ವಿಚಿತ್ರ ಡ್ರೆಸ್‌ ಧರಿಸಿ ಗಮನ ಸೆಳೆಯುತ್ತಿದ್ದ ನಟಿ ಉರ್ಫಿ ಆಸ್ಪತ್ರೆಗೆ ದಾಖಲು

ವಿಚಿತ್ರ ಉಡುಗೆ ಮೂಲಕ ಸದ್ದು ಮಾಡುತ್ತಿದ್ದ ನಟಿ ಉರ್ಫಿ ಜಾವೆದ್ ಅನಾರೋಗ್ಯದಿಂದ ಬಳಲುತ್ತಿದ್ದಾರೆ. ಅರೆಬರೆ ಬಟ್ಟೆ ಧರಿಸಿ ಕ್ಯಾಮರಾ ಮುಂದೆ ಹಾಜರಾಗುತ್ತಿದ್ದ ಉರ್ಫಿ ಇದೀಗ ಹುಷಾರು ತಪ್ಪಿದ್ದಾರೆ ಎನ್ನುವ ಮಾಹಿತಿ ತಿಳಿದುಬಂದಿದೆ. ಬಿಗ್ ಬಾಸ್ ಒಟಿಟಿ ಖ್ಯಾತಿಯ ಉರ್ಫಿ ಅವರಿಗೆ ಕಳೆದ ಎರಡು ಮೂರು ದಿನಗಳಿಂದ ಸಿಕ್ಕಾಪಟ್ಟೆ ವಾಂತಿ ಮತ್ತು ತೀವ್ರ ಜ್ವರದಿಂದ ಬಳಲುತ್ತಿದ್ದಾರೆ ಎಂದು ಅವರ ಆಪ್ತ ಮೂಲಗಳು ತಿಳಿಸಿವೆ. 

ಸದಾ ಡ್ರೆಸ್ ವಿಚಾರವಾಗಿ ಸದ್ದು ಮಾಡುತ್ತಿದ್ದ ಉರ್ಫಿ ಅನಾರೋಗ್ಯದಿಂದ ಬಳಲುತ್ತಿದ್ದಾರೆ.  ತಕ್ಷಣ ಉರ್ಫಿಯನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು ಚಿಕಿತ್ಸೆ ನೀಡಲಾಗುತ್ತಿದೆ ಎನ್ನುವ ಮಾಹಿತಿ ತಿಳಿದುಬಂದಿದೆ.  ಉರ್ಫಿ ಆಪ್ತರು ಹೇಳಿದ ಪ್ರಕಾರ ಅವರಿಗೆ 103-104 ಡಿಗ್ರಿ ಜ್ವರ ಇದೆಯಂತೆ. ಸದ್ಯ ಉರ್ಫಿಗೆ ಅನೇಕ ಪರೀಕ್ಷೆಗಳನ್ನು ಮಾಡಲಾಗುತ್ತಿದೆ ಎನ್ನುವ ಮಾಹಿತಿ ತಿಳಿದುಬಂದಿದೆ. 

ಸದ್ಯ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವ  ನಟಿ ಉರ್ಫಿ ಫೋಟೋವನ್ನು ಶೇರ್ ಮಾಡಿದ್ದಾರೆ. ಆಸ್ಪತ್ರೆ ಬೆಡ್ ಮೇಲೆ ಇರುವ ಫೋಟೋ ಹಂಚಿಕೊಂಡು ನಾನು ಇದುವರೆಗೂ ನನ್ನ ಆರೋಗ್ಯ ಕಡೆಗಣಿಸಿದ್ದಕ್ಕೆ ಈಗ ಇಂಥ ಸ್ಥಿತಿ ಎಂದು ಬರೆದುಕೊಂಡಿದ್ದಾರೆ. ಬೆಡ್ ಮೇಲೆ ಕುಳಿತು ಆಹಾರ ತಿನ್ನುತ್ತಿರುವ ಫೋಟೋ ಹಂಚಿಕೊಂಡಿದ್ದಾರೆ. 

ಅಂದಹಾಗೆ ಉರ್ಫಿ ಇತ್ತೀಚಿಗಷ್ಟೆ ಹಳದಿ ಬಣ್ಣದ ದುಪ್ಪಟ್ಟ ಸುತ್ತಿಕೊಂಡು ಕ್ಯಾಮರಾ ಮುಂದೆ ಹಾಜರಾಗಿದ್ದರು. ಉರ್ಫಿ ನೋಡಿ ನೆಟ್ಟಿಗರು ಹಿಗ್ಗಾಮುಗ್ಗ ಟ್ರೋಲ್ ಮಾಡಿದ್ದರು. ಆದರೆ ಉರ್ಫಿ ಯಾವುದೇ ಟ್ರೋಲ್ ಗೂ ತಲೆಕೆಡಿಸಿಕೊಳ್ಳುವಿದಿಲ್ಲ. ಎಷ್ಟೆ ಕಾಲೆಳದರೂ ಸಹ ಅದೆ ವಿಚಿತ್ರ ಅವತಾರದಲ್ಲಿ ಕಾಣಿಸಿಕೊಳ್ಳುತ್ತಾರೆ. 

ಹಳದಿ ಬಣ್ಣದ ದುಪ್ಪಟ್ಟ ಸುತ್ತಿಕೊಂಡು ಬಂದಿದ್ದ ಉರ್ಫಿ  ನಿಮಗೆಲ್ಲಾ ನಾನು ಬರ್ಗರ್‌ ತಂದಿದ್ದೀನಿ ದಯವಿಟ್ಟು ಸೇವಿಸಿ ಎಂದು ಉರ್ಫಿ ಹೇಳಿದ್ದರು. ಏರ್ಪೋರ್ಟ್‌ನಲ್ಲಿ ಕಾಣಿಸಿಕೊಂಡಾಗ ಮಸಾಬಾ ಗುಪ್ತಾ ಬಗ್ಗೆ ಕಾಮೆಂಟ್ ಮಾಡಿದ್ದಾರೆ ಆಕೆ ನನ್ನ ಫೇವರೆಟ್‌ ಎಂದು ಹಾಡಿ ಹೊಗಳಿದರು. ಉರ್ಫಿಯ ಈ ವಿಡಿಯೋ ವೈರಲ್ ಆಗಿತ್ತು. ಇದರ ಬೆನ್ನಲ್ಲೇ ಉರ್ಫಿ ಈಗ ಆಸ್ಪತ್ರೆ ದಾಖಲಾಗಿದ್ದಾರೆ. 

ಉರ್ಫಿ ಬಿಗ್ ಬಾಸ್ ಒಟಿಟಿ ಮೂಲಕ ಖ್ಯಾತಿಗಳಿಸಿದರು. ಈ ಶೋ ಬಳಿಕ ಉರ್ಫಿ ಯಾವುದೇ ಸಿನಿಮಾ ಅಥವಾ ಕಿರುತೆರೆಯಲ್ಲಿ ಕಾಣಿಸಿಕೊಂಡಿಲ್ಲ. ಆದರೂ ಪ್ರತಿದಿನ ಸದ್ದು ಮಾಡುತ್ತಿರುತ್ತಾರೆ. ವಿಚಿತ್ರ ಡ್ರೆಸ್ ಮೂಲಕವೇ ಗಮನ ಸೆಳೆಯುತ್ತಿರುವ ನಟಿ ಬೇಗ ಗುಣಮುಖರಾಗಲಿ ಎಂದು ಫಾಲೋವರ್ಸ್ ಹಾರೈಸುತ್ತಿದ್ದಾರೆ.