90ರ ದಶಕದಲ್ಲಿ ಮಿಂಚಿ ಮರೆಯಾದ ಈ ಬಾಲಿವುಡ್‌ ಬೆಡಗಿಯರು ಈಗ ಹೇಗಿದ್ದಾರೆ ಗೊತ್ತಾ?

ನಟಿ ರಂಭಾ (Rambha) ಅವರಿಗೆ 45 ವರ್ಷ ತುಂಬಿದೆ. ಜೂನ್ 5, 1976 ರಂದು ಆಂಧ್ರಪ್ರದೇಶದ ವಿಜಯವಾಡದಲ್ಲಿ ಜನಿಸಿದ ರಂಭಾ ದಕ್ಷಿಣ ಭಾರತದ ಚಲನಚಿತ್ರಗಳ ನಟಿ. ಆದರೆ 1995ರಲ್ಲಿ 'ಜಲ್ಲದ್' ಚಿತ್ರದ ಮೂಲಕ ಹಿಂದಿ ಚಿತ್ರರಂಗಕ್ಕೂ ಪಾದಾರ್ಪಣೆ ಮಾಡಿದರು. 'ಜುಡ್ವಾ', 'ಘರ್ ವಾಲಿ ಬಹೇರ್ ವಾಲಿ' ಮತ್ತು 'ಕ್ಯುಂಕಿ ಮೈನ್ ಝೂತ್ ನಹೀ ಬೋಲ್ತಾ' ಮುಂತಾದ ಹಿಂದಿ ಚಿತ್ರಗಳಲ್ಲಿ ಕೆಲಸ ಮಾಡಿದ ನಂತರ ಅವರು ಬಹುತೇಕ ಕಣ್ಮರೆಯಾದರು. ಕಳೆದ 22 ವರ್ಷಗಳಿಂದ ಅವರ ಯಾವುದೇ ಚಿತ್ರ ಬಾಲಿವುಡ್‌ನಲ್ಲಿ ಬಂದಿಲ್ಲ. ಇವರಷ್ಟೇ ಅಲ್ಲ 90ರ ದಶಕದ ಫೇಮಸ್‌ ನಟಿಯರಾದ  ಮಧು (Madhoo), ಆಯೇಷಾ ಜುಲ್ಕಾ (Ayesha Jhulka)ಮತ್ತು ಕರಿಷ್ಮಾ ಕಪೂರ್ (Karishma Kapoor) ಸಹ ಈಗ ಬಾಲಿವುಡ್‌ನಲ್ಲಿ ಕಾಣಿಸುತ್ತಿಲ್ಲ.ಹಾಗಾದರೆ  ಎಲ್ಲಿದ್ದಾರೆ 90ರ ದಶಕದ ಈ ಬೆಡಗಿಯರು?   

ಈಗ ರಂಭಾ ಹಿಂದಿ ಮಾತ್ರವಲ್ಲದೆ ದಕ್ಷಿಣ ಭಾರತದ ಚಿತ್ರಗಳಲ್ಲೂ ಸಕ್ರಿಯವಾಗಿಲ್ಲ. ಅವರು ಕೆನಡಾ ಮೂಲದ ಶ್ರೀಲಂಕಾದ ಉದ್ಯಮಿಯನ್ನು 2010 ರಲ್ಲಿ ಕರ್ನಾಟಕದ ಕಲ್ಯಾಣ ಮಂಟಪದಲ್ಲಿ ವಿವಾಹವಾದರು ಮತ್ತು ಟೊರೊಂಟೊಗೆ ಸ್ಥಳಾಂತರಗೊಂಡರು. ಈಗ ಇಬ್ಬರು ಹೆಣ್ಣು ಮಕ್ಕಳು ಮತ್ತು ಒಬ್ಬ ಮಗನ ತಾಯಿಯಾಗಿ ಕುಟುಂಬದ ಜವಾಬ್ದಾರಿಯನ್ನು ನಿಭಾಯಿಸುತ್ತಿದ್ದಾರೆ.

