ನಿಯಮ ಉಲ್ಲಂಘನೆ: ಕಾನೂನು ತೊಂದರೆಗೆ ಸಿಲುಕಿದ ದಳಪತಿ ವಿಜಯ್

ಸೌತ್‌ ಸೂಪರ್‌ಸ್ಟಾರ್‌ ದಳಪತಿ ವಿಜಯ್‌ (Thalapathy Vijay) ಸುದ್ದಿಯಲ್ಲಿದ್ದಾರೆ. ತಮಿಳು ಸ್ಟಾರ್ ದಳಪತಿ ವಿಜಯ್ ನಿಯಮಗಳನ್ನು ಉಲ್ಲಂಘಿಸಿದ್ದಕ್ಕಾಗಿ ವಿವಾದಕ್ಕೆ ಸಿಲುಕಿದ್ದಾರೆ. ನಟನ ವಿರುದ್ಧ ದೂರು ದಾಖಲಾಗಿದೆ. ಅಷ್ಷಕ್ಕೂ ಏನು ವಿವಾದ?

ಟ್ರಾಫಿಕ್ ನಿಯಮಗಳನ್ನು ಉಲ್ಲಂಘಿಸಿದ್ದಕ್ಕಾಗಿ ದಳಪತಿ ವಿಜಯ್‌ ಅವರಿಗೆ ಚೆನ್ನೈ ಸಂಚಾರ ಪೊಲೀಸರು ಶಿಕ್ಷೆ ವಿಧಿಸಿದ್ದಾರೆ. ವಿಜಯ್ ಅವರ ಕಾರಿಗೆ ಕಪ್ಪು ಬಣ್ಣದ ಗ್ಲಾಸ್‌  ಹಾಕಿದ್ದಕ್ಕಾಗಿ 500 ರೂ  ದಂಡ ವಿಧಿಸಿದರು .

ಇತ್ತೀಚೆಗಷ್ಟೇ ಅವರು ವಿಜಯ್ ಮಕ್ಕಳ್ ಇಯಕ್ಕಂ ಅಭಿಮಾನಿ ಬಳಗದ ಚೆನ್ನೈ ಪ್ರಧಾನ ಕಛೇರಿಯಲ್ಲಿ ಅಭಿಮಾನಿಗಳ ಸಭೆಗೆ ಹೋಗಿದ್ದರು. ನಟನು ಕಟ್ಟಡಕ್ಕೆ ಪ್ರವೇಶಿಸುವ ಮತ್ತು ಹೊರಹೋಗುವ ವೀಡಿಯೊಗಳು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್‌ ಆಗಿದ್ದವು.

Image: Thalapathy Vijay/Twitter

ಈ ಸಮಯದಲ್ಲಿ  ಪೊಲೀಸರು ಅವರ  ಕಾರು ಕಪ್ಪು ಬಣ್ಣದ ಗ್ಲಾಸು ಹೊಂದಿರುವ ಕಾರಣಕ್ಕೆ ದಂಡ ವಿಧಿಸಿದರು. ವಿಜಯ್ ಅವರು ತಮ್ಮ ವಾಹನಕ್ಕೆ ಕಪ್ಪು ಬಣ್ಣದ ಕನ್ನಡಕವನ್ನು ಅಳವಡಿಸಿದ್ದಕ್ಕಾಗಿ 500 ರೂಪಾಯಿ ದಂಡ (Fine) ಪಾವತಿಸಿದ್ದಾರೆ. 

ನಟನ ಕಾರಿನ ಟಿಂಟೆಡ್ ಗ್ಲಾಸ್ ಅನ್ನು ತೆಗೆದುಹಾಕಲು ಪೊಲೀಸರು ಶೀಘ್ರದಲ್ಲೇ ಆದೇಶಿಸುತ್ತಾರೆ. ಇನ್ನು ಮುಂದೆ ಟಿಂಟೆಡ್ ಗ್ಲಾಸ್ ಅನ್ನು ಅನುಮತಿಸುವುದಿಲ್ಲ. ಕಾರಿನ ಕಿಟಕಿಯು ಸಂಪೂರ್ಣವಾಗಿ ಪಾರದರ್ಶಕವಾಗಿರಬೇಕು ಎಂದು ಸುಪ್ರೀಂ ಕೋರ್ಟ್ ಅದೇಶ ಹೊರಡಿಸಿದೆ

ದಳಪತಿ ವಿಜಯ್ ಅವರಿಗಿಂತ ಮೊದಲು ಅಲ್ಲು ಅರ್ಜುನ್, ತ್ರಿವಿಕ್ರಮ್ ಶ್ರೀನಿವಾಸ್ ಕಲ್ಯಾಣ್ ರಾಮ್, ಜೂನಿಯರ್ ಎನ್ಟಿಆರ್, ಮತ್ತು ಮಂಚು ಮನೋಜ್ ಸೇರಿ ಹಲವಾರು ಸೆಲೆಬ್ರಿಟಿಗಳ ಮೇಲೆ  ಈ ಕಾರಣಕ್ಕಾಗಿ ದಂಡ ವಿಧಿಸಿಲಾಗಿದೆ.

ರೋಲ್ಸ್ ರಾಯ್ಸ್‌ಗೆ ಕಸ್ಟಮ್ಸ್ ಡ್ಯೂಟಿ ಪಾವತಿಸಲು ವಿಫಲವಾದ ಕಾರಣ ದಳಪತಿ ವಿಜಯ್ ಅವರಿಗೆ ಮದ್ರಾಸ್ ಹೈಕೋರ್ಟ್  ಕಳೆದ ವರ್ಷ 1 ಲಕ್ಷ ರೂ ಫೈನ್‌ ಹಾಕಿತ್ತು. ನಟ ಮೂಲತಃ 2012 ರಲ್ಲಿ ಆಮದು ಮಾಡಿಕೊಂಡ ರೋಲ್ಸ್ ರಾಯ್ಸ್ ವಾಹನಕ್ಕೆ ತೆರಿಗೆ ವಿನಾಯಿತಿಗಾಗಿ ಅರ್ಜಿ ಸಲ್ಲಿಸಿದ್ದರು.

ಮುಂದಿನ ದಿನಗಳಲ್ಲಿ ವಿಜಯ್‌ ಅವರು ವಂಶಿ ಪೈಡಿಪಲ್ಲಿ ನಿರ್ದೇಶನದ ದ್ವಿಭಾಷಾ ತಮಿಳು-ತೆಲುಗು ಡ್ರಾಮಾ ವರಿಸುನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ಸಿನಿಮಾದಲ್ಲಿ ರಶ್ಮಿಕಾ ಮಂದಣ್ಣ ಜೊತೆಗೆ ತೆರೆ ಮೇಲೆ ಕಾಣಿಸಿಕೊಳ್ಳಲಿದ್ದಾರೆ. ಪ್ರಭು, ಪ್ರಕಾಶ್ ರಾಜ್, ಜಯಸುಧಾ, ಶಾಮ್, ತೆಲುಗು ನಟ ಶ್ರೀಕಾಂತ್ ಮತ್ತು ಯೋಗಿ ಬಾಬು ನಟಿಸುವುದರ ಜೊತೆಗೆ,  ಪ್ರಕಾಶ್ ರಾಜ್ ಮತ್ತು ಶರತ್  ನಿರ್ಮಾಣದಲ್ಲಿ ಸಹ ಪ್ರಮುಖ ಪಾತ್ರಗಳಲ್ಲಿದ್ದಾರೆ.