Momos Side Effects: ಫಾಸ್ಟ್ ಫುಡ್ ಜಗತ್ತಿನಲ್ಲಿ ಮೊಮೊಸ್ ಜನರ ಮೊದಲ ಆಯ್ಕೆಯಾಗುತ್ತಿದೆ. ಇತ್ತೀಚಿನ ದಿನಗಳಲ್ಲಿ, ಪ್ರತಿಯೊಬ್ಬರೂ ಪ್ರತಿದಿನ ಮೊಮೊಸ್ ಬಹಳ ಪ್ರೀತಿಯಿಂದ ತಿನ್ನುತ್ತಲೇ ಇರುತ್ತಾರೆ. ನೀವು ಸಹ ಮೊಮೊಸ್ ಪ್ರಿಯರಾಗಿದ್ರೆ, ಅದನ್ನು ತಿನ್ನುವ ಮೊದಲು, ಅದರ ಅನಾನುಕೂಲತೆಗಳ ಬಗ್ಗೆ ಖಂಡಿತವಾಗಿಯೂ ತಿಳಿದುಕೊಳ್ಳಿ.
ಈ ಫಾಸ್ಟ್ ಆಂಡ್ ಫ್ಯೂರಿಯಸ್ ಜಗತ್ತಿನಲ್ಲಿ, ಜನರು ಪ್ರತಿಯೊಂದಕ್ಕೂ ಆತುರದಲ್ಲಿರುತ್ತಾರೆ. ಅದು ಕೆಲಸವಾಗಿರಲಿ ಅಥವಾ ಆಹಾರವಾಗಿರಲಿ, ಎಲ್ಲವೂ ಈಗ ವೇಗವಾಗಿದೆ. ಈ ಬ್ಯುಸಿ ಜೀವನದಲ್ಲಿ, ಈಗ ಜನರ ಆಹಾರ ಪದ್ಧತಿಯೂ ಸಾಕಷ್ಟು ಬದಲಾಗಿದೆ. ಪ್ರಸ್ತುತ, ಪ್ರತಿಯೊಬ್ಬರೂ ತಮ್ಮ ಹೆಚ್ಚಿನ ಸಮಯವನ್ನು ಮನೆಯ ಹೊರಗೆ ಕಳೆಯುತ್ತಿದ್ದಾರೆ. ಹಾಗಾಗಿ, ಫಾಸ್ಟ್ ಫುಡ್ (fast food) ಮತ್ತು ಹೊರಗಿನ ಆಹಾರವು ಜನರ ದೈನಂದಿನ ದಿನಚರಿಯ ಭಾಗವಾಗಿದೆ. ಇತ್ತೀಚಿನ ದಿನಗಳಲ್ಲಿ ಪಿಜ್ಜಾ, ಬರ್ಗರ್ ಗಳು, ನೂಡಲ್ಸ್ ಗಳು ಜನರ ಇಷ್ಟ ಮತ್ತು ಅಗತ್ಯಗಳೆರಡೂ ಆಗುತ್ತಿವೆ. ಈ ಫಾಸ್ಟ್ ಫುಡ್ ಗಳಲ್ಲಿ ಒಂದಾದ ಮೊಮೊಸ್ (momos), ಈಗಂತೂ ಎಲ್ಲರ ಆಯ್ಕೆಯಾಗಿದೆ. ಬಹುತೇಕ ಎಲ್ಲರೂ ಆಫೀಸ್ ಅಥವಾ ಕಾಲೇಜೀಂದ ಹೊರ ಬಂದ ನಂತರ ಅಥವಾ ಸ್ನೇಹಿತರೊಂದಿಗೆ ವಿಹಾರದ ಸಮಯದಲ್ಲಿ ಮೋಮೋಸ್ ತಿನ್ನೋದನ್ನು ನೀವು ಕಂಡಿರಬಹುದು ಅಲ್ವಾ?
