ಈ ನಾಲ್ವರು ಸುಂದರ ನಟಿಯರು ಖಳನಾಯಕರನ್ನ ಪ್ರೀತಿಸಿ ಮದುವೆಯಾದರು! ಬೆರಗುಗೊಳಿಸುವ ಲವ್‌ ಸ್ಟೋರೀಸ್‌!

ಬಾಲಿವುಡ್‌ನಲ್ಲಿ ಖಳನಾಯಕರನ್ನು ವರಿಸಿದ ನಟಿಯರ ಕಥೆಗಳು ಕುತೂಹಲಕಾರಿಯಾಗಿವೆ. ರೇಣುಕಾ ಶಹಾನೆ, ನಿವೇದಿತಾ ಭಟ್ಟಾಚಾರ್ಯ, ಪೂಜಾ ಬಾತ್ರಾ ಮತ್ತು ಶಿವಾಂಗಿ ಕೊಲ್ಹಾಪುರೆ ಅವರಂತಹ ನಟಿಯರು ತೆರೆಯ ಮೇಲಿನ ಖಳನಾಯಕರನ್ನು ಪ್ರೀತಿಸಿ ಮದುವೆಯಾಗಿದ್ದಾರೆ.

ಬಾಲಿವುಡ್‌ನಲ್ಲಿ ನಾಯಕ ಮತ್ತು ಖಳನಾಯಕರ ನಡುವಿನ ರೋಚಕ ಸಂಘರ್ಷವು ಪ್ರೇಕ್ಷಕರನ್ನು ಯಾವಾಗಲೂ ರಂಜಿಸುತ್ತದೆ. ಆದರೆ, ನಿಜ ಜೀವನದಲ್ಲಿ ನಡೆದ ಕೆಲವು ಘಟನೆಗಳು ಎಲ್ಲರನ್ನೂ ಬೆರಗಾಗಿಸಿವೆ. ತೆರೆಯ ಮೇಲೆ ಖಳನಾಯಕರಾಗಿ ಕಾಣುವವರನ್ನೇ ತಮ್ಮ ಜೀವನ ಸಂಗಾತಿಗಳಾಗಿ ಆಯ್ಕೆ ಮಾಡಿಕೊಂಡ ಸುಂದರ ನಟಿಯರ ಕಥೆಯನ್ನು ನಾವು ನಿಮಗೆ ತಿಳಿಸಲಿದ್ದೇವೆ. ಹೌದು, ರೀಲ್ ಜೀವನದಲ್ಲಿ ಭಯಂಕರ ಮತ್ತು ಕುತಂತ್ರಿಗಳಾಗಿ ಕಾಣುವ ಈ ಖಳನಾಯಕರು, ನಿಜ ಜೀವನದಲ್ಲಿ ತಮ್ಮ ಸರಳತೆ ಮತ್ತು ಪ್ರೀತಿಯಿಂದ ಈ ನಟಿಯರ ಹೃದಯ ಗೆದ್ದಿದ್ದಾರೆ. ಹಾಗಾದರೆ, ಪ್ರೀತಿಯಲ್ಲಿ ರೀಲ್ ಇಮೇಜ್‌ಗಿಂತ ನಿಜವಾದ ವ್ಯಕ್ತಿತ್ವಕ್ಕೆ ಮಣಿದ ಆ ನಾಲ್ಕು ನಟಿಯರ ಬಗ್ಗೆ ತಿಳಿಯೋಣ.

