ಸೋಯಾ ಸಾಸ್ ತಿನ್ನೋ ಮೊದ್ಲು ಅದರ ಪ್ರಯೋಜನ, ದುಷ್ಪರಿಣಾಮಗಳನ್ನೊಮ್ಮೆ ನೋಡಿ

ಸಾಮಾನ್ಯವಾಗಿ, ಮಹಿಳೆಯರು ಆಹಾರದ ರುಚಿಯನ್ನು ಹೆಚ್ಚಿಸಲು ವಿವಿಧ ಪದಾರ್ಥಗಳನ್ನು ಬಳಸುತ್ತಾರೆ. ಪ್ರತಿಯೊಂದು ರೀತಿಯ ಪದಾರ್ಥವು ತನ್ನದೇ ಆದ ಆರೋಗ್ಯ ಪರಿಣಾಮವನ್ನು ಹೊಂದಿದೆ. ಇವುಗಳಲ್ಲಿ ಒಂದು ಸೋಯಾ ಸಾಸ್. ಸಾಮಾನ್ಯವಾಗಿ, ಸೋಯಾ ಸಾಸ್ ಅನ್ನು ಪ್ರಮುಖವಾಗಿ ಚೈನೀಸ್ ಆಹಾರ ಪದಾರ್ಥಗಳಲ್ಲಿ ಸೇರಿಸಲಾಗುತ್ತದೆ. ಇದು ಆಹಾರಕ್ಕೆ ವಿಭಿನ್ನ ರುಚಿ ನೀಡುತ್ತೆ. ನೀವು ಸೋಯಾ ಸಾಸ್ ಸೇವಿಸಲು ಇಷ್ಟಪಡುತ್ತಿದ್ದರೆ, ಅದರ ಪ್ರಯೋಜನಗಳು ಮತ್ತು ಅನಾನುಕೂಲಗಳ ಬಗ್ಗೆಯೂ ನೀವು ತಿಳಿದುಕೊಳ್ಳಬೇಕು.

ನೀವು ಚೈನೀಸ್ ಆಹಾರ (chinese food) ಪ್ರಿಯರಾಗಿದ್ರೆ ಸೋಯಾ ಸಾಸ್ ಬಗ್ಗೆ ನಿಮಗೆ ಹೇಳಬೇಕೆಂದೇನೂ ಇಲ್ಲ. ಅಜಿನೊಮೊಟೊದಂತೆ, ಸೋಯಾ ಸಾಸ್ ಸಹ ಆರೋಗ್ಯಕ್ಕೆ ಹಾನಿಕಾರಕ ಎಂದು ನಂಬಲಾಗಿದೆ. ಆದರೆ ಇದು ತನ್ನದೇ ಆದ ಆರೋಗ್ಯ ಪರಿಣಾಮಗಳನ್ನು ಸಹ ಹೊಂದಿದೆ. ಉದಾಹರಣೆಗೆ, ಸೋಯಾ ಸಾಸ್ ಸೇವಿಸುವುದು ಆರೋಗ್ಯಕ್ಕೆ ಪ್ರಯೋಜನಕಾರಿಯಾಗಿದೆ ಮತ್ತು ಇದು ಸ್ವಲ್ಪ ಹಾನಿಯನ್ನು ಸಹ ಉಂಟುಮಾಡಬಹುದು. ಆದ್ದರಿಂದ ಈ ಲೇಖನದಲ್ಲಿ ಇವೆರಡರ ಬಗ್ಗೆಯೂ ತಿಳಿಯೋಣ.

ಸೋಯಾ ಸಾಸ್ ನ ಪ್ರಯೋಜನಗಳು
ಸೋಯಾ ಸಾಸ್ (soya sauce) ಸೀಮಿತ ಪ್ರಮಾಣದಲ್ಲಿ ಸೇವಿಸಿದರೆ, ಅದು ನಿಮಗೆ ಅನೇಕ ಪ್ರಯೋಜನಗಳನ್ನು ನೀಡುತ್ತದೆ. ಉದಾಹರಣೆಗೆ:

ಸೋಯಾ ಸಾಸ್ ನಲ್ಲಿ ಪ್ರೋಬಯಾಟಿಕ್ ಗುಣಲಕ್ಷಣಗಳು ಕಂಡುಬರುತ್ತವೆ. ಈ ಕಾರಣದಿಂದಾಗಿ ಇದು ಜೀರ್ಣಕ್ರಿಯೆಗೆ ಸಹಾಯ ಮಾಡುತ್ತದೆ. ಇಷ್ಟೇ ಅಲ್ಲ, ಸೋಯಾ ಸಾಸ್ ನಲ್ಲಿರುವ ಪಾಲಿಫಿನಾಲ್ ಆಹಾರದ ಜೀರ್ಣಕ್ರಿಯೆಗೆ ಸಹಾಯ ಮಾಡುತ್ತವೆ. 

