Skin Care: ಯಾವುದೇ ಕಾರಣಕ್ಕೂ ಇವುಗಳನ್ನು ಮುಖಕ್ಕೆ ಹಚ್ಚಬೇಡಿ

ಸುಂದರವಾಗಿ ಕಾಣಬೇಕೆಂಬ ಹಂಬಲದಲ್ಲಿ ಕೆಲವೊಮ್ಮೆ ನಾವು ತಪ್ಪುಗಳನ್ನು ಮಾಡುತ್ತೇವೆ. ಮುಖಕ್ಕೆ ಹಚ್ಚಬಾರದ್ದನ್ನು ಹಚ್ಚಿ ಮುಖ ಹಾಳು ಮಾಡಿಕೊಳ್ಳುತ್ತೇವೆ.

ಎಲ್ಲರೂ ಸುಂದರವಾಗಿ ಕಾಣಬೇಕೆಂದು ಬಯಸುತ್ತಾರೆ. ಅದಕ್ಕಾಗಿ ದುಬಾರಿ ಉತ್ಪನ್ನಗಳನ್ನು ಬಳಸುತ್ತಾರೆ. ಆದರೆ ಕೆಲವೊಮ್ಮೆ ಸುಂದರವಾಗಿ ಕಾಣಬೇಕೆಂಬ ಹಂಬಲದಲ್ಲಿ ತಪ್ಪುಗಳನ್ನು ಮಾಡುತ್ತೇವೆ. ಮುಖಕ್ಕೆ ಹಚ್ಚಬಾರದ್ದನ್ನು ಹಚ್ಚಿ ಮುಖ ಹಾಳು ಮಾಡಿಕೊಳ್ಳುತ್ತೇವೆ. ಹಾಗಾಗಿ ಮುಖಕ್ಕೆ ಏನನ್ನು ಹಚ್ಚಬಾರದು ಎಂದು ತಿಳಿದುಕೊಳ್ಳೋಣ.

ಚರ್ಮದ ಆರೈಕೆ

ಅನೇಕರು ಮುಖಕ್ಕೆ ಬಾಡಿ ಲೋಷನ್, ಸೋಪುಗಳನ್ನು ಬಳಸುತ್ತಾರೆ. ಆದರೆ ಇವುಗಳನ್ನು ನೇರವಾಗಿ ಮುಖಕ್ಕೆ ಹಚ್ಚಬಾರದು. ಏಕೆಂದರೆ ಮುಖದ ಚರ್ಮವು ದೇಹದ ಚರ್ಮಕ್ಕಿಂತ ಸೂಕ್ಷ್ಮವಾಗಿರುತ್ತದೆ. ಹೀಗಾಗಿ, ಬಾಡಿ ಲೋಷನ್, ಸೋಪು ಹಚ್ಚಿದರೆ ರಾಶಸ್, ಕಜ್ಜಿ ಬರಬಹುದು. ಒಮ್ಮೆ ಈ ಸಮಸ್ಯೆ ಶುರುವಾದರೆ ವಾಸಿಯಾಗಲು ಸಮಯ ತೆಗೆದುಕೊಳ್ಳುತ್ತದೆ.

ಚರ್ಮದ ಆರೈಕೆ

ಸಕ್ಕರೆ ಸ್ಕ್ರಬ್ ಬಳಸಬೇಡಿ. ಮುಖದ ಮೇಲೆ ಸಕ್ಕರೆ ಸ್ಕ್ರಬ್ ಬಳಸುವುದರಿಂದ ಚರ್ಮಕ್ಕೆ ಹಾನಿಯಾಗಬಹುದು. ರಾಶಸ್, ಕೆಂಪು ಮುಂತಾದ ಸಮಸ್ಯೆಗಳು ಎದುರಾಗಬಹುದು. ಮುಖದ ಚರ್ಮವು ದೇಹದ ಚರ್ಮಕ್ಕಿಂತ ಸೂಕ್ಷ್ಮವಾಗಿರುವುದರಿಂದ ಸಕ್ಕರೆ ಸ್ಕ್ರಬ್ ಬಳಸಬಾರದು.

ಕೆಮಿಕಲ್ ಬ್ಲೀಚ್ ಬಳಸಬೇಡಿ. ಕೆಲವು ಹುಡುಗಿಯರು ಮುಖದ ಸೌಂದರ್ಯವನ್ನು ಹೆಚ್ಚಿಸಲು ಕೆಮಿಕಲ್ ಬ್ಲೀಚ್ ಬಳಸುತ್ತಾರೆ. ಆದರೆ ಇದರಿಂದ ರಾಶಸ್ ಬರಬಹುದು. ಬೇಕಿಂಗ್ ಸೋಡಾ ಕೂಡ ಅಪಾಯಕಾರಿ. ಅದರಲ್ಲಿರುವ ಸೋಡಿಯಂ ಬೈಕಾರ್ಬನೇಟ್ ಮುಖದ ಮೇಲೆ ಪ್ರತಿಕ್ರಿಯಿಸಬಹುದು. ಮುಕ್ತಾಯ ದಿನಾಂಕ ಮುಗಿದ ಮೇಕಪ್ ಉತ್ಪನ್ನಗಳನ್ನು ಬಳಸಬೇಡಿ. ಇದರಿಂದ ಮೊಡವೆಗಳು ಮತ್ತು ಇತರ ಸಮಸ್ಯೆಗಳು ಹೆಚ್ಚಾಗಬಹುದು. ಸೂಕ್ಷ್ಮ ಚರ್ಮ ಹೊಂದಿರುವವರು ಬಿಸಿ ನೀರು, ಬೆಳ್ಳುಳ್ಳಿ, ನಿಂಬೆಹಣ್ಣು, ಹೆಚ್ಚು ಸ್ಕ್ರಬ್ಬಿಂಗ್ ಮಾಡಬಾರದು. ಏಕೆಂದರೆ ಒಮ್ಮೆ ಸಮಸ್ಯೆ ಶುರುವಾದರೆ ವಾಸಿಯಾಗಲು ಸಮಯ ತೆಗೆದುಕೊಳ್ಳುತ್ತದೆ.