ಅಕ್ಷಯ್ ಕುಮಾರ್ (Akshay Kumar) ಮತ್ತು ಮಾನುಷಿ ಚಿಲ್ಲರ್ (Manushi Chhillar) ಅಭಿನಯದ ಬಹು ನಿರೀಕ್ಷಿತ ಬಾಲಿವುಡ್ ಸಿನಿಮಾ 'ಪೃಥ್ವಿರಾಜ್' (Prithviraj) ಬಿಡುಗಡೆಗೆ ಮುನ್ನವೇ ವಿವಾದಗಳಿಂದ ಸುತ್ತುವರಿದಿದೆ. ಈ ಸಿನಿಮಾದಲ್ಲಿ ಇತಿಹಾಸವನ್ನು ವಾಸ್ತವಿಕವಾಗಿ ತಿರುಚಿದೆ ಎಂದು ಆರೋಪಿಸಲಾಗಿದೆ. ಪೂರ್ತಿ ವಿವರಕ್ಕಾಗಿ ಮುಂದೆ ಓದಿ.
ಅಕ್ಷಯ್ ಕುಮಾರ್ ನಟಿಸಿರುವ ಪೃಥ್ವಿರಾಜ್ ಸಿನಿಮಾದಲ್ಲಿ ಇತಿಹಾಸವನ್ನು ತಿರುಚಲಾಗಿದೆ ಎಂದು ಅರೋಪಿಸಲಾಗುತ್ತಿದೆ. ಈ ಕಾರಣದಿಂದ ಎರಡು ಸಮಾಜಗಳ ನಡುವೆ ವಾದಗಳು ಶುರುವಾಗಿದೆ. ಸಿನಿಮಾವನ್ನು ವಿರೋಧಿಸಿ, ರಾಜಸ್ಥಾನದ ಗುರ್ಜರ್ ಸಮಾಜದ ಜನರು ಸಿನಿಮಾದ ಪ್ರದರ್ಶನವನ್ನು ನಿಲ್ಲಿಸುವುದಾಗಿ ಬೆದರಿಕೆ ಹಾಕಿದ್ದಾರೆ.
ಪೃಥ್ವಿರಾಜ್ ಗುರ್ಜರ್ ಅನ್ನು ಸಿನಿಮಾದಲ್ಲಿ ರಜಪೂತ ಎಂದು ತೋರಿಸಲಾಗುತ್ತಿದೆ ಎಂದು ಗುರ್ಜರ್ ಸಮಾಜ ಹೇಳುತ್ತದೆ. ಮತ್ತೊಂದೆಡೆ, ರಜಪೂತ ಸಮಾಜದ ಜನರು ಗುರ್ಜರ್ ಸಮಾಜದ ಈ ಹಕ್ಕನ್ನು ಸಂಪೂರ್ಣವಾಗಿ ತಿರಸ್ಕರಿಸಿದ್ದಾರೆ.
ಈ ಹಿಂದೆ ರಜಪೂತ ಕರ್ಣಿ ಸೇನೆಯ ಜನರು ಸಿನಿಮಾದ ಶೀರ್ಷಿಕೆಯಲ್ಲಿನ ಅಪೂರ್ಣ ಹೆಸರಿನ ಬಗ್ಗೆ ಆಕ್ಷೇಪಣೆ ಸಲ್ಲಿಸಿದ್ದರು. ಸಿನಿಮಾದಲ್ಲಿ ಅಗತ್ಯ ಬದಲಾವಣೆ ಮಾಡದಿದ್ದರೆ ಯಾವುದೇ ಸಂದರ್ಭದಲ್ಲೂ ಬಿಡುಗಡೆ ಮಾಡಲು ಬಿಡುವುದಿಲ್ಲ ಎನ್ನುತ್ತಾರೆ ಈ ವಿವಿಧ ಸಮಾಜದವರು.
ಪೃಥ್ವಿರಾಜ್ ಚೌಹಾಣ್ ಅವರಿಗೆ 'ರಜಪೂತ್' ಸರ್‌ನೆಮ್‌ ಬಳಸುವುದನ್ನು ಮುಂದುವರೆಸಿದರೆ, ಸಿನಿಮಾವನ್ನು ಬಿಡುಗಡೆ ಮಾಡಲು ನಾವು ಬಿಡುವುದಿಲ್ಲ ಎಂದು ಗುರ್ಜರ್ ಸಮಾಜ ಹೇಳಿದೆ. ಅದೇ ಸಮಯದಲ್ಲಿ, ಶ್ರೀ ರಜಪೂತ ಕರ್ಣಿ ಸೇನೆಯ ರಾಷ್ಟ್ರೀಯ ವಕ್ತಾರ ವಿಜೇಂದರ್ ಸಿಂಗ್ ಸಕ್ತಾವತ್ ಅವರು ಆರಂಭದಲ್ಲಿ ಗುರ್ಜರ್‌ಗಳು ಗೌಚರ್‌ಗಳಾಗಿದ್ದು, ನಂತರ ಅದು ಗುಜ್ಜರ್‌ಗಳು ಮತ್ತು ನಂತರ ಗುರ್ಜರ್‌ಗಳಾಗಿ ಮಾರ್ಪಟ್ಟಿದೆ ಮತ್ತು ಅವರು ಮೂಲತಃ ಗುಜರಾತಿನವರು ಮತ್ತು ಆದ್ದರಿಂದ ಗುರ್ಜರ್ಸ್ ಎಂದು ಕರೆಯುತ್ತಾರೆ. ಗುರ್ಜರ್ ಎಂಬ ಪದವು ಸ್ಥಳಕ್ಕೆ ಸಂಬಂಧಿಸಿದೆ ಹೊರತು, ಯಾವುದೇ ಜಾತಿಗೆ ಸಂಬಂಧಿಸಿಲ್ಲ ಎಂದು ಹೇಳುತ್ತಾರೆ.
