ತಂದೆ- ಮಗ ಇಬ್ಬರ ಜೊತೆಗೂ ರೊಮ್ಯಾನ್ಸ್‌ ಮಾಡಿದ ಬಾಲಿವುಡ್‌ ನಟಿ!

ತನಗಿಂತ 21 ವರ್ಷ ದೊಡ್ಡವರಾದ ನಟ ಹಾಗೂ ಆತನ ಮಗನ ಜೊತೆ ರೊಮ್ಯಾನ್ಸ್ ಮಾಡಿದ ನಟಿ. ಬಾಲಿವುಡ್‌ನ ಸೂಪರ್‌ ಸ್ಟಾರ್‌ ಜೊತೆಗೆ ಮದುವೆಯಾದ ನಟಿ. ಯಾರಿವರು? ಈ ಲೇಖನದಲ್ಲಿ ಓದಿ.

ತನಗಿಂತ 21 ವರ್ಷ ದೊಡ್ಡವನಾದ ಹೀರೋ ಜೊತೆಗೆ ನಾಯಕಿಯಾಗಿ ನಟಿಸಿದಳು, ರೊಮ್ಯಾಂಟಿಕ್‌ ದೃಶ್ಯಗಳಲ್ಲಿ ಕಾಣಿಸಿಕೊಂಡಳು. ನಂತರ ಹಲವು ವರ್ಷಗಳ ಬಳಿಕ ಅವನ ಮಗನೊಂದಿಗೂ ರೊಮ್ಯಾನ್ಸ್‌ ಮಾಡಿದಳು. ನಿಜಜೀವನದಲ್ಲೂ ಡೇಟಿಂಗ್‌ ಮಾಡಿದಳು. ನಂತರ ಒಬ್ಬ ಸೂಪರ್‌ಸ್ಟಾರ್‌ನೊಂದಿಗೆ ಮದುವೆಯಾದಳು. ಈಕೆ ಯಾರಂತ ಗೊತ್ತೆ? ಅವಳೇ ಡಿಂಪಲ್‌ ಕಪಾಡಿಯಾ.

ಬಾಲಿವುಡ್ ಮತ್ತು ದಕ್ಷಿಣ ಭಾರತ ಸಿನಿಮಾ ರಂಗಗಳಲ್ಲಿ ಪ್ರೇಕ್ಷಕರಿಗೆ ಅಸಾಮಾನ್ಯವಾಗಿ ಕಾಣುವ ಹಲವಾರು ಜೋಡಿಗಳಿವೆ. ಅಂತಹ ಒಂದು ಪ್ರಕರಣವೆಂದರೆ ತಂದೆ ಮತ್ತು ಆತನ ಮಗ ಇಬ್ಬರೊಂದಿಗೂ ಕೆಲಸ ಮಾಡಿದ ನಟಿ ಡಿಂಪಲ್‌ ಕಪಾಡಿಯಾ. ಇವರ ತೆರೆಯ ಮೇಲಿನ ಜೋಡಿ ಯಶಸ್ವಿಯಾಗಿತ್ತು. ಈ ತಂದೆ-ಮಗ ಜೋಡಿಯನ್ನು ಬಾಲಿವುಡ್‌ನ ಟಾಪ್ ಜೋಡಿಗಳಲ್ಲಿ ಒಂದೆಂದು ಪರಿಗಣಿಸಲಾಗಿದೆ. ಡಿಂಪಲ್‌ ಹಲವಾರು ಸೂಪರ್‌ಸ್ಟಾರ್‌ಗಳ ಜೊತೆಗೆ ಬ್ಲಾಕ್‌ಬಸ್ಟರ್ ಚಿತ್ರಗಳನ್ನು ನೀಡಿದ್ದಾರೆ. ಅಷ್ಟೇ ಅಲ್ಲ, ಹಲವು ವರ್ಷಗಳ ನಂತರ ಆಕೆಯ ಸೆಕೆಂಡ್‌ ಇನ್ನಿಂಗ್ಸ್‌ ಕೂಡ ಭಾರಿ ಯಶಸ್ಸನ್ನು ಕಂಡಿತು. ಆಕೆ ರಾಷ್ಟ್ರೀಯ ಪ್ರಶಸ್ತಿಯನ್ನು ಸಹ ಗೆದ್ದಳು.

