ಲಿಪ್ ಬಾಮ್ (lip balm) ಹಚ್ಚಲು ಮರೆಯಬೇಡಿ
ಆಗಾಗ್ಗೆ, ಅವಸರದಲ್ಲಿ, ಮಹಿಳೆಯರು ತಮ್ಮ ಮುಖಗಳಿಗೆ ಮಾಯಿಶ್ಚರೈಸ್ ಮಾಡುತ್ತಾರೆ, ಆದರೆ ತಮ್ಮ ತುಟಿಗಳನ್ನು ಮಾಯಿಶ್ಚರೈಸ್ ಮಾಡಲು ಮರೆತುಬಿಡುತ್ತಾರೆ. ಲಿಪ್ ಸ್ಟಿಕ್ ಹಚ್ಚುವ ಮೊದಲು ಲಿಪ್ ಬಾಮ್ ಹಚ್ಚಲು ಯಾವಾಗಲೂ ನೆನಪಿಡಿ. ಇದು ನಿಮ್ಮ ತುಟಿಗಳನ್ನು ರಕ್ಷಿಸುವುದು ಮಾತ್ರವಲ್ಲದೆ ಲಿಪ್ ಸ್ಟಿಕ್ ಗಳನ್ನು ಚೆನ್ನಾಗಿ ಅಂಟುವಂತೆ ಮಾಡಲು ಸಹಾಯ ಮಾಡುತ್ತದೆ.
ಲಿಪ್ ಸ್ಟಿಕ್ ಗೆ ಮೊದಲು ಪ್ರೈಮರ್ ಬಳಸಿ
ಮೇಕಪ್ ಮಾಡುವ ಮೊದಲು, ನಾವು ಮುಖಕ್ಕೆ ಪ್ರೈಮರ್ ಗಳನ್ನು (primar)ಹಚ್ಚುತ್ತೇವೆ, ನಂತರ ಮೇಕಪ್ ಮಾಡುತ್ತೇವೆ, ಇದು ನಮ್ಮ ಮೇಕಪ್ ಅನ್ನು ಹೆಚ್ಚು ಕಾಲ ಫ್ರೆಶ್ ಆಗಿರುವಂತೆ ಮಾಡುತ್ತೆ. ಅದೇ ರೀತಿ ಲಿಪ್ ಸ್ಟಿಕ್ ಹಚ್ಚುವ ಮುನ್ನ ತುಟಿಗೆ ಲಿಪ್ ಪ್ರೈಮರ್ ಹಚ್ಚಿಕೊಳ್ಳುವುದರಿಂದ ಅದು ಲಿಪ್ ಸ್ಟಿಕ್ ಅನ್ನು ಹೆಚ್ಚು ಕಾಲ ಹಾಗೆಯೇ ಇರಿಸುತ್ತದೆ ಮತ್ತು ಮಾಸ್ಕ್ ಹಾಕಿದ ನಂತರವೂ ಹರಡುವುದಿಲ್ಲ.
ಬೇರೆ ಬೇರೆ ರೀತಿಯ ಲಿಪ್ ಪ್ರೈಮರ್ ಮಾರುಕಟ್ಟೆಯಲ್ಲಿ ಸುಲಭವಾಗಿ ಲಭ್ಯವಿದೆ. ಮೇಕಪ್ ಮಾಡುವ ಮೊದಲು ನಿಮ್ಮ ತುಟಿಗಳ ಮೇಲೆ ಇದನ್ನು ಹಚ್ಚಿ ಮತ್ತು ನಂತರ ತುಟಿಗಳ ಮೇಲೆ ಸ್ವಲ್ಪ ಫೌಂಡೇಶನ್ (foundation) ಹಚ್ಚಿ, ಇದು ಲಿಪ್ ಸ್ಟಿಕ್ ಬಣ್ಣವನ್ನು ಬ್ರೈಟ್ ಆಗಿ ಕಾಣುವಂತೆ ಮಾಡುತ್ತೆ. ಇದರಿಂದ ಸೌಂದರ್ಯವೂ ಹೆಚ್ಚುತ್ತದೆ. ಸ್ಟೈಲಿಶ್ ಲುಕ್ ನೀಡುತ್ತದೆ.