ರೇಣುಕಾ ಶಹಾನೆ

‘ಸುರಭಿ’ ಕಾರ್ಯಕ್ರಮದ ಮೂಲಕ ರೇಣುಕಾ ಶಹಾನೆ ತಮ್ಮ ಆಕರ್ಷಕ ನಗುವಿನೊಂದಿಗೆ ಜನರ ಮನಸ್ಸಿನಲ್ಲಿ ಇಂದಿಗೂ ಉಳಿದಿದ್ದಾರೆ. ದೂರದರ್ಶನದಿಂದ ಚಲನಚಿತ್ರದವರೆಗೆ ತಮ್ಮ ಸರಳ ಮತ್ತು ಭಾವನಾತ್ಮಕ ಪಾತ್ರಗಳ ಮೂಲಕ ಅವರು ಜನಪ್ರಿಯರಾದರು. ರೇಣುಕಾ ಅವರ ಮೊದಲ ವಿವಾಹ ರಂಗಭೂಮಿ ನಿರ್ದೇಶಕ ವಿಜಯ್ ಕೆಂಕರೆ ಜೊತೆಗೆ ಆಗಿತ್ತು, ಆದರೆ ಆ ಸಂಬಂಧ ದೀರ್ಘಕಾಲ ಉಳಿಯಲಿಲ್ಲ. ನಂತರ ಅವರ ಜೀವನಕ್ಕೆ ಬಂದವರು ಬಾಲಿವುಡ್‌ನ ಪ್ರತಿಭಾವಂತ ಖಳನಾಯಕ ಅಶುತೋಷ್ ರಾಣಾ. ತೆರೆಯ ಮೇಲೆ ಭಯಾನಕ ಪಾತ್ರಗಳಲ್ಲಿ ಮಿಂಚುವ ಅಶುತೋಷ್, ನಿಜ ಜೀವನದಲ್ಲಿ ತಮ್ಮ ಸೌಮ್ಯ ಮತ್ತು ಸೂಕ್ಷ್ಮ ಸ್ವಭಾವದಿಂದ ರೇಣುಕಾ ಅವರನ್ನು ಸೆಳೆದರು. ಈ ಜೋಡಿ 2001ರಲ್ಲಿ ವಿವಾಹವಾಗಿ, ಇಂದಿಗೂ ಸಂತೋಷದ ದಾಂಪತ್ಯ ಜೀವನ ನಡೆಸುತ್ತಿದ್ದಾರೆ.

ಇದನ್ನೂ ಓದಿ: ಹೃತಿಕ್ ರೋಷನ್ ಈ ಕನಸಿನ ಚಿತ್ರಕ್ಕೆ 700 ಕೋಟಿ ಬೇಕು, ಕೈ ಸುಟ್ಟುಕೊಳ್ಳೋ ಭಯದಲ್ಲಿ ನಿರ್ಮಾಪಕರು! ಯಾವುದು ಆ ಸಿನಿಮಾ?

ನಿವೇದಿತಾ ಭಟ್ಟಾಚಾರ್ಯ

ಟಿವಿ ಜಗತ್ತಿನಲ್ಲಿ ತನ್ನದೇ ಆದ ಸ್ಥಾನವನ್ನು ಗಳಿಸಿರುವ ನಿವೇದಿತಾ ಭಟ್ಟಾಚಾರ್ಯ, ‘ಸಾತ್ ಫೇರೆ’ ಮತ್ತು ‘ಕೋಯಿ ಲೌಟ್ ಕೆ ಆಯಾ’ನಂತಹ ಜನಪ್ರಿಯ ಧಾರಾವಾಹಿಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಶಾಂತ ಮತ್ತು ಭಾವನಾತ್ಮಕ ಪಾತ್ರಗಳಿಗೆ ಹೆಸರಾದ ನಿವೇದಿತಾ, ಚಲನಚಿತ್ರಗಳಲ್ಲಿ ಗಂಭೀರ ಮತ್ತು ಖಳನಾಯಕ ಪಾತ್ರಗಳಿಗೆ ಹೆಸರಾದ ಕೆಕೆ ಮೆನನ್ ಅವರನ್ನು ಪ್ರೀತಿಸಿ ಮದುವೆಯಾದರು. ಇಂದು ಈ ದಂಪತಿಗಳು ತಿಳುವಳಿಕೆ ಮತ್ತು ಬಲವಾದ ಸಂಬಂಧದೊಂದಿಗೆ ಸಂತೋಷದ ಜೀವನ ನಡೆಸುತ್ತಿದ್ದಾರೆ.