ಡಿಂಪಲ್ ಕಪಾಡಿಯಾ ಜೊತೆಗಿದ್ದ ಆ ತಂದೆ-ಮಗ ಜೋಡಿ ಬೇರೆ ಯಾರೂ ಅಲ್ಲ- ಧರ್ಮೇಂದ್ರ ಮತ್ತು ಸನ್ನಿ ಡಿಯೋಲ್. ಇಬ್ಬರೂ ತಮ್ಮ ಕಾಲದ ಸೂಪರ್‌ಸ್ಟಾರ್‌ಗಳಾಗಿದ್ದರು. ಈಗಲೂ ಉದ್ಯಮದಲ್ಲಿ ಸಕ್ರಿಯರು ಹಾಗೂ ಸೂಪರ್‌ಹಿಟ್ ಚಿತ್ರಗಳನ್ನು ನೀಡಿದ್ದಾರೆ. ಡಿಂಪಲ್ 14 ವರ್ಷದವಳಿದ್ದಾಗ, ಧರ್ಮೇಂದ್ರ 35 ವರ್ಷ ವಯಸ್ಸಿನವರಾಗಿದ್ದ. ಇಬ್ಬರೂ ಪರಸ್ಪರ ಜೋಡಿಯಾಗಿ ಫಿಲಂನಲ್ಲಿ ಕಾಣಿಸಿಕೊಂಡರು. ಹಲವಾರು ಚಿತ್ರಗಳಲ್ಲಿ ಒಟ್ಟಿಗೆ ಕೆಲಸ ಮಾಡಿದರು. ಬಟ್ವಾರಾ ಮತ್ತು ಸಾಜಿಶ್‌ನಂತಹ ಚಿತ್ರಗಳಲ್ಲಿ ಪರದೆ ಹಂಚಿಕೊಂಡರು. ಇಬ್ಬರ ನಡುವೆ ಪ್ರಣಯ ಸಂಬಂಧವಿತ್ತು ಎಂಬುದಕ್ಕೆ ಯಾವುದೇ ಪುರಾವೆಗಳಿಲ್ಲ.

ಆದರೆ ಡಿಂಪಲ್ ಕಪಾಡಿಯಾ ಅವರ ಹೆಚ್ಚು ಪ್ರಚಾರ ಪಡೆದ ತೆರೆಯ ಹೊರಗಿನ ಸಂಬಂಧವೆಂದರೆ ಧರ್ಮೇಂದ್ರ ಅವರ ಮಗ ಸನ್ನಿ ಡಿಯೋಲ್ ಅವರೊಂದಿಗಿನ ಸಂಬಂಧ. ನಾಸಿರ್ ಹುಸೇನ್ ನಿರ್ದೇಶಿಸಿದ ಮಂಜಿಲ್ ಮಂಜಿಲ್ ಸಿನಿಮಾದಲ್ಲಿ ಡಿಂಪಲ್ ಕಪಾಡಿಯಾ ಸನ್ನಿ ಡಿಯೋಲ್‌ಗೆ ಜೋಡಿಯಾಗಿ ನಟಿಸಿದರು. ಸನ್ನಿ ಅವರ ಎರಡನೇ ಮತ್ತು ಮೂರನೇ ಚಿತ್ರಗಳು ಅರ್ಜುನ್ ಮತ್ತು ನರಸಿಂಹ. 1980 ಮತ್ತು 1990 ರ ದಶಕಗಳಲ್ಲಿ ಇಬ್ಬರೂ ಸಂಬಂಧ ಹೊಂದಿದ್ದರು ಎಂಬ ವರದಿಗಳಿದ್ದವು. ಆದರೆ ಅಧಿಕೃತವಾಗಿ ಅದನ್ನು ದೃಢಪಡಿಸಲಿಲ್ಲ. ಡಿಂಪಲ್ ಅಥವಾ ಸನ್ನಿಯ ನಿಕಟ ಬಾಂಧವ್ಯವನ್ನು ಸನ್ನಿ ಅವರ ಆಗಿನ ಗೆಳತಿ ಅಮೃತಾ ಸಿಂಗ್ ಸೇರಿದಂತೆ ಇತರರು ಗಮನಿಸಿದ್ದರು ಎಂದು ವರದಿಯಾಗಿದೆ.

