ನಗುವಿನ ಹಿಂದೆ ಕಣ್ಣೀರು, 3 ಮದುವೆಯಾದ ನಟನ ರಿಯಲ್ ಸ್ಟೋರಿ!

ಸ್ಟಾರ್ ಕಾಮಿಡಿಯನ್ ಜಗದೀಪ್ ಸುಮಾರು 400 ಸಿನೆಮಾಗಳಲ್ಲಿ ನಟಿಸಿದ್ದಾರೆ. ಅವರ ನಗುವಿನ ಹಿಂದೆ ಕಷ್ಟಗಳು ಮತ್ತು ನಿದ್ದೆಗೆಟ್ಟ ರಾತ್ರಿಗಳಿವೆ. ಬಾಲನಟನಾಗಿ ವೃತ್ತಿ ಜೀವನ ಆರಂಭಿಸಿ, ಪ್ರಧಾನಿ ನೆಹರೂ ಅವರಿಂದಲೂ ಪ್ರಶಂಸೆ ಪಡೆದಿದ್ದಾರೆ.

ಒಬ್ಬ ಸ್ಟಾರ್ ಕಾಮಿಡಿಯನ್, ಸುಮಾರು 400 ಸಿನೆಮಾಗಳಲ್ಲಿ ಆಕ್ಟ್ ಮಾಡಿದಾನೆ. ಮುಖದಲ್ಲಿ ಎಕ್ಸ್‌ಪ್ರೆಶನ್ ಕೊಟ್ಟರೆ ಸಾಕು ನಗಿಸುತ್ತಾರೆ, ಸ್ಕ್ರೀನ್ ಮೇಲೆ ಕಾಣಿಸಿದ್ರೆ ನಗುವಿನ ಹೊಳೆ ಹರಿಯೋದು ಪಕ್ಕಾ. ಆದ್ರೆ ಆ ನಗುವಿನ ಹಿಂದೆ ಎಷ್ಟೋ ಕಷ್ಟಗಳು, ಇನ್ನೂ ಎಷ್ಟೋ ನಿದ್ದೆಗೆಟ್ಟ ರಾತ್ರಿಗಳು. ಎಷ್ಟೋ ಜನ ಆಕ್ಟರ್‌ಗಳಿಗೆ ರೋಲ್ ಮಾಡೆಲ್ ಆಗಿ ನಿಂತ ಆ ಸ್ಟಾರ್ ನಟ ಯಾರು ಗೊತ್ತಾ?

ಆ ನಟ ಯಾರು ಅಲ್ಲ ಜಗದೀಪ್‌. ಅವರ ಅಸಲಿ ಹೆಸರು ಸೈಯದ್ ಇಶ್ತಿಯಾಕ್ ಅಹ್ಮದ್ ಜಾಫ್ರಿ. ಸ್ಕ್ರೀನ್ ಮೇಲೆ ಅವರಿಗೆ ತುಂಬಾ ಹೆಸರುಗಳಿವೆ. ಇಂಡಸ್ಟ್ರಿಯಲ್ಲಿ ಮಾತ್ರ ಜಗದೀಪ್‌ ಆಗಿ, ಸೂರ್ಮಾ ಭೋಪಾಲಿ ಆಗಿ ಫೇಮಸ್ ಆದರು. ಜಗದೀಪ್‌ ಅಸಲಿ ಹೆಸರು  ಅತ್ಯಂತ ವಿರಳ ಜನರಿಗೆ ಮಾತ್ರ ಗೊತ್ತಿದೆ.  

