ತಿಂಗಳವರೆಗೆ ಮೊಟ್ಟೆ ಕೆಡದಂತೆ ಕಾಪಾಡಲು ಈ ರೀತಿ ಸಂಗ್ರಹಿಸಿಡಬಹುದು ನೋಡಿ!

ನೀವು ಅಂಗಡಿಯಿಂದ ಟ್ರೇ ಪೂರ್ತಿ ಮೊಟ್ಟೆ ಖರೀದಿಸಿ ಮನೆಗೆ ತಂದರೆ, ಅದನ್ನು ಹೆಚ್ಚು ಸಮಯ ಹೇಗೆ ಕಾಪಾಡಬೇಕು ಅನ್ನೋದು ಗೊತ್ತಾಗೋದಿಲ್ಲ. ನಿಮಗೂ ಹಾಗೇ ಅನಿಸಿದರೆ ಇಲ್ಲಿದೆ ನೋಡಿ ಮೊಟ್ಟೆಯನ್ನು ಕೆಡದಂತೆ ಸಂಗ್ರಹಿಸುವ ವಿಧಾನ.   

ಮೊಟ್ಟೆಗಳು ಪ್ರೋಟೀನ್‌ನ ಉತ್ತಮ ಮೂಲ. ಅಲ್ಲದೆ, ಇದರ ಬಿಸಿ ಗುಣದಿಂದಾಗಿ ಚಳಿಗಾಲದ ದಿನಗಳಲ್ಲಿ (winter days) ಇದನ್ನು ತಿನ್ನುವುದು ದೇಹವನ್ನು ಒಳಗಿನಿಂದ ಬೆಚ್ಚಗಿಡುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ಅನೇಕ ಜನರು ಮಾರುಕಟ್ಟೆಯಿಂದ ಏಕಕಾಲದಲ್ಲಿ ಡಜನ್ ಡಜನ್ ಮೊಟ್ಟೆಗಳನ್ನು ಖರೀದಿಸುತ್ತಾರೆ. ಈ ರೀತಿಯಾಗಿ, ಹಣ ಮತ್ತು ಸಮಯವನ್ನು ಉಳಿಸಬಹುದು.

ತುಂಬಾ ಮೊಟ್ಟೆಗಳನ್ನು ಒಟ್ಟಾಗಿ ತಂದ್ರೆ ಅದು ಹೆಚ್ಚು ಕಾಲದ ವರೆಗೆ ಬಳಸೋದು ಕಷ್ಟ. ಯಾಕಂದ್ರೆ ಕೆಲವು ಮೊಟ್ಟೆಗಳು ಹಾಳಾಗಲು ಪ್ರಾರಂಭಿಸುತ್ತವೆ. ಆದಾಗ್ಯೂ, ನೀವು ಅದನ್ನು (storing eggs) ದೀರ್ಘಕಾಲದವರೆಗೆ ತಾಜಾವಾಗಿಡಲು ಕೆಲವು ಮಾರ್ಗಗಳಿವೆ. ಹೇಗೆಂದು ತಿಳಿಯೋಣ- .

ಮೊಟ್ಟೆ ಹಾಳಾಗಿದೆಯೇ?
ತಾಜಾ ಮೊಟ್ಟೆಯನ್ನು (fresh eggs) ನೀರಿನಲ್ಲಿ ಹಾಕಿದ ತಕ್ಷಣ ಮುಳುಗುತ್ತದೆ, ಆದರೆ ಕೆಟ್ಟ ಮೊಟ್ಟೆ ನೀರಿನಲ್ಲಿ ತೇಲುತ್ತದೆ. ಹಾಗಾಗಿ ಮೊಟ್ಟೆ ತಿನ್ನಲು ಯೋಗ್ಯವಾಗಿದೆಯೇ ಅಥವಾ ಇಲ್ಲವೇ ಎಂದು ಪರಿಶೀಲಿಸಲು, ಒಂದು ಬಟ್ಟಲಿನಲ್ಲಿ ತಾಜಾ ತಣ್ಣೀರನ್ನು ತೆಗೆದುಕೊಂಡು ಅದಕ್ಕೆ ಒಂದು ಮೊಟ್ಟೆ ಹಾಕಿ. ಇದಲ್ಲದೆ, ನೀವು ಅದನ್ನು ಅಲುಗಾಡಿಸುವ ಮೂಲಕವೂ ನೋಡಬಹುದು, ಅದರಿಂದ ಶಬ್ದ ಬರುತ್ತಿದ್ದರೆ ಅದು ಹಾಳಾಗಿದೆ ಎಂದರ್ಥ. 