ಪೌಡರ್ ಬಳಸಿ (use powder)
ಮಾಸ್ಕ್ ಹಚ್ಚುವುದರಿಂದ ನಿಮ್ಮ ಲಿಪ್ ಸ್ಟಿಕ್ ಹರಡಿದರೆ, ಲಿಪ್ ಸ್ಟಿಕ್ ಹಚ್ಚಿದ ನಂತರ ಅದರ ಮೇಲೆ ಸ್ವಲ್ಪ ಪೌಡರ್ ಹಚ್ಚಿ. ಇದು ಲಿಪ್ ಸ್ಟಿಕ್ ಗೆ ಮ್ಯಾಟ್ ಫಿನಿಶ್ ಅನ್ನು ತರುತ್ತದೆ ಮತ್ತು ಮಾಸ್ಕ್ ಹಾಕುವುದರಿಂದ ನಿಮ್ಮ ಲಿಪ್ ಸ್ಟಿಕ್ ಡಲ್ ಆಗುವುದಿಲ್ಲ. ಪೌಡರ್ ಹಚ್ಚಿದ 5-10 ನಿಮಿಷಗಳ ನಂತರ ಮಾಸ್ಕ್ ಧರಿಸಿ. ಹೆಚ್ಚು ಸಮಯದವರೆಗೆ ಲಿಪ್ ಸ್ಟಿಕ್ ಹಾಗೆ ಇರುತ್ತದೆ.
ಸರಿಯಾಗಿ ಲಿಪ್ ಸ್ಟಿಕ್ ಆಯ್ಕೆ ಮಾಡುವುದು
ಇತ್ತೀಚಿನ ದಿನಗಳಲ್ಲಿ ಮಾರುಕಟ್ಟೆಯಲ್ಲಿ ಅನೇಕ ರೀತಿಯ ಲಿಪ್ ಸ್ಟಿಕ್ ಗಳಿವೆ. ಉದಾ: ಮ್ಯಾಟ್, ಗ್ಲಾಸಿ ಮತ್ತು ಕೆನೆ ಇತ್ಯಾದಿ. ಈ ಸಂದರ್ಭದಲ್ಲಿ, ಲಿಪ್ ಸ್ಟಿಕ್ ಕೊಳ್ಳುವ ಮೊದಲು ನೀವು ಯಾವ ಸಂದರ್ಭದಲ್ಲಿ ಲಿಪ್ ಸ್ಟಿಕ್ ಹಚ್ಚುತ್ತೀರಿ ಅನ್ನೋದನ್ನು ನೋಡಬೇಕು. ನೀವು ಹೆಚ್ಚಿನ ಸಮಯ ಮಾಸ್ಕ್ ಧರಿಸಿದರೆ, ಮ್ಯಾಟ್ ಲಿಪ್ ಸ್ಟಿಕ್ (Mat lipstick) ಖರೀದಿಸುವುದು ಉತ್ತಮ.
ಲಿಪ್ ಲೈನರ್ ಹಚ್ಚಲು ಮರೆಯಬೇಡಿ
ಆಗಾಗ್ಗೆ ಮಹಿಳೆಯರು ಲಿಪ್ ಲೈನರ್ ಗಳನ್ನು ಹಾಕೋದು ಮರೆಯುತ್ತಾರೆ. ಆದರೆ ಈ ಲಿಪ್ ಲೈನರ್ (lipliner)ನಿಮ್ಮ ತುಟಿಗಳಿಗೆ ಉತ್ತಮ ಆಕಾರ ನೀಡುವುದಲ್ಲದೆ ಲಿಪ್ ಸ್ಟಿಕ್ ಸೆಟ್ ಅನ್ನು ಇಡುತ್ತದೆ. ಲಿಪ್ ಸ್ಟಿಕ್ ಹಚ್ಚುವ ಮೊದಲು ಲಿಪ್ ಲೈನರ್ ಹಚ್ಚುವುದರಿಂದ ಲಿಪ್ ಸ್ಟಿಕ್ ಹೊರಗಡೆ ಸ್ಪ್ರೆಡ್ ಆಗೋದು ತಪ್ಪುತ್ತದೆ, ಬೇಕಾದರೆ ನೀವೇ ಟ್ರೈ ಮಾಡಿ ನೋಡಬಹುದು.
