ಶೂಟಿಂಗ್​ ವೇಳೆ ಭಾರಿ ಅವಘಡ: ನಟಿ ತುಳಸಿ ಕೂದಲೆಳೆಯಲ್ಲಿ ಪಾರು! ಶಾಕಿಂಗ್​ ವಿಡಿಯೋ ವೈರಲ್​

ಶೂಟಿಂಗ್​ ವೇಳೆ ಭಾರಿ ಅವಘಡ: ಬಾಲಿವುಡ್​ ನಟಿ, ಖ್ಯಾತ ಗಾಯಕಿ ತುಳಸಿ ಕೂದಲೆಳೆಯಲ್ಲಿ ಪಾರು! ಶಾಕಿಂಗ್​ ವಿಡಿಯೋ ವೈರಲ್​  

ಬಾಲಿವುಡ್​ ನಟಿ, ಖ್ಯಾತ ಗಾಯಕಿ ತುಳಸಿ ಕುಮಾರ್​ ಅವರು ಭಾರಿ ಅಪಘಾತದಲ್ಲಿ ಕೂದಲೆಳೆ ಅಂತರದಲ್ಲಿ ಪಾರಾಗಿದ್ದಾರೆ. ಇದರ ವಿಡಿಯೋ ವೈರಲ್​ ಆಗಿದೆ.  ಶೂಟಿಂಗ್ ಸಮಯದಲ್ಲಿ ಈ ಅನಾಹುತ ಸಂಭವಿಸಿದೆ.   ವಾಸ್ತವವಾಗಿ, ತುಳಸಿ ಕುಮಾರ್ ತಮ್ಮ ಹೊಸ ಮ್ಯೂಸಿಕ್ ವಿಡಿಯೋಗಾಗಿ  ಸೆಟ್‌ನಲ್ಲಿ ಕ್ಯಾಮೆರಾದ ಮುಂದೆ ನಟಿಸುತ್ತಿದ್ದರು. ಈ ಸಂದರ್ಭದಲ್ಲಿ  ಅವರ ಹಿಂದೆ ಇದ್ದ ಬ್ಯಾಕ್​ಡ್ರಾಪ್​ ಭಾಗ ಬೀಳುತ್ತಿರುವುದನ್ನು  ಕಾಣಬಹುದಾಗಿದೆ. ಅದು ಬೀಳುತ್ತಿರುವುದಂತೆಯೇ,  ನಟಿ ಓಡಿ ಇತ್ತ ಕಡೆ ಬಂದಿದ್ದಾರೆ. ಆದರೆ ಗಾಬರಿಯಿಂದ  ಓಡಿ ಬಂದ ಹಿನ್ನೆಲೆಯಲ್ಲಿ ತುಳಸಿ ಅವರ  ಬೆನ್ನು ತುಂಬಾ ನೋಯುತ್ತಿದೆ ಎಂದು ವಿಡಿಯೋದಲ್ಲಿ ನೋಡಬಹುದು.  

ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿರುವ ಈ ವಿಡಿಯೋದಲ್ಲಿ ತುಳಸಿಯವರು,  ಕ್ಯಾಮೆರಾ ಮುಂದೆ ನಿಂತು  ಶೂಟಿಂಗ್​ಗೆ ರೆಡಿ ಆಗುತ್ತಿರುವುದನ್ನು ನೋಡಬಹುದು.  ಆದರೆ ಇದ್ದಕ್ಕಿದ್ದಂತೆ ಆಕೆಯ ಹಿಂದಿರುವ ಬ್ಯಾಕ್​ಡ್ರಾಪ್​  ಬೀಳುವುದನ್ನು ನೋಡಬಹುದು.  ಅದೇ ಸಮಯದಲ್ಲಿ ಅಲ್ಲಿದ್ದ ಸಿಬ್ಬಂದಿಯೊಬ್ಬರು ಓಡಿ ಬಂದು ಅದನ್ನು ಹಿಡಿದಿದ್ದಾರೆ. ಅಷ್ಟರಲ್ಲಿಯೇ ನಟಿ ಗಾಬರಿಯಿಂದ ಇತ್ತ ಕಡೆ ಧಾವಿಸಿದ್ದಾರೆ. ಅವರು ಸುಲಭದಲ್ಲಿ ತಪ್ಪಿಸಿಕೊಂಡಿದ್ದಾರೆ.  ಸಿಬ್ಬಂದಿ ಬ್ಯಾಕ್​ಡ್ರಾಪ್​ ಅನ್ನು  ಕೈಯಿಂದ  ತಡೆದು ಹಿಡಿದ ಕಾರಣ, ಅದು ಕೆಳಕ್ಕೆ ಬೀಳಲಿಲ್ಲ. ಈ ಹಿನ್ನೆಲೆಯಲ್ಲಿ ಅಲ್ಲಿದ್ದವರಿಗೂ ಅಪಾಯ ತಪ್ಪಿದೆ.  ಒಂದು ವೇಳೆ ನಟಿ ಕೂಡಲೇ ಅಲ್ಲಿಂದ ಓಡಿ ಬರದಿದ್ದರೆ,  ಭಾರಿ ಅವಘಡ ಸಂಭವಿಸುತ್ತಿತ್ತು ಎನ್ನುವುದನ್ನು ವಿಡಿಯೋದಲ್ಲಿ ನೋಡಬಹುದಾಗಿದೆ. 

