆಹಾರಕ್ಕೂ ಹೆಸರುವಾಸಿಯಾಗಿದೆ. ತಮ್ಮ ರುಚಿಯಿಂದ ದೇಶ ಮತ್ತು ವಿದೇಶಗಳಲ್ಲಿ ಹೆಸರು ಪಡೆದ ಅನೇಕ ಆಹಾರಗಳು ನಮ್ಮಲ್ಲಿವೆ.. ಇತ್ತೀಚೆಗೆ ಪ್ರಸಿದ್ಧ ಆಹಾರ ವೆಬ್ಸೈಟ್ ಭಾರತದ ಅತ್ಯುತ್ತಮ ಆಹಾರ ಮತ್ತು ಡ್ರಿಂಕ್ಸ್ ಗಳ ಪಟ್ಟಿಯನ್ನು ಬಿಡುಗಡೆ ಮಾಡಿದೆ.  

ಭಾರತವು ವಿಶಾಲ ಮತ್ತು ವೈವಿಧ್ಯಮಯ ದೇಶ. ಇದು ತನ್ನದೇ ಆದ ವಿಶಿಷ್ಟ ಸಂಸ್ಕೃತಿ ಮತ್ತು ಸಂಪ್ರದಾಯವನ್ನು (Indian tradition) ಹೊಂದಿದೆ. ಇಲ್ಲಿ ಪ್ರತಿಯೊಂದು ರಾಜ್ಯವು ತನ್ನದೇ ಆದ ಉಪಭಾಷೆ, ಉಡುಗೆ ಮತ್ತು ಆಹಾರವನ್ನು ಹೊಂದಿದೆ. ಭಾರತದಲ್ಲಿ ಕಂಡುಬರುವ ಆಹಾರದ ರುಚಿಯನ್ನು ದೇಶದಲ್ಲಿ ಮಾತ್ರವಲ್ಲದೆ ವಿದೇಶಗಳಲ್ಲಿಯೂ ಜನರು ತುಂಬಾ ಇಷ್ಟಪಡುತ್ತಾರೆ. ಪ್ರಪಂಚದಾದ್ಯಂತದ ಜನರು ಇಲ್ಲಿ ಕಂಡುಬರುವ ವಿವಿಧ ಭಕ್ಷ್ಯಗಳನ್ನು ಇಷ್ಟಪಡಲು ಇದು ಕಾರಣವಾಗಿದೆ. ಇತ್ತೀಚೆಗೆ, ಪ್ರಸಿದ್ಧ ಆಹಾರ ವೆಬ್ಸೈಟ್ ಭಾರತದ 50 ಅತ್ಯುತ್ತಮ ಆಹಾರ ಮತ್ತು ಪಾನೀಯಗಳ ಪಟ್ಟಿಯನ್ನು ಬಿಡುಗಡೆ ಮಾಡಿದೆ. ಟಾಪ್ 10 ರಲ್ಲಿ ಭಾರತದ ಯಾವ ಭಕ್ಷ್ಯಗಳು ಗೆದ್ದಿವೆ ಎಂದು ನೋಡೋಣ.

ಬಟರ್ ಗಾರ್ಲಿಕ್ ನಾನ್ (Butter Garlic Naan): ಬಟರ್ ಗಾರ್ಲಿಕ್ ನಾನ್ ಒಂದು ರುಚಿಕರವಾದ ರೋಟಿ ಆಗಿದ್ದು, ಇದನ್ನು ಯಾವುದೇ ಮಸಾಲ ಜೊತೆ ತಿನ್ನಬಹುದು. ಇದನ್ನು ಮೈದಾ, ಯೀಸ್ಟ್, ಬೆಳ್ಳುಳ್ಳಿ, ಮೊಸರು ಮತ್ತು ಬೆಣ್ಣೆಯಿಂದ ತಯಾರಿಸಲಾಗುತ್ತದೆ. ಇದರ ರುಚಿ ಖಂಡಿತವಾಗಿಯೂ ಎಲ್ಲರಿಗೂ ಇಷ್ಟವಾಗುತ್ತೆ.

