ತಮ್ಮನ್ನು ಹಿಂಬಾಲಿಸಿ ಫೋಟೋಗೆ ಪೋಸ್ ಕೊಡುವಂತೆ ಕಿರಿಕಿರಿ ಮಾಡಿದ ಛಾಯಾಚಿತ್ರಕಾರರ ವಿರುದ್ಧ ಗರಂ ಆದ ನಟ ಸೈಫ್ ಅಲಿ ಖಾನ್ ಹೇಳಿದ್ದೇನು?
ಇತ್ತೀಚೆಗೆ, ನಟಿ ಆಲಿಯಾ ಭಟ್ (Alia Bhat) ಅವರು ತಮ್ಮ ಮನೆಯ ಲಿವಿಂಗ್ ರೂಂನಲ್ಲಿ ಇದ್ದಾಗ ಎದುರಿಗಿದ್ದ ಮನೆಯವರು ಫೋಟೋ ಕ್ಲಿಕ್ ಮಾಡಿದ್ದರು. ಇದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿತ್ತು. ಇದರಿಂದ ಆಲಿಯಾ ಭಟ್ ಗರಂ ಆಗಿ ನನ್ನ ಪರ್ಸನಲ್ ಜೀವನಕ್ಕೆ ಧಕ್ಕೆಯಾಗುತ್ತಿದೆ ಎಂದು ಮುಂಬೈ ಪೊಲೀಸರಿಗೆ ದೂರು ಸಲ್ಲಿಸಿದ್ದು ನೆನಪಿದೆಯಲ್ಲವೆ? ಸೆಲೆಬ್ರಿಟಿ ಜೀವನವೇ ಹಾಗೆ. ಎಲ್ಲಿಗೆ ಹೋದರೂ ಕ್ಯಾಮೆರಾ ಕಣ್ಣುಗಳ ಅವರ ಮೇಲೆ ಇರುತ್ತದೆ. ಈಗ ಅಂಥದ್ದೇ ಸರದಿ ಕರೀನಾ ಕಪೂರ್ ಹಾಗೂ ಸೈಫ್ ಅಲಿ ಖಾನ್ (Saif Ali Khan) ಅವರದ್ದು. ಪತ್ನಿ ಕರೀನಾ (Kareena Kapoor) ಜೊತೆ ಸೈಫ್ ಹೋಗುತ್ತಿದ್ದ ವೇಳೆ ಫೋಟೋ ಕ್ಲಿಕ್ಕಿಸಲಾಗಿದೆ. ಇದರನ್ನೇನು ಹೊಸ ವಿಷಯವಿಲ್ಲ. ಸಾರ್ವಜನಿಕವಾಗಿ ಗುರುತಿಸಿಕೊಂಡಾಗ ಹೀಗೆಯೇ ಆಗುತ್ತದೆ. ಕೆಲವೊಮ್ಮೆ ತಮ್ಮ ಫೋಟೋ ವೈರಲ್ ಆಗಲೆಂದೇ ಎಷ್ಟೋ ನಟ-ನಟಿಯರು ಚಿತ್ರ-ವಿಚಿತ್ರ ವೇಷ ತೊಟ್ಟು ಬರುವುದೂ ಉಂಟು. ಇನ್ನು ಕೆಲವರು ಟ್ರೋಲ್ ಆಗಿ ಫೇಮಸ್ ಆಗಲಿ ಎಂದೂ ಬಟ್ಟೆ ತೊಡುವುದು ಉಂಟು. ಇದು ಒಂದೆಡೆಯಾದರೆ, ಖಾಸಗಿ ಬದುಕಿಗೂ ತೀರಾ ಧಕ್ಕೆಯಾಗುವಂತೆ ಹೋದಲ್ಲಿ, ಬಂದಲ್ಲಿ ಜನರು ಫೋಟೋ ಕ್ಲಿಕ್ ಮಾಡುವುದೂ ಉಂಟು.
ಇದೀಗ ಆಗಿದ್ದೂ ಹಾಗೆಯೇ. ಈ ದಂಪತಿ ಜೋಡಿಯಾಗಿ ಹೋಗುತ್ತಿದ್ದಾಗ, ಕೆಲವರು ಫೋಟೋಗೆ ಪೋಸ್ (Photo pose) ಕೊಡಲು ಹೋಗಿದ್ದಾರೆ. ದಂಪತಿ ಎಷ್ಟೇ ನಿರಾಕರಿಸಿದರೂ ಪದೇ ಪದೇ ಒತ್ತಾಯ ಮಾಡಿದ್ದಾರೆ. ಇದರಿಂದ ಸೈಫ್ ಅಲಿ ಗರಂ ಆಗಿದ್ದಾರೆ. ಅಷ್ಟಕ್ಕೂ ಈ ದಂಪತಿ ಹೋಗಿದ್ದು, ನಟಿ ಮಲೈಕಾ ಅರೋರಾ ಅವರ ಬರ್ತ್ಡೇ ಪಾರ್ಟಿಗೆ. ಪಾರ್ಟಿ ಮುಗಿಸಿ ಮಧ್ಯ ರಾತ್ರಿ ವಾಪಸ್ ಆಗುವಾಗ ಜನರ ಕಣ್ಣಿಗೆ ಕಂಡು ಬಿಟ್ಟಿದ್ದಾರೆ. ಬಿಡುತ್ತಾರೆಯೇ ಅವರು? ಕಿರಿಕಿರಿ ಎನ್ನುವಷ್ಟು ಅವರಿಗೆ ಫೋಟೋಗೆ ಫೋರ್ಸ್ ಮಾಡಿದ್ದಾರೆ. ಇದರಿಂದ ಅಸಮಾಧಾನ ಹೊರಹಾಕಿದ ಸೈಫ್ ಅಲಿ, ಬಂದುಬಿಡಿ ನಮ್ಮ ಬೆಡ್ರೂಮ್ಗೆ, ಅಲ್ಲಿಯೂ ಫೋಟೋ ಕ್ಲಿಕ್ಕಿಸಿಕೊಳ್ಳಿ ಎಂದಿದ್ದಾರೆ.