ಕಿರಿಕ್‌ ಚೆಲುವೆ ರಶ್ಮಿಕಾ ಮಂದಣ್ಣ (Rashmika Mandan) ದಕ್ಷಿಣದ ನಂತರ ಈಗ ಬಾಲಿವುಡ್‌ನಲ್ಲೂ ತಮ್ಮ ಹವಾ ಸೃಷ್ಟಿಸುತ್ತಿದ್ದಾರೆ. ರಶ್ಮಿಕಾ ಈ ದಿನಗಳಲ್ಲಿ ಸಖತ್‌ ನ್ಯೂಸ್‌ನಲ್ಲಿದ್ದಾರೆ. ಇಂದು ಅವರು ಬಾಲಿವುಡ್‌ ನಟ ರಣಬೀರ್ ಕಪೂರ್ (Ranbir Kapoor) ಜೊತೆ ಏರ್‌ಪೋರ್ಟ್‌ನಲ್ಲಿ ಪಾಪಾರಾಜಿಗಳ ಕ್ಯಾಮಾರಕ್ಕೆ ಸಿಲುಕಿದ್ದಾರೆ. ರಶ್ಮಿಕಾರ ಫೋಟೋಗಳು ವೈರಲ್ ಆಗುತ್ತಿವೆ.
ರಣಬೀರ್ ಕಪೂರ್ ಮತ್ತು ರಶ್ಮಿಕಾ ಮಂದಣ್ಣ ಶೀಘ್ರದಲ್ಲೇ ಸಂದೀಪ್ ರೆಡ್ಡಿ ವಂಗಾ ಅವರ 'ಅನಿಮಲ್' ಚಿತ್ರದಲ್ಲಿ ಒಟ್ಟಿಗೆ ಪರದೆ ಹಂಚಿಕೊಳ್ಳಲಿದ್ದಾರೆ. ಚಿತ್ರದ ಕೆಲವು ದೃಶ್ಯಗಳನ್ನು ಚಿತ್ರೀಕರಿಸಲು ಮನಾಲಿಗೆ ಹೋಗಿದ್ದ ಜೋಡಿ ಇಂದು ಮುಂಬೈಗೆ ಮರಳಿದ್ದಾರೆ.
ಇಂದು ರಣಬೀರ್ ಮತ್ತು ರಶ್ಮಿಕಾ ಇಬ್ಬರೂ ಏರ್‌ಪೋರ್ಟ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಫೋಟೋಗಳಲ್ಲಿ ರಣಬೀರ್ ಬೇಸಿಕ್ ಬಿಳಿ ಟೀ ಧರಿಸಿ, ಚೆಕ್ಸ್ ಶರ್ಟ್‌ನೊಂದಿಗೆ ಪೇರ್‌ ಮಾಡಿಕಂಡಿರುವುದನ್ನು ಕಾಣಬಹುದು.
ಮತ್ತೊಂದೆಡೆ ರಶ್ಮಿಕಾ ಕಪ್ಪು ಬಣ್ಣದ ಫ್ರಾಕ್‌ನಲ್ಲಿ ಕಂಫರ್ಟ್ ಆಗಿದ್ದರು ಹಾಗೂ ಸಖತ್‌ ಕ್ಯೂಟ್‌ ಆಗಿ ಕಾಣಿಸುತ್ತಿದ್ದರು. ಇಬ್ಬರೂ ಮಾಸ್ಕ್ ಧರಿಸಿರುವುದು ಕಂಡುಬಂದಿದೆ.
ಈ ಹಿಂದೆ, ಚಿತ್ರದ ಶೂಟಿಂಗ್‌ ಸ್ಥಳದಿಂದ ಅವರ ಫೋಟೋಗಳು ಮತ್ತು ವೀಡಿಯೊಗಳು ಸಾಮಾಜಿಕ ಮಾಧ್ಯಮದಲ್ಲಿ ಸೋರಿಕೆಯಾಗಿದ್ದವು. ಅವರ ಲುಕ್‌ ಬಹಿರಂಗಪಡಿಸುವ ವೀಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಲು ಪ್ರಾರಂಭಿಸಿದೆ.
ವೈರಲ್ ವೀಡಿಯೋದಲ್ಲಿ, ರಣಬೀರ್ ಬಿಳಿ ಕುರ್ತಾ ಸೆಟ್ ಅನ್ನು ಧರಿಸಿರುವುದನ್ನು ಕಾಣಬಹುದು, ರಶ್ಮಿಕಾ ಅವರು ಕೆಂಪು ಮತ್ತು ಬಿಳಿ ಸೀರೆಯಲ್ಲಿ ಗಾರ್ಜೀಯಸ್‌ ಆಗಿ ಕಾಣಿಸಿದ್ದಾರೆ. ಈ ವೇಳೆ ಅಂಗರಕ್ಷಕರು ಅಲ್ಲಿದ್ದವರನ್ನು ವಿಡಿಯೋ ಮಾಡದಂತೆ ತಡೆಯುತ್ತಿರುವುದು ಕಂಡು ಬಂದಿದೆ.
