Salman Khan ಮಾತ್ರವಲ್ಲ, ಈ ನಟರೂ ಗಂಭೀರ ಅಪಘಾತಗಳಿಂದ ಬದುಕುಳಿದ್ದಾರೆ!

ಸಲ್ಮಾನ್ ಖಾನ್ (Salman Khan) ಅವರ ಹುಟ್ಟುಹಬ್ಬದ ಹಿಂದಿನ ದಿನ ಹಾವು ಕಚ್ಚಿತ್ತು. ಸಲ್ಮಾನ್ ತಮ್ಮ ಹುಟ್ಟುಹಬ್ಬವನ್ನು ಆಚರಿಸಲು ಪನ್ವೆಲ್‌ನಲ್ಲಿರುವ ಫಾರ್ಮ್‌ಹೌಸ್‌ಗೆ ಬಂದಿದ್ದರು. ಇಲ್ಲಿಯೇ ಹಾವು ಅವರ ಕೈಗೆ ಮೂರು ಬಾರಿ ಕಚ್ಚಿದೆ. ಹಾವು ಕಚ್ಚಿದ ನಂತರ ಸಲ್ಮಾನ್ ಅವರನ್ನು ಮಧ್ಯಾಹ್ನ 3 ಗಂಟೆಗೆ ಎಂಜಿಎಂ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. 6 ಗಂಟೆಗಳ ಚಿಕಿತ್ಸೆಯ ನಂತರ ಅವರನ್ನು ಡಿಸ್ಚಾರ್ಜ್ ಮಾಡಲಾಗಿದೆ. ಈಗ ಸಲ್ಮಾನ್ ಆರೋಗ್ಯ ಮೊದಲಿಗಿಂತ ಹೆಚ್ಚು ಸುಧಾರಿಸಿದೆ. ಅಂದಹಾಗೆ, ಸಾವಿಗೆ ಇಷ್ಟು ಹತ್ತಿರವಾದ ನಟ ಸಲ್ಮಾನ್ ಒಬ್ಬರೇ ಅಲ್ಲ. ಇದಕ್ಕೂ ಮೊದಲು, ಅಮಿತಾಭ್ ಬಚ್ಚನ್, ಶಾರುಖ್ ಖಾನ್, ಹೇಮಾ ಮಾಲಿನಿ ಮತ್ತು ಪ್ರೀತಿ ಜಿಂಟಾ ಸೇರಿ ಅನೇಕ ಖ್ಯಾತನಾಮರು ಗಂಭೀರ ಅಪಘಾತಗಳಿಂದ ಕೂದಲೆಳೆಯ ಅಂತರದಿಂದ  ಬದುಕುಳಿದರು. 

ಹೇಮಾ ಮಾಲಿನಿ:
ಹೇಮಾ ಮಾಲಿನಿ ಕೂಡ ಗಂಭೀರ ಅಪಘಾತಕ್ಕೆ ಬಲಿಯಾಗಿದ್ದಾರೆ. ಮಥುರಾದಿಂದ ಜೈಪುರಕ್ಕೆ ಹೋಗುತ್ತಿದ್ದಾಗ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಅವರ ಕಾರು ಮತ್ತೊಂದು ವಾಹನಕ್ಕೆ ಡಿಕ್ಕಿ ಹೊಡೆದಿದೆ. ಈ ಅಪಘಾತದಲ್ಲಿ ಹೇಮಾ ಮಾಲಿನಿ ಅವರ ಕಣ್ಣು ಮತ್ತು ಮುಖಕ್ಕೆ ಗಂಭೀರ ಗಾಯಗಳಾಗಿತ್ತು. ಆದರೆ, ಅವರ ಕಾರಿನ ಏರ್‌ಬ್ಯಾಗ್‌ಗಳು ಅವರನ್ನು ಗಂಭೀರ ಅಪಘಾತದಿಂದ ರಕ್ಷಿಸಿದವು.