ಸೂಪರ್ ಕಾಮಿಡಿ ಟೈಮಿಂಗ್, ಕಣ್ಣಿಂದಲೇ ನಗಿಸೋ ಟ್ಯಾಲೆಂಟ್ ಅವರ ತಾಕತ್ತು. ಬಾಲಿವುಡ್ ಪ್ರೇಕ್ಷಕರ ಮನಸ್ಸಿನಲ್ಲಿ ಅಚ್ಚಳಿಯದ ಗುರುತು ಮೂಡಿಸಿರುವ ಈ ನಟ ಅದೆಷ್ಟೋ ಕಷ್ಟದಲ್ಲಿ ಇಂಡಸ್ಟ್ರಿಯಲ್ಲಿ ಸ್ಟಾರ್ ಆಗಿ ಮೆರೆದವರು. ಈ ಮೂಲಕ ಪ್ರೇಕ್ಷಕರ ಹೃದಯದಲ್ಲಿ ಸ್ಪೆಷಲ್ ಕಾಮಿಡಿಯನ್ ಆಗಿ ಉಳಿದಿದ್ದಾರೆ. ಆದ್ರೆ, ಈ ಬೆಳವಣಿಗೆ  ಹಿಂದೆ ಎಷ್ಟೋ ಕಷ್ಟಗಳು, ಕಣ್ಣೀರ ಹನಿ ಇದೆ.

1939 ರಲ್ಲಿ ಹುಟ್ಟಿದ ಜಗದೀಪ್‌ ಚಿಕ್ಕ ವಯಸ್ಸಿನಲ್ಲೇ ತಂದೆಯನ್ನು ಕಳೆದುಕೊಂಡರು.  ಹೀಗಾಗಿ ಕುಟುಂಬದ ಜವಾಬ್ದಾರಿಯನ್ನು ವಹಿಸಿಕೊಳ್ಳಲೇ ಬೇಕಿತ್ತು. ಓದಬೇಕಾದ ವಯಸ್ಸಿನಲ್ಲಿ ಮುಂಬೈಗೆ ವಲಸೆ ಬಂದು. ಸಣ್ಣ ಪುಟ್ಟ ಕೆಲಸ ಮಾಡ್ಕೊಂಡು ಫ್ಯಾಮಿಲಿಯನ್ನು ಸಾಕಿದರು.

ನಟನೆ ಮೇಲಿನ ಅತಿಯಾದ ಮೋಹ ಅವರನ್ನು ಬಣ್ಣದ ಬದುಕಿನತ್ತ ಸೆಳೆಯಿತು. ಇಂಡಸ್ಟ್ರಿಯಲ್ಲಿ ಸಣ್ಣ ಪುಟ್ಟ ಪ್ರಯತ್ನ ಮಾಡ್ತಾ  ಅವರಿಗೆ ಬೇಗ ಅದೃಷ್ಟ ಒಲಿಯಿತು. ಬಿ.ಆರ್. ಚೋಪ್ರಾ ತೆಗೆದ 'ಅಫ್ಸಾನಾ' ಸಿನೆಮಾದಲ್ಲಿ ಬಾಲ ನಟನಾಗಿ ಅವಕಾಶ ಸಿಕ್ಕಿತು. ಆ ಸಿನೆಮಾಗೆ ಜಗದೀಪ್ ತೆಗೆದುಕೊಂಡ ಸಂಭಾವನೆ ಎಷ್ಟು ಗೊತ್ತಾ? ಬರೀ 6 ರೂಪಾಯಿಗಳು. ಆಮೇಲೆ ಸಿನೆಮಾ ಅವಕಾಶಗಳು ಬರೋಕೆ ಶುರುವಾದವು 'ದೋ ಬೀಘಾ ಜಮೀನ್', 'ಹಮ್ ಪಂಛೀ ಏಕ್ ಡಾಲ್ ಕೇ, ಹಮ್ ಪಂಛೀ ಏಕ್ ಡಾಲ್ ಕೇ' ಅಂಥ ಸಿನೆಮಾಗಳು ನಟನಾಗಿ ಬೆಳೆಯಲು ಬುನಾದಿ ಹಾಕಿತು.

