ಪುಷ್ಪಾ 2 ಚಿತ್ರದಿಂದ ಷೇರು ಮಾರುಕಟ್ಟೆಯಲ್ಲಿ ಹಂಗಾಮ, ಬರೋಬ್ಬರಿ 426 ಕೋಟಿ ರೂ ಏರಿಕೆ!

ಪುಷ್ಪ 2 ಮುಂಗಡ ಬುಕಿಂಗ್ ಷೇರು ಮಾರುಕಟ್ಟೆಯಲ್ಲೂ ಸದ್ದು ಮಾಡಿದೆ. ಕೆಲವೇ ಸೆಕೆಂಡ್‌ಗಳಲ್ಲಿ ಷೇರು ಮಾರುಕಟ್ಟೆಯಲ್ಲಿ ಬರೋಬ್ಬರಿ 426 ಕೋಟಿ ರೂಪಾಯಿ ಜಿಗಿತ ಕಂಡಿದೆ.  ಬಿಡುಗಡೆಗೂ ಮುನ್ನವೇ ಪುಷ್ಪಾ2 ಷೇರುಮಾರುಕಟ್ಟೆಯಲ್ಲೂ ಧೂಳೆಬ್ಬಿಸುತ್ತಿರುವುದು ಹೇಗೆ?

ಈ ವರ್ಷದ ಬಹುನಿರೀಕ್ಷಿತ ಅಲ್ಲು ಅರ್ಜುನ್ ಅಭಿನಯದ ಪುಷ್ಪ 2 ಚಿತ್ರ ತೆರೆಗೆ ಬರಲು ಸಜ್ಜಾಗಿದೆ. ಡಿಸೆಂಬರ್‌ನಲ್ಲಿ ದೇಶದಾದ್ಯಂತ ಬಿಡುಗಡೆಯಾಗಲಿದೆ. ಚಿತ್ರದ ಮುಂಗಡ ಬುಕಿಂಗ್ ಈಗಾಗಲೇ ಆರಂಭವಾಗಿದೆ. ಅಲ್ಲು ಅರ್ಜುನ್‌ಗೆ ನಾಯಕಿಯಾಗಿ ಕನ್ನಡತಿ ರಶ್ಮಿಕಾ ಮಂದಣ್ಣ ಕಾಣಿಸಿಕೊಂಡಿದ್ದಾರೆ. ಪುಷ್ಪಾ1 ರ ಬಳಿಕ ಇದೀಗ ಪುಷ್ಪಾ 2 ಎಲ್ಲಾ ದಾಖಲೆ ಪುಡಿ ಮಾಡಲು ಸಜ್ಜಾಗಿದೆ. 

ಪುಷ್ಪ 2 ಟಿಕೆಟ್ ಬುಕಿಂಗ್

ಡಿಸೆಂಬರ್ 30 ರಿಂದ ಆರಂಭವಾದ ಮುಂಗಡ ಬುಕಿಂಗ್ ಮೂಲಕ ನಿರ್ಮಾಪಕರು ಸುಮಾರು 25 ಕೋಟಿ ರೂ. ಗಳಿಸಿದ್ದಾರೆ. ಮೊದಲ ದಿನದ ಬುಕಿಂಗ್ ನಿಂದ 60 ಕೋಟಿ ರೂ.ವರೆಗೆ ಗಳಿಸಬಹುದು ಎಂದು ಅಂದಾಜಿಸಲಾಗಿದೆ. ಒಟ್ಟಾರೆ ಪ್ಯಾನ್ ಇಂಡಿಯಾ ಮಟ್ಟದಲ್ಲಿ 150 ರಿಂದ 200 ಕೋಟಿ ರೂ. ಗಳಿಕೆ ಆಗಬಹುದು.

ಪುಷ್ಪ 2 ಬಾಕ್ಸ್ ಆಫೀಸ್

ಪುಷ್ಪ 2 ಮುಂಗಡ ಬುಕಿಂಗ್ ಷೇರು ಮಾರುಕಟ್ಟೆಯಲ್ಲೂ ಸದ್ದು ಮಾಡಿದೆ. PVR INOX ಷೇರುಗಳು 3% ಏರಿಕೆ ಕಂಡಿವೆ. ಇದರಿಂದ ಕಂಪನಿಯ ಮಾರುಕಟ್ಟೆ ಮೌಲ್ಯ 426 ಕೋಟಿ ರೂ. ಹೆಚ್ಚಾಗಿದೆ. ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ಈ ಚಿತ್ರ ಸೃಷ್ಟಿಸಿರುವ ಸಂಚಲನ ಷೇರು ಮಾರುಕಟ್ಟೆಯ ಮೇಲಿನ ಪರಿಣಾಮದಿಂದ ಸ್ಪಷ್ಟ.