ಶಾರುಖ್ ಖಾನ್:
ಕೊಯ್ಲಾ ಚಿತ್ರದ ಚಿತ್ರೀಕರಣದ ವೇಳೆ ಶಾರುಖ್ ಖಾನ್ ಸ್ವಲ್ಪದರಲ್ಲೇ ಬದುಕುಳಿದಿದ್ದರು. ಶಾರುಖ್ ಓಡುತ್ತಿರುವ ಒಂದು ದೃಶ್ಯದಲ್ಲಿ  ಅವರ ಹಿಂದೆ ಹೆಲಿಕಾಪ್ಟರ್ ಇತ್ತು. ಈ ದೃಶ್ಯದಲ್ಲಿ ಹೆಲಿಕಾಪ್ಟರ್ ಶಾರುಖ್ ಅವರ ಸಮೀಪವೇ ಹಾದು ಹೋಗಿದ್ದು, ಅವರ ಒತ್ತಡದಿಂದ ಬಿದ್ದು ಗಾಯಗೊಂಡಿದ್ದರು. ಇದಲ್ಲದೇ ಮತ್ತೊಂದು ದೃಶ್ಯದಲ್ಲಿ ಶಾರುಖ್ ಬೆಂಕಿಗೆ ಆಹುತಿಯಾಗಿದ್ದರು. ಎರಡೂ ಬಾರಿ ಸಾವು ಅವರ ಹತ್ತಿರದಿಂದ ಹಾದು ಹೋಗಿದೆ.

ಪ್ರೀತಿ ಜಿಂಟಾ:
ಪ್ರೀತಿ ಜಿಂಟಾ ಒಮ್ಮೆ ಶ್ರೀಲಂಕಾದ ರಾಜಧಾನಿ ಕೊಲಂಬೊದಲ್ಲಿ ಕಾರ್ಯಕ್ರಮವೊಂದರಲ್ಲಿ ಪ್ರದರ್ಶನ ನೀಡುತ್ತಿದ್ದರು. ಈ ಸಮಯದಲ್ಲಿ, ಆಕೆಯ ಸಮೀಪವೇ ಬಾಂಬ್ ಸ್ಫೋಟಗೊಂಡಿತು, ಅದರಲ್ಲಿ ಅವರು ಸ್ವಲ್ಪದರಲ್ಲೇ ಪಾರಾಗಿದ್ದಾರೆ. ಇದಲ್ಲದೆ, ಒಮ್ಮೆ ಅವಳು ಥೈಲ್ಯಾಂಡ್‌ನಲ್ಲಿ ಹಾಲಿಡೇಯಲ್ಲಿದ್ದಾಗ, ಅಲ್ಲಿ ಸುನಾಮಿ ಬಂದಿತ್ತು. ಈ  ಎರಡೂ ಬಾರಿಯೂ ಪ್ರೀತಿ ಸಾವಿಗೆ ತುಂಬಾ ಹತ್ತಿರದಲ್ಲಿದ್ದರು. 

ಅಮಿತಾಬ್ ಬಚ್ಚನ್:
1982 ರಲ್ಲಿ 'ಕೂಲಿ' ಚಿತ್ರದ ಶೂಟಿಂಗ್ ವೇಳೆ ಅಮಿತಾಬ್ ಬಚ್ಚನ್ ಹೊಡೆದಾಟದ ದೃಶ್ಯದಲ್ಲಿ ಹೊಟ್ಟೆಗೆ ತೀವ್ರವಾದ ಗಾಯವಾಗಿತ್ತು. ಅವರು 60 ದಿನಗಳ ಕಾಲ ಆಸ್ಪತ್ರೆಯಲ್ಲಿರಬೇಕಾಯಿತು. ಈ ಸಮಯದಲ್ಲಿ ಅವರಿಗೆ ರಕ್ತದ ಅಗತ್ಯವಿತ್ತು ಮತ್ತು ಅವಸರದಲ್ಲಿ ಹೆಪಟೈಟಿಸ್ ಕಾಯಿಲೆಗೆ ಒಳಗಾದ ವ್ಯಕ್ತಿಯ ರಕ್ತವನ್ನು ಅವರಿಗೆ ವರ್ಗಾಯಿಸಲಾಯಿತು. ಈ ತಪ್ಪಿನಿಂದ  ಬಿಗ್ ಬಿ ಇಂದಿಗೂ ಬಳಲುತ್ತಿದ್ದಾರೆ.