ಸೋಯಾ ಸಾಸ್ ಅಲರ್ಜಿ ವಿರೋಧಿ ಗುಣಲಕ್ಷಣಗಳನ್ನು ಸಹ ಹೊಂದಿದೆ, ಈ ಕಾರಣದಿಂದಾಗಿ ಇದು ಕೆಲವು ಆಹಾರಗಳ ಸೇವನೆಯಿಂದ ಉಂಟಾಗುವ ಅಲರ್ಜಿಗಳನ್ನು ತೆಗೆದುಹಾಕಲು ಸಹಾಯ ಮಾಡುತ್ತದೆ.

ಸೋಯಾ ಸಾಸ್ ಆಂಟಿ-ಆಕ್ಸಿಡೆಂಟ್ (antioxident) ಗುಣಲಕ್ಷಣಗಳನ್ನು ಸಹ ಹೊಂದಿದೆ. ಇದು ನಿಮ್ಮ ದೇಹವನ್ನು ಫ್ರೀ ರಾಡಿಕಲ್ ಗಳಿಂದ ಉಂಟಾಗುವ ಹಾನಿಯಿಂದ ರಕ್ಷಿಸುತ್ತದೆ.  

ನಿಮಗೆ ಗೊತ್ತಿಲ್ಲದಿರಬಹುದು, ಆದರೆ ಸೋಯಾ ಸಾಸ್ ಆಂಟಿ-ಟ್ಯೂಮಿಜೆನಿಕ್ ಮತ್ತು ಆಂಟಿ-ಮ್ಯೂಟಾಜೆನಿಕ್ ಗುಣಗಳನ್ನು ಹೊಂದಿದೆ, ಇದು ಗೆಡ್ಡೆಗಳನ್ನು ಕಡಿಮೆ ಮಾಡುತ್ತದೆ. ಆದರೆ ಇದನ್ನು ನೀವು ಅತಿಯಾಗಿ ಸೇವಿಸೋದು ಮಾತ್ರ ಆರೋಗ್ಯಕ್ಕೆ ಹಾನಿಯನ್ನುಂಟು (health effect) ಮಾಡುತ್ತೆ. ಆದುದರಿಂದ ಕಡಿಮೆ ಪ್ರಮಾಣದಲ್ಲಿ ಸೇವಿಸೋದು ಉತ್ತಮ.

ಸೋಯಾ ಸಾಸ್ ತಿನ್ನೋದ್ರಿಂದಾ ಏನೆಲ್ಲಾ ಅಪಾಯಗಳಿವೆ?
ಸೋಯಾ ಸಾಸ್ ನ ಅತಿಯಾದ ಸೇವನೆಯು ನಿಮಗೆ ಅನೇಕ ರೀತಿಯಲ್ಲಿ ಹಾನಿಕಾರಕವಾಗಬಹುದು. ಉದಾಹರಣೆಗೆ-

ಸೋಯಾ ಸಾಸ್ ನಲ್ಲಿ ಸೋಡಿಯಂ ಅಂಶ ಅಧಿಕವಾಗಿದೆ, ಈ ಕಾರಣದಿಂದಾಗಿ ಅದರ ಅತಿಯಾದ ಸೇವನೆಯು ಅಧಿಕ ರಕ್ತದೊತ್ತಡದ (high blood pressure) ಸಮಸ್ಯೆಯನ್ನು ಹೆಚ್ಚಿಸುತ್ತೆ. ಆದರೆ, ಇದು ಟೇಬಲ್ ಸಾಲ್ಟ್ ಗಿಂತ ಸೋಡಿಯಂನಲ್ಲಿ ಕಡಿಮೆ ಇರುತ್ತದೆ. 

ಸೋಯಾ ಸಾಸ್ ಗೋಧಿ ಮತ್ತು ಗ್ಲುಟೆನ್ ಅನ್ನು ಹೊಂದಿರುತ್ತದೆ. ನೀವು ಗೋಧಿ ಅಲರ್ಜಿ ಹೊಂದಿದ್ದರೆ ಅಥವಾ ಸೆಲಿಯಾಕ್ ಕಾಯಿಲೆಯನ್ನು ಹೊಂದಿದ್ದರೆ, ಗ್ಲುಟೆನ್ ಮುಕ್ತ ಸೋಯಾ ಸಾಸ್ ಸೇವಿಸುವುದು ಉತ್ತಮ.

