ಅವಕಾಶ ಸುಲಭವಾಗಿ ಸಿಕ್ಕಿತು, ನಂತರದ ಹಾದಿ ಭಯಾನಕ; ಸ್ಟಾರ್ ಕಿಡ್ಸ್ ಕಷ್ಟ ಬಿಚ್ಚಿಟ್ಟ ತುಷಾರ್ ಕಪೂರ್

ಏಕ್ತಾ ಕಪೂರ್ ಸಹೋದರ ತುಷಾರ್ ಕಪೂರ್ (Tushar Kapoor) ಬೆಳ್ಳಿತೆರೆಯಿಂದ ದೂರ ಉಳಿದಿದ್ದಾರೆ. ತುಷಾರ್ ತಮ್ಮ ವೃತ್ತಿಜೀವನದಲ್ಲಿ ಹಲವಾರು ಚಿತ್ರಗಳಲ್ಲಿ ಕೆಲಸ ಮಾಡಿದರೂ, ಸ್ವಂತವಾಗಿ ಒಂದೇ ಒಂದು ಹಿಟ್ ಚಿತ್ರವನ್ನು ನೀಡಲು ಸಾಧ್ಯವಾಗಲಿಲ್ಲ.  ಜನಪ್ರಿಯ ನಟ ಜೀತೇಂದ್ರ ಅವರ ಪುತ್ರ ಎಂಬ ಕಾರಣವು ಅವರಿಗೆ ಯಾವುದೇ ಪ್ರಯೋಜನವಾಗಲಿಲ್ಲ. ಅದೇ ಸಮಯದಲ್ಲಿ, ಇತ್ತೀಚೆಗೆ ತುಷಾರ್ ಸಂದರ್ಶನವೊಂದರಲ್ಲಿ ಒಂದು ಶಾಕಿಂಗ್‌ ವಿಷಯ  ಬಹಿರಂಗ ಮಾಡಿದ್ದಾರೆ. ಅಷ್ಟೇ ಅಲ್ಲ, ಕರೀನಾ ಕಪೂರ್ (Kareena Kapoor) ಬಗ್ಗೆ ಯಾರೂ ನಂಬಲು ಸಾಧ್ಯವಾಗದಂತಹ ಮಾತುಗಳನ್ನೂ ಹೇಳಿದ್ದಾರೆ. ಅಷ್ಟಕ್ಕೂ ತುಷಾರ್‌ ಹೇಳಿದ್ದೇನು ?

ಬಾಲಿವುಡ್ ಇಂಡಸ್ಟ್ರಿಯಲ್ಲಿ ಯಾವಾಗಲೂ ಒಳಗಿನವರು ಮತ್ತು ಹೊರಗಿನವರ ಬಗ್ಗೆ ಚರ್ಚರಯಿದೆ. ಸಿನಿಮಾ ಪ್ರಪಂಚದಲ್ಲಿ ಹೊರಗಿನವರು ತುಂಬಾ ಕಷ್ಟಪಡಬೇಕಾಗುತ್ತದೆ ಮತ್ತು ಒಳಗಿನವರಿಗೆ ಹೆಚ್ಚಿನ ಅನುಕೂಲವಿದೆ ಎನ್ನಲಾಗುತ್ತದೆ.

ಆದರೆ  ತುಷಾರ್ ಕಪೂರ್ ಬಾಲಿವುಡ್ ಉದ್ಯಮದಲ್ಲಿ ಆಂತರಿಕ ಪ್ರಯೋಜನಗಳನ್ನು ನಿರಾಕರಿಸಿದ್ದಾರೆ. ಸ್ಟಾರ್ ಮಕ್ಕಳಿಗೆ ಸುಲಭವಾಗಿ ಕೆಲಸ ಸಿಗುತ್ತದೆ ಎಂಬ ಭಾವನೆ ಜನರ ಮನಸ್ಸಿನಲ್ಲಿದೆ ಎಂದು ಹೇಳಿದರು. ಸ್ಟಾರ್ ಮಕ್ಕಳು ಹೆಚ್ಚು ಕಷ್ಟಪಡಬೇಕಾಗುತ್ತದೆ ಎಂದರು.

