ತಮ್ಮ ಜೇಬು ತುಂಬಿಸಲು ಪಾಕಿಸ್ತಾನಿ ಸಿನಿಮಾ, ಧಾರಾವಾಹಿಗಳಲ್ಲೂ ನಟಿಸಿದ್ರು ಈ ಭಾರತೀಯ ನಟರು

ಪಾಕಿಸ್ತಾನಿ ಚಲನಚಿತ್ರೋದ್ಯಮದಲ್ಲಿ, ಸೀರಿಯಲ್ ಗಳಲ್ಲಿ ನಟಿಸುವ ಮೂಲಕ ತಮ್ಮ ಜೇಬು ತುಂಬಿಸಿದ ಭಾರತೀಯ ನಟ, ನಟಿಯರು ಯಾರ್ಯರು ನೋಡೋಣ.   

ಅನೇಕ ಪಾಕಿಸ್ತಾನಿ ಕಲಾವಿದರು (Pakistani Actors) ಭಾರತದಲ್ಲಿ ಕೆಲಸ ಮಾಡುವಂತೆಯೇ, ಅನೇಕ ಭಾರತೀಯ ಸೆಲೆಬ್ರಿಟಿಗಳು ಸಹ ಪಾಕಿಸ್ತಾನಿ ಸಿನಿಮಾ, ಸೀರಿಯಲ್ ಗಳಲ್ಲಿ ನಟಿಸಿದ್ದರು. ಭಾರತ-ಪಾಕಿಸ್ತಾನ ವಿವಾದದ ಹೊರತಾಗಿಯೂ, ಎರಡೂ ದೇಶಗಳ ಕಲಾವಿದರು ಚಲನಚಿತ್ರ ಮತ್ತು ಟಿವಿ ಉದ್ಯಮದಲ್ಲಿ ಕೆಲಸ ಮಾಡಿದ್ದಾರೆ. ಶ್ವೇತಾ ತಿವಾರಿಯಿಂದ ಹಿಡಿದು ಬಾಲಿವುಡ್ ನಟಿ ಕಿರಣ್ ಖೇರ್‌ವರೆಗಿನ ಯಾರೆಲ್ಲಾ ಪಾಕ್ ನಲ್ಲಿ ನಟಿಸಿದ್ದಾರೆ ನೋಡೋಣ. 

ನೇಹಾ ಧೂಪಿಯಾ (Neha Dhupia)
ಬಾಲಿವುಡ್ ಸಿನಿಮಾ, ರಿಯಾಲಿಟಿ ಶೋಗಳ (reality show) ಮೂಲಕ ಸದ್ದು ಮಾಡುತ್ತಿರುವ ನಟಿ ನೇಹಾ ಧೂಪಿಯಾ, ಭಾರತದಲ್ಲಿ ಎಷ್ಟು ಜನಪ್ರಿಯರೋ, ಪಾಕಿಸ್ತಾನದ ಜನರು ಅವರನ್ನು ಇಷ್ಟಪಡುತ್ತಾರೆ. ಚಲನಚಿತ್ರಗಳಲ್ಲದೆ, ನೇಹಾ 'ರೋಡೀಸ್' ನಂತಹ ರಿಯಾಲಿಟಿ ಶೋಗಳಲ್ಲಿಯೂ ತಮ್ಮ ಪ್ರತಿಭೆಯನ್ನು ತೋರಿಸಿದ್ದಾರೆ. ನೇಹಾ ಪಾಕಿಸ್ತಾನಿ ಚಿತ್ರದಲ್ಲೂ ನಟಿಸಿದ್ದಾರೆ. 'ಕಭಿ ಪ್ಯಾರ್ ನಾ ಕರ್ನಾ’ ಚಿತ್ರದಲ್ಲಿ ನೇಹಾ ಅತಿಥಿ ಪಾತ್ರದಲ್ಲಿ ನಟಿಸಿದ್ದಾರೆ.