ನಾನ್ (Naan): ನಾನ್ ಎಂಬುದು ಒಲೆಯ ಒಳಗೆ ಇಟ್ಟು ಮಾಡಲಾಗುವಂತಹ ರೊಟ್ಟಿ. ಮುಖ್ಯವಾಗಿ ಇರಾನ್, ಅಫ್ಘಾನಿಸ್ತಾನ, ಭಾರತೀಯ ಉಪಖಂಡ, ಇಂಡೋನೇಷ್ಯಾ, ಮಲೇಷ್ಯಾ, ಮ್ಯಾನ್ಮಾರ್ ಮತ್ತು ಕೆರಿಬಿಯನ್ ಜನರು ಇದನ್ನ ತಿಂತಾರೆ. ಇದನ್ನು ತಯಾರಿಸಲು, ಮೈದಾ, ಒಣ ಯೀಸ್ಟ್, ಉಪ್ಪು ಮತ್ತು ನೀರನ್ನು ಬೆರೆಸಿ ಹಿಟ್ಟನ್ನು ತಯಾರಿಸಲಾಗುತ್ತೆ ಮತ್ತು ನಂತರ ರೊಟ್ಟಿಯನ್ನು ತಯಾರಿಸಿ ಬಾಣಲೆ ಅಥವಾ ತಂದೂರ್ ಒಲೆಯಲ್ಲಿ ಬೇಯಿಸಬಹುದು. 

ಬಟರ್ ಚಿಕನ್ (Butter chicken): ಬಟರ್ ಚಿಕನ್ ರುಚಿಕರವಾದ, ಕೆನೆ ಮತ್ತು ಮಸ್ತಾನಿ ಚಿಕನ್ ಕರಿಯಾಗಿದ್ದು, ಇದು ಪ್ರಪಂಚದಾದ್ಯಂತ ಜನಪ್ರಿಯತೆ ಪಡೆದ ತಿನಿಸಾಗಿದೆ.  ಇದನ್ನು ಸಾಮಾನ್ಯವಾಗಿ ತಂದೂರಿ ಚಿಕನ್ ಗೆ ಕೆನೆ ಮಸಾಲೆಗಳೊಂದಿಗೆ ಬೆರೆಸುವ ಮೂಲಕ ತಯಾರಿಸಲಾಗುತ್ತದೆ. ಬೆಣ್ಣೆ, ಟೊಮೆಟೊ, ಮೊಸರು, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್, ಗರಂ ಮಸಾಲಾ ಮತ್ತು ಇತರ ಪದಾರ್ಥಗಳನ್ನು ಇದರ ಮಸಾಲೆ ತಯಾರಿಸಲು ಬಳಸಲಾಗುತ್ತದೆ. ಬಟರ್ ಚಿಕನ್ ಅನ್ನು ಸಾಮಾನ್ಯವಾಗಿ ನಾನ್, ಪರೋಟ ಅಥವಾ ಅನ್ನದೊಂದಿಗೆ ತಿನ್ನಲಾಗುತ್ತೆ. .

ತಂದೂರಿ (Tandoori): ತಂದೂರಿ ಎಂಬುದು ಅಡುಗೆಯ ಒಂದು ಶೈಲಿಯಾಗಿದ್ದು, ಇದರಲ್ಲಿ ಆಹಾರವನ್ನು ತಂದೂರ್ ನಲ್ಲಿ ಬೇಯಿಸಲಾಗುತ್ತದೆ. ಈ ತಂದೂರ್ ಒಂದು ರೀತಿಯ ಒಲೆಯಾಗಿದ್ದು, ಇದನ್ನು ಸಾಮಾನ್ಯವಾಗಿ ಜೇಡಿಮಣ್ಣು ಅಥವಾ ಇಟ್ಟಿಗೆಗಳಿಂದ ತಯಾರಿಸಲಾಗುತ್ತದೆ. ತಂದೂರ್ ಅನ್ನು ಬೆಂಕಿಯಲ್ಲಿ ಬಿಸಿ ಮಾಡಲಾಗುತ್ತದೆ ಮತ್ತು ನಂತರ ಅದರೊಳಗೆ ಆಹಾರ ಬೇಯಿಸಲಾಗುತ್ತದೆ.  ತಂದೂರಿ ಶೈಲಿಯಿಂದ ತಯಾರಿಸಿದ ತಂದೂರಿ ಚಿಕನ್ ಪ್ರಪಂಚದಾದ್ಯಂತ ಸಾಕಷ್ಟು ಜನಪ್ರಿಯವಾಗಿದೆ.