ಉದ್ಯಮದಲ್ಲಿ ಪ್ರತಿ ಸ್ಟಾರ್ ಕಿಡ್‌ಗೆ ರೆಡ್ ಕಾರ್ಪೆಟ್ ಇಲ್ಲ ಎಂದು ಸಂದರ್ಶನವೊಂದರಲ್ಲಿ ತುಷಾರ್ ಕಪೂರ್ ಹೇಳಿದರು  ನಾನು ನನ್ನ ಚೊಚ್ಚಲ ಚಿತ್ರ ಮುಜೆ ಕುಚ್ ಕೆಹನಾ ಹೈ ಚಿತ್ರೀಕರಣದಲ್ಲಿದ್ದಾಗ, ನಾನು ನನ್ನ ಸಹನಟಿಗಾಗಿ ಗಂಟೆಗಟ್ಟಲೆ ಕಾಯುತ್ತಿದ್ದೆ ಎಂದು ತುಷಾರ್‌ ಹೇಳಿದ್ದಾರೆ.

ನಾನು ಕರೀನಾಗಾಗಿ 12-14 ಗಂಟೆಗಳ ಕಾಲ ಕಾಯಬೇಕಾಯಿತು ಏಕೆಂದರೆ ಅವರು 4 ಚಿತ್ರಗಳಲ್ಲಿ ಒಟ್ಟಿಗೆ ಕೆಲಸ ಮಾಡುತ್ತಿದ್ದರು. ಅವರ ಮೊದಲ ಚಿತ್ರ ಬಿಡುಗಡೆಯಾಗುವ ಹಂತದಲ್ಲಿತ್ತು. ಆ ಸಮಯದಲ್ಲಿ ಕರೀನಾಗೆತುಂಬಾ ಬೇಡಿಕೆ ಇತ್ತು ಎಂದು ಸ್ಟಾರ್ ಕಿಡ್ ಕರೀನಾ ಕಪೂರ್ ಬಗ್ಗೆ ತುಷಾರ್ ಕಪೂರ್ ಹೇಳಿದರು. 

ಅದೇ ಸಮಯದಲ್ಲಿ, ತುಷಾರ್ ಕಪೂರ್ ಸಹ ಸ್ಟಾರ್ ಕಿಡ್ ಆಗಿರುವುದರಿಂದ, ನಿಮ್ಮ ಚೊಚ್ಚಲ ಚಿತ್ರವನ್ನು ಪಡೆಯಲು ನಿಮಗೆ ಹೆಚ್ಚು ಕಷ್ಟವಾಗುವುದಿಲ್ಲ, ಆದರೆ ಮುಂದಿನ ಹಾದಿಯು ಸುಲಭವಲ್ಲ, ಅದು ಬಹಳಷ್ಟು ತೊಂದರೆಗಳನ್ನು ಎದುರಿಸುತ್ತದೆ ಎಂದು ಒಪ್ಪಿಕೊಂಡರು.

Kangana Ranaut Tusshar kapoor

ತುಷಾರ್ ಕಪೂರ್ 2001 ರಲ್ಲಿ ಮುಜೆ ಕುಚ್ ಕೆಹನಾ ಹೈ ಚಿತ್ರದ ಮೂಲಕ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದರು .ಇದರ ನಂತರ ಅವರು ಕ್ಯಾ ದಿಲ್ ನೆ ಕೆಹನಾ, ಜೀನಾ ಕೇವಲ ತೇರೆ ಲಿಯೇ, ಕುಚ್ ತೋ ಹೈ, ಗಯಾಬ್, ಖಾಕಿ, ಇನ್ಸಾನ್, ಗೋಲ್ಮಾಲ್, ಕ್ಯಾ ಲವ್ ಸ್ಟೋರಿ ಹೈ, ಧೋಲ್, ಲೈಫ್ ಪಾರ್ಟ್ನರ್, ಗೋಲ್ಮಾಲ್ ಎಗೇನ್ ಮುಂತಾದ ಚಿತ್ರಗಳಲ್ಲಿ ಕೆಲಸ ಮಾಡಿದರು.

ಆದರೆ, ಅವರು ಸ್ವಂತವಾಗಿ ಒಂದೇ ಒಂದು ಚಿತ್ರ ಹಿಟ್ ನೀಡಲು ಸಾಧ್ಯವಾಗಲಿಲ್ಲ. ತುಷಾರ್ ಕಪೂರ್ ಕೊನೆಯದಾಗಿ ರೋಹಿತ್ ಶೆಟ್ಟಿಯವರ ಬಹು ತಾರಾಗಣದ ಚಿತ್ರ ಗೋಲ್ಮಾಲ್ ಅಗೇನ್ ನಲ್ಲಿ ಕಾಣಿಸಿಕೊಂಡಿದ್ದರು.