ಅಚಿಂತ್ ಕೌರ್ (Anchit Kaur)
ಪ್ರಸಿದ್ಧ ಟಿವಿ ನಟಿ ಅಚಿಂತ್ ಕೌರ್ ಅನೇಕ ಧಾರಾವಾಹಿಗಳು ಮತ್ತು ಚಲನಚಿತ್ರಗಳಲ್ಲಿ ಕೆಲಸ ಮಾಡಿದ್ದಾರೆ. ಪ್ರಸಿದ್ಧ ಟಿವಿ ಸೀರಿಯಲ್ 'ಜಮೈ ರಾಜ' ಮೂಲಕ ಪ್ರತಿ ಮನೆಯಲ್ಲೂ ಪ್ರಸಿದ್ಧರಾದ ಈ ನಟಿ ಪಾಕಿಸ್ತಾನಿ ಧಾರಾವಾಹಿಗಳಲ್ಲಿಯೂ ಕೆಲಸ ಮಾಡಿದ್ದಾರೆ. ಇಷ್ಟೇ ಅಲ್ಲ, ಅಚಿಂತ್ ಪಾಕಿಸ್ತಾನಿ ಚಿತ್ರ 'ಸುಲ್ತಾನತ್' ನಲ್ಲಿಯೂ ಕೆಲಸ ಮಾಡಿದ್ದಾರೆ.

ಕಿರಣ್ ಖೇರ್ (Kirren Kher)
ಬಾಲಿವುಡ್‌ನ ಪ್ರಸಿದ್ಧ ನಟ ಅನುಪಮ್ ಖೇರ್ ಅವರ ಪತ್ನಿ ಮತ್ತು ಹಿರಿಯ ನಟಿ ಕಿರಣ್ ಖೇರ್ ಹಿಂದಿ ಚಿತ್ರರಂಗಕ್ಕೆ ಸಾಕಷ್ಟು ಕೊಡುಗೆ ನೀಡಿದ್ದಾರೆ. ನಟಿ ಟಿವಿ ಮತ್ತು ಚಲನಚಿತ್ರೋದ್ಯಮದಲ್ಲಿ ತಮ್ಮ ಪ್ರತಿಭೆಯನ್ನು ತೋರಿಸಿದ್ದಾರೆ. ಪಾಕಿಸ್ತಾನಿ ಚಿತ್ರ 'ಖಾಮೋಶ್ ಪಾನಿ'ಯಲ್ಲಿ ಕಿರಣ್ ಖೇರ್ ನಟಿಸಿದ್ದರು. ಈ ಚಿತ್ರಕ್ಕಾಗಿ, ಅವರಿಗೆ ಸ್ವಿಟ್ಜರ್ಲೆಂಡ್ ಚಲನಚಿತ್ರೋತ್ಸವದಲ್ಲಿ ಅತ್ಯುತ್ತಮ ನಟಿ ಪ್ರಶಸ್ತಿಯೂ ಬಂದಿತ್ತು. 

ಆರ್ಯ ಬಬ್ಬರ್ (Arya Babba)
ಬಾಲಿವುಡ್ ಹಿರಿಯ ನಟ ರಾಜ್ ಬಬ್ಬರ್ ಅವರ ಪುತ್ರ ಆರ್ಯ ಬಬ್ಬರ್ ಕೂಡ ಪಾಕಿಸ್ತಾನಿ ಚಿತ್ರಗಳಲ್ಲಿ ಕೆಲಸ ಮಾಡಿದ್ದಾರೆ. ಬಿಗ್ ಬಾಸ್ ಖ್ಯಾತಿಯ ಆರ್ಯ 2010 ರಲ್ಲಿ ಬಿಡುಗಡೆಯಾದ 'ವೀರ್ಸಾ' ಚಿತ್ರದಲ್ಲಿ ನಟಿಸಿದ್ದರು. 