ಕೆಲವು ಸಮಯದಿಂದ, ಮೊಮೊಸ್ ಜನಪ್ರಿಯತೆ ಹೆಚ್ಚುತ್ತಲೇ ಇದೆ. ಮಕ್ಕಳಿಂದ ವಯಸ್ಕರವರೆಗೆ, ಮೊಮೊಗಳು ಈ ದಿನಗಳಲ್ಲಿ ಎಲ್ಲರ ಆಯ್ಕೆಯಾಗಿ ಉಳಿದಿವೆ. ಆದರೆ ನೀವು ಪ್ರೀತಿಯಿಂದ ತಿನ್ನುವ ಮೊಮೊಸ್ ಆರೋಗ್ಯಕ್ಕೆ ತುಂಬಾ ಹಾನಿಕಾರಕ (dangerous for health) ಎಂದು ನಿಮಗೆ ತಿಳಿದಿದೆಯೇ? ಮೊಮೊಸ್ ಮಾತ್ರವಲ್ಲದೆ, ಅದರೊಂದಿಗೆ ಸೆವಿಸೋ ಕೆಂಪು ಚಟ್ನಿ ನಿಮ್ಮ ಆರೋಗ್ಯಕ್ಕೆ ಹಾನಿಯನ್ನುಂಟು ಮಾಡುತ್ತದೆ. ಬನ್ನಿ ರುಚಿಕರವಾಗಿ ಕಾಣುವ ಮೊಮೊಗಳ ಹಾನಿಕಾರಕ ಪರಿಣಾಮಗಳ ಬಗ್ಗೆ ತಿಳಿಯೋಣ.
ಬೊಜ್ಜಿನ ಸಮಸ್ಯೆ ಹೆಚ್ಚಾಗುತ್ತೆ: ಮೊಮೊಸ್ ತಯಾರಿಸಲು ಮೈದಾ ಬಳಸಲಾಗುತ್ತದೆ. ಮೈದಾದಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ಇರುವ ಪಿಷ್ಟದಿಂದಾಗಿ ಸ್ಥೂಲಕಾಯದ (obesity) ಅಪಾಯ ಹೆಚ್ಚಾಗುತ್ತದೆ. ಇದಲ್ಲದೆ, ಮೈದಾ ತಿನ್ನುವುದರಿಂದ ರಕ್ತದಲ್ಲಿ ಕೊಲೆಸ್ಟ್ರಾಲ್ ಮತ್ತು ಟ್ರೈಗ್ಲಿಸರೈಡ್ (ಕೆಟ್ಟ ಕೊಲೆಸ್ಟ್ರಾಲ್) ಮಟ್ಟವನ್ನು ಹೆಚ್ಚಿಸಬಹುದು.
ಮೇದೋಜ್ಜೀರಕ ಗ್ರಂಥಿಗೆ ಹಾನಿಕಾರಕ: ತಿನ್ನಲು ರುಚಿಕರವಾಗಿ ಕಾಣುವ ಮೊಮೊಗಳು ಸಹ ಸಾಕಷ್ಟು ಮೃದುವಾಗಿರುತ್ತವೆ. ವಾಸ್ತವವಾಗಿ, ಅದನ್ನು ಮೃದುವಾಗಿಸಲು, ಅಜೋಡಿಕಾರ್ಬೋನಾ ಮೆಡಿ ಮತ್ತು ಬೆಂಜೊಯಿಲ್ ಪೆರಾಕ್ಸೈಡ್ ಇತ್ಯಾದಿಗಳನ್ನು ಹಿಟ್ಟಿಗೆ ಸೇರಿಸಲಾಗುತ್ತೆ. ಈ ಎರಡೂ ಪದಾರ್ಥಗಳು ಆರೋಗ್ಯಕ್ಕೆ ತುಂಬಾ ಹಾನಿಕಾರಕ ಮತ್ತು ಅವು ಮೇದೋಜ್ಜೀರಕ ಗ್ರಂಥಿಗೆ ಅಪಾಯಕಾರಿ ಎಂದು ತಿಳಿದು ಬಂದಿದೆ.
