ಬಿರಿಯಾನಿ, ತಂದೂರಿ ಚಿಕನ್ ಬಿಟ್ಟು ಬೆಸ್ಟ್ ಫುಡ್ ಲಿಸ್ಟಲ್ಲಿ ಮ್ಯಾಂಗೋ ಲಸ್ಸಿಗೆ ಫಸ್ಟ್ ಪ್ಲೇಸ್!

ಟೇಸ್ಟ್ ಅಟ್ಲಾಸ್ ರೇಟಿಂಗ್ ಮಾಡಿದ ಭಾರತದ 10 ಜನಪ್ರಿಯ ಆಗಾರಗಳ ಲಿಸ್ಟ್ ಇಲ್ಲಿದೆ. ಇದರಲ್ಲಿ ಮೊದಲ ಸ್ಥಾನ ಪಡೆದಿರೋದು ಮ್ಯಾಂಗೋ ಲಸ್ಸಿ.   

ಪ್ರಪಂಚದಾದ್ಯಂತದ ಪಾಕಪದ್ಧತಿಗಳು ಮತ್ತು ಭಕ್ಷ್ಯಗಳನ್ನು ರೇಟಿಂಗ್ ಮಾಡಲು ಹೆಸರುವಾಸಿಯಾದ ಟೇಸ್ಟ್ ಅಟ್ಲಾಸ್ (Taste Atlas) ಇತ್ತೀಚೆಗೆ ತನ್ನ "ಅತ್ಯುತ್ತಮ ರೇಟಿಂಗ್ ಭಾರತೀಯ ಭಕ್ಷ್ಯಗಳ" (Best rating Indian food) ಪಟ್ಟಿಯನ್ನು ಬಿಡುಗಡೆ ಮಾಡಿದೆ, ಮ್ಯಾಂಗೊ ಲಸ್ಸಿ ಈ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದೆ, ಹೈದರಾಬಾದ್ ಬಿರಿಯಾನಿ (Hyderabad Biriyani) ಒಂದು ವರ್ಷದ ನಂತರ ಮತ್ತೆ ಈ ಲಿಸ್ಟ್ ಸೇರಿದ್ದು, 6 ನೇ ಸ್ಥಾನ ಗಳಿಸಿದೆ. ಈ ಲಿಸ್ಟ್ ನಲ್ಲಿ ಚಾಯ್ ಮಸಾಲಾ ಎರಡನೇ ಸ್ಥಾನದಲ್ಲಿದ್ದರೆ. 

ಮಾವಿನಹಣ್ಣಿನ ಲಸ್ಸಿ (Mango Lassi) : ಬೇರೆ ಬೇರೆ ವಿಧದ ಲಸ್ಸಿಗಳನ್ನ ಜನ ಇಷ್ಟಪಡ್ತಾರೆ. ಆದರೆ ಎಲ್ಲದಕ್ಕಿಂತ ಹೆಚ್ಚು ಇಷ್ಟ ಪಡೋದು ಅಂದ್ರೆ ಮಾವಿನ ಹಣ್ಣಿನ ಲಸ್ಸಿ. ಇದು ಬೆಸ್ಟ್ ರೇಟೆಡ್ ಫುಡ್ ಲಿಸ್ಟಲ್ಲಿ ಮೊದಲ ಸ್ಥಾನ ಪಡೆದೆ. 

ಚಾಯ್ ಮಸಾಲ (Masala Chai): ಮಸಾಲ ಚಾಯ್ ಭಾರತೀಯ ಆಲ್ ಟೈಮ್ ಫೇವರಿಟ್ ಅಂದ್ರೆ ತಪ್ಪಲ್ಲ. ಬೆಳಗ್ಗೆ ಎದ್ದು ಮಸಾಲ ಚಾಯ್ ಕುಡಿದ್ರೆ, ಆ ದಿನ ಪೂರ್ತಿ ಬೆಸ್ಟ್ ಆಗಿರುತ್ತೆ ಅನ್ನೋ ಜಾಯಮಾನದ ಜನರು ನಮ್ಮ ಭಾರತೀಯರು. 

ಬಟರ್ ಗಾರ್ಲಿಕ್ ನಾನ್ (Butter Garlic Naan): ಬೆಸ್ಟ್ ರೇಟೆಡ್ ಫುಡ್ ಲಿಸ್ಟಲ್ಲಿ ಬಟರ್ ಗಾರ್ಲಿಕ್ ನಾನ್ ಮೂರನೇ ಸ್ಥಾನದಲ್ಲಿದೆ. ಮೈದಾದಿಂದ ಮಾಡಿದ ಈ ನಾನ್ ಖಂಡಿತಾ ಹೆಚ್ಚಿನ ಜನರ ಫೇವರಿಟ್ ಡಿಶ್ ಹೌದು. 

ಅಮೃತ್’ಸರಿ ಚಿಕನ್ : ರಿಚ್ ಕ್ರೀಮ್ ಗ್ರೇವಿಯಿಂದ ಮಾಡಲಾಗಿರೋ ಉತ್ತರ ಭಾರತದ ಜನಪ್ರಿಯ ಡಿಶ್ ಅಮೃತ್’ಸರಿ ಚಿಕನ್. ಇದಕ್ಕೆ ಫ್ರೆಶ್ ಕ್ರೀಮ್, ಟೊಮ್ಯಾಟೋ ಪ್ಯೂರಿ ಹಾಕಿ ಮಾಡ್ತಾರೆ. ಇದು ತುಂಬಾನೆ ಟೇಸ್ಟಿಯಾಗಿರುತ್ತೆ.  