ಕಮರ್ಷಿಯಲ್ ಸೋಯಾ ಸಾಸ್ ಹೆಚ್ಚಿನ ಪ್ರಮಾಣದ ಫೈಟೇಟ್ ಹೊಂದಿರುತ್ತದೆ, ಇದು ದೇಹದಲ್ಲಿ ಖನಿಜಗಳನ್ನು ಹೀರಿಕೊಳ್ಳುವುದನ್ನು ತಡೆಯುತ್ತದೆ. 

ಸೋಯಾ ಸಾಸ್ ನ ರುಚಿಯನ್ನು ಹೆಚ್ಚಿಸಲು ಹೆಚ್ಚುವರಿ ಎಂಎಸ್ ಜಿಯನ್ನು ಸಹ ಸೇರಿಸಲಾಗುತ್ತದೆ. ಈ ಕಾರಣದಿಂದಾಗಿ ಇದರ ಅತಿಯಾದ ಸೇವನೆಯು ಚಯಾಪಚಯ ಅಸ್ವಸ್ಥತೆ, ಸಂತಾನೋತ್ಪತ್ತಿ ಅಂಗಗಳ ಮೇಲೆ ಹಾನಿಕಾರಕ ಪರಿಣಾಮಗಳು, ವಾಕರಿಕೆ, ತಲೆನೋವು ಮತ್ತು ಸ್ಥೂಲಕಾಯದ ಸಮಸ್ಯೆಗಳಿಗೆ (obesity problem) ಕಾರಣವಾಗಬಹುದು.

ಸೋಯಾ ಸಾಸ್ ಹಿಸ್ಟಮೈನ್ ಉಪಸ್ಥಿತಿಯನ್ನು ಹೊಂದಿರುವುದರಿಂದ, ಈ ಕಾರಣದಿಂದಾಗಿ ವ್ಯಕ್ತಿಯು ಕೆಲವೊಮ್ಮೆ ದದ್ದುಗಳು, ಹೊಟ್ಟೆಯ ಸಮಸ್ಯೆಗಳು, ಬೆವರುವಿಕೆ, ತಲೆನೋವು ಮತ್ತು ತಲೆತಿರುಗುವಿಕೆ ಮೊದಲಾದ ಸಮಸ್ಯೆಯನ್ನು ಹೊಂದಿರಬಹುದು.

ಸೋಯಾ ಸಾಸ್ ಅನ್ನು ಆಹಾರದ ಒಂದು ಭಾಗವಾಗಿ ಸೆವಿಸುತ್ತಿದ್ದರೆ, ಆಗ ನೀವು ಕೆಲವು ವಿಷಯಗಳ ಬಗ್ಗೆ ವಿಶೇಷ ಕಾಳಜಿ ವಹಿಸಬೇಕು-

ಕಡಿಮೆ ಪ್ರಮಾಣದಲ್ಲಿ ಸೋಯಾ ಸಾಸ್ ಸೇವಿಸಿ. ನೀವು ಒಂದು ಟೀಸ್ಪೂನ್ ಸೋಯಾ ಸಾಸ್ ಅನ್ನು ಸುಲಭವಾಗಿ ಸೇವಿಸಬಹುದು.

ನೀವು ಅದರ ನಕಾರಾತ್ಮಕ ಪರಿಣಾಮಗಳನ್ನು ತಪ್ಪಿಸಲು ಬಯಸಿದರೆ, ಮನೆಯಲ್ಲಿ ಸೋಯಾ ಸಾಸ್ ತಯಾರಿಸೋದು ಉತ್ತಮ. ಇದು ಆರೋಗ್ಯಕರ ಮತ್ತು ಸುರಕ್ಷಿತ ಆಯ್ಕೆಯಾಗಿದೆ.  ಆದರೆ ಅದನ್ನು ಸೀಮಿತ ಪ್ರಮಾಣದಲ್ಲಿ ಮಾತ್ರ ತೆಗೆದುಕೊಳ್ಳಿ. ಅಲ್ಲದೆ, ಇದನ್ನು ನಿಯಮಿತವಾಗಿ ಸೇವಿಸೋರು ತಜ್ಞರ ಸಲಹೆ ಪಡೆಯೋದು ಉತ್ತಮ.