ಪೂಜಾ ಬಾತ್ರಾ

ಮಾಡೆಲಿಂಗ್‌ನಿಂದ ಬಾಲಿವುಡ್‌ಗೆ ಪಾದಾರ್ಪಣೆ ಮಾಡಿದ ಪೂಜಾ ಬಾತ್ರಾ, 90ರ ದಶಕದ ಗ್ಲಾಮರಸ್ ನಟಿಯರಲ್ಲಿ ಒಬ್ಬರಾಗಿದ್ದರು. ಅವರ ಪ್ರೇಮ ಕಥೆಗಳು ಯಾವಾಗಲೂ ಸುದ್ದಿಯಾಗುತ್ತಿದ್ವು. ಚಿತ್ರರಂಗದಲ್ಲಿ ಖಳನಾಯಕ ಮತ್ತು ಒರಟು ಪಾತ್ರಗಳಲ್ಲಿ ಕಾಣಿಸಿಕೊಂಡ ನವಾಬ್ ಷಾ ಅವರೊಂದಿಗೆ ಸ್ನೇಹ ಬೆಳೆಯಿತು, ಅದು ಕ್ರಮೇಣ ಪ್ರೀತಿಯಾಗಿ 2019ರಲ್ಲಿ ವಿವಾಹವಾಯಿತು. ಈ ಜೋಡಿ ಇಂದು ಸುಂದರ ದಾಂಪತ್ಯ ಜೀವನವನ್ನು ನಡೆಸುತ್ತಿದೆ.

ಇದನ್ನೂ ಓದಿ: ಭೂಗತ ಪಾತಕಿ ದಾವೂದ್ ಇಬ್ರಾಹಿಂ ಈ ನಟಿಯ ಪ್ರೇಮ ಪಾಶಕ್ಕೆ ಬಿದ್ದು ಹುಚ್ಚನಾಗಿದ್ದ!

ಶಿವಾಂಗಿ ಕೊಲ್ಹಾಪುರೆ

80ರ ದಶಕದ ಜನಪ್ರಿಯ ನಟಿ ಶಿವಾಂಗಿ ಕೊಲ್ಹಾಪುರೆ, ಅಮಿತಾಬ್ ಬಚ್ಚನ್ ಮತ್ತು ಮಿಥುನ್ ಚಕ್ರವರ್ತಿಯಂತಹ ದೊಡ್ಡ ತಾರೆಯರ ಜೊತೆಗೆ ಕೆಲಸ ಮಾಡಿದ್ದರು. ಆದರೆ ಪ್ರೀತಿಯಲ್ಲಿ ಅವರು ಆಯ್ಕೆ ಮಾಡಿಕೊಂಡವರು ತೆರೆಯ ಖ್ಯಾತ ಖಳನಾಯಕ ಶಕ್ತಿ ಕಪೂರ್. ಇಬ್ಬರೂ ವಿವಾಹವಾಗಿ, ಶಿವಾಂಗಿ ನಂತರ ಚಿತ್ರರಂಗದಿಂದ ದೂರ ಸರಿದರು. ಆದರೆ ಅವರ ಮಗಳು ಶ್ರದ್ಧಾ ಕಪೂರ್ ಇಂದು ಬಾಲಿವುಡ್‌ನಲ್ಲಿ ದೊಡ್ಡ ಹೆಸರಾಗಿ, ತಾಯಿಯಂತೆ ಲಕ್ಷಾಂತರ ಹೃದಯಗಳನ್ನು ಗೆದ್ದಿದ್ದಾರೆ. ಈ ನಟಿಯರು ತೋರಿಸಿದಂತೆ, ಪ್ರೀತಿಯಲ್ಲಿ ರೀಲ್ ಇಮೇಜ್‌ಗಿಂತ ನಿಜವಾದ ಸ್ವಭಾವವೇ ಮುಖ್ಯವಾಗುತ್ತದೆ ಅಲ್ಲವೇ?