ಟಿಕ್ಕಾ (Tikka): ಟಿಕ್ಕಾ ಕೂಡ ಭಾರತದ ಜನಪ್ರಿಯ ಖಾದ್ಯವಾಗಿದ್ದು, ಇದರಲ್ಲಿ ಮೂಳೆರಹಿತ ಮಾಂಸವನ್ನು ಮಸಾಲೆಗಳಲ್ಲಿ ಮ್ಯಾರಿನೇಟ್ ಮಾಡಿ ಫ್ರೈ ಮಾಡಲಾಗುತ್ತೆ. ಟಿಕ್ಕಾ ತಯಾರಿಸಲು ಬಳಸುವ ಮಸಾಲೆಗಳಲ್ಲಿ ಸಾಮಾನ್ಯವಾಗಿ ಕೆಂಪು ಮೆಣಸಿನಕಾಯಿ, ಕೊತ್ತಂಬರಿ, ಜೀರಿಗೆ, ಅರಿಶಿನ, ಶುಂಠಿ, ಗರಂ ಮಸಾಲಾ ಮತ್ತು ಇತರ ಮಸಾಲೆಗಳು ಸೇರಿವೆ. ಇದನ್ನು ಸಾಮಾನ್ಯವಾಗಿ ನಾನ್, ಪರೋಟ ಅಥವಾ ಅನ್ನದೊಂದಿಗೆ ತಿನ್ನಲಾಗುತ್ತದೆ. ಇದು ತುಂಬಾ ರುಚಿಕರವಾದ ಖಾದ್ಯವಾಗಿದ್ದು, ಇದು ಪ್ರಪಂಚದಾದ್ಯಂತ ಸಾಕಷ್ಟು ಪ್ರಸಿದ್ಧವಾಗಿದೆ. ಟಿಕ್ಕಾ ಪಾಕವಿಧಾನಗಳಲ್ಲಿ ಚಿಕನ್ ಟಿಕ್ಕಾ, ಪನೀರ್ ಟಿಕ್ಕಾ, ಫಿಶ್ ಟಿಕ್ಕಾ, ಮಟನ್ ಟಿಕ್ಕಾ ಮತ್ತು ಸಬ್ಜಿ ಟಿಕ್ಕಾ ಸೇರಿವೆ.

ಇಂಡಿಯನ್ ಥಾಲಿ (Indian Thali): ಥಾಲಿ ಎಂಬುದು ಲೋಹದ ದುಂಡು ಪ್ಲೇಟ್ ಆಗಿದ್ದು, ಇದನ್ನು ಸಾಮಾನ್ಯವಾಗಿ ಅನೇಕ ರೀತಿಯ ಭಕ್ಷ್ಯಗಳನ್ನು ಬಡಿಸಲು ಬಳಸಲಾಗುತ್ತದೆ. ಇಂಡಿಯನ್ ಥಾಲಿಯಲ್ಲಿ ಸಾಮಾನ್ಯವಾಗಿ ಚಪಾತಿ, ಅನ್ನ, ತರಕಾರಿ ಚಟ್ನಿ, ಉಪ್ಪಿನಕಾಯಿ, ಹಪ್ಪಳ ಮತ್ತು ಸಿಹಿತಿಂಡಿಗಳನ್ನು ಹೊಂದಿರುತ್ತದೆ. ಆದಾಗ್ಯೂ, ಥಾಲಿಗಳು ಸಸ್ಯಾಹಾರಿ ಮತ್ತು ಮಾಂಸಾಹಾರಿ ಸೇರಿದಂತೆ ಅನೇಕ ರೀತಿಯ ಆಹಾರವನ್ನು ಒಳಗೊಂಡಿರಬಹುದು.

ಕೊರ್ಮಾ (Kurma): ಕೊರ್ಮಾ ಮತ್ತೊಂದು ಭಾರತೀಯ ಖಾದ್ಯವಾಗಿದ್ದು, ಇದು ದಪ್ಪ, ಕೆನೆ ಮತ್ತು ಮಸ್ತಾನಿ ಸಾಸ್ನಲ್ಲಿ ಬೇಯಿಸಲಾಗುತ್ತದೆ. ಇದನ್ನು ಮಾಂಸ ಅಥವಾ ತರಕಾರಿಗಳಿಂದ ಸಹ ತಯಾರಿಸಲಾಗುತ್ತದೆ. ಕೊರ್ಮಾ ತಯಾರಿಸಲು ಸಾಸ್ ಮೊಸರು, ಕ್ರೀಮ್ ಮತ್ತು ಮಸಾಲೆಗಳ ಮಿಶ್ರಣವನ್ನು ಒಳಗೊಂಡಿರುತ್ತದೆ. ಇದನ್ನು ಸಾಮಾನ್ಯವಾಗಿ ನಾನ್, ಪರೋಟ ಅಥವಾ ಅನ್ನದೊಂದಿಗೆ ಬಡಿಸಲಾಗುತ್ತದೆ. ಇದು ಪ್ರಸ್ತುತ ಭಾರತದ ಜನಪ್ರಿಯ ಡಿಶ್ ಆಗಿದೆ. ಚಿಕನ್ ಕೊರ್ಮಾ, ಮಟನ್ ಕೊರ್ಮಾ, ಪನೀರ್ ಕೊರ್ಮಾ, ತರಕಾರಿ ಕೊರ್ಮಾ ಇತ್ಯಾದಿಗಳನ್ನು ಒಳಗೊಂಡಿದೆ.