ಅಂದು ಆಲಿಯಾ ಅಳುತ್ತಾ ಲಾಕ್​ ಮಾಡಿ ಕುಳಿತು ಹೊರಗೆ ಬರ್ಲೇ ಇಲ್ಲ! ಘಟನೆ ನೆನೆದ ನಿರ್ಮಾಪಕ ಬನ್ಸಾಲಿ

ಸೋಷಿಯಲ್​ ಮೀಡಿಯಾದಲ್ಲಿ  ಹರಿದಾಡುತ್ತಿರುವ ವಿಡಿಯೋದಲ್ಲಿ ತುಳಸಿಯ ಪ್ರತಿಕ್ರಿಯೆಯೂ ಸೆರೆಯಾಗಿದ್ದು, ಅವರಿಗೆ ನೋವಾಗಿದೆ ಎಂಬುದು ಸ್ಪಷ್ಟವಾಗಿದೆ. ಆದರೆ, ಅವರ ಗಾಯದ ಬಗ್ಗೆ ಯಾವುದೇ ಮಾಹಿತಿ ಬಂದಿಲ್ಲ. ವಿಡಿಯೋ ನೋಡಿ ಅಭಿಮಾನಿಗಳು ಶಾಕ್​ ಆಗಿದ್ದಾರೆ.  ಶೂಟಿಂಗ್​ ಸೆಟ್​ನಲ್ಲಿ ನಟ-ನಟಿಯರ ಬಗ್ಗೆ ಕಾಳಜಿ ತೋರದೇ  ಇರುವುದಕ್ಕೆ ಇದೇ ವೇಳೆ  ನೆಟ್ಟಿಗರಿಂದ ಭಾರಿ ಆಕ್ಷೇಪವೂ ವ್ಯಕ್ತವಾಗುತ್ತಿದೆ.  

ಇನ್ನು ತುಳಸಿ ಕುಮಾರ್ ಕುರಿತು ಹೇಳುವುದಾದರೆ,  ಈಕೆ ಮೊದಲೇ ಹೇಳಿದಂತೆ ಭಾರತೀಯ ಹಿನ್ನೆಲೆ ಗಾಯಕಿ, ರೇಡಿಯೋ ಜಾಕಿ, ಸಂಗೀತಗಾರ್ತಿ ಮತ್ತು  ಬಾಲಿವುಡ್  ನಟಿ . ಇವರು  ಚಲನಚಿತ್ರ ನಿರ್ಮಾಪಕ ಭೂಷಣ್ ಕುಮಾರ್ ಮತ್ತು ನಟಿ ಖುಶಾಲಿ ಕುಮಾರ್ ಅವರ ಸಹೋದರಿ.  ಕಿಡ್ಸ್ ಹಟ್ ಎಂಬ ಯೂಟ್ಯೂಬ್​ ಚಾನೆಲ್​ ಹೊಂದಿರುವ ಇವರು,  ನರ್ಸರಿ ರೈಮ್‌ಗಳು ಮತ್ತು ಕಥೆಗಳನ್ನು ಒಳಗೊಂಡಂತೆ ಮಕ್ಕಳ ವಿಷಯವನ್ನು ಒಳಗೊಂಡಿರುವ ರೆಕಾರ್ಡ್ ಲೇಬಲ್ ಟಿ-ಸೀರೀಸ್ ಮಾಲೀಕತ್ವ ಹೊಂದಿದ್ದಾರೆ. ಇವರ "ಸೋಚ್ ನಾ ಸಾಕೆ", "ಸನಮ್ ರೇ", "ನಾಚಾಂಗೆ ಸಾರಿ ರಾತ್", "ಇಷ್ಕ್ ದಿ ಲತ್", ​​"ಸಲಾಮತ್", "ದೇಖ್ ಲೇನಾ", "ವಜಾ ತುಮ್ ಹೋ", "ದಿಲ್ ಕೆ ಪಾಸ್", ಮತ್ತು "ದಿಲ್ ಮೇ" ಸೇರಿದಂತೆ ಇವರ ಹಲವಾರು ಸಂಗೀತ ಆಲ್ಬಂಗಳು ಸಾಕಷ್ಟು ಖ್ಯಾತಿ ಗಳಿಸಿವೆ.