ಅಮೆರಿಕದಲ್ಲಿ ಕಾಂಚಿಪುರಂ ಸೀರೆಯುಟ್ಟು ಭಾರತದ ಸಂಪ್ರದಾಯ ಮೆರೆಸಿದ ನೀತಾ ಅಂಬಾನಿ!

ರಿಲಯನ್ಸ್‌ನ ಕರಕುಶಲ ವಸ್ತುಗಳನ್ನು ತಯಾರಿಸುವ ಸ್ವದೇಶ್‌ನಲ್ಲಿ ವಿಮ್ಯಾಸಗೊಳಿಸಲಾದ ಕಾಂಚೀಪುರಂ ರೇಷ್ಮೆ ಸೀರೆಯನ್ನು ನೀತಾ ಅಂಬಾನಿ ಉಟ್ಟಿದ್ದರು.   

ವಾಷಿಂಗ್ಟನ್ (ಜ.20): ಅಮೆರಿಕದ ನಿಯೋಜಿತ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಪ್ರಮಾಣ ವಚನ ಸ್ವೀಕಾರ ಸಮಾರಂಭಕ್ಕಾಗಿ ಜಗತ್ತು ವಾಷಿಂಗ್ಟನ್‌ನಲ್ಲಿ ಒಟ್ಟುಗೂಡುತ್ತಿರುವಾಗ, ಶ್ರೀಮತಿ ನೀತಾ ಅಂಬಾನಿ ಖಾಸಗಿ ಸ್ವಾಗತ ಸಮಾರಂಭದಲ್ಲಿ ತಮ್ಮ ವಿಶಿಷ್ಟ ಸೊಬಗಿನಿಂದ ಅಲಂಕೃತಗೊಂಡು ಗಮನ ಸೆಳೆದರು. 

ರಿಲಯನ್ಸ್‌ನ ಕರಕುಶಲ ವಸ್ತುಗಳನ್ನು ತಯಾರಿಸುವ ಸ್ವದೇಶ್‌ನಲ್ಲಿ ವಿಮ್ಯಾಸಗೊಳಿಸಲಾದ ಕಾಂಚೀಪುರಂ ರೇಷ್ಮೆ ಸೀರೆಯನ್ನು ಉಟ್ಟಿದ್ದರು. ಈ ಸೀರೆಯು ಕಾಂಚೀಪುರಂನ ಭವ್ಯ ದೇವಾಲಯಗಳ ಆಧ್ಯಾತ್ಮಿಕ ಮತ್ತು ಐತಿಹಾಸಿಕ ಸಾರದಿಂದ ಪ್ರೇರಿತವಾದ 100 ಕ್ಕೂ ಹೆಚ್ಚು ಗಮನಾರ್ಹ ಸಾಂಪ್ರದಾಯಿಕ ಲಕ್ಷಣಗಳನ್ನು ಒಳಗೊಂಡಿದೆ. 18 ನೇ ಶತಮಾನದ ಪಾರಂಪರಿಕ ಭಾರತೀಯ ಆಭರಣಗಳಿಂದ ಅವರು ಅಲಂಕೃತಗೊಂಡಿದ್ದರು.

ರಾಷ್ಟ್ರೀಯ ಪ್ರಶಸ್ತಿ ವಿಜೇತ ಮಾಸ್ಟರ್ ಕುಶಲಕರ್ಮಿ ಬಿ.ಕೃಷ್ಣಮೂರ್ತಿ ಅವರು ನೇಯ್ದ ಕಸ್ಟಮ್-ಮೇಡ್ ಸೀರೆಯು ಇರುತಲೈಪಾಕ್ಷಿ (ವಿಷ್ಣುವನ್ನು ಸಂಕೇತಿಸುವ ಎರಡು ತಲೆಯ ಹದ್ದು), ಮಯಿಲ್ (ಅಮರತ್ವ ಮತ್ತು ದೈವತ್ವವನ್ನು ಪ್ರತಿನಿಧಿಸುತ್ತದೆ) ಮತ್ತು ಪೌರಾಣಿಕ ಸೊರ್ಗವಾಸಲ್ ಪ್ರಾಣಿಗಳ ಹಾದಿಗಳು (ಭಾರತದ ಶ್ರೀಮಂತ ಜಾನಪದದ ಮೋಡಿಯನ್ನು ಸಾಕಾರಗೊಳಿಸುತ್ತದೆ) ನಂತಹ ಸಂಕೀರ್ಣ ಮತ್ತು ಸೂಕ್ಷ್ಮವಾಗಿ ಆಯ್ಕೆ ಮಾಡಲಾದ ಲಕ್ಷಣಗಳನ್ನು ಹೊಂದಿದೆ. ಈ ಸೀರೆಗೆ ಮನೀಶ್ ಮಲ್ಹೋತ್ರಾ ಅವರು ವಿನ್ಯಾಸಗೊಳಿಸಿದ ವೆಲ್ವೆಟ್ ಬ್ಲೌಸ್‌ನೊಂದಿಗೆ ಧರಿಸಿದ್ದರು.

ಇದಕ್ಕೆ ಪೂರಕವಾಗಿ ದಕ್ಷಿಣ ಭಾರತದಲ್ಲಿ ರಚಿಸಲಾದ 200 ವರ್ಷಗಳಷ್ಟು ಹಳೆಯದಾದ ಅಪರೂಪದ ಭಾರತೀಯ ಪೆಂಡೆಂಟ್ - ಕೆಂಪು ಮತ್ತು ಹಸಿರು ದಂತಕವಚದೊಂದಿಗೆ ಚಿನ್ನದ ಕುಂದನ್ ತಂತ್ರದಲ್ಲಿ ಜೋಡಿಸಲಾದ ಪಚ್ಚೆಗಳು, ಮಾಣಿಕ್ಯಗಳು, ವಜ್ರಗಳು ಮತ್ತು ಮುತ್ತುಗಳಿಂದ ಕೂಡಿದ ಗಿಳಿ ಆಕಾರದ ನೆಕ್ಲೆಸ್ ಕೊರಳನ್ನು ಅಲಂಕರಿಸಿತ್ತು.

ಶ್ರೀಮತಿ ಅಂಬಾನಿ ಅವರು ಭಾರತೀಯ ಸಂಪ್ರದಾಯಗಳು, ಕುಶಲಕರ್ಮಿಗಳನ್ನು ಗೌರವಿಸುತ್ತಾರೆ ಎನ್ನುವುದಕ್ಕೆ ಈ ವಿಶಿಷ್ಟ ಉಡುಗೆಯು ಸೂಚಕವಾಗಿದೆ. ಈ ಮೂಲಕ ಭಾರತದ ಸಂಪ್ರದಾಯ ಮತ್ತು ಕರಕುಶಲತೆಯನ್ನು ಅವರು ವಿಶ್ವ ಮಟ್ಟದಲ್ಲಿ ಪ್ರದರ್ಶಿಸಿದ್ದಾರೆ.