ಮೂರು ಪ್ರಶ್ನೆಗೆ ಉತ್ತರ ಕೊಟ್ರೆ ರಿಷಬ್ ಶೆಟ್ಟಿಗೆ ಬರಹಗಾರನಾಗಿ ಕೆಲಸ ಮಾಡಬಹುದು!

ಕ್ರಿಯೇಟಿವ್ ಡೈರೆಕ್ಟರ್ ರಿಷಬ್ ಶೆಟ್ಟಿ ಈಗ ಬರಹಗಾರರ ಹುಡುಕಾಟದಲ್ಲಿದ್ದಾರೆ. ನೀವು ರಿಷಬ್ ಶೆಟ್ಟಿ ಫಿಲ್ಮ್ಸ್ ಜೊತೆ ಕೆಲಸ ಮಾಡಬೇಕೆಂದರೆ ಈ ಕೆಳಗಿರುವ ಮೂರು ಪ್ರಶ್ನೆಗಳಿಗೆ ಉತ್ತರ ನೀಡಿ.

ಒಂದು ಸಿನಿಮಾ ನಿಲ್ಲುವುದು ಬರಹಗಾರರ ಪಾತ್ರ ರಚನೆ ಮೇಲೆ. ಆ ನಂತರ ಅದನ್ನು ಉತ್ತಮವಾಗಿ ತೆರೆಯ ಮೇಲೆ ತರುವುದು ನಟ-ನಟಿಯರು. ಈಗಿನ ಸಿನಿಮಾಗಳು ಹೆಚ್ಚಾಗಿ ಕಥೆಯಿಂದಾನೆ ಜನರನ್ನು ಗೆಲ್ಲುವುದು. ಈಗ ರೈಟರ್ ಗಳಿಗೆ ಒಳ್ಳೆಯ ಅವಕಾಶಗಳು ಸಿಗುತ್ತಿದೆ.

ನಿರ್ದೇಶಕ ರಿಷಬ್ ಶೆಟ್ಟಿ ಮುಂಬರುವ ಚಿತ್ರಗಳಿಗೆ ಬರಹಗಾರರಾಗುವ ಹಂಬಲ ನಿಮಗಿದ್ದಲ್ಲಿ ಈ ಕೆಳಗಿನ ಮೂರು ಪ್ರಶ್ನೆಗಳಿಗೆ ಉತ್ತರ ನೀಡಿ ಕಳುಹಿಸಬೇಕು.

1] ಅಂತ್ಯ ಸಂಸ್ಕಾರದ (funeral) ಸಮಯದಲ್ಲಿ ನಡೆಯಬಹುದಾದ ಹಾಸ್ಯ ಸನ್ನಿವೇಶವೊಂದನ್ನು ದೃಶ್ಯವಾಗಿ (ಸಂಭಾಷಣೆ ಸಹಿತ), ಎರಡು ಪುಟಗಳಿಗೆ ಮೀರದಂತೆ, ಬರೆಯಿರಿ.

2] ಈ ಕೆಳಗಿನ ಯಾವುದಾದರೂ ಒಂದು ಪಾತ್ರಕ್ಕೆ ಅದರ ಪಾತ್ರ ಚಿತ್ರಣವನ್ನು (Character sketch) ನಿಮ್ಮದೇ ದೃಷ್ಟಿಕೋನದಲ್ಲಿ ಒಂದು ಪುಟಕ್ಕೆ ಮೀರದಂತೆ, ಬರೆಯಿರಿ. - ಅನಂತ ಪದ್ಮನಾಭ ಪಿ. (SHPSK) - ಶೇಖರ (ರಂಗನಾಯಕಿ) - ರತ್ನಕ್ಕ (ಉಳಿದವರು ಕಂಡಂತೆ) - ಕುಸುಮ (ಬೆಲ್ ಬಾಟಮ್)

3] ಒಂದು ವೇಳೆ ‘ಕಿರಿಕ್ ಪಾರ್ಟಿ’ Gangster ಶೈಲಿಯ ಚಿತ್ರವಾಗಿದ್ದರೆ ಅದರ ಕಥೆಯ ಎಳೆಯನ್ನು ಎರಡು ಪುಟಗಳಿಗೆ ವೀರದಂತೆ ಬರೆಯಿರಿ.

ಮೇಲಿರುವ ಮೂರು ಪ್ರಶ್ನೆಗಳಿಗೆ ಉತ್ತರ ನೀಡಿ ಮೇ.23 ರವರೆಗೆ ಸಮಯಾವಕಾಶವಿದೆ. ನಿಮ್ಮ ಉತ್ತರವನ್ನು writersf@gmail.com ಇ-ಮೇಲ್ ಮಾಡಿ.