ಮೊಟ್ಟೆ ಸಂಗ್ರಹಿಸಲು ಸರಿಯಾದ ಮಾರ್ಗ
ಮೊಟ್ಟೆಯನ್ನು ಸಂಗ್ರಹಿಸಲು ಸುಲಭ ಮತ್ತು ಉತ್ತಮ ಮಾರ್ಗವೆಂದರೆ ಅದನ್ನು ಫ್ರಿಜ್ ನಲ್ಲಿ ಮಧ್ಯದ ರ್ಯಾಕ್‌ನಲ್ಲಿ ಇಡುವುದು. ಏಕೆಂದರೆ ಇಲ್ಲಿನ ತಾಪಮಾನ ಯಾವಾಗಲೂ ಒಂದೇ ಆಗಿರುತ್ತದೆ. ನೀವು ಮೊಟ್ಟೆಯನ್ನು ಬಾಗಿಲಿನ ಭಾಗದಲ್ಲಿ ಇಟ್ಟರೆ, ಅದು ಹಾಳಾಗುವ ಅಪಾಯ ಹೆಚ್ಚು.

ಫ್ರಿಜ್ ಇಲ್ಲದೇ ಮೊಟ್ಟೆಗಳನ್ನು ತಾಜಾವಾಗಿರಿಸಬಹುದು 
ನೀವು ಮೊಟ್ಟೆಯನ್ನು ಫ್ರಿಡ್ಜ್‌ನಲ್ಲಿಡಲು ಬಯಸದಿದ್ದರೆ, ಅದನ್ನು ಸೆಣಬಿನ ಚೀಲ ಅಥವಾ ಮಣ್ಣಿನ ಮಡಕೆಯಲ್ಲಿ ಸಂಗ್ರಹಿಸಬಹುದು. ಸೆಣಬಿನ ಚೀಲದಲ್ಲಿ, ಮೊಟ್ಟೆಗಳನ್ನು ಕಾರ್ಟನ್ ಗಳೊಂದಿಗೆ ಇಡುವ ಮೂಲಕ ಅವುಗಳನ್ನು ಹಲವಾರು ದಿನಗಳವರೆಗೆ ತಾಜಾವಾಗಿಡಬಹುದು. ಅಷ್ಟೇ ಅಲ್ಲ ಅದನ್ನು ಒಣ ಹುಲ್ಲಿನ ಮಧ್ಯದಲ್ಲಿ ಸಹ ಇಡಬಹುದು.

ಈ ವಿಧಾನವೂ ಅದ್ಭುತ
ಮೊಟ್ಟೆಯನ್ನು ದೀರ್ಘಕಾಲದವರೆಗೆ ತಾಜಾವಾಗಿಡಲು, ಅದರ ಮೇಲೆ ಮಿನರಲ್ ತೈಲ ಹಚ್ಚಿ ಮತ್ತು ಸ್ವಲ್ಪ ಸಮಯದವರೆಗೆ ಬಿಸಿಲಿನಲ್ಲಿ ಇರಿಸಿ. ನಂತರ ಅದನ್ನು ಮತ್ತೆ ಕಾರ್ಟನ್ ಗಳಲ್ಲಿ ಪ್ಯಾಕ್ ಮಾಡಿ ಮತ್ತು ಅಡುಗೆಮನೆಯ ರ್ಯಾಕ್ ನಲ್ಲಿ ಸಂಗ್ರಹಿಸಿ. ಹೀಗೆ ಮಾಡುವುದರಿಂದ, ಮೊಟ್ಟೆಗಳು ಒಂದು ತಿಂಗಳವರೆಗೆ ತಾಜಾವಾಗಿರುತ್ತವೆ.