ಟಿಶ್ಯೂ ಪೇಪರ್ ನಿಂದ ಹೆಚ್ಚುವರಿ ಲಿಪ್ ಸ್ಟಿಕ್ ಕ್ಲೀನ್ ಮಾಡಿ
ನೀವು ಗ್ಲಾಸಿ ಅಥವಾ ಕ್ರೀಮೀ ಲಿಪ್ ಸ್ಟಿಕ್ (creamy lipstick) ಬಳಸುತ್ತಿದ್ದರೆ, ಲಿಪ್ ಸ್ಟಿಕ್ ಹಚ್ಚಿದ ನಂತರ ನಿಮ್ಮ ತುಟಿಗಳ ನಡುವೆ ಟಿಶ್ಯೂ ಪೇಪರ್ ಅನ್ನು ಇರಿಸಿ ಮತ್ತು ಅದನ್ನು ಒತ್ತಿ, ಟಿಶ್ಯೂ ಪೇಪರ್ ನಲ್ಲಿ ಹೆಚ್ಚುವರಿ ಲಿಪ್ ಸ್ಟಿಕ್ ಅನ್ನು ತೆಗೆದುಬಿಡಿ, ಬಳಿಕ ಮಾಸ್ಕ್ ಹಾಕಿ. ಇದರಿಂದ ಲಿಪ್ ಸ್ಟಿಕ್ ಸ್ಪ್ರೆಡ್ ಆಗೋದು ತಪ್ಪುತ್ತದೆ.
ಲಿಪ್ ಸ್ಟಿಕ್ ಹಚ್ಚಲು ಸರಿಯಾದ ಮಾರ್ಗ
ಲಿಪ್ ಸ್ಟಿಕ್ ಹಚ್ಚಲು ಸರಿಯಾದ ಮಾರ್ಗವಾಗಿದೆ, ಇದನ್ನು ನೀವು ಅನುಸರಿಸಿದರೆ, ನಿಮ್ಮ ಲಿಪ್ ಸ್ಟಿಕ್ ಹೆಚ್ಚು ಕಾಲ ಉಳಿಯುತ್ತದೆ ಮತ್ತು ಅದು ಅದ್ಭುತವಾಗಿ ಕಾಣುವಂತೆ ಮಾಡುತ್ತದೆ. ಇದಕ್ಕಾಗಿ ಮೊದಲು ತುಟಿಗಳಿಗೆ ಲಿಪ್ ಬಾಮ್ ಹಚ್ಚುವ ಮೂಲಕ ಚೆನ್ನಾಗಿ ಮಾಯಿಶ್ಚರೈಸ್ ಮಾಡಿ, ನಂತರ ಪ್ರೈಮರ್ ಹಚ್ಚಿ. ನಂತರ ಸ್ವಲ್ಪ ಕನ್ಸೀಲರ್ ಹಚ್ಚಿ ಜೊತೆಗೆ ಕಾಂಪ್ಯಾಕ್ಟ್ ಪೌಡರ್ (compact powder) ನೊಂದಿಗೆ ಸೆಟ್ ಮಾಡಿ. ಲಿಪ್ ಲೈನರ್ ಹಚ್ಚಿ ನಂತರ ನಿಮ್ಮ ಆಯ್ಕೆಯ ಲಿಪ್ ಸ್ಟಿಕ್ ಅನ್ನು ಭರ್ತಿ ಮಾಡಿ.