'ಜವಾನ್'ನಲ್ಲಿ ನಟಿಸಲು ವಿಜಯ್ ಸೇತುಪತಿ ಒಪ್ಪಿದ್ದೇಕೆ? ಫ್ರೀ ಸೇವೆ ಅಂದ ನಟ ಪಡೆದದ್ದೆಷ್ಟು?
ಸಾರಾಂಶ
'ಜವಾನ್'ನಲ್ಲಿ ನಟಿಸಲು ತಮಿಳು ಚಿತ್ರನಟ ವಿಜಯ್ ಸೇತುಪತಿ ಒಪ್ಪಿದ್ದೇಕೆ? ಈ ಚಿತ್ರವನ್ನು ಉಚಿತ ಮಾಡುವುದಾಗಿ ಹೇಳಿದ್ದ ನಟ ಪಡೆದ ಸಂಭಾವನೆಯೆಷ್ಟು?
ಬರುವ ಸೆಪ್ಟೆಂಬರ್ 7ರಂದು ಬಿಡುಗಡೆಯಾಗಲಿರುವ ಶಾರುಖ್ (Shah Rukh Khan ) ಅಭಿನಯದ ಜವಾನ್ ಚಿತ್ರಕ್ಕೆ ಫ್ಯಾನ್ಸ್ ತುದಿಗಾಲಿನಲ್ಲಿ ನಿಂತಿದ್ದಾರೆ. ಪಠಾಣ್ ಚಿತ್ರದ ಭರ್ಜರಿ ಯಶಸ್ಸಿನ ಬಳಿಕ ಬಾಲಿವುಡ್ ಇನ್ನೊಂದು ದಾಖಲೆ ಚಿತ್ರದತ್ತ ಕಣ್ಣು ನೆಟ್ಟಿದ್ದರೆ, ತಮ್ಮ ನೆಚ್ಚಿನ ನಟನ ಚಿತ್ರವನ್ನು ನೋಡಲು ಅಭಿಮಾನಿಗಳೂ ಕಾತರರಾಗಿದ್ದಾರೆ. ‘ಪಠಾಣ್’ ಚಿತ್ರದ ನಂತರ ಶಾರುಖ್ ಅವರ ಈ ವರ್ಷದ ಎರಡನೇ ಅತಿ ದೊಡ್ಡ ಚಿತ್ರ ಇದಾಗಿದೆ. ಈ ಚಿತ್ರವನ್ನು ದಕ್ಷಿಣದ ಹಿಟ್ ನಿರ್ದೇಶಕ ಅಟ್ಲಿ ನಿರ್ದೇಶಿಸಿದ್ದಾರೆ ಮತ್ತು ಚಿತ್ರದಲ್ಲಿ ನಯನತಾರಾ, ವಿಜಯ್ ಸೇತುಪತಿ, ಪ್ರಿಯಾಮಣಿ, ಸನ್ಯಾ ಮಲ್ಹೋತ್ರಾ, ಯೋಗಿ ಬಾಬು ನಟಿಸಿದ್ದಾರೆ. ಚಿತ್ರದ ಮುನ್ನೋಟ ಮತ್ತು ಟ್ರೇಲರ್ ಇದಾಗಲೇ ಬಿಡುಗಡೆಯಾಗಿದ್ದು ಸಕತ್ ಹಿಟ್ ಆಗಿವೆ. ಇಂತಹ ಪರಿಸ್ಥಿತಿಯಲ್ಲಿ ಸೆಪ್ಟೆಂಬರ್ 7 ಶಾರುಖ್ಗೆ ತುಂಬಾ ವಿಶೇಷವಾಗಲಿದೆ. ಈ ಸಿನಿಮಾದಲ್ಲಿ ನಟಿಸಿರುವ ದೊಡ್ಡ ದೊಡ್ಡ ಸ್ಟಾರ್ಗಳಲ್ಲಿ ಈಗ ತಮಿಳು ನಟ ವಿಜಯ್ ಸೇತುಪತಿ ಅವರ ವಿಷಯ ಮುನ್ನೆಲೆಗೆ ಬಂದಿದೆ.
1978 ರಲ್ಲಿ ಜನಿಸಿರೋ ವಿಜಯ್ ಸೇತುಪತಿ (Vijay Setupathi) ಅವರಿಗೆ ವಯಸ್ಸು 45 ಆದರೂ ಇಂದಿಗೂ ತಮಿಳು ಇಂಡಸ್ಟ್ರಿಯಲ್ಲಿ ಸಕತ್ ಮಿಂಚುತ್ತಿದ್ದಾರೆ. ನಾಯಕನಾಗಿ ಇವರು ಲಕ್ಷಾಂತರ ಅಭಿಮಾನಿಗಳನ್ನು ಪಡೆದಿದ್ದಾರೆ. ಯಾವುದೇ ಪಾತ್ರಕ್ಕೂ ಸೈ ಎನಿಸಿಕೊಂಡಿದ್ದಾರೆ. ಅದರಲ್ಲಿಯೂ ಇತ್ತೀಚೆಗೆ ಬಿಡುಗಡೆಗೊಂಡ ವಿಕ್ರಮ್ ಚಿತ್ರದಲ್ಲಿನ ಅವರ ಅಭಿನಯಕ್ಕಾಗಿ ಅವರು ಪಡೆದ ಅಪಾರ ಮೆಚ್ಚುಗೆ ಪಡೆದರು. ಈ ಚಿತ್ರ ಬ್ಲಾಕ್ಬಸ್ಟರ್ ಆದ ಮೇಲೆ ವಿಜಯ್ ಅವರ ವರ್ಚಸ್ಸಿನ ಜೊತೆ ಸಂಭಾವನೆಯೂ ಹೆಚ್ಚಿದೆ.