ಸಮೋಸಾ (Samosa): ಸಮೋಸಾ ಒಂದು ರೀತಿಯ ಡಂಪ್ಲಿಂಗ್ ಆಗಿದ್ದು, ಇದನ್ನು ಆಲೂಗಡ್ಡೆ ಮತ್ತು ಮೈದಾದಿಂದ ತಯಾರಿಸಲಾಗುತ್ತದೆ. ದೇಶಾದ್ಯಂತ ಪ್ರಸಿದ್ಧವಾಗಿರುವ ಈ ಖಾದ್ಯವನ್ನು ಎಣ್ಣೆಯಲ್ಲಿ ಡೀಪ್ ಫ್ರೈ ಮಾಡಿ ನಂತರ ಚಟ್ನಿ ಅಥವಾ ಸಾಸ್ ನೊಂದಿಗೆ ತಿನ್ನಲಾಗುತ್ತದೆ. ಭಾರತದ ಹೊರತಾಗಿ, ಇದು ಪಾಕಿಸ್ತಾನ, ಅಫ್ಘಾನಿಸ್ತಾನ ಮತ್ತು ಅರಬ್ ದೇಶಗಳಲ್ಲಿಯೂ ಬಹಳ ಜನಪ್ರಿಯವಾಗಿದೆ. ಇತ್ತೀಚೆಗಂತೂ ಕಾರ್ನ್ ಸಮೋಸ, ಆನಿಯನ್ ಸಮೋಸ, ಎಗ್ ಸಮೋಸ, ಚಿಕನ್ ಸಮೋಸ ಸಹ ದೊರೆಯುತ್ತೆ, 

ವಿಂದಾಲು (Vindaloo): ವಿಂದಾಲು ಒಂದು ರೀತಿಯ ಸ್ಪೈಸಿ ಚಿಕನ್ ಕರಿ ಆಗಿದೆ., ಇದನ್ನು ಸಾಮಾನ್ಯವಾಗಿ ಗೋವಾದಲ್ಲಿ ತಯಾರಿಸಲಾಗುತ್ತೆ.. ಇದು ಪೋರ್ಚ್ ಗೀಸ್ ಖಾದ್ಯವಾಗಿದ್ದು, ರುಚಿಕರವಾದ ಖಾದ್ಯವಾಗಿದ್ದು, ದಪ್ಪ, ಗಾಢ ಮತ್ತು ಮಸಾಲೆಯುಕ್ತ ಪಲ್ಯಗಳಲ್ಲಿ ತಯಾರಿಸಲಾಗುತ್ತದೆ. ಇದನ್ನು ತಯಾರಿಸಲು ಸಾಮಾನ್ಯವಾಗಿ ಚಿಕನ್, ಮಟನ್ ಅಥವಾ ಹಂದಿ ಮಾಂಸವನ್ನು ಬಳಸುತ್ತದೆ.ಇದು ತುಂಬಾನೆ ಸ್ಪೈಸಿಯಾಗಿರುತ್ತೆ.

ದೋಸೆ (Dosa): ದೋಸೆ ಒಂದು ರೀತಿಯ ದಕ್ಷಿಣ ಭಾರತದ ಪ್ಯಾನ್ ಕೇಕ್ ಆಗಿದ್ದು, ಇದನ್ನು ಸಾಮಾನ್ಯವಾಗಿ ಉದ್ದಿನ ಬೇಳೆ ಮತ್ತು ಅಕ್ಕಿ ಹಿಟ್ಟಿನಿಂದ ತಯಾರಿಸಲಾಗುತ್ತದೆ ಮತ್ತು ಟೊಮೆಟೊ ಚಟ್ನಿ ಮತ್ತು ಸಾಂಬಾರ್ ನೊಂದಿಗೆ ತಿನ್ನಲಾಗುತ್ತದೆ. ಈ ರುಚಿಕರವಾದ ಖಾದ್ಯವನ್ನು ವಿಶ್ವದ ಅನೇಕ ಭಾಗಗಳಲ್ಲಿ ತುಂಬಾ ಇಷ್ಟಪಡುತ್ತಾರೆ. ಭಾರತವಲ್ಲದೆ, ಶ್ರೀಲಂಕಾ, ನೇಪಾಳ, ಬಾಂಗ್ಲಾದೇಶ ಮತ್ತು ಮಾಲ್ಡೀವ್ಸ್ ಕೂಡ ಇದರಲ್ಲಿ ಸೇರಿವೆ. ದೋಸೆ ತಯಾರಿಸಲು ಅನೇಕ ವಿಧಾನಗಳಿವೆ. ಕೆಲವರು ಇದನ್ನು ಬಾಣಲೆಯಲ್ಲಿ ಬೇಯಿಸಿದರೆ, ಕೆಲವರು ಅದನ್ನು ಒಲೆಯಲ್ಲಿ ಬೇಯಿಸಿ ತಯಾರಿಸುತ್ತಾರೆ.