ಕಾರ್ತಿಕ್ ಆರ್ಯನ್‌ ತೆಕ್ಕೆಗೆ ಮತ್ತೊಂದು ಬ್ಲಾಕ್ ಬಸ್ಟರ್ ಸೀಕ್ವೆಲ್ ಚಿತ್ರ!

ಈ ದಿನಗಳಲ್ಲಿ ಬಾಲಿವುಡ್‌ ಯಂಗ್‌ ನಟ ಕಾರ್ತಿಕ್‌ ಆರ್ಯನ್‌ (Kartik Aryan) ಆದೃಷ್ಟ ತಿರುಗಿದೆ. ಭೂಲ್ ಭುಲೈಯಾ-2 ಸೂಪರ್‌ ಡೂಪರ್‌ ಯಶಸ್ವಿನ ನಂತರ ನಟನ ಭೇಡಿಕೆ ಹೆಚ್ಚಿದೆ. ಈಗ ಕಾರ್ತಿಕ್‌ ಆರ್ಯನ್‌ ಪಾಲಿಗೆ ಮತ್ತೊಂದು ದೊಡ್ಡ ಚಿತ್ರ ಒಲಿದಿದೆ. ಇದು ಬ್ಲಾಕ್ ಬಸ್ಟರ್ ಸೀಕ್ವೆಲ್ ಆಗಿದ್ದು ಅನುರಾಗ್‌ ಬಸು ನಿರ್ದೇಶಿಸುತ್ತಿದ್ದಾರೆ

ಅಕ್ಷಯ್ ಕುಮಾರ್ ಅಭಿನಯದ 'ಭೂಲ್ ಭುಲೈಯಾ' ಚಿತ್ರದ ನಂತರ ಇದೀಗ ಮತ್ತೊಂದು ಬ್ಲಾಕ್ ಬಸ್ಟರ್ ಚಿತ್ರದ ಸೀಕ್ವೆಲ್ ಕಾರ್ತಿಕ್ ಆರ್ಯನ್ ಸಿಕ್ಕಿದೆ. 'ಆಶಿಕಿ'   ಮೂರನೇ ಭಾಗದಲ್ಲಿ ಕಾರ್ತಿಕ್ ಆರ್ಯನ್ ನಾಯಕ ನಟನಾಗಿ ಕಾಣಿಸಿಕೊಳ್ಳಲಿದ್ದಾರೆ. ಚಿತ್ರದ ಲೋಗೋ ಹಂಚಿಕೊಳ್ಳುವ ಸಂದರ್ಭದಲ್ಲಿ ಕಾರ್ತಿಕ್ ಅವರೇ ಇದನ್ನು
ಘೋಷಿಸಿದ್ದಾರೆ.

ಕಾರ್ತಿಕ್ ಸಾಮಾಜಿಕ ಮಾಧ್ಯಮದಲ್ಲಿ (Social Media) ವೀಡಿಯೊವನ್ನು ಹಂಚಿಕೊಂಡಿದ್ದಾರೆ, ಅದರಲ್ಲಿ 'ಆಶಿಕಿ 3' ಲೋಗೋವನ್ನು ತೋರಿಸಲಾಗಿದೆ. 90 ರ ದಶಕದ ಮ್ಯೂಸಿಕಲ್ ಹಿಟ್ 'ಆಶಿಕಿ' ಯ ಜನಪ್ರಿಯ ಹಾಡು 'ಅಬ್ ತೇರೆ ಬಿನ್, ಜೀ ಲೆಂಗೆ ಹಮ್' ಹಿನ್ನೆಲೆಯಲ್ಲಿ ಪ್ಲೇ ಆಗುತ್ತಿದೆ. ಬಸು ದಾ ಜೊತೆಗಿನ ನನ್ನ ಮೊದಲ ಚಿತ್ರ ಮತ್ತು ನನ್ನ ಕನಸು ನನಸಾಗುವಂತಿದೆ. 'ಆಶಿಕಿ 3' ಗಾಗಿ ತಮ್ಮ ಉತ್ಸಾಹವನ್ನು ವ್ಯಕ್ತಪಡಿಸಿದ್ದಾರೆ.