ಜಾನ್ ಅಬ್ರಹಾಂ:
ಜಾನ್ ಅಬ್ರಹಾಂ ಅವರು ‘ಶೂಟೌಟ್ ಅಟ್ ವಡಾಲಾ’ ಚಿತ್ರದ ಚಿತ್ರೀಕರಣದಲ್ಲಿದ್ದಾಗ, ಅನಿಲ್ ಕಪೂರ್ 1.5 ಅಡಿ ದೂರದಿಂದ ಖಾಲಿ ಬುಲೆಟ್ ಹಾರಿಸಿದ್ದರು. ಈ ಗುಂಡಿನ ದಾಳಿಯು ದೊಡ್ಡ ಸ್ಫೋಟಕ್ಕೆ ಕಾರಣವಾಯಿತು. ಜಾನ್ ಅಬ್ರಹಾಂ ಅವರ ಕತ್ತಿನ ಎಡಭಾಗದಿಂದ ಬುಲೆಟ್ ಹಾದು ಹೋಗಿತ್ತು.

ಸೈಫ್ ಅಲಿ ಖಾನ್:
'ಕ್ಯಾ ಕೆಹನಾ' ಸಿನಿಮಾದ ಶೂಟಿಂಗ್ ವೇಳೆ ಸೈಫ್ ಅಲಿ ಖಾನ್ ಸ್ಟಂಟ್ ದೃಶ್ಯ ಪ್ರದರ್ಶಿಸುತ್ತಿದ್ದಾಗ ಕಲ್ಲು ತೂರಾಟ ನಡೆದಿದೆ. ಕಲ್ಲು ಅವರಿಗೆ ಎಷ್ಟು ಜೋರಾಗಿ ಬಡಿಯಿತು ಎಂದರೆ ಅವನ ತಲೆ ಒಡೆದು ಹೋಗಿತ್ತು. ಅಪಘಾತದ ನಂತರ ಸೈಫ್ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಯಿತು ಮತ್ತು ಹೊಲಿಗೆಗಳನ್ನು ಹಾಕಬೇಕಾಯಿತು.

ಸನ್ನಿ ಲಿಯೋನ್:
2017 ರಲ್ಲಿ, ಸನ್ನಿ ಲಿಯೋನ್ ವಿಮಾನ ಅಪಘಾತದಲ್ಲಿ ಕೂದಲೆಳೆ ಅಂತರದಲ್ಲಿ ಸಾವು ಗೆದ್ದ ಸುದ್ದಿಯನ್ನು ಹೇಳಿದ್ದರು. ನಮ್ಮ ಏರ್‌ ಬಸ್ ಅಪಘಾತವಾಗುತ್ತಿತ್ತು ಮತ್ತು ಈಗ ನಾವೆಲ್ಲರೂ ಮಹಾರಾಷ್ಟ್ರದ ನಿರ್ಜನ ಪ್ರದೇಶದಲ್ಲಿ ಇದ್ದೇವೆ. ವಾಸ್ತವವಾಗಿ, ವಿಮಾನದ ಪೈಲಟ್ ಪರಿಸ್ಥಿತಿಯನ್ನು ಹತೋಟಿಗೆ ತಂದರು ಮತ್ತು ಅದನ್ನು ಸುರಕ್ಷಿತವಾಗಿ ಲ್ಯಾಂಡಿಂಗ್ ಮಾಡಲಾಯಿತು, ಎಂದು ಅವರು ಟ್ವೀಟ್ ಮಾಡಿದ್ದರು.