ಏನೇನೋ ಬಳಸ್ತಾರೆ: ಮೊಮೊಸ್ ಒಳಗೆ ಸ್ಟಫಿಂಗ್ ಮಾಡಲು ತರಕಾರಿಗಳು ಮತ್ತು ಚಿಕನ್ ಇತ್ಯಾದಿಗಳನ್ನು ಬಳಸಲಾಗುತ್ತದೆ. ಆದರೆ ದೀರ್ಘಕಾಲದವರೆಗೆ ಇದನ್ನು ಇರಿಸೋದ್ರಿಂದ, ಅದು ಹದಗೆಡುತ್ತದೆ, ಇದರ ಸೇವನೆಯು ನಿಮ್ಮ ಆರೋಗ್ಯವನ್ನು ಹದಗೆಡಿಸುತ್ತದೆ. ಇಷ್ಟೇ ಅಲ್ಲ, ಚಿಕನ್ ಇತ್ಯಾದಿಗಳಲ್ಲಿರುವ ಇ.ಕೋಲಿ ಬ್ಯಾಕ್ಟೀರಿಯಾಗಳು (e koli bacteria) ಸಹ ಆರೋಗ್ಯಕ್ಕೆ ತುಂಬಾ ಅಪಾಯಕಾರಿಯಾಗಬಹುದು.
ಮಸಾಲೆಯುಕ್ತ ಚಟ್ನಿಯಿಂದ ಸಮಸ್ಯೆ: ಮೊಮೊಸ್ ಜೊತೆ ಸವಿಯಲು ಖಾರ-ಕೆಂಪು ಚಟ್ನಿ (spicy red chutney) ಸಿಗುತ್ತೆ ಇದನ್ನು ಜನರು ಮೊಮೊಗಳೊಂದಿಗೆ ತಿನ್ನಲು ಇಷ್ಟಪಡ್ತಾರೆ. ಆದರೆ ಈ ಚಟ್ನಿಯಲ್ಲಿ ಕೆಂಪು ಮೆಣಸಿನಕಾಯಿಯ ಪ್ರಮಾಣವು ತುಂಬಾ ಹೆಚ್ಚಾಗಿರುತ್ತೆ, ಇದು ನಿಮ್ಮ ಆರೋಗ್ಯಕ್ಕೆ ವಿಷದಂತೆ ಕೆಲಸ ಮಾಡುತ್ತೆ. ಹೆಚ್ಚು ಮಸಾಲೆಯುಕ್ತ ಆಹಾರ ಸೇವಿಸುವುದು ಸಹ ಮೂಲವ್ಯಾಧಿ ಇತ್ಯಾದಿ ಸಮಸ್ಯೆಗಳನ್ನು ಉಂಟುಮಾಡಬಹುದು.
ಮಧುಮೇಹದ ಅಪಾಯ ಹೆಚ್ಚಾಗುವುದು: ಮೊಮೊಗಳನ್ನು ಮೃದುವಾಗಿಸಲು ಬಳಸುವ ವಸ್ತುಗಳು ಮೇದೋಜ್ಜೀರಕ ಗ್ರಂಥಿಗೆ ಸಾಕಷ್ಟು ಹಾನಿಕಾರಕವಾಗಿವೆ. ಮೇದೋಜ್ಜೀರಕ ಗ್ರಂಥಿ ಹಾನಿಗೊಳಗಾದಾಗ ಇನ್ಸುಲಿನ್ ಹಾರ್ಮೋನ್ ಸ್ರವಿಸುವಿಕೆಯನ್ನು ಸರಿಯಾಗಿ ಮಾಡಲಾಗುವುದಿಲ್ಲ, ಇದು ಜನರಲ್ಲಿ ಮಧುಮೇಹದ (diabetes) ಅಪಾಯವನ್ನು ಹೆಚ್ಚಿಸುತ್ತದೆ. ಹೆಚ್ಚು ಮೊಮೊ ತಿನ್ನುವವರಲ್ಲಿ ಮಧುಮೇಹದ ಅಪಾಯ ಅನೇಕ ಪಟ್ಟು ಹೆಚ್ಚಾಗುತ್ತದೆ.