ಬಿಲಿಯನೇರ್‌ ಮುಕೇಶ್ ಅಂಬಾನಿ, ಕಿರಿಯ ಪುತ್ರ ಅನಂತ್ ಅಂಬಾನಿ ಮತ್ತು ರಾಧಿಕಾ ಮರ್ಚೆಂಟ್ ವಿವಾಹ ಪೂರ್ವ ಸಮಾರಂಭ ಗ್ರ್ಯಾಂಡ್ ಆಗಿ ನಡೀತಿದೆ. ದೇಶ-ವಿದೇಶಗಳಿಂದ ಅತಿಥಿಗಳಿಗಾಗಿ ಬರೋಬ್ಬರಿ 2,500 ಬಗೆಯ ಆಹಾರ ಸಿದ್ಧಗೊಳ್ತಿದೆ. 100ಕ್ಕೂ ಹೆಚ್ಚು ಬಾಣಸಿಗರ ತಂಡ ಅಡುಗೆ ತಯಾರಿ ಮಾಡ್ತಿದೆ.
ರಿಲಯನ್ಸ್ ಇಂಡಸ್ಟ್ರೀಸ್ ಅಧ್ಯಕ್ಷ ಮುಕೇಶ್ ಅಂಬಾನಿ ಅವರ ಕಿರಿಯ ಪುತ್ರ ಅನಂತ್ ಅಂಬಾನಿ ಮತ್ತು ರಾಧಿಕಾ ಮರ್ಚೆಂಟ್ ಪೂರ್ವ ವಿವಾಹ ಸಮಾರಂಭದ ಕಾರ್ಯಕ್ರಮಗಳು ಈಗಾಗಲೇ ಆರಂಭವಾಗಿದೆ. ಬಾಲಿವುಡ್ ಸೆಲೆಬ್ರಿಟಿಗಳು ಈಗಾಗಲೇ ಗುಜರಾತ್‌ನ ಜಾಮ್‌ನಗರದತ್ತ ತೆರಳುತ್ತಿದ್ದಾರೆ.
ಜೋಡಿಯು ಜುಲೈ 12, 2024ರಂದು ಅದ್ದೂರಿ ಸಮಾರಂಭದಲ್ಲಿ ವೈವಾಹಿಕ ಜೀವನಕ್ಕೆ ಕಾಲಿಡಲು ಸಜ್ಜಾಗಿದ್ದಾರೆದೆ. ಆದರೆ ಅದಕ್ಕೂ ಮುನ್ನ ಕುಟುಂಬವು ಮಾರ್ಚ್ 1ರಂದು ಗುಜರಾತ್‌ನ ಜಾಮ್‌ನಗರದಲ್ಲಿ ಮೂರು ದಿನಗಳ ಪೂರ್ವ ವಿವಾಹ ಕಾರ್ಯಕ್ರಮವನ್ನು ಆಯೋಜಿಸಿದೆ.
ವರದಿಗಳ ಪ್ರಕಾರ, ಈ ವಿಶೇಷ ಕಾರ್ಯಕ್ರಮದಲ್ಲಿ 1,000 ಅತಿಥಿಗಳು ಭಾಗವಹಿಸಲಿದ್ದಾರೆ. ಔತಣಕೂಟ ವೈವಿಧ್ಯಮಯ ಪಾಕಪದ್ಧತಿಗಳನ್ನು ಒಳಗೊಂಡಿರುತ್ತದೆ. ಇಂದೋರ್‌ನ 25ಕ್ಕೂ ಹೆಚ್ಚು ಬಾಣಸಿಗರ ತಂಡವು ತಮ್ಮ ಪಾಕಶಾಲೆಯ ಪರಿಣತಿಯನ್ನುಇಲ್ಲಿ ಪ್ರದರ್ಶಿಸಲಿದೆ.
ಅತಿಥಿಗಳಿಗೆ 75 ಖಾದ್ಯಗಳೊಂದಿಗೆ ಉಪಹಾರ, 225ಕ್ಕೂ ಹೆಚ್ಚು ಪದಾರ್ಥಗಳೊಂದಿಗೆ ಮಧ್ಯಾಹ್ನದ ಊಟ, ಸುಮಾರು 275 ಭಕ್ಷ್ಯಗಳೊಂದಿಗೆ ರಾತ್ರಿಯ ಊಟ ಮತ್ತು 85ಕ್ಕೂ ಹೆಚ್ಚು ಪದಾರ್ಥಗಳೊಂದಿಗೆ ಮಧ್ಯರಾತ್ರಿಯ ಊಟವನ್ನು ನೀಡಲಾಗುತ್ತದೆ. ವಿದೇಶಿ ಅತಿಥಿಗಳಿಗಾಗಿ ಈ ಊಟವನ್ನು ವಿಶೇಷವಾಗಿ ಕ್ಯುರೇಟ್ ಮಾಡಲಾಗಿದೆ ಎಂದು ಹೇಳಲಾಗುತ್ತಿದೆ.
