ಕೆಜಿಗಟ್ಟಲೆ ಚಿನ್ನಾಭರಣ ಧರಿಸಿದ್ದ Rashmika Mandanna ಸ್ಲಿಪ್ಪರ್​ ಮೇಲೆ ಫ್ಯಾನ್ಸ್​ ಕಣ್ಣು: ಇಷ್ಟು ಕಡಿಮೆ ರೇಟಾ?

ವಿಜಯ್ ದೇವರಕೊಂಡ ಮತ್ತು ರಶ್ಮಿಕಾ ಮಂದಣ್ಣ ಅವರ ಮದುವೆಯ ನಂತರ, ರಶ್ಮಿಕಾ ಧರಿಸಿದ್ದ 7 ಕೋಟಿ ಮೌಲ್ಯದ ಆಭರಣಗಳು ಮತ್ತು ಚಿನ್ನದ ಸೀರೆ ಗಮನ ಸೆಳೆದಿದೆ. ಆದರೆ, ಎಲ್ಲರನ್ನೂ ಅಚ್ಚರಿಗೊಳಿಸಿದ್ದು ಅವರು ಧರಿಸಿದ್ದ ಚಪ್ಪಲಿಯ ಬೆಲೆ ತುಂಬಾ ಕಡಿಮೆ ಇದ್ದು, ಅದರ ಬಗ್ಗೆ ಅಭಿಮಾನಿಗಳಲ್ಲಿ ಚರ್ಚೆ ಶುರುವಾಗಿದೆ. 

ವಿರೋಶ್​ ಜೋಡಿ

ರಶ್ಮಿಕಾ ಮಂದಣ್ಣ ಮತ್ತು ವಿಜಯ ದೇವರಕೊಂಡ (Rashmika Mandanna and Vijaya Devarakonda) ಮದುವೆ ಸಡಗರ ಮುಗಿದಿದೆ. ಮದುವೆ ಮುಗಿದ ಬಳಿಕ ಮದುವೆ ಕುರಿತಾದ ಕೆಲವೊಂದು ಇಂಟರೆಸ್ಟಿಂಗ್​ ವಿಷ್ಯಗಳು ಒಂದೊಂದಾಗಿ ಹೊರ ಬರುತ್ತಿವೆ.

ಟೆಂಪಲ್​ ಡಿಸೈನ್​ ಒಡವೆ

ವಿರೋಶ್​ ಜೋಡಿಯ ಮದುವೆಯಲ್ಲಿ ಗಮನ ಸೆಳೆದದ್ದು ರಶ್ಮಿಕಾ ಧರಿಸಿದ್ದ ಚಿನ್ನಾಭರಣಗಳು. ಸುಮಾರು 10 ತಿಂಗಳಿನಿಂದ ಟೆಂಪಲ್​ ಡಿಸೈನ್​ ಆಭರಣಗಳನ್ನು ವಿಶೇಷ ವಿನ್ಯಾಸಕಾರರು ರೆಡಿ ಮಾಡಿದ್ದಾರೆ.

ಏಳು ಕೋಟಿ ಆಭರಣ

ನಟಿ ಸುಮಾರು ಏಳು ಕೋಟಿ ರೂಪಾಯಿ ಬೆಲೆ ಬಾಳುವ ಚಿನ್ನಾಭರಣ ಧರಿಸಿರುವುದಾಗಿ ವರದಿಯಾಗಿದೆ. ಅವರು ಉಟ್ಟ ಸೀರೆ ಕೂಡ ಚಿನ್ನದ ದಾರಗಳಿಂದ ಲೇಪಿತವಾಗಿತ್ತು.

ವಜ್ರ ಬ್ಯಾನ್​

ವಜ್ರಗಳು ನೆಗೆಟಿವ್​ ಎನರ್ಜಿ ತರುವ ಹಿನ್ನೆಲೆಯಲ್ಲಿ ಹಾಗೂ ಅದಕ್ಕೆ ಶೀತಲ ಗುಣ ಇರುವ ಕಾರಣ, ಮತ್ತು ದಕ್ಷಿಣದ ಮದುವೆಗಳಲ್ಲಿ ಹೆಚ್ಚಾಗಿ ಚಿನ್ನಕ್ಕೇ ಮಹತ್ವ ಇರುವ ಕಾರಣದಿಂದ ಕೇವಲ ಚಿನ್ನಾಭರಣಗಳನ್ನೇ ಈ ಜೋಡಿ ಧರಿಸಿದೆ.

ಸ್ಲಿಪ್ಪರ್​ ಮೇಲೆ ಕಣ್ಣು

ಇವೆಲ್ಲವುಗಳ ನಡುವೆ ರಶ್ಮಿಕಾ ಧರಿಸಿರುವ ಸ್ಲಿಪ್ಪರ್​ ಮೇಲೆ ಈಗ ನೆಟ್ಟಿಗರ ಕಣ್ಣು ಬಿದ್ದಿದೆ. ಗೋಲ್ಡನ್​ ಬಣ್ಣದ ಈ ಸ್ಲಿಪ್ಪರ್​ ಬೆಲೆ ಏನಿಲ್ಲವೆಂದರೂ ಒಂದು ಲಕ್ಷ ರೂಪಾಯಿ ಇರುತ್ತದೆ ಎಂದೇ ಬಹುತೇಕ ಎಲ್ಲರೂ ಅಂದುಕೊಂಡಿದ್ದರು.

ಬೆಲೆ ಇಷ್ಟೇನಾ?

ಆದರೆ, ಅಭಿಮಾನಿಗಳಿಗೆ ಶಾಕ್​ ಆಗಿದೆ. ಇದರ ಬೆಲೆಯನ್ನು ಸಂಶೋಧನೆ ಮಾಡಿದ್ದಾರೆ ರಶ್ಮಿಕಾ ಅಭಿಮಾನಿಗಳು. ಅಪರಾಜಿತಾ ತೂರ್​ ಬ್ರ್ಯಾಂಡ್​ನ ಚಪ್ಪಲಿ ಇದಾಗಿದೆ. ಇದಕ್ಕೆ ಕೇವಲ 24, 399 ರೂಪಾಯಿ ಇರುವುದನ್ನು ಕಂಡಿರುವ ಫ್ಯಾನ್ಸ್​ ದಂಗಾಗಿದ್ದಾರೆ. ನಟಿ ಇಷ್ಟು ಕಡಿಮೆ ಬೆಲೆಯ ಚಪ್ಪಲಿ ಏಕೆ ಧರಿಸಿದ್ರು ಎಂದು ಪ್ರಶ್ನಿಸುತ್ತಿದ್ದಾರೆ.