ಬಟರ್ ಚಿಕನ್ (Butter Chicken): ಸಾಂಪ್ರದಾಯಿಕವಾಗಿ ಮುರ್ಗ್ ಮಖಾನಿ ಎಂದು ಕರೆಯಲ್ಪಡುವ ಬಟರ್ ಚಿಕನ್ ದೆಹಲಿಯಲ್ಲಿ ಹುಟ್ಟಿಕೊಂಡ ಭಾರತೀಯ ಖಾದ್ಯ. ಇದು ಮಸಾಲೆಯುಕ್ತ ಟೊಮೆಟೊ ಮತ್ತು ಬಟರ್ ಸಾಸ್ ಜೊತೆ ಚಿಕನ್ ಸೇರಿಸಿ ತಯಾರಿಸುವಂತಹ ಟೇಸ್ಟಿಯಾದ ಡಿಶ್ ಆಗಿದೆ. 

ಹೈದರಾಬಾದಿ ಬಿರಿಯಾನಿ (Hyderabadi Biriyani): ಹೈದರಾಬಾದಿ ಬಿರಿಯಾನಿ ಭಾರತದ ಹೈದರಾಬಾದ್ ಮೂಲದ ಬಿರಿಯಾನಿಯ ಒಂದು ವಿಧ, ಇದನ್ನು ಬಾಸ್ಮತಿ ಅಕ್ಕಿ ಮತ್ತು ಮಾಂಸದಿಂದ ತಯಾರಿಸಲಾಗುತ್ತದೆ. ಹೈದರಾಬಾದಿನ ನಿಜಾಮನ ಕಿಚನ್ ನಲ್ಲಿ ತಯಾರಿಸಿದ ಹೈದರಾಬಾದ್ ಮತ್ತು ಮೊಘಲಾಯಿ ರೆಸಿಪಿ ಇದು.

ಶಾಹಿ ಪನೀರ್ : ಶಾಹಿ ಪನೀರ್ ಅಥವಾ ಪನೀರ್ ರಾಜ್ವಾಡಿ ಅಥವಾ ಛೇನಾ ರಾಜ್ವಾಡಿ ಅಥವಾ ರಾಜ್ಸಿ ಛೇನಾ ಎಂಬುದು ಟೇಸ್ಟಿಯಾದ ಭಾರತೀಯ ಖಾದ್ಯ, ಇದು ಕ್ರೀಂ, ಟೊಮೆಟೊ ಮತ್ತು ಭಾರತೀಯ ಮಸಾಲೆಗಳ ದಪ್ಪ ಗ್ರೇವಿಯಿಂದ ತಯಾರಿಸಲಾಗುವ ಡಿಶ್. 

ಚೋಲೆ ಭತುರೆ : ಚೋಲೆ ಭತುರೆ ಉತ್ತರ ಪ್ರದೇಶದ ಜನಪ್ರಿಯ ಆಹಾರ ಖಾದ್ಯ. ಇದು ಚನಾ ಮಸಾಲಾ ಮತ್ತು ಭತುರಾ / ಪುರಿ, ಮೈದಾದಿಂದ ತಯಾರಿಸಿದ ಡೀಪ್ ಫ್ರೈಡ್ ಪುರಿ. ಇದನ್ನ ಬ್ರೇಕ್ ಫಾಸ್ಟ್‌ಗೆ ಹೆಚ್ಚಾಗಿ ಸೇವಿಸ್ತಾರೆ. ಇದು ಬೆಸ್ಟ್ ಫುಡ್ ಲಿಸ್ಟಲ್ಲಿ 8ನೇ ಸ್ಥಾನ ಪಡೆದಿದೆ. 

ತಂದೂರಿ ಚಿಕನ್ (Tandoori Chicken): ತಂದೂರಿ ಚಿಕನ್ ಎಂಬುದು ಮೊಸರು ಮತ್ತು ಮಸಾಲೆಗಳಲ್ಲಿ ಮ್ಯಾರಿನೇಟ್ ಮಾಡಿ, ತಂದೂರ್‌ನಲ್ಲಿ ತಯಾರಿಸಿದಂತಹ ಚಿಕನ್ ಇದು. ತುಂಬಾ ರುಚಿಯಾದ ಡಿಶ್ ಇದು.

ಕುರ್ಮಾ  (Kurma): ಇದು ವೆಜ್ ಮತ್ತು ನಾನ್ ವೆಜ್ ಎರಡರಲ್ಲೂ ತಯಾರಿಸುವಂತಹ ತಿನಿಸು. ಇದನ್ನ ಹೆಚ್ಚಾಗಿ ಗೀ ರೈಸ್, ಚಪಾತಿ ಜೊತೆ ತಿಂತಾರೆ. ಇದು ಬೆಸ್ಟ್ ಡಿಶ್ ಲಿಸ್ಟಲ್ಲಿ 10 ಸ್ಥಾನ ಪಡೆದಿದೆ.