ಹಮ್ ಪಂಛೀ ಏಕ್ ಡಾಲ್ ಕೇ' ಸಿನೆಮಾದಲ್ಲಿನ ಜಗದೀಪ್‌ ನಟನೆಗೆ  ಅಂದಿನ ಪ್ರಧಾನಿ ನೆಹರೂ ಕೂಡ ಮೆಚ್ಚಿ ಒಂದು ಪೆನ್ನು ಗಿಫ್ಟ್  ಮಾಡಿದ್ದರು. ಇದರಿಂದಲೇ ತಿಳಿಯುತ್ತದೆ  ಅವರ ಟ್ಯಾಲೆಂಟ್, ನಟನೆ  ಏನು ಅಂತ. ಸುಮಾರು 70 ವರ್ಷ ನಟನಾಗಿ ಮುಂದುವರೆದ ಅಪರೂಪದ ರೆಕಾರ್ಡ್ ಜಗದೀಪ್‌ ಅವರ ಹೆಸರಿನಲ್ಲಿದೆ. ಆ 70 ವರ್ಷಗಳಲ್ಲಿ ಸುಮಾರು 400 ಕ್ಕೂ ಹೆಚ್ಚು ಸಿನೆಮಾಗಳಲ್ಲಿ ಆಕ್ಟ್ ಮಾಡಿದ್ದಾರೆ . ಒಂದು ಸಿನೆಮಾವನ್ನು ಡೈರೆಕ್ಟ್ ಕೂಡ ಮಾಡಿದ್ದಾರೆ. 

ಇನ್ನು ಅವರ ವೈಯಕ್ತಿಕ ಜೀವನಕ್ಕೆ ಬಂದೆ ಜಗದೀಪ್‌ ಗೆ ಮೂರು ಮದುವೆಯಾಗಿದೆ. ಮೊದಲ ಪತ್ನಿ ನಸೀಮ್ ಬೇಗಂ, ಇವರಿಗೆ ಹುಸೇನ್ ಜಾಫ್ರಿ, ಶಕೀರಾ ಶಫಿ, ಸುರೈಯಾ ಜಾಫ್ರಿ ಅಂತ ಮೂರು ಜನ ಮಕ್ಕಳು. ಇನ್ನು ಎರಡನೇ ಹೆಂಡತಿ ಸುಘ್ರಾ ಬೇಗಂ ಇವರಿಗೆ ಜಾವೇದ್ ಜಾಫ್ರಿ, ನಾವೇದ್ ಜಾಫ್ರಿ ಅಂತ ಇಬ್ಬರು ಮಕ್ಕಳು ಇದ್ದಾರೆ.

ಇನ್ನು ಮೂರನೇ ಹೆಂಡತಿ ನಜೀಮಾ ಇವರಿಗೆ ಒಂದೇ ಮಗು ಮುಸ್ಕಾನ್. ಇವರಲ್ಲಿ ಜಾವೇದ್, ನಾವೇದ್ 'ಬೂಗೀ ವೂಗೀ' ಶೋ ಜೊತೆ, ಸಿನೆಮಾಗಳಿಂದ  ಚಿತ್ರರಂಗದಲ್ಲಿ ಒಳ್ಳೆಯ ಹೆಸರು ಮಾಡಿದ್ದಾರೆ. 70 ವರ್ಷ ಸಿನೆಮಾ ಇಂಡಸ್ಟ್ರಿಗೆ ಸೇವೆ ಮಾಡಿದ ಜಗ್ದೀಪ್ 81 ವರ್ಷ ವಯಸ್ಸಿನಲ್ಲಿ ಅನಾರೋಗ್ಯದ ಕಾರಣ ಜುಲೈ 8ರ 2020ರಲ್ಲಿ ಮುಂಬೈನಲ್ಲಿ ತೀರಿಕೊಂಡರು. ಅವರ ಆಸ್ತಿ 100 ಕೋಟಿ  ಎಂದು ಅಂದಾಜಿಸಲಾಗಿದೆ.