ಶಾರುಖ್ v/s ಪ್ರಭಾಸ್: ಮೇಲುಗೈ ಯಾರಿಗೆ? 'ಜವಾನ್'ಗೆ 21 ದಿನಗಳ ಚಾಲೆಂಜ್!
ಇಷ್ಟಿದ್ದರೂ, ನಟ ಜವಾನ್ (Jawan) ಚಿತ್ರದಲ್ಲಿ ಫ್ರೀಯಾಗಿ ನಟಿಸಲು ರೆಡಿಯಾಗಿದ್ದರು ಎನ್ನುವ ಸುದ್ದಿಯಿದೆ. ಖ್ಯಾತ ನಿರ್ದೇಶಕ ಅಟ್ಲಿ ಕುಮಾರ್, ವಿಜಯ್ ಸೇತುಪತಿ ಅವರಿಗೆ 'ಜವಾನ್' ಚಿತ್ರದ ಆಫರ್ ನೀಡುತ್ತಿದ್ದಂತೆ ಏನೂ ಕೇಳದೇ ಅವರು ಒಪ್ಪಿಕೊಂಡಿದ್ದರು ಎನ್ನಲಾಗಿದೆ. ಇದಕ್ಕೆ ಕಾರಣ, ಅಟ್ಲಿ ಕುಮಾರ್ ಅವರಂಥ ನಿರ್ದೇಶಕ ಜೊತೆ ಕೆಲಸ ಮಾಡುವುದು ಒಂದೆಡೆಯಾದರೆ, ಈ ಚಿತ್ರವನ್ನು ತಾವು ಉಚಿತವಾಗಿ ಮಾಡುವುದಾಗಿಯೂ ಹೇಳಿದ್ದರಂತೆ. ಈ ಉಚಿತ ಘೋಷಣೆಗೆ ಅವರು ನೀಡಿದ್ದ ಕಾರಣ ಏನೆಂದರೆ, 'ಶಾರುಖ್ ಅವರೊಂದಿಗೆ ಸಿನಿಮಾ ಮಾಡುವ ಅವಕಾಶವನ್ನು ಕಳೆದುಕೊಳ್ಳುವುದು ನನಗೆ ಇಷ್ಟವಿಲ್ಲ. ಅವರ ಜೊತೆ ಕೆಲಸ ಮಾಡಲು ನನಗೆ ಹಣ ಬೇಕಿಲ್ಲ. ಅದು ನನ್ನ ಅದೃಷ್ಟ. ನಾನು ಹಣ ತೆಗೆದುಕೊಳ್ಳದೇ ಈ ಸಿನಿಮಾ ಮಾಡುತ್ತೇನೆ' ಎಂದಿದ್ದರಂತೆ. ಈ ಕುರಿತು ಅವರು ನಿರ್ದೇಶಕ ಅಟ್ಲಿ ಅವರ ಮುಂದೆಯೇ ಹೇಳಿದ್ದರು ಎನ್ನಲಾಗಿದೆ.
ಆದರೆ ಈಗ ಬಂದಿರುವ ವರದಿಯ ಪ್ರಕಾರ, ಮೊದಲೇ ಹೇಳಿದಂತೆ ನಟ ವಿಜಯ್ ಸೇತುಪತಿ ವಿಕ್ರಮ್ (Vikram) ಚಿತ್ರದ ಬಳಿಕ ತಮ್ಮ ಸಂಭಾವನೆಯನ್ನು ಹೆಚ್ಚಿಸಿಕೊಂಡಿದ್ದಾರೆ. ಇಲ್ಲಿಯವರೆಗೆ 15 ಕೋಟಿ ರೂಪಾಯಿವರೆಗೆ ಪ್ರತಿ ಚಿತ್ರಕ್ಕೆ ಸಂಭಾವನೆ ಪಡೆಯುತ್ತಿದ್ದ ನಟ, ಈಗ ಅದನ್ನು 21 ಕೋಟಿ ರೂಪಾಯಿಗೆ ಏರಿಸಿಕೊಂಡಿದ್ದಾರೆ. ಅದರಂತೆಯೇ ಜವಾನ್ ಚಿತ್ರಕ್ಕೂ ಅವರು 21 ಕೋಟಿ ರೂಪಾಯಿಗಳನ್ನು ಪಡೆದಿದ್ದಾರೆ ಎಂದು ಹೇಳಲಾಗುತ್ತಿದೆ.
Ileana D'Cruz ಬಾಯ್ಫ್ರೆಂಡ್ ಫೋಟೋ ರಿವೀಲ್? ಕತ್ರಿನಾಳ ಅಣ್ಣನಾ ಅಂದೋರಿಗೆ ಸಿಕ್ತು ಉತ್ತರ!
ಕನ್ನಡ ಸಿನಿಮಾ (Kannada Cinema News), ಟಿವಿ ಕಾರ್ಯಕ್ರಮಗಳು (Kannada TV Shows), ಸೆಲೆಬ್ರಿಟಿ ಸುದ್ದಿಗಳು ಮತ್ತು ಇತ್ತೀಚಿನ ಸುದ್ದಿಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಮನರಂಜನಾ ವಿಭಾಗ ನೋಡಿ. ಸಿನಿಮಾ ವಿಮರ್ಶೆಗಳು (Kannada Movies Review), ತಾರೆಯರ ಸಂದರ್ಶನಗಳು, ಧಾರಾವಾಹಿ ಅಪ್ಡೇಟ್ಸ್, ತೆರೆಮರೆಯ ಕಥೆಗಳು, OTT ರಿಲೀಸ್ಗಳ ಬಗ್ಗೆ ಮಾಹಿತಿಯೂ ಇಲ್ಲಿದೆ.