ಪುಷ್ಪ 2 ಥಿಯೇಟರ್ ಬುಕಿಂಗ್

ಪುಷ್ಪ 2 ಜನರನ್ನು ಥಿಯೇಟರ್‌ಗೆ ಸೆಳೆಯುವ ಶಕ್ತಿ ಹೊಂದಿದೆ. ಹೀಗಾಗಿ ಥಿಯೇಟರ್‌ಗಳು ಲಾಭ ಗಳಿಸಲು ಉತ್ತಮ ಅವಕಾಶವಿದೆ. ಆದಾಯ ಹೆಚ್ಚಾದರೆ, ಥಿಯೇಟರ್ ಕಂಪನಿಗಳ ಷೇರುಗಳು ಏರುತ್ತವೆ ಎಂದು ಷೇರುಪೇಟೆ ತಜ್ಞರು ಹೇಳುತ್ತಾರೆ.

ಪುಷ್ಪ 2 ಮತ್ತು PVR INOX

ಮುಂಬೈ ಷೇರುಪೇಟೆ ಮಾಹಿತಿಯಂತೆ, ಶುಕ್ರವಾರ PVR INOX ಷೇರುಗಳು 1540 ರೂ.ಗೆ ಮುಕ್ತಾಯಗೊಂಡವು. ಸೋಮವಾರ 1,558 ರೂ.ನಲ್ಲಿ ಆರಂಭವಾಯಿತು. ನಂತರ 3% ರಷ್ಟು ಏರಿಕೆ ಕಂಡಿತು. ವಹಿವಾಟಿನ ಸಮಯದಲ್ಲಿ ಷೇರು ಬೆಲೆ ಗರಿಷ್ಠ 1583.40 ರೂ. ತಲುಪಿತು. ಮಧ್ಯಾಹ್ನ 2 ಗಂಟೆಗೆ 2.25% ಏರಿಕೆಯೊಂದಿಗೆ 1,574.65 ರೂ.ಗೆ ವಹಿವಾಟು ನಡೆಯಿತು. ಡಿಸೆಂಬರ್ 18, 2023 ರಂದು, ಈ ಕಂಪನಿಯ ಷೇರುಗಳು 52 ವಾರಗಳ ಗರಿಷ್ಠ 1,829 ರೂ. ತಲುಪಿದ್ದವು.

ಪುಷ್ಪ 2 ಮತ್ತು ಷೇರುಪೇಟೆ

ಈಗ, ಪುಷ್ಪ 2 ಚಿತ್ರದಿಂದ PVR INOX ಷೇರುಗಳು ಹೊಸ ದಾಖಲೆ ಬರೆಯಬಹುದು ಎಂದು ತಜ್ಞರು ಊಹಿಸುತ್ತಿದ್ದಾರೆ. PVR INOX ಷೇರುಗಳ ಬೆಲೆ ಏರಿಕೆಯಿಂದಾಗಿ, ಕಂಪನಿಯ ಮಾರುಕಟ್ಟೆ ಮೌಲ್ಯವೂ ಹೆಚ್ಚಾಗಿದೆ. ಶುಕ್ರವಾರ PVR INOX ಮಾರುಕಟ್ಟೆ ಮೌಲ್ಯ 15,122.79 ಕೋಟಿ ರೂ. ಇತ್ತು. ಸೋಮವಾರ ವಹಿವಾಟಿನ ಸಮಯದಲ್ಲಿ 15,548.97 ಕೋಟಿ ರೂ. ತಲುಪಿತು. ಅಂದರೆ ಕೆಲವೇ ನಿಮಿಷಗಳಲ್ಲಿ PVR INOX ಮಾರುಕಟ್ಟೆ ಮೌಲ್ಯ 426.18 ಕೋಟಿ ರೂ. ಹೆಚ್ಚಾಗಿದೆ. ಮುಂದಿನ ದಿನಗಳಲ್ಲಿ ಇನ್ನಷ್ಟು ಏರಿಕೆ ಕಾಣಬಹುದು.