ಮಾಧ್ಯಮ ವರದಿಗಳ ಪ್ರಕಾರ, ಸೌತ್‌ ನಟಿ ನಯನತಾರಾ (Nayanthara) ಇನ್ನು ಮುಂದೆ ಬಾಲಿವುಡ್ ಚಿತ್ರಗಳಲ್ಲಿ ಕೆಲಸ ಮಾಡುವುದಿಲ್ಲವಂತೆ. ಈ ನಿರ್ಧಾರಕ್ಕೆ ಕಾರಣ ಜವಾನ್ ಸಿನಿಮಾದ ನಿರ್ದೇಶಕ ಅಟ್ಲಿ ಅವರ ಜೊತೆ ಮನಸ್ತಾಪ ಏನ್ನಲಾಗಿದೆ. ಪೂರ್ಣ ಮಾಹಿತಿ ಇಲ್ಲಿದೆ.
'ಜವಾನ್' ಚಿತ್ರದಲ್ಲಿ ಶಾರುಖ್ ಖಾನ್ ಜೊತೆಗೆ ಜನರು ನಯನತಾರಾ ಅವರನ್ನು ತುಂಬಾ ಇಷ್ಟಪಡುತ್ತಾರೆ. ಆಕೆಯ ಮತ್ತು ಶಾರುಖ್ ಖಾನ್ ನಡುವಿನ ಕೆಮಿಸ್ಟ್ರಿಯನ್ನು ಜನರು ಇಷ್ಟಪಡುತ್ತಿದ್ದಾರೆ. ಇಂತಹ ಪರಿಸ್ಥಿತಿಯಲ್ಲಿ ನಯನತಾರಾ ಅವರನ್ನು ಬಾಲಿವುಡ್‌ನಲ್ಲಿ ಮತ್ತೆ ನೋಡಲು ಜನ ಬಯಸುತ್ತಾರೆ.
ಆದರೆ, ಅವರ ಈ ಕನಸು ಕೇವಲ ಕನಸಾಗಿಯೇ ಉಳಿಯುತ್ತದೆ ಏಕೆಂದರೆ ಸದ್ಯಕ್ಕೆ ನಯನತಾರಾ ಯಾವುದೇ ಚಿತ್ರಕ್ಕೆ ಸಿದ್ಧವಾಗಿಲ್ಲ ಎಂದು ಉದ್ಯಮಕ್ಕೆ ಸಂಬಂಧಿಸಿದ ಆಂತರಿಕ ಮೂಲಗಳು ಹೇಳುತ್ತವೆ.
ವಾಸ್ತವವಾಗಿ, ನಯನಾತಾರಾ ಅವರು ಜವಾನ್ ಬಿಡುಗಡೆ ನಂತರ ಹೆಚ್ಚು ಖುಷಿಯಾಗಿಲ್ಲ. ಇದಕ್ಕೆ ಕಾರಣ ಚಿತ್ರದ ನಿರ್ದೇಶಕ ಅಟ್ಲಿ ಎನ್ನಲಾಗುತ್ತಿದೆ .
'ಚಿತ್ರದಲ್ಲಿ ಅವರ ಪಾತ್ರವನ್ನು ಕಡಿತಗೊಳಿಸಿದ್ದರಿಂದ ಅವರು ಅಟ್ಲಿ ಮೇಲೆ ತುಂಬಾ ಕೋಪಗೊಂಡಿದ್ದರು. ಅಲ್ಲದೆ, ದೀಪಿಕಾ ಪಡುಕೋಣೆ ಪಾತ್ರವನ್ನು ಹೆಚ್ಚು ಹೈಲೈಟ್ ಮಾಡಲಾಗಿದೆ. ನಯನತಾರಾ ಪಾತ್ರವನ್ನು ಬಹುತೇಕ ಕಡೆಗಣಿಸಲಾಗಿದೆ. ಚಿತ್ರದಲ್ಲಿ ದೀಪಿಕಾ ಪಾತ್ರ ಅತಿಥಿ ಪಾತ್ರವೇ ಅಲ್ಲ. ಜವಾನ್‌ಗೆ ಬಹುತೇಕ ಶಾರುಖ್-ದೀಪಿಕಾ ಚಿತ್ರದಂತೆಯೇ ಲುಕ್ ನೀಡಲಾಗಿದೆ,' ಎಂದು ನಯನತಾರಾಗೆ ಸಂಬಂಧಿಸಿದ ಮೂಲವೊಂದು ಹೇಳಿದೆ.
ನಯನತಾರಾ ದಕ್ಷಿಣದ ದೊಡ್ಡ ನಟಿ, ಆದ್ದರಿಂದ ಅವರು ಅಟ್ಲಿ ಅವರ ಈ ನಡವಳಿಕೆಯಿಂದ ಬೇಜಾರಾಗಿದ್ದಾರೆ. ಈ ಕಾರಣದಿಂದ ನಯನತಾರಾ ಈಗ ಯಾವುದೇ ಬಾಲಿವುಡ್ ಚಿತ್ರದಲ್ಲಿ ನಟಿಸದೇ ಇರುವ ಸಾಧ್ಯತೆ ಇದೆ ಎಂದು ವರದಿಯಾಗಿದೆ.
'ನಯನತಾರಾ ಎಂದಿಗೂ ಯಾವುದೇ ಕಾರ್ಯಕ್ರಮಕ್ಕೆ ಹೋಗುವುದಿಲ್ಲ. ಆಕೆ ತನ್ನ ಚಲನಚಿತ್ರಗಳಿಗೆ ಯಾವುದೇ ಪ್ರಚಾರ ನೀತಿಯನ್ನು ಅಳವಡಿಸಿಕೊಳ್ಳುವುದಿಲ್ಲ, ಏಕೆಂದರೆ ಆಕೆಯ ಹಿಂದಿನ ಅನುಭವಗಳು ಉತ್ತಮವಾಗಿಲ್ಲ' ಎಂದು ನಯನತಾರಾಗೆ ಸಂಬಂಧಿಸಿದ ಮೂಲಗಳು ಮತ್ತಷ್ಟು ಹೇಳಿವೆ.
ಮುಂಬೈನಲ್ಲಿ ನಡೆದ 'ಜವಾನ್' ಚಿತ್ರದ ಸಕ್ಸಸ್ ಮೀಟ್‌ನಲ್ಲೂ ಆಕೆ ಹಾಜರಿರಲಿಲ್ಲ. ಅಟ್ಲಿ ಮತ್ತು ಶಾರುಖ್ ಖಾನ್, ದೀಪಿಕಾ ಪಡುಕೋಣೆ, ವಿಜಯ್ ಸೇತುಪತಿ ಸೇರಿದಂತೆ ಚಿತ್ರದ ಎಲ್ಲಾ ನಟರು ಉಪಸ್ಥಿತರಿದ್ದರು.
'ಜವಾನ್' ಬಿಡುಗಡೆಯಾದ ಮೊದಲ ದಿನವೇ 75 ಕೋಟಿ ರೂಪಾಯಿ ಗಳಿಸಿದೆ. ಆದರೆ, ಬಿಡುಗಡೆಯಾದ 13 ದಿನಗಳಲ್ಲಿ ಚಿತ್ರ 500 ಕೋಟಿ ರೂ.ಗೂ ಹೆಚ್ಚು ಗಳಿಸಿದೆ.