ಸಲ್ಮಾನ್ ಖಾನ್ (Salman Khan) ಅವರ ರಿಯಾಲಿಟಿ ಶೋ 'ಬಿಗ್ ಬಾಸ್' 16 ನೇ (Bigg Boss) ಸೀಸನ್ ಬಗ್ಗೆ ಹಲವು ಊಹಾಪೋಹಗಳು ವರದಿಯಾಗಿವೆ, ಹೋಸ್ಟ್ ಸಲ್ಮಾನ್ ಖಾನ್ ಅವರ ಶುಲ್ಕದ ಬಗ್ಗೆ ಅಂದಾಜು ಮಾಡಲಾಗುತ್ತಿದೆ. ವರದಿಗಳನ್ನು ನಂಬುವುದಾದರೆ, ಈ ವರ್ಷ ಬಿಡುಗಡೆಯಾದ ಬಹುತೇಕ ಎಲ್ಲಾ ಬಾಲಿವುಡ್ ಚಲನಚಿತ್ರಗಳು ಗಳಿಸಿದ್ದಕ್ಕಿಂತ ಹೆಚ್ಚಿನ ಶುಲ್ಕವನ್ನು ಅವರು ಪ್ರದರ್ಶನಕ್ಕೆ ವಿಧಿಸುತ್ತಿದ್ದಾರಂತೆ. ಸಲ್ಮಾನ್ ಖಾನ್ ಅವರ ಸಂಭಾವನೆ ಎಷ್ಟು ಎಂಬ ಮಾಹಿತಿ ಇಲ್ಲಿದೆ.
ಬಿಗ್ ಬಾಸ್ 16' ಕಾರ್ಯಕ್ರಮಕ್ಕಾಗಿ ಹೋಸ್ಟ್ ಬಾಲಿವುಡ್ ಸೂಪರ್‌ಸ್ಟಾರ್‌ ಸಲ್ಮಾನ್ ಖಾನ್ ಸುಮಾರು 1000 ಕೋಟಿ ತೆಗೆದುಕೊಳ್ಳುತ್ತಿದ್ದಾರೆ ಎಂದು ವರದಿಗಳಲ್ಲಿ ಹೇಳಲಾಗುತ್ತಿದೆ.
ಈ ವರ್ಷ ಬಿಡುಗಡೆಯಾದ ಎಲ್ಲಾ ಬಾಲಿವುಡ್ ಚಿತ್ರಗಳ ಕಲೆಕ್ಷನ್ ನೋಡಿದರೆ ಸುಮಾರು 1137 ಕೋಟಿ ಆಗುತ್ತದೆ ಅಂದರೆ ಸಲ್ಮಾನ್ 'ಬಿಗ್ ಬಾಸ್' ಫೀಗಿಂತ ಕೇವಲ 137 ಕೋಟಿ ರೂ. ಹೆಚ್ಚು. ಅಷ್ಟೇ ಈ ಕಲೆಕ್ಷನ್‌ನಲ್ಲಿ ದಕ್ಷಿಣ ಭಾರತ ಮತ್ತು ಹಾಲಿವುಡ್ ಚಿತ್ರಗಳ ಹಿಂದಿ ಕಲೆಕ್ಷನ್ ಕೂಡ ಸೇರಿದರೂ ಅದು 2000 ಕೋಟಿ ರೂ ಆಗುತ್ತದೆ.
ಬಿಗ್ ಬಾಸ್' ಸೀಸನ್ ನ ಮೊದಲ ಕನ್ಫರ್ಮ್ಸ್ ಸ್ಪರ್ಧಿಗಳ ಬಗ್ಗೆಯೂ ಮಾಹಿತಿ ಹೊರಬೀಳುತ್ತಿದೆ. ವರದಿಗಳ ಪ್ರಕಾರ, ಸಾಮಾಜಿಕ ಮಾಧ್ಯಮದ ಪ್ರಭಾವಿ ವಿಶಾಲ್ ಪಾಂಡೆ ಅವರು ಸಲ್ಮಾನ್ ಖಾನ್ ಅವರ ಕಾರ್ಯಕ್ರಮದ ಮೊದಲ ದೃಢಪಡಿಸಿದ ಸ್ಪರ್ಧಿಯಾಗಿದ್ದಾರೆ. ವಿಶಾಲ್ ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ಜನಪ್ರಿಯ. ಅವರನ್ನು Instagram ನಲ್ಲಿ ಸುಮಾರು 10 ಮಿಲಿಯನ್ ಜನರು ಅನುಸರಿಸುತ್ತಿದ್ದಾರೆ ಮತ್ತು ಇವರ ಜನಪ್ರಿಯತೆಯನ್ನು ನೋಡಿ, ಕಾರ್ಯಕ್ರಮದ ತಯಾರಕರು ಅವರನ್ನು ಸಂಪರ್ಕಿಸಿದ್ದಾರೆ.
ಇತ್ತೀಚೆಗಷ್ಟೇ 'ಬಿಗ್ ಬಾಸ್' 16ನೇ ಸೀಸನ್ ಅಕ್ಟೋಬರ್ 1ರಿಂದ ಪ್ರಸಾರವಾಗಬಹುದು ಎಂಬ ಸುದ್ದಿ ಇತ್ತು. ಸೆಪ್ಟೆಂಬರ್ ಎರಡನೇ ವಾರದಲ್ಲಿ ಸಲ್ಮಾನ್ ಖಾನ್ ಕಾರ್ಯಕ್ರಮದ ಪ್ರೋಮೋವನ್ನು ಶೂಟ್ ಮಾಡಲಿದ್ದಾರೆ ಎಂದು ಹೇಳಲಾಗುತ್ತಿದೆ.
ಅಷ್ಟೇ ಅಲ್ಲ, ಅರ್ಜುನ್ ಬಿಜ್ಲಾನಿ, ಸನಯಾ ಇರಾನಿ, ಶೈನಿ ಅಹುಜಾ ಮತ್ತು ದಿವ್ಯಾಂಕಾ ತ್ರಿಪಾಠಿ ಅವರಂತಹ ಸೆಲೆಬ್ರಿಟಿಗಳು ಈ ಬಾರಿಯ ಶೋನಲ್ಲಿ ಸ್ಪರ್ಧಿಗಳಾಗಿ ಕಾಣಿಸಿಕೊಳ್ಳಬಹುದು ಎಂದು ಸುದ್ದಿಯಲ್ಲಿ ಹೇಳಲಾಗಿದೆ.