ಬಡಿಸಿದ ಪ್ರತಿಯೊಂದು ಐಟಂ ಅನ್ನು ಕಟ್ಟುನಿಟ್ಟಾದ ಮಾರ್ಗಸೂಚಿಗಳು ಮತ್ತು ಪ್ರೋಟೋಕಾಲ್ ಅಡಿಯಲ್ಲಿ ತಯಾರಿಸಲಾಗುತ್ತದೆ ಮತ್ತು ಮೂರು ದಿನಗಳವರೆಗೆ ನೀಡಲಾದ 12 ವಿಭಿನ್ನ ಊಟಗಳಿಗೆ ಬಡಿಸಿದ ಯಾವುದೇ ಭಕ್ಷ್ಯಗಳನ್ನು ಪುನರಾವರ್ತಿಸಲಾಗುವುದಿಲ್ಲ ಎಂದು ತಿಳಿದುಂದಿದೆ.
20 ಮಹಿಳಾ ಬಾಣಸಿಗರು ಸೇರಿದಂತೆ 65 ಬಾಣಸಿಗರ ತಂಡ ಮತ್ತು ನಾಲ್ಕು ಟ್ರಕ್‌ಗಳಲ್ಲಿ ಪದಾರ್ಥಗಳು ಇಂದೋರ್‌ನಿಂದ ಜಾಮ್‌ನಗರ ತಲುಪಲಿವೆ.
ವಿಶೇಷ ಇಂದೋರ್ ಸರಾಫಾ ಫುಡ್ ಕೌಂಟರ್ ಅನ್ನು ಸಹ ಸ್ಥಾಪಿಸಲಾಗುವುದು ಎಂದು ವರದಿಯಾಗಿದೆ. ಇದು ಇಂದೋರಿ ಕಚೋರಿಸ್, ಪೋಹಾ ಜಲೇಬಿ, ಭುಟ್ಟೆ ಕಿ ಕೀಸ್, ಖೋಪ್ರಾ ಪ್ಯಾಟೀಸ್, ಉಪ್ಮಾ ಮತ್ತು ಅಂಥಾ ಇತರ ಭಕ್ಷ್ಯಗಳನ್ನು ಸರ್ವ್ ಮಾಡಲಿದೆ.
ಥಾಯ್, ಜಪಾನೀಸ್, ಮೆಕ್ಸಿಕನ್, ಪಾರ್ಸಿ ಮತ್ತು ಪ್ಯಾನ್ ಏಷ್ಯನ್ ಸೇರಿದಂತೆ ಜಾಗತಿಕ ಮೆನುವಿನೊಂದಿಗೆ ಸುಮಾರು 2,500 ಖಾದ್ಯಗಳು ಮೂರು ದಿನಗಳ ಮೆನುವಿನ ಭಾಗವಾಗಿರಲಿದೆ. ಅದು ದಿನಕ್ಕೆ ನಾಲ್ಕು ಊಟಗಳನ್ನು ಹೊಂದಿರುತ್ತದೆ ಎಂದು ದಿ ಜಾರ್ಡಿನ್ ಹೋಟೆಲ್ ಮುಖ್ಯಸ್ಥರು ತಿಳಿಸಿದ್ದಾರೆ.
ಅತಿಥಿಗಳು ತಮ್ಮ ಆಮಂತ್ರಣಗಳ ಜೊತೆಗೆ ಪ್ರತಿ ಥೀಮ್‌ಗೆ ವಿವರವಾದ ಡ್ರೆಸ್ ಕೋಡ್ ಪ್ಲಾನರ್‌ನ್ನು ಸ್ವೀಕರಿಸಿದ್ದಾರೆ. ಎಲ್ಲಾ ಗೌರವಾನ್ವಿತ ಅತಿಥಿಗಳನ್ನು ಮಾರ್ಚ್ 1 ರಂದು ಚಾರ್ಟರ್ಡ್ ಫ್ಲೈಟ್‌ಗಳಲ್ಲಿ ಜಾಮ್‌ನಗರಕ್ಕೆ ಕರೆತರಲಾಗುತ್ತದೆ.
ಪ್ರತಿ ದಂಪತಿಗಳು ಕೇವಲ ಮೂರು ಬ್ಯಾಗ್‌ಗಳನ್ನು ಮಾತ್ರ ಸಾಗಿಸಲು ವಿನಂತಿಯನ್ನು ಮಾಡಲಾಗಿದೆ, ಇದು ಕಾರ್ಯಕ್ರಮದ ವಿಶೇಷತೆ ಮತ್ತು ದಕ್ಷತೆಯನ್ನು ಹೆಚ್ಚಿಸುತ್ತದೆ.
ಅನಂತ್ ಅಂಬಾನಿ ಮತ್ತು ರಾಧಿಕಾ ಮರ್ಚೆಂಟ್ ಜನವರಿ 19, 2023ರಂದು ನಿಶ್ಚಿತಾರ್ಥ ಮಾಡಿಕೊಂಡಿದ್ದರು. ಈ ಕಾರ್ಯಕ್ರಮ ಸಹ ತುಂಬಾ ಅದ್ಧೂರಿಯಾಗಿ ನಡೆದಿತ್ತು.