ನೌಶೀನ್ ಅಲಿ ಸರ್ದಾರ್ (Nousheen Ali Sardar)
ನೌಶೀನ್ ಸರ್ದಾರ್ ಅವರ ಹೆಸರು ಒಂದು ಕಾಲದಲ್ಲಿ ಟಿವಿ ಉದ್ಯಮದ ಪ್ರಸಿದ್ಧ ನಟಿಯರ ಪಟ್ಟಿಯಲ್ಲಿತ್ತು. ಅವರು 'ಕುಸುಮ್' ಮತ್ತು 'ಮೇರಿ ಡೋಲಿ ತೇರೆ ಆಂಗನ್' ನಂತಹ ಅನೇಕ ಧಾರಾವಾಹಿಗಳಲ್ಲಿ ಕೆಲಸ ಮಾಡಿದ್ದಾರೆ. ಇದರ ನಂತರ, ನೌಶೀನ್ ಲಾಲಿವುಡ್‌ನಲ್ಲಿಯೂ ಕೆಲಸ ಮಾಡಿದರು ಮತ್ತು ಪಾಕಿಸ್ತಾನಿ ಚಿತ್ರ 'ಮೈ ಏಕ್ ದಿನ್ ಲೌಟ್ ಆವುಂಗಾ'ದಲ್ಲಿ ತಮ್ಮ ನಟನಾ ಕೌಶಲ್ಯವನ್ನು ತೋರಿಸಿದರು. ನಂತರ, ಅವರು ಅನೇಕ ಪಾಕಿಸ್ತಾನಿ ಧಾರಾವಾಹಿಗಳಲ್ಲಿ ಸಹ ಕೆಲಸ ಮಾಡಿದ್ದರು.

ಶ್ವೇತಾ ತಿವಾರಿ (Shweta Tiwari)
ಟಿವಿ ಉದ್ಯಮದ ಸಂತೂರ್ ಮಮ್ಮಿ ಶ್ವೇತಾ ತಿವಾರಿ ಪ್ರಸಿದ್ಧ ನಟಿಯರಲ್ಲಿ ಒಬ್ಬರು. ಶ್ವೇತಾ ಪಾಕಿಸ್ತಾನದಲ್ಲೂ ನಟಿಸಿದ್ದರು ಎಂದು ಬಹಳ ಕಡಿಮೆ ಜನರಿಗೆ ತಿಳಿದಿದೆ. ಶ್ವೇತಾ ತಿವಾರಿ ಪಾಕಿಸ್ತಾನಿ ಸಿನಿಮಾ 'ಸುಲ್ತಾನತ್' ನಲ್ಲಿ ಕೆಲಸ ಮಾಡಿದ್ದಾರೆ. ಆದಾಗ್ಯೂ, ಈ ಚಿತ್ರಕ್ಕೆ ಯಾವುದೇ ಪ್ರತಿಕ್ರಿಯೆ ಸಿಗಲಿಲ್ಲ.

ಆಕಾಶ್‌ದೀಪ್ ಸೆಹಗಲ್ (Akashdeep Saigal)
ಏಕ್ತಾ ಕಪೂರ್ ಅವರ ಧಾರಾವಾಹಿ 'ಕ್ಯೂಂಕಿ ಸಾಸ್ ಭಿ ಕಭಿ ಬಹು ಥಿ'ಯಲ್ಲಿ ನಟಿಸುವ ಮೂಲಕ ಜನ ಮನ ಗೆದ್ದ ನಟ ಆಕಾಶ್‌ದೀಪ್, ಹರ್ಷ್ ಗುಜ್ರಾಲ್ ಎಂದು ಪ್ರಸಿದ್ಧರಾದರು. ಈ ಸೀರಿಯಲ್ ನಂತರ, ಆಕಾಶ್‌ದೀಪ್ ಬಿಗ್ ಬಾಸ್‌ನಲ್ಲಿ ಕಾಣಿಸಿಕೊಂಡರು. ಇದರ ನಂತರ, ಆಕಾಶ್ ಪಾಕಿಸ್ತಾನಿ ಧಾರಾವಾಹಿ 'ಸುಲ್ತಾನತ್' ನಲ್ಲಿಯೂ ತಮ್ಮ ನಟನಾ ಕೌಶಲ್ಯವನ್ನು ತೋರಿಸಿದರು.