90 ರ ದಶಕದ ನಾಯಕಿ ಮಧು ಶಾ, ಅವರನ್ನು ಸಾಮಾನ್ಯವಾಗಿ ಮಧು ಹೆಸರಿನಿಂದ ಕರೆಯುತ್ತಾರೆ. ಅಜಯ್ ದೇವಗನ್ ಅಭಿನಯದ 'ಫೂಲ್ ಔರ್ ಕಾಂಟೆ' (1991) ಚಿತ್ರದ ಮೂಲಕ ಬಾಲಿವುಡ್‌ಗೆ ಪಾದಾರ್ಪಣೆ ಮಾಡಿದ ಮಧು ಅವರು 2002 ರವರೆಗೆ ಚಲನಚಿತ್ರಗಳಲ್ಲಿ ತುಂಬಾ ಸಕ್ರಿಯರಾಗಿದ್ದರು. ನಂತರ ಸುಮಾರು 6 ವರ್ಷಗಳ ಕಾಲ ಕಳೆದುಹೋದ ನಂತರ, ಅವರು ಚಲನಚಿತ್ರಗಳಿಗೆ ಮರಳಿದರು. ಆದರೆ ಹೆಚ್ಚಿನ ಯಶಸ್ಸನ್ನು ಸಾಧಿಸಲು ಸಾಧ್ಯವಾಗಲಿಲ್ಲ. ಮಧು 1999ರಲ್ಲಿ ಆನಂದ್ ಶಾ ಅವರನ್ನು ವಿವಾಹವಾದರು ಮತ್ತು ಈಗ ಇಬ್ಬರು ಹೆಣ್ಣುಮಕ್ಕಳ ತಾಯಿಯಾಗಿದ್ದಾರೆ. ಅವರ ಕೊನೆಯ ಚಿತ್ರ 'ತಲೈವಿ' 2021 ರಲ್ಲಿ
ಬಿಡುಗಡೆಯಾಯಿತು.

1988 ರಲ್ಲಿ ಯಶ್ ಚೋಪ್ರಾ ಅವರ 'ವಿಜಯ್' ಚಿತ್ರದ ಮೂಲಕ ಸೋನಮ್ ಎಂದೇ ಜನಪ್ರಿಯರಾಗಿರುವ ಬಖ್ತಾವರ್ ಖಾನ್ ಬಾಲಿವುಡ್‌ಗೆ ಪಾದಾರ್ಪಣೆ ಮಾಡಿದರು. ಆದರೆ ಅವರು 90 ರ ದಶಕದವರೆಗೂ ಸಕ್ರಿಯರಾಗಿದ್ದರು. ಅವರು 'ಅಜೂಬಾ', 'ವಿಶ್ವಾತ್ಮ' ಮತ್ತು 'ಇನ್ಸಾನಿಯತ್' ಚಿತ್ರಗಳಲ್ಲಿ ನಟಿಸಿದ್ದಾರೆ. 1994 ರಲ್ಲಿ ಇನ್ಸಾನಿಯತ್ ಅವರ ಕೊನೆಯ ಚಿತ್ರವಾಗಿತ್ತು. 1991ರಲ್ಲಿ ಅವರು ಚಿತ್ರ ನಿರ್ದೇಶಕ ರಾಜೀವ್ ರೈ ಅವರನ್ನು ವಿವಾಹವಾದರು. 1997 ರಲ್ಲಿ ಅಬು ಸಲೇಂನ ಹಿಂಬಾಲಕರು ಸೋನಂ ಮತ್ತು ರಾಜೀವ್ ಅವರನ್ನು ಕೊಲ್ಲಲು ಪ್ರಯತ್ನಿಸಿದರು. ನಂತರ ಇಬ್ಬರೂ ಭಾರತ ತೊರೆಯಲು ನಿರ್ಧರಿಸಿದರು. ಕೆಲವು ವರ್ಷಗಳ ಹಿಂದೆ ಮುಂಬೈಗೆ ಸ್ಥಳಾಂತರಗೊಳ್ಳುವ ಮೊದಲು ದಂಪತಿ ಸ್ವಿಟ್ಜರ್ಲೆಂಡ್‌ನಲ್ಲಿ ವಾಸಿಸುತ್ತಿದ್ದರು. ಅವರು 2001ರಲ್ಲಿ ಬೇರ್ಪಟ್ಟರು ಮತ್ತು 15 ವರ್ಷಗಳ ನಂತರ ಅವರು ವಿಚ್ಛೇದನ ಪಡೆದರು.

49 ವರ್ಷದ ಆಯೇಷಾ ಜುಲ್ಕಾ 90 ರ ದಶಕದ ಜನಪ್ರಿಯ ನಟಿ. ಅವರು 'ಖಿಲಾಡಿ', 'ಜೋ ಜೀತಾ ವೋಹಿ ಸಿಕಂದರ್', 'ಬಲ್ಮಾ', 'ಮಾಸೂಮ್', 'ಬರೂದ್' ಮತ್ತು 'ರನ್' ಚಿತ್ರಗಳಲ್ಲಿ ಕೆಲಸ ಮಾಡಿದ್ದಾರೆ. 2018 ರಲ್ಲಿ ಬಿಡುಗಡೆಯಾದ 'ಜೀನಿಯಸ್' ಚಿತ್ರದಲ್ಲಿ ಅವರು ಕೊನೆಯ ಬಾರಿಗೆ ಕಾಣಿಸಿಕೊಂಡರು,  ಅವರು 2003 ರಲ್ಲಿ ಸಮೀರ್ ವಾಶಿ ಅವರನ್ನು ವಿವಾಹವಾದರು ಮತ್ತು ಈಗ ಅವರು ವೈವಾಹಿಕ ಜೀವನವನ್ನು ಆನಂದಿಸುತ್ತಿದ್ದಾರೆ.