'ಎವರ್‌ಗ್ರೀನ್ ಕ್ಲಾಸಿಕ್ ಅನ್ನು ನಾನು ನೋಡುತ್ತಾ ಬೆಳೆದದ್ದು ಮತ್ತು 'ಆಶಿಕಿ 3' ನಲ್ಲಿ ಕೆಲಸ ಮಾಡುವುದು ನನಗೆ ಕನಸಿನಂತೆ ಇದೆ. ನಾನು ಇದನ್ನು ಪ್ರೀತಿಸುತ್ತೇನೆ. ಭೂಷಣ್ ಕುಮಾರ್ ಮತ್ತು ಮುಖೇಶ್ ಭಟ್ ಅವರಿಗೆ ಕೃತಜ್ಞತೆಗಳು ಅವಕಾಶಕ್ಕಾಗಿ . ನಾನು ಅನುರಾಗ್ ಬಸು ಅವರ ಕೆಲಸದ ದೊಡ್ಡ ಅಭಿಮಾನಿ ಮತ್ತು ಅವರೊಂದಿಗೆ ಕೆಲಸ ಮಾಡುವುದು ಖಂಡಿತವಾಗಿಯೂ ನನಗೆ ಕಲಿಯಲು ಬಹಳಷ್ಟು ನೀಡುತ್ತದೆ' ಎಂದು ಕಾರ್ತಿಕ್‌ ಕೇಳಿಕೊಂಡಿದ್ದಾರೆ.

ಚಿತ್ರದ ನಿರ್ದೇಶಕರು ಅನುರಾಗ್ ಬಸು, ಮುಖೇಶ್ ಭಟ್ ಅವರು ತಮ್ಮ ನಿರ್ಮಾಣ ಸಂಸ್ಥೆ ವಿಶೇಷ್ ಫಿಲ್ಮ್ಸ್ ಬ್ಯಾನರ್ ಅಡಿಯಲ್ಲಿ ಇದನ್ನು ನಿರ್ಮಿಸುತ್ತಿದ್ದಾರೆ. 'ಆಶಿಕಿ 3' ಬಿಡುಗಡೆ ದಿನಾಂಕ ಮತ್ತು ಉಳಿದ ತಾರಾಗಣದ ಬಗ್ಗೆ ಮಾಹಿತಿ ಸದ್ಯಕ್ಕೆ ಬಹಿರಂಗಗೊಂಡಿಲ್ಲ.

'16 ಆಗಸ್ಟ್ 1990 ರ ಸಂಜೆ, ಗುಲ್ಶನ್ ಜಿ (ಗುಲ್ಶನ್ ಕುಮಾರ್) ಮತ್ತು ನಾನು 'ಆಶಿಕಿ' ಬಿಡುಗಡೆಗೆ ಒಂದು ದಿನ ಮೊದಲು ತುಂಬಾ ಆತಂಕಗೊಂಡಿದ್ದೆವು. ಮರುದಿನ ದಾಖಲೆಗಳನ್ನು ಮುರಿದು ಇತಿಹಾಸ ನಿರ್ಮಿಸಲಾಯಿತು. ಇಂದು ಭೂಷಣ್ ಕುಮಾರ್, ಪ್ರೀತಮ್, ಅನುರಾಗ್ (ಬಸು) ಮತ್ತು ನ್ಯಾಶನಲ್ ಕ್ರಶ್ ಕಾರ್ತಿಕ್ (ಆರ್ಯನ್) 'ಆಶಿಕಿ 3' ಈ ಹಿಂದೆ ಯಾವ ಚಿತ್ರಕ್ಕೂ ಸಿಗದಷ್ಟು ಪ್ರೀತಿಯನ್ನು ಪಡೆಯುತ್ತದೆ ಎಂದು ನಮಗೆಲ್ಲರಿಗೂ ಖಚಿತವಾಗಿದೆ' ಎಂದು ತಮ್ಮ ಪ್ರಾಜೆಕ್ಟ್  ಅನ್ನು ಪ್ರಕಟಿಸಿದ ಮುಖೇಶ್ ಭಟ್ ಹೇಳಿದ್ದಾರೆ.

ಆಶಿಕಿ 3 ನೊಂದಿಗೆ ಕಾರ್ತಿಕ್ ಆರ್ಯನ್ ಮತ್ತೊಂದು ದೊಡ್ಡ ಚಿತ್ರವನ್ನು ಅನುರಾಗ್ ಬಸು ಜಿಜಿಎ ನಿರ್ದೇಶಿಸಲಿದ್ದಾರೆ. ಕಾರ್ತಿಕ್ ಆರ್ಯನ್  ಅವರನ್ನು ಶ್ಲಾಘಿಸಿದ ಅನುರಾಗ್ ಬಸು, "ಇದು ಕಾರ್ತಿಕ್ ಆರ್ಯನ್ ಅವರೊಂದಿಗಿನ ನನ್ನ ಮೊದಲ ಚಿತ್ರ. ಅವರ ಕಠಿಣ ಪರಿಶ್ರಮ, ಸಮರ್ಪಣೆ, ತಾಳ್ಮೆ ಮತ್ತು ಕೆಲಸ ಮಾಡುವ ಸಂಕಲ್ಪ ನಮಗೆಲ್ಲರಿಗೂ ತಿಳಿದಿದೆ. ಈ  ಚಿತ್ರದ ಬಗ್ಗೆ ನಾನು ತುಂಬಾ ಉತ್ಸುಕನಾಗಿದ್ದೇನೆ. ಎಂದು ಹೇಳಿದರು.