17ನೇ ವಯಸ್ಸಿನಲ್ಲಿ ಡಿಂಪಲ್ ಕಪಾಡಿಯಾ ಮದುವೆಯಾಗಲು ನಿರ್ಧರಿಸಿದರು. ದೇಶದ ಮೊದಲ ಸೂಪರ್‌ಸ್ಟಾರ್ ಎಂದು ಪರಿಗಣಿಸಲ್ಪಟ್ಟ ರಾಜೇಶ್ ಖನ್ನಾ ಅವರನ್ನು ವಿವಾಹವಾದರು. ಮದುವೆಯ ನಂತರ, ಅವರು ಕ್ರಮೇಣ ತಮ್ಮ ಕುಟುಂಬ ಮತ್ತು ಮಕ್ಕಳೊಂದಿಗೆ ಮಗ್ನರಾದರು. ಬಾಲಿವುಡ್‌ನಲ್ಲಿ ತಮ್ಮ ಕೆಲಸವನ್ನು ಕಡಿಮೆ ಮಾಡಿದರು. ಆದರೆ, ರಾಜೇಶ್ ಖನ್ನಾ ಅವರಿಂದ ಬೇರ್ಪಟ್ಟ ನಂತರ ಡಿಂಪಲ್ ಕಪಾಡಿಯಾ ಬಾಲಿವುಡ್‌ಗೆ ಯಶಸ್ವಿ ಪುನರಾಗಮನ ಮಾಡಿದರು. ಅವರು ಸಾಗರ್ ಚಿತ್ರದ ಮೂಲಕ ಮರಳಿದರು. ಅದರಲ್ಲಿ ಅವರು ಈಜುಡುಗೆಯಲ್ಲಿ ಕಾಣಿಸಿಕೊಂಡರು. ಅವರ ಈ ದಿಟ್ಟ ನಡವಳಿಕೆ ಭಾರಿ ಸುದ್ದಿಯಾಯಿತು. ನಂತರ ಅವರು ರುಡಾಲಿಯಂತಹ ಚಿತ್ರಗಳಲ್ಲಿ ನಟಿಸಿದರು. ಇದಕ್ಕಾಗಿ ಅವರು ರಾಷ್ಟ್ರೀಯ ಪ್ರಶಸ್ತಿಯನ್ನು ಗೆದ್ದರು.

ಸನ್ನಿ ಡಿಯೋಲ್ ಮತ್ತು ಡಿಂಪಲ್ ಕಪಾಡಿಯಾ ಅವರ ಹೆಸರುಗಳು ಆಗಾಗ್ಗೆ ಒಟ್ಟಾಗಿ ಕೇಳಿಬಂದಿದ್ದವು. ವಿದೇಶದಲ್ಲಿದ್ದಾಗ ಇಬ್ಬರೂ ಕೈಕೈ ಹಿಡಿದು ಕೂತಿರುವ ವೀಡಿಯೊ ವೈರಲ್ ಆಗಿತ್ತು. ಅದು ಅವರ ಸಂಬಂಧದ ಬಗ್ಗೆ ವದಂತಿಗಳನ್ನು ಸೃಷ್ಟಿಸಿತು. ಆದಾಗ್ಯೂ, ಇಬ್ಬರೂ ನಟರು ಈ ಸಂಬಂಧದ ಬಗ್ಗೆ ಎಂದಿಗೂ ಸಾರ್ವಜನಿಕವಾಗಿ ಪ್ರತಿಕ್ರಿಯಿಸಿಲ್ಲ.