50 ವರ್ಷದ ಮಮತಾ ಕುಲಕರ್ಣಿ ಅವರು 90 ರ ದಶಕದಲ್ಲಿ 'ತಿರಂಗ', 'ಆಶಿಕ್ ಅವರಾ', 'ಕರಣ್ ಅರ್ಜುನ್', 'ಸಬ್ಸೆ ಬಡಾ ಕಿಲಾಡಿ', 'ಬಾಜಿ' ಮತ್ತು 'ಚೈನಾ ಗೇಟ್' ಚಿತ್ರಗಳಲ್ಲಿ ನಟಿಸುವ ಮೂಲಕ ತಮ್ಮ ನಟನೆಯ ಛಾಪು ಮೂಡಿಸಿದ್ದಾರೆ.ಆದರೆ ಅವರು ಸುಮಾರು 20 ವರ್ಷಗಳಿಂದ ಬಾಲಿವುಡ್‌ನಿಂದ ನಾಪತ್ತೆಯಾಗಿದ್ದಾರೆ. ಜೂನ್ 2016 ರಲ್ಲಿ ಕೀನ್ಯಾದ ಡ್ರಗ್ ಮಾಫಿಯಾ ವಿಕ್ಕಿ ಗೋಸ್ವಾಮಿ ಜೊತೆಗೆ 2000 ಕೋಟಿ ರೂಪಾಯಿ ಮೌಲ್ಯದ ಡ್ರಗ್ಸ್ ಪ್ರಕರಣದಲ್ಲಿ ಆಕೆಯ ಹೆಸರು ಕಾಣಿಸಿಕೊಂಡಾಗ ಅವರು ಸುದ್ದಿಯಲ್ಲಿದ್ದರು. ಅಂದಿನಿಂದ ಮಮತಾ ಕುಲಕರ್ಣಿ ನಿರಂತರವಾಗಿ ತಲೆಮರೆಸಿಕೊಂಡಿದ್ದರು. ಆದಾಗ್ಯೂ, ಅವರ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಬರುತ್ತಲೇ ಇರುತ್ತವೆ, ಅದರಲ್ಲಿ ಅವರನ್ನು ಗುರುತಿಸುವುದು ಕಷ್ಟ.

ಸೋಮಿ ಅಲಿ ಪಾಕಿಸ್ತಾನಿ-ಅಮೆರಿಕನ್ ನಟಿ. ಅವರು 1992 ರಲ್ಲಿ 'ಬುಲಂದ್' ಚಿತ್ರದ ಮೂಲಕ ಹಿಂದಿ ಚಲನಚಿತ್ರೋದ್ಯಮಕ್ಕೆ ಪಾದಾರ್ಪಣೆ ಮಾಡಿದರು, ಆದರೆ ಆ ಸಿನಿಮಾ ಬಿಡುಗಡೆಯಾಗಲಿಲ್ಲ. ನಂತರ ಅವರು 'ಆರ್ತ್', 'ಕೃಷ್ಣಾವತಾರ', 'ಆವೋ ಪ್ಯಾರ್ ಕರೇನ್' ಮತ್ತು 'ಆಂದೋಲನ್' ಚಿತ್ರಗಳಲ್ಲಿ ಕೆಲಸ ಮಾಡಿದ್ದರು. 1997ರ ನಂತರ ಅವರು ಯಾವುದೇ ಸಿನಿಮಾದಲ್ಲಿ ಕಾಣಿಸಿಕೊಂಡಿರಲಿಲ್ಲ. ಸಲ್ಮಾನ್ ಖಾನ್ ಅವರ ಎಕ್ಸ್‌ ಗರ್ಲ್‌ಫ್ರೆಂಡ್‌ ಸೋಮಿ ಅಲಿ ಈಗ 'ನೋ ಮೋರ್ ಟಿಯರ್' ಎಂಬ ಸಂಸ್ಥೆಯನ್ನು ನಡೆಸುತ್ತಿದ್ದಾರೆ. ಇದು ಕೌಟುಂಬಿಕ ದೌರ್ಜನ್ಯದಿಂದ ಬಳಲುತ್ತಿರುವ ಮಹಿಳೆಯರಿಗೆ ಸಹಾಯ ಮಾಡುವ ಗುರಿಯನ್ನು ಹೊಂದಿದೆ.

ಕರಿಷ್ಮಾ ಕಪೂರ್ 1991 ರಲ್ಲಿ 'ಪ್ರೇಮ್ ಖೈದಿ' ಚಿತ್ರದ ಮೂಲಕ ಬಾಲಿವುಡ್‌ಗೆ ಪಾದಾರ್ಪಣೆ ಮಾಡಿದರು. 90 ರ ದಶಕದಲ್ಲಿ, ಇವರು ಬಾಲಿವುಡ್‌ನಲ್ಲಿ ತಮ್ಮದೇ ಹವಾ ಸೃಷ್ಟಿಸಿದ್ದರು. 2000 ರ ದಶಕದ ಆರಂಭದಲ್ಲಿ, ಅವರು ಚಲನಚಿತ್ರಗಳಲ್ಲಿ ತುಂಬಾ ಸಕ್ರಿಯರಾಗಿದ್ದರು. 2003 ರಲ್ಲಿ, ಅವರು ಉದ್ಯಮಿ ಸಂಜಯ್ ಕಪೂರ್ ಅವರನ್ನು ವಿವಾಹವಾದರು ಮತ್ತು ಚಲನಚಿತ್ರಗಳಿಂದ ದೂರವಿದ್ದರು. ಅವರು 2006 ರಲ್ಲಿ 'ಮೇರೆ ಜೀವನ ಸಾಥಿ' ಮೂಲಕ ಮತ್ತೆ ಮರಳಲು ಪ್ರಯತ್ನಿಸಿದರು, ಅದು ವಿಫಲವಾಯಿತು. 2012 ರಲ್ಲಿ, ಅವರು ಮತ್ತೊಮ್ಮೆ 'ಡೇಂಜರಸ್ ಇಷ್ಕ್' ಮೂಲಕ ತೆರೆಗೆ ಮರಳಲು ಯೋಜಿಸಿದ್ದರು, ಆದರೆ ಈ ಚಿತ್ರವೂ ಕೆಲಸ ಮಾಡಲಿಲ್ಲ. ಈಗ  
ಎರಡು ಮಕ್ಕಳ ತಾಯಿ ಸಂಜಯ್ ಕಪೂರ್‌ನಿಂದ ವಿಚ್ಛೇದನ ಪಡೆದಿದ್ದಾರೆ. ಬ್ರ್ಯಾಂಡ್ ಎಂಡಾರ್ಸ್‌ಮೆಂಟ್‌ಗಳಿಂದ ಹಣವನ್ನು ಗಳಿಸುತ್ತಿದ್ದಾರೆ.

1990ರಲ್ಲಿ ಮ್ಯೂಸಿಕಲ್ ಹಿಟ್ 'ಆಶಿಕಿ' ಯೊಂದಿಗೆ ರಾತ್ರೋರಾತ್ರಿ ಜನಪ್ರಿಯವಾದ ಅನು ಅಗರ್ವಾಲ್ ಅವರ ಕೊನೆಯ ಚಿತ್ರ 'ರಿಟರ್ನ್ ಆಫ್ ಜ್ಯುವೆಲ್ ಥೀಫ್' 1996 ರಲ್ಲಿ ಬಿಡುಗಡೆಯಾಯಿತು. ಅದರ ನಂತರ ಅವರು ಚಿತ್ರರಂಗವನ್ನು ತೊರೆದರು.1997 ರಲ್ಲಿ, ಅವರು ಬಿಹಾರ ಸ್ಕೂಲ್ ಆಫ್ ಯೋಗಕ್ಕೆ ಸೇರಿದರು ಮತ್ತು 1999 ರಲ್ಲಿ ಅವರು ಅಪಘಾತದ ನಂತರ ಸುಮಾರು 29 ದಿನಗಳ ಕಾಲ ಕೋಮಾದಲ್ಲಿಯೇ ಇದ್ದರು. ಅವರ ನೆನಪು ಹೋಗಿತ್ತು. ಅವರು 2001 ರಲ್ಲಿ ಯೋಗಿನಿ ಆದರು. 53 ವರ್ಷದ ಅನು ಅಗರ್ವಾಲ್ ಸಾಮಾಜಿಕ ಕಾರ್ಯದಲ್ಲಿ ತೊಡಗಿಸಿಕೊಂಡಿದ್ದಾರೆ ಮತ್ತು ಅನು ಅಗರ್ವಾಲ್ ಫೌಂಡೇಶನ್‌ನಿಂದ ಮಾನವ ಕಲ್ಯಾಣಕ್ಕಾಗಿ ಕೆಲಸ ಮಾಡುತ್ತಿದ್ದಾರೆ.