Ahan Shetty Tania Shroff on Vacation : ಸಿನಿಮಾ ಸಕ್ಸಸ್, ಗರ್ಲ್‌ಫ್ರೆಂಡ್‌ ಜೊತೆ ಅಹಾನ್ ಶೆಟ್ಟಿ ವೆಕೇಶನ್‌!

ಇತ್ತೀಚೆಗಷ್ಟೇ ಸುನೀಲ್ ಶೆಟ್ಟಿ (Suniel Shetty) ಅವರ ಪುತ್ರ ಅಹಾನ್ ಶೆಟ್ಟಿ (Ahan Shetty) ಅವರ ಚೊಚ್ಚಲ ಚಿತ್ರ 'ತಡಪ್' (Tadap) ಬಿಡುಗಡೆಯಾಗಿದ್ದು, ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಈ ಸಿನಿಮಾದಲ್ಲಿ ಅಹಾನ್ ಶೆಟ್ಟಿ ಹೊರತಾಗಿ ತಾರಾ ಸುತಾರಿಯಾ (Tara Sutaria) ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಚಿತ್ರದಲ್ಲಿ ಅಹಾನ್ ಸ್ಟ್ರಾಂಗ್ ಲುಕ್ ಪಡೆಯುತ್ತಿರುವುದು ಮಾತ್ರವಲ್ಲದೆ, ತಾರಾ ಸುತಾರಿಯಾ ಅವರೊಂದಿಗಿನ ಅವರ ಕೆಮಿಸ್ಟ್ರಿ ಫ್ಯಾನ್ಸ್‌ಗೆ ಇಷ್ಟವಾಗುತ್ತಿದೆ. ಅಹಾನ್ ರೀಲ್ ಲೈಫ್ ನಲ್ಲಿ ಮಾತ್ರವಲ್ಲ ನಿಜ ಜೀವನದಲ್ಲೂ ತುಂಬಾ ರೊಮ್ಯಾಂಟಿಕ್.  ಅವರ ನಿಜಜೀವನದ ನಾಯಕಿ ತಾನಿಯಾ ಶ್ರಾಫ್ (Tania Shroff). ಸಿನಿಮಾದ ಯಶಸ್ಸಿನ ನಂತರ, ನಟ ತಾನಿಯಾ ಜೊತೆ ಹಾಲಿಡೇ ಸೆಲಬರೇಶನ್ ಮೂಡ್ ನಲ್ಲಿದ್ದರು.

ಬಾಲಿವುಡ್ ನ ಖ್ಯಾತ ನಟ ಸುನೀಲ್ ಶೆಟ್ಟಿ ಅವರ ಪುತ್ರ ಅಹಾನ್ ಶೆಟ್ಟಿ ಅಭಿನಯದ 'ತಡಪ್' ಚಿತ್ರಕ್ಕೆ ಜನರಿಂದ ಭಾರೀ ಪ್ರೀತಿ ವ್ಯಕ್ತವಾಗುತ್ತಿದೆ. ಎರಡನೇ ವಾರದಲ್ಲೂ ಚಿತ್ರ ಬಾಕ್ಸ್ ಆಫೀಸ್‌ನಲ್ಲಿ ಉತ್ತಮ ಪ್ರದರ್ಶನ ಕಾಣುತ್ತಿದೆ. ಚಿತ್ರದ ಸಕ್ಸಸ್ ಪಾರ್ಟಿ ಕೂಡ ಸಾಜಿದ್ ನಾಡಿಯಾಡ್ವಾಲಾ ಅವರ ಮನೆಯಲ್ಲಿ ನಡೆಯಿತು. ಪಾರ್ಟಿ ಮುಗಿಸಿ ಅಹಾನ್ ಇಂದು ಗೆಳತಿಯೊಂದಿಗೆ ಹಾಲಿಡೇಗೆ ತೆರಳಿದ್ದರು.

ಕಪ್ಪು ಡ್ರೆಸ್‌ನಲ್ಲಿ ಅಹಾನ್ ತುಂಬಾ ಹ್ಯಾಂಡ್‌ಸಮ್‌ ಆಗಿ ಕಾಣುತ್ತಿದ್ದರು. ಇದರೊಂದಿಗೆ ತಾನಿಯಾ ಕೂಡ ಕಪ್ಪು ಟೀ ಶರ್ಟ್ ಧರಿಸಿ ಕಾಣಿಸಿಕೊಂಡಿದ್ದರು. ಬಾಲಿವುಡ್‌ನ ಹೊಸ  ತಾರೆಯನ್ನು ನೋಡಿ ಅಲ್ಲಿದ್ದವರು ಅವರೊಂದಿಗೆ ಫೋಟೋಗಳನ್ನು ಕ್ಲಿಕ್ಕಿಸಿಕೊಂಡರು. ನಟ ಕೂಡ ಕ್ಯಾಮೆರಾಗೆ ಪೋಸ್ ಕೊಡಲು ಹಿಂಜರಿಯಲಿಲ್ಲ.