ಪೃಥ್ವಿರಾಜ್ ಚೌಹಾಣ್ ಅವರ ಜೀವನದಲ್ಲಿ ಯಾವುದೇ ಭಯದ ಮಾತು ಇರಲಿಲ್ಲ. ಈ ಸಿನಿಮಾವು ಅವರ ಶೌರ್ಯ ಮತ್ತು ಜೀವನಕ್ಕೆ ನಮ್ಮ ಗೌರವವಾಗಿದೆ ಎಂದು ಚಿತ್ರದ ಬಗ್ಗೆ ಅಕ್ಷಯ್ ಕುಮಾರ್ ಹೇಳಿದ್ದಾರೆ .
ಅಕ್ಷಯ್ ಪ್ರಕಾರ, ಅವರು ನಮ್ಮ ದೇಶ ಕಂಡ ಅತ್ಯಂತ ಧೈರ್ಯಶಾಲಿ ಯೋಧರು ಮತ್ತು ನಿಜವಾದ ರಾಜರಲ್ಲಿ ಒಬ್ಬರು ಪೃಥ್ವಿರಾಜ್. ಅಕ್ಷಯ್ ಕುಮಾರ್ ಜೊತೆಗೆ ಸಂಜಯ್ ದತ್, ಸೋನು ಸಾದು, ಮಾನುಷಿ ಚಿಲ್ಲರ್ ಕೂಡ ಸಿನಿಮಾದಲ್ಲಿ ಕೆಲಸ ಮಾಡಿದ್ದಾರೆ.
ಐತಿಹಾಸಿಕ ಹಿನ್ನಲೆಯಲ್ಲಿ ಸಿನಿಮಾ ಮಾಡಲಾಗಿದೆ. ಯಶ್ ರಾಜ್ ಫಿಲ್ಮ್ಸ್ ಬ್ಯಾನರ್ ಅಡಿಯಲ್ಲಿ ನಿರ್ಮಾಣವಾಗಿರುವ ಪೃಥ್ವಿರಾಜ್ ಚಿತ್ರವನ್ನು ಚಂದ್ರಪ್ರಕಾಶ್ ದ್ವಿವೇದಿ ನಿರ್ದೇಶಿಸಿದ್ದಾರೆ. ಈ ಮೊದಲು ಇದನ್ನು ದೀಪಾವಳಿಗೆ ಬಿಡುಗಡೆ ಮಾಡಲು ನಿರ್ಧರಿಸಲಾಗಿತ್ತು. ಆದರೆ ಸೂರ್ಯವಂಶಿ ಸಿನಿಮಾದ ದೃಷ್ಟಿಯಿಂದ ದಿನಾಂಕವನ್ನು ಪೋಸ್‌ಪೋನ್‌ ಮಾಡಲಾಯಿತು. ಈಗ ಅದು 21 ಜನವರಿ 2022 ರಂದು ಬಿಡುಗಡೆಯಾಗಲಿದೆ.
ಅದೇ ಸಮಯದಲ್ಲಿ, ಅಕ್ಷಯ್ ತಮ್ಮ ಖಾತೆಯಲ್ಲಿ ಸಿನಿಮಾಗಳ ಸಾಲುಗಳನ್ನು ಹೊಂದಿದ್ದಾರೆ. ಅವರು ಶೀಘ್ರದಲ್ಲೇ ಸಾರಾ ಅಲಿ ಖಾನ್ ಮತ್ತು ಧನುಷ್ ಅವರೊಂದಿಗೆ ಅತ್ರಾಂಗಿ ರೇ, ಜಾಕ್ವೆಲಿನ್ ಫೆರ್ನಾಂಡಿಸ್ ಅವರೊಂದಿಗೆ ಬಚ್ಚನ್ ಪಾಂಡೆ ಮತ್ತು ರಾಮ್ ಸೇತು, ರಕ್ಷಾ ಬಂಧನದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.