ಸಮಯ ಸಂದರ್ಭ ನೋಡಿ ನಾವು ಡ್ರೆಸ್ ಮಾಡಿಕೊಳ್ಳಬೇಕು. ಆದರೆ, ಕೆಲವು ಫ್ಯಾಷನ್ ಎಲ್ಲಾ ಸಂದರ್ಭಕ್ಕೂ ಹೊಂದುವುದಲ್ಲದೇ, ನಾವು ಮಾಡರ್ನ್ ಆಗಿ ಕಾಣುವಂತೆಯೂ ಮಾಡುತ್ತವೆ. ಹೇಗೆ?
ಟ್ರೆಡಿಷನಲ್ ಜೊತೆ ವೆಸ್ಟರ್ನ್ ಮಿಕ್ಸ್ ಆ್ಯಂಡ್ ಮ್ಯಾಚ್ ಮಾಡಿ ಫ್ಯೂಷನ್ ಟಚ್ ಕೊಟ್ಟರೆ ಸ್ಟೈಲಿಶ್ ಆಗಿ ಕಾಣಿಸುತ್ತೆ. ಇದು ಆರಾಮದಾಯಕ ಲುಕ್ ನೀಡುವುದರ ಜೊತೆ ಸ್ಟೈಲಿಶ್ ಲುಕ್ ನೀಡುತ್ತದೆ. ಈ ಬಗ್ಗೆ ಮುಖ್ಯವಾದ ಟಿಪ್ಸ್ ಇಲ್ಲಿವೆ..
ಪಲಾಜೋ ಪ್ಯಾಂಟ್: ಪಲಾಸೋ ಪ್ಯಾಂಟ್ ಈಗಿನ ಟ್ರೆಂಡ್. ಇದರ ಜೊತೆ ಕ್ರಾಪ್ ಟಾಪ್‌ನೊಂದಿಗೆ ಎಥ್ನಿಕ್ ಲಾಂಗ್ ಜಾಕೆಟ್ ಧರಿಸಿದರೆ, ಸುಂದರವಾಗಿ ಕಾಣಿಸುತ್ತದೆ. ಇದಲ್ಲದೆ ಡಿಸೈನರ್ ಲಾಂಗ್ ಕುರ್ತಾವೂ ಚೆಂದ.
ಜ್ಯುವೆಲ್ಲರಿ: ಲಾಂಗ್ ಜಾಕೆಟ್ ಲುಕ್ ಜೊತೆಗೆ ಚೋಕರ್ ಟ್ರೈ ಮಾಡಬಹುದು. ಕುರ್ತಾ ಧರಿಸುವುದಾದರೆ ಇತ್ತೀಚಿನ ದಿನಗಳಲ್ಲಿ ಪಾಮ್ ಪಾಮ್ ಇಯರಿಂಗ್ಸ್ ಟ್ರೆಂಡಿಂಗ್‌ನಲ್ಲಿದೆ ಅದನ್ನು ಧರಿಸಬಹುದು.
ಎಥ್ನಿಕಲ್ ಸ್ಕರ್ಟ್: ಎಥ್ನಿಕ್ ಸ್ಕರ್ಟ್, ಪ್ಲೈನ್ ಶರ್ಟ್ ಕಾಂಬಿನೇಷನ್ ಚೆನ್ನಾಗಿರುತ್ತದೆ. ಆಫೀಸ್ ಮತ್ತು ಕಾಲೇಜಿಗೆ ಹೋಗುವ ಹುಡುಗಿಯರ ಬಳಿ ಶರ್ಟ್ ಹೆಚ್ಚಿರುತ್ತವೆ. ಸ್ಕರ್ಟ್ ಜೊತೆ ಅದನ್ನು ಧರಿಸಿದರೆ ಚೆನ್ನಾಗಿ ಕಾಣುತ್ತದೆ. ಇದರ ಜೊತೆ ಹಳೆ ಜ್ಯುವೆಲ್ಲರಿಯೂ ಚೆಂದ.
ನೈರೋ ಪ್ಯಾಂಟ್ಸ್: ಇದರ ಜೊತೆ ಲಾಂಗ್ ಜಾಕೆಟ್, ಸ್ಟ್ರೈಟ್ ಫಿಟ್ ಕುರ್ತಾ ಮತ್ತು ಪೆಪ್ಲಮ್ ಟಾಪ್ ಚೆನ್ನಾಗಿ ಕಾಣಿಸುತ್ತದೆ. ನಿಮ್ಮ ಸ್ಟೈಲ್ ಮತ್ತು ಕಂಫರ್ಟ್ ಕಡೆಗೆ ಗಮನ ಹರಿಸಿ ಸ್ಟೈಲಿಶ್ ಆಗಿ ಕಾಣಬಹುದು. ಈ ಡ್ರೆಸ್ ಜೊತೆಗೆ ಪರ್ಲ್ ಮತ್ತು ಪೊಲ್ಕಿ ಡಿಸೈನ್ ಕಿವಿಯೋಲೆಯೂ ಸೂಟ್ ಆಗುತ್ತದೆ.
ಕೇಪ್ : ಈ ಔಟ್ ಫಿಟ್ ಅನ್ನು ಬೇರೆ ಯಾವುದೇ ಡ್ರೆಸ್ ಜೊತೆ ಮ್ಯಾಚ್ ಮಾಡಿಕೊಳ್ಳಬಹುದು. ಸೀರೆ ಉಡುವುದಾದರೆ ಇದನ್ನು ಬ್ಲೌಸ್ ಜೊತೆಯೂ ಮ್ಯಾಚ್ ಮಾಡಬಹುದು. ಸೂಟ್ ಸಲ್ವಾರ್‌ನೊಂಗಿಗೂ ಓಕೆ.