ಅದೇ ಸಮಯದಲ್ಲಿ, ಜಾನ್ವಿ ಕಪೂರ್ ವಿಮಾನ ನಿಲ್ದಾಣದಲ್ಲಿ ಕಾಣಿಸಿಕೊಂಡರು. ಅವಳು ತುಂಬಾ ಸುಂದರವಾದ ಉಡುಪನ್ನು ಧರಿಸಿದ್ದರು. ಕೈಗೆ ಗಾಯವಾದ ಕಾರಣ ಕೈಗೆ ಬ್ಯಾಂಡೇಜ್‌  ಕಟ್ಟಿಕೊಂಡಿದ್ದರು. ಒಂದು ದಿನದ ಹಿಂದೆ, ಅವರು ರ್ಯಾಪರ್ ಮತ್ತು ಗೀತರಚನೆಕಾರ ಎಪಿ ಧಿಲ್ಲೋನ್ ಅವರ ಸಂಗೀತ ಕಚೇರಿಯಲ್ಲಿ ಕಾಣಿಸಿಕೊಂಡರು.

ಕೊರೋನಾ ಅವಧಿಯಲ್ಲಿ ಜನರಪಾಲಿನ ದೇವರಾಗಿದ್ದ  ಬಾಲಿವುಡ್ ಸ್ಟಾರ್ ಸೋನು ಸೂದ್ ಅವರು ತಮ್ಮ ಕೆಲಸದ ಕಾರಣದಿಂದ ಆಗಾಗ ನ್ಯೂಸ್‌ನಲ್ಲಿ ಇರುತ್ತಾರೆ. ಇತ್ತೀಚೆಗೆ ನಟ ವಿಮಾನ ನಿಲ್ದಾಣದಲ್ಲಿ ಕಾಣಿಸಿಕೊಂಡರು.

ಆಲಿಯಾ ಭಟ್ ತನ್ನ ತಾಯಿ ಸೋನಿ ರಜ್ದಾನ್ ಜೊತೆ ಕಾಣಿಸಿಕೊಂಡಿದ್ದಾರೆ. ಆಲಿಯಾ ಭಟ್‌ ತನ್ನ ತಾಯಿಯ ಜೊತೆ ಲಂಚ್‌ಗೆ  ಹೋಗಿದ್ದರು. ಈ ಸಮಯದಲ್ಲಿ ಆಲಿಯಾ ಭಟ್ ಅವರ ಲುಕ್ ಎಲ್ಲರ ಗಮನ ಸೆಳೆಯಿತು. ಆಫ್ ಶೋಲ್ಡರ್ ಥಾಯ್ ಸ್ಲಿಟ್ ಔಟ್‌ಫಿಟ್‌ನಲ್ಲಿ ಆಲಿಯಾ ತುಂಬಾ ಸುಂದರವಾಗಿ ಕಾಣುತ್ತಿದ್ದರು

ಬಾಲಿವುಡ್ ಸ್ಟಾರ್ ವರುಣ್ ಧವನ್ ಅಂಧೇರಿಯಲ್ಲಿರುವ ಧರ್ಮ ಕಚೇರಿಯ ಹೊರಗೆ ಕಾಣಿಸಿಕೊಂಡರು. ಹಳದಿ ಬಣ್ಣದ ಜಾಕೆಟ್ ಮತ್ತು ಬೂದು ಬಣ್ಣದ ಕ್ಯಾಪ್ರಿಯಲ್ಲಿ ಅವರು ಸಖತ್‌ ಕೂಲ್‌ ಮತ್ತು ಹ್ಯಾಂಡ್‌ಸಮ್‌ ಆಗಿ ಕಾಣುತ್ತಿದ್ದರು.

ರವೀನಾ ಟಂಡನ್ ಬಿಕೆಸಿ ಬಾಂದ್ರಾದಲ್ಲಿ ಕಾಣಿಸಿಕೊಂಡರು. ಅವರು ಅರಣ್ಯಕ್ ವೆಬ್ ಸರಣಿಯೊಂದಿಗೆ OTT ಯಲ್ಲಿ ಪಾದಾರ್ಪಣೆ ಮಾಡಿದರು. ಕ್ರೈಮ್‌ - ಥ್ರಿಲ್ಲರ್ ವೆಬ್ ಸರಣಿ ಅರಣ್ಯಕ್ ಡಿಸೆಂಬರ್ 10 ರಂದು ನೆಟ್‌ಫ್ಲಿಕ್ಸ್‌ನಲ್ಲಿ ಬಿಡುಗಡೆಯಾಯಿತು ಹಾಗೂ ಜನರ ಮೆಚ್ಚುಗೆ ಸಹ ಗಳಿಸಿದೆ.

ವಾಣಿ ಕಪೂರ್ ಅವರು  ಸೆಕ್ಸಿ ಲುಕ್‌ನಲ್ಲಿ  ಟಿ - ಸೀರೀಸ್ ಕಚೇರಿಯ ಹೊರಗೆ ಪಾಪರಾಜಿಗಳ ಕ್ಯಾಮೆರಾದಲ್ಲಿ ಸಿಕ್ಕಿಬಿದ್ದರು. ಅವರು ಆಫ್ ಸೋಲ್ಡರ್ ಡೆನಿಮ್ ಉಡುಪನ್ನು ಧರಿಸಿದ್ದರು. ನಟಿಯ  'ಚಂಡೀಗಢ್ ಕರೇ ಆಶಿಕಿ' ಸಿನಿಮಾ ಬಿಡುಗಡೆಯಾಗಿದೆ. ಚಿತ್ರವು ಗಲ್ಲಾಪೆಟ್ಟಿಗೆಯಲ್ಲಿ ಉತ್ತಮ ಪ್ರದರ್ಶನ ನೀಡುತ್ತಿಲ್ಲ, ಆದರೆ ವಾಣಿ ಅವರ ಕೆಲಸವನ್ನು  ಪ್ರಶಂಸಿಸಲಾಗುತ್ತಿದೆ.