ಸಂದೀಪ್ ವಂಗಾ ರೆಡ್ಡಿ ಅಭಿನಯದ ‘ಅನಿಮಲ್’ ಚಿತ್ರದ ಚಿತ್ರೀಕರಣ ಹಿಮಾಚಲ ಪ್ರದೇಶದಲ್ಲಿ ನಡೆಯುತ್ತಿದೆ. ಪ್ಯಾನ್-ಇಂಡಿಯಾ ಯೋಜನೆಯು ಎಲ್ಲಾ ದಕ್ಷಿಣದ ಭಾಷೆಗಳಲ್ಲಿ ಹಾಗೂ ಹಿಂದಿಯಲ್ಲಿ ಬಿಡುಗಡೆಯಾಗಲಿದೆ. ಆಗಸ್ಟ್ 11, 2023 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿರುವ ಚಿತ್ರವನ್ನು ಉನ್ನತ ತಂತ್ರಜ್ಞರು ನಿರ್ವಹಿಸಲಿದ್ದಾರೆ.
ಸಿನಿಮಾ ನಿರ್ಮಾಪಕರ ಮೊದಲ ಆಯ್ಕೆ ರಶ್ಮಿಕಾ ಮಂದಣ್ಣ ಅಲ್ಲ. ಮೊದಲನೆಯದಾಗಿ, ಅನಿಮಲ್ ಸಿನಿಮಾದ ಆಫರ್ ಅನ್ನು ಪರಿಣಿತಿ ಚೋಪ್ರಾಗೆ ಹೋಗಿತ್ತು. ಆದರೆ ಅವರು ಅದನ್ನು ಮಾಡಲು ನಿರಾಕರಿಸಿದರು. ಅವರು ಇಮ್ತಿಯಾಜ್ ಅಲಿಯವರ 'ಚಮ್ಕಿಲಾ' ಚಿತ್ರಕ್ಕೆ ಸಹಿ ಹಾಕಿದ್ದಾರೆ. ಅದರ ನಂತರ ರಶ್ಮಿಕಾ ಮಂದಣ್ಣ ಸಹಿ ಹಾಕಿದರು.
ರಶ್ಮಿಕಾ ಮಂದಣ್ಣ ಇತ್ತೀಚೆಗೆ 'ಪುಷ್ಪ: ದಿ ರೈಸ್' ಚಿತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ ಅಲ್ಲು-ಅರ್ಜುನ್ ಜೊತೆ ಅವರ ಜೋಡಿಯ ಚಿತ್ರವು ಬಾಕ್ಸ್ ಆಫೀಸ್‌ನಲ್ಲಿ ಹವಾ ಸೃಷ್ಟಿಸಿತು. ನಟಿಯ ‘ಓ ಸಾಮಿ’ ಹಾಡು ಸಖತ್‌ ಫೇಮಸ್‌ ಆಗಿದೆ
ಅದೇ ಸಮಯದಲ್ಲಿ, ರಣಬೀರ್ ಕಪೂರ್ ಇತ್ತೀಚೆಗೆ ಆಲಿಯಾ ಭಟ್ ಅವರೊಂದಿಗೆ ಸಪ್ತಪದಿ ತುಳಿದ್ದಿದ್ದಾರೆ . ಇಬ್ಬರೂ ಹನಿಮೂನ್‌ಗೆ ಹೋಗಲಿಲ್ಲ, ಆದರೆ ತಮ್ಮ ವೃತ್ತಿಪರ ಬದ್ಧತೆಗಳಲ್ಲಿ ನಿರತರಾಗಿದ್ದಾರೆ. ರಣಬೀರ್ ಜಹಾನ್ ಅನಿಮಲ್ ಚಿತ್ರದ ಚಿತ್ರೀಕರಣದಲ್ಲಿದ್ದಾರೆ. ಅದೇ ಸಮಯದಲ್ಲಿ, ಆಲಿಯಾ ಭಟ್ ಅವರು ತಮ್ಮ ರಾಕಿ ರಾಣಿ ಕಿ ಲವ್ ಸ್ಟೋರಿ ಚಿತ್ರದ ಚಿತ್ರೀಕರಣದಲ್ಲಿ ನಿರತರಾಗಿದ್ದಾರೆ.