ಪರಿಸರ ಸ್ನೇಹಿ ಪ್ಯಾಕೇಜಿಂಗ್ ಗೆ ಬಾಳೆ ಎಲೆ ಬಳಕೆ ಶ್ಲಾಘಿಸಿದ ಹರ್ಷ ಗೋಯೆಂಕಾ!

ಭಾರತದಲ್ಲಿ ಅನಾದಿ ಕಾಲದಿಂದಲೂ ಬಳಸಲಾಗುತ್ತಿರುವ ಬಾಳೆ ಎಲೆ ಬಾಳೆ ಎಲೆಗಳನ್ನು ಪ್ಯಾಕೇಜಿಂಗ್ ವಸ್ತುವಾಗಿ ಬಳಸುವ ಕುರಿತು ಹರ್ಷ್ ಗೋಯೆಂಕಾ ಪೋಸ್ಟ್  ಪರಿಸರ ಸ್ನೇಹಿ ಕಲ್ಪನೆಗೆ ಟ್ವಿಟರ್ ಬಳಕೆದಾರರಿಂದ ಸಾಕಷ್ಟು ಪ್ರಶಂಸೆ

ಬೆಂಗಳೂರು (ಮಾ. 31): ಬಾಳೆಹಣ್ಣು (banana) ಭಾರತೀಯ ಪಾಕಪದ್ಧತಿಯ ( Indian cuisine ) ಮತ್ತು ನಮ್ಮ ಸಂಸ್ಕೃತಿಯ (culture) ಪ್ರಮುಖ ಭಾಗವಾಗಿದೆ. ಅದರ ಎಲೆಗಳಿಂದ ಹಿಡಿದು ಹಣ್ಣಿನವರೆಗೆ, ಬಾಳೆ ಅನೇಕ ಕಾರಣಗಳಿಗಾಗಿ ಸ್ವತಃ ಅಗಾಧವಾಗಿ ಉಪಯುಕ್ತವಾಗಿದೆ ಎಂದು ಸಾಬೀತಾಗಿದೆ. ಬಾಳೆ ಎಲೆಗಳನ್ನು ದಕ್ಷಿಣ ಭಾರತದ ರಾಜ್ಯಗಳಾದ ಕರ್ನಾಟಕ (Karnataka), ಆಂಧ್ರ ( Andhra ), ಕೇರಳ ( Kerala ) ಮತ್ತು ತಮಿಳುನಾಡಿನಲ್ಲಿ ( TamilNadu ) ಆಹಾರವನ್ನು ಬಡಿಸಲು ಜನಪ್ರಿಯವಾಗಿ ಬಳಸಲಾಗುತ್ತದೆ.

ಕರ್ನಾಟಕದಲ್ಲಿ ಮದುವೆ ( Marrige ), ದೇವಸ್ಥಾನದ ಕಾರ್ಯಗಳ (Temple Programe ) ಔತಣಗಳಿಗೆ ಜನಪ್ರಿಯವಾಗಿ ಬಾಳೆ ಎಲೆಗಳನ್ನು ಬಳಸಲಾಗುತ್ತದೆ. ಕೇರಳದಲ್ಲಿ ಓಣಂನಲ್ಲಿ ( Onam ) ಬಡಿಸುವ ವಿಶಿಷ್ಟವಾದ ಸಾಧ್ಯದ ಔತಣವನ್ನು ( Sadya feast ) ಯಾವಾಗಲೂ ಸಾಂಪ್ರದಾಯಿಕ ಶೈಲಿಯಲ್ಲಿ ಬಾಳೆ ಎಲೆಯ ಮೇಲೆ ಇರಿಸಲಾಗುತ್ತದೆ. ಪರಿಸರದ ಪರಿಣಾಮಗಳ ಬಗ್ಗೆ ಚಿಂತಿಸದೆ ಎಲೆಯನ್ನು ಏಕ-ಬಳಕೆಯ ನಂತರ ವಿಲೇವಾರಿ ಮಾಡಲಾಗುತ್ತದೆ.

ಬಾಳೆ ಎಲೆಗಳನ್ನು ಪರಿಸರ ಸ್ನೇಹಿ ಪ್ಯಾಕೇಜಿಂಗ್ ಪರ್ಯಾಯವಾಗಿ ಬಳಸಬಹುದು ಎನ್ನುವುದನ್ನು ನೀವು ಊಹಿಸಬಲ್ಲಿರಾ? ಕೈಗಾರಿಕೋದ್ಯಮಿ ಹರ್ಷ್ ಗೋಯೆಂಕಾ ( Industrialist Harsh Goenka) ಈ ವಿಚಾರವನ್ನು ತಮ್ಮ ಫಾಲೋವರ್ಸ್ ಗಳೊಂದಿಗೆ ಟ್ವಿಟರ್ ನಲ್ಲಿ ಹಂಚಿಕೊಂಡಿದ್ದಾರೆ.

ಸಾಮಾನ್ಯ ಪ್ಲಾಸ್ಟಿಕ್ ಪ್ಯಾಕೇಜಿಂಗ್‌ಗಿಂತ ಹೆಚ್ಚಾಗಿ ಬಾಳೆ ಎಲೆಗಳಲ್ಲಿ ಸುತ್ತುವ ಆಹಾರ ಉತ್ಪನ್ನಗಳ ಚಿತ್ರವನ್ನು ಹರ್ಷ್ ಗೋಯೆಂಕಾ ಹಂಚಿಕೊಂಡಿದ್ದಾರೆ. ಇದು ನಮ್ಮಿಂದ ಉತ್ಪತ್ತಿಯಾಗುವ ಪ್ಲಾಸ್ಟಿಕ್ ತ್ಯಾಜ್ಯದ ಪ್ರಮಾಣವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ, ವಿಶೇಷವಾಗಿ ಏಕ-ಬಳಕೆಯ ಪ್ಲಾಸ್ಟಿಕ್ ಅನ್ನು ತಕ್ಷಣವೇ ವಿಲೇವಾರಿ ಮಾಡಲಾಗುತ್ತದೆ. "ಸೂಪರ್ ಮಾರ್ಕೆಟ್‌ಗಳು ಪ್ಲಾಸ್ಟಿಕ್ ಪ್ಯಾಕೇಜಿಂಗ್‌ಗೆ ಬದಲಾಗಿ ಬಾಳೆ ಎಲೆಗಳನ್ನು ಬಳಸುತ್ತಿವೆ. ಉತ್ತಮ ಉಪಾಯ! ಭವಿಷ್ಯಕ್ಕಾಗಿ ಅಗತ್ಯವಿದೆ" ಎಂದು ಅವರು ತಮ್ಮ ಟ್ವೀಟ್‌ನಲ್ಲಿ ಬರೆದಿದ್ದಾರೆ.
ಪ್ಲಾಸ್ಟಿಕ್ ಬದಲಿಗೆ ಬಾಳೆ ಎಲೆಗಳನ್ನು ಬಳಸುವ ಕಲ್ಪನೆಯನ್ನು ಟ್ವಿಟರ್ ಬಳಕೆದಾರರು ಮುಕ್ತಕಂಠದಿಂದ ಶ್ಲಾಘಿಸಿದ್ದಲ್ಲದೆ, ಇವರ ಪ್ರಯತ್ನವನ್ನು ಪ್ರಶಂಸಿಸಲಾಗಿದೆ. ಹರ್ಷ್ ಗೋಯೆಂಕಾ ಅವರ ಟ್ವೀಟ್‌ಗೆ 3.2 ಸಾವಿರ ಲೈಕ್‌ಗಳು ಮತ್ತು ನೂರಾರು ರೀಟ್ವೀಟ್‌ಗಳು ಬಂದಿವೆ. "ಹೆಚ್ಚು ಅಗತ್ಯವಿರುವ ಪರಿಹಾರ," ಎಂದು ಒಬ್ಬ ಬಳಕೆದಾರನು ಹೇಳಿದರೆ, ಇನ್ನೊಬ್ಬರು ಪರಿಸರ ಸ್ನೇಹಿ ಪ್ಯಾಕೇಜಿಂಗ್ ಅನ್ನು "ನವೀನ, ಸಮರ್ಥನೀಯ ಮತ್ತು ವೆಚ್ಚ-ಪರಿಣಾಮಕಾರಿ!" ಎಂದು ಹೇಳಿದ್ದಾರೆ.

"ಸೂಪರ್ ಸ್ಟೈಲಿಶ್ ಆಗಿ ಕಾಣುತ್ತದೆ... ಖರೀದಿದಾರರು ಇದಕ್ಕಾಗಿ ಪ್ರೀಮಿಯಂ ಪಾವತಿಸಲು ಸಿದ್ಧರಾಗಿರುತ್ತಾರೆ" ಎಂದು ಹ್ಯೂಮನ್ ವಿತೌಟ್ ಟ್ಯಾಗ್ಸ್ (@vg31011976) ಪ್ರತಿಕ್ರಿಯಿಸಿದ್ದಾರೆ. ನಾವು ನಮ್ಮ ಸಾಂಪ್ರದಾಯಿಕ ಜೀವನ ವಿಧಾನವನ್ನು ಮರುಶೋಧಿಸಿದ್ದೇವೆ ಎಂದು ದಿನೇಶ್ ಜೋಶಿ (@dnjoshispeaks) ಎನ್ನುವ ವ್ಯಕ್ತಿ ಬರೆದಿದ್ದಾರೆ.

"ಥೈಲ್ಯಾಂಡ್ ಸೂಪರ್ ಮಾರ್ಕೆಟ್ ಅತಿಯಾದ ಪ್ಲಾಸ್ಟಿಕ್ ಪ್ಯಾಕೇಜಿಂಗ್ ಅನ್ನು ತಪ್ಪಿಸಲು ಬಾಳೆ ಎಲೆಗಳನ್ನು ಬಳಸುತ್ತದೆ.. (ದಕ್ಷಿಣ ಭಾರತೀಯ ಪಾಕಪದ್ಧತಿ ಮತ್ತು ಬಂಗಾಳಿ ಪಾಕಪದ್ಧತಿಯನ್ನು ಸಾಂಪ್ರದಾಯಿಕವಾಗಿ ಬಾಳೆ ಎಲೆಯ ಮೇಲೆ ವಿಶೇಷವಾಗಿ ಆಂಧ್ರ, ತೆಲಂಗಾಣ, ತಮಿಳುನಾಡು, ಕರ್ನಾಟಕ, ಕೇರಳ, ಒಡಿಶಾ, ಪಶ್ಚಿಮ ಬಂಗಾಳ ಮತ್ತು ಶ್ರೀಲಂಕಾ ರಾಜ್ಯಗಳಲ್ಲಿ ನೀಡಲಾಗುತ್ತದೆ)' ಎಂದು ಕೌಶಿಕ್ ಸೆಜ್ ಪಾಲ್ (@kaushiksejpal1) ಪ್ರತಿಕ್ರಿಯಿಸಿದ್ದಾರೆ. "ಒಂದೇ ಸಮಸ್ಯೆ ಎಂದರೆ ಬಾಳೆ ಎಲೆಗಳು ಎಲ್ಲೆಂದರಲ್ಲಿ ಸಿಗುವುದಿಲ್ಲ. ಆದ್ದರಿಂದ ನಾವು ಸ್ಥಳೀಯವಾಗಿ ಲಭ್ಯವಿರುವುದನ್ನು ಬಳಸಬಹುದು. ಅವರು ಧನಿಯಾ ಎಲೆಗಳನ್ನು ಕಟ್ಟಲು ಕಾಂಡದ ಬಳ್ಳಿಯನ್ನು ಬಳಸುತ್ತಾರೆ" ಎಂದು ಆನಂದ್ (@whatamiforyouto) ಎನ್ನುವ ವ್ಯಕ್ತಿ ಪ್ರತಿಕ್ರಿಯಿಸಿದ್ದಾರೆ.