ಬೇಬಿ ಶವರ್ ಪಾರ್ಟಿ ಹೋಸ್ಟ್ ಮಾಡಲಿರುವ ಆಲಿಯಾ ಭಟ್ ತಾಯಿ ಮತ್ತು ಅತ್ತೆ!

ಬಾಲಿವುಡ್‌ನ ನಟಿ ಆಲಿಯಾ ಭಟ್ (Alia Bhatt) ಇತ್ತೀಚಿನ ದಿನಗಳಲ್ಲಿ ತಮ್ಮ ಪ್ರೆಗ್ನೆಂಸಿ ಸಮಯವನ್ನು ಆನಂದಿಸುತ್ತಿದ್ದಾರೆ. ಹೊರಬರುತ್ತಿರುವ ವರದಿಗಳ ಪ್ರಕಾರ, ಆಕೆಯ ತಾಯಿ ಸೋನಿ ರಜ್ದಾನ್ (Soni Razdan) ಮತ್ತು ಅತ್ತೆ ನೀತು ಕಪೂರ್ (Neetu Kapoor) ಆಲಿಯಾಳ ಬೇಬಿ ಶವರ್ ಸಮಾರಂಭಕ್ಕಾಗಿ ವಿಶೇಷ ಯೋಜನೆಗಳನ್ನು ಮಾಡಿದ್ದಾರೆ. ಇದೇ ತಿಂಗಳ ಕೊನೆಯ ವಾರದಲ್ಲಿ ಈ ಆಚರಣೆ ನಡೆಯಲಿದೆ ಎಂದು ಹೇಳಲಾಗುತ್ತಿದೆ. ಇಲ್ಲಿದೆ ಆಲಿಯಾರ ಬೇಬಿ ಶವರ್‌ ಬಗ್ಗೆ ಮಾಹಿತಿ.

ಪಿಂಕ್ವಿಲ್ಲಾ ವರದಿಯ ಪ್ರಕಾರ, ಆಲಿಯಾ ತನ್ನ ಮೂರನೇ ತ್ರೈಮಾಸಿಕ ಗರ್ಭಧಾರಣೆಯ ಕೊನೆಯ ಹಂತದಲ್ಲಿದ್ದಾರೆ. ಇಂತಹ ಪರಿಸ್ಥಿತಿಯಲ್ಲಿ ಆಕೆಯ ತಾಯಿ ಸೋನಿ ರಜ್ದಾನ್ ಮತ್ತು ಅತ್ತೆ ನೀತು ಕಪೂರ್ ಬೇಬಿ ಶವರ್ ಪಾರ್ಟಿಯನ್ನು ಆಯೋಜಿಸಲಿದ್ದಾರೆ. ಕುಟುಂಬ ಸದಸ್ಯರು ಮತ್ತು ಆಪ್ತರು ಮಾತ್ರ ಈ ಪಾರ್ಟಿಯಲ್ಲಿ ಪಾಲ್ಗೊಳ್ಳುತ್ತಾರೆ. 

ಇತ್ತೀಚೆಗೆ ಆಲಿಯಾ ಅಭಿನಯದ ಬ್ರಹ್ಮಾಸ್ತ್ರ ಚಿತ್ರ ಥಿಯೇಟರ್‌ಗಳಲ್ಲಿ ಬಿಡುಗಡೆಯಾಗಿದೆ ಮತ್ತು ಚಿತ್ರವು ಬಾಕ್ಸ್ ಆಫೀಸ್‌ನಲ್ಲಿ ಉತ್ತಮ ಪ್ರತಿಕ್ರಿಯೆಯನ್ನು ಪಡೆಯುತ್ತಿದೆ. ಬಹಳ ದಿನಗಳಿಂದ ಸೋಷಿಯಲ್ ಮೀಡಿಯಾದಲ್ಲಿ ನಡೆಯುತ್ತಿರುವ ಬಾಲಿವುಡ್ ಬಾಯ್ಕಾಟ್ ಟ್ರೆಂಡ್ ಚಿತ್ರದ ಕಲೆಕ್ಷನ್ ಮೇಲೆ ಪರಿಣಾಮ ಬೀರಲಿಲ್ಲ. ಚಿತ್ರಕ್ಕೆ ಸಿಗುತ್ತಿರುವ ಪಾಸಿಟಿವ್ ರೆಸ್ಪಾನ್ಸ್‌ನಿಂದ ಆಲಿಯಾ ತುಂಬಾ ಖುಷಿಯಾಗಿದ್ದಾರೆ.

ವರದಿಗಳನ್ನು ನಂಬುವುದಾದರೆ, ಈ ತಿಂಗಳ ಕೊನೆಯಲ್ಲಿ ನಡೆಯಲಿರುವ ಆಲಿಯಾ ಭಟ್ ಅವರ ಬೇಬಿ ಶವರ್‌ ನಡೆಯಲ್ಲಿದ್ದು ಇದಕ್ಕೆ ಯಾರು ಹಾಜರಾಗಬಹುದು ಎಂಬ ಪಟ್ಟಿಯೂ ಬಹಿರಂಗವಾಗಿದೆ. ಆಲಿಯಾ ಅವರ ಅತ್ತಿಗೆ ರಿದ್ಧಿಮಾ ಕಪೂರ್ ಸಾಹ್ನಿ, ಅಕ್ಕ ಶಾಹೀನ್ ಭಟ್, ಸೊಸೆ ಕರೀನಾ ಕಪೂರ್, ಕರಿಷ್ಮಾ ಕಪೂರ್, ಬಾಲ್ಯದ ಗೆಳತಿ ಆಕಾಂಕ್ಷಾ ರಂಜನ್ ಈ ಸಂದರ್ಭದಲ್ಲಿ ಉಪಸ್ಥಿತರಿರುತ್ತಾರೆ. 

ಅದೇ ಸಮಯದಲ್ಲಿ ಶ್ವೇತಾ ಬಚ್ಚನ್ ನಂದಾ ಮತ್ತು ನವ್ಯಾ ನವೇಲಿ ನಂದಾ ಕೂಡ ಸಮಾರಂಭದಲ್ಲಿ ಭಾಗವಹಿಸಬಹುದು. ಆಲಿಯಾ ಅವರ ಕೆಲವು ಬಾಲ್ಯದ ಗೆಳೆಯರು ಕೂಡ ಬೇಬಿ ಶವರ್ ನಲ್ಲಿ ಪಾಲ್ಗೊಳ್ಳಲಿದ್ದಾರೆ ಎಂದು ಹೇಳಲಾಗುತ್ತಿದೆ. ಕುಟುಂಬದ ಕೆಲವು ಆಪ್ತರೂ ಭಾಗಿಯಾಗಲಿದ್ದಾರೆ. ಆದರೆ, ಮನೆಯ ಯಾವುದೇ  ಪುರುಷ ಸದಸ್ಯರು ಈ ಪಾರ್ಟಿಯಲ್ಲಿ ಭಾಗಿಯಾಗುವುದಿಲ್ಲ.

ಈ ವರ್ಷದ ಏಪ್ರಿಲ್ 14 ರಂದು ಆಲಿಯಾ ಭಟ್ ರಣಬೀರ್ ಕಪೂರ್ ಅವರೊಂದಿಗೆ ಏಳು ಸುತ್ತುಗಳನ್ನು ತೆಗೆದುಕೊಂಡಿದ್ದಾರೆ. ಇವರಿಬ್ಬರ ಮದುವೆ ತುಂಬಾ ಖಾಸಗಿಯಾಗಿದ್ದು, ಕುಟುಂಬಸ್ಥರು ಮಾತ್ರ ಭಾಗವಹಿಸಿದ್ದರು.

ಮದುವೆಯಾದ ಸುಮಾರು 2 ತಿಂಗಳ ನಂತರ, ಆಲಿಯಾ  ತಾನು ಗರ್ಭಿಣಿ ಎಂದು ಇನ್ಸ್ಟಾಗ್ರಾಮ್ ಪೋಸ್ಟ್ ಮೂಲಕ ಹೇಳಿದ್ದರು. ಈ ಸುದ್ದಿ ಕೇಳಿ ಹಲವರು ದಿಗ್ಭ್ರಮೆಗೊಂಡರು.  

ಆಲಿಯಾ ಅವರು ಪ್ರಸ್ತುತ ವಿಶ್ರಾಂತಿ ಪಡೆಯುತ್ತಿದ್ದಾರೆ  ಅದೇ ಸಮಯದಲ್ಲಿ, ಅವರ ಮುಂಬರುವ ಚಿತ್ರ ರಾಕಿ ಔರ್‌ ರಾಣಿಯ ಪ್ರೇಮಕಹಾನಿ ಚಿತ್ರದಲ್ಲಿ ರಣವೀರ್ ಸಿಂಗ್, ಧರ್ಮೇಂದ್ರ, ಜಯಾ ಬಚ್ಚನ್, ಶಬಾನಾ ಅಜ್ಮಿ ಇದ್ದಾರೆ. ಕರಣ್ ಜೋಹರ್ ಈ ಚಿತ್ರವನ್ನು ನಿರ್ದೇಶನ ಮತ್ತು ನಿರ್ಮಾಣ ಮಾಡುತ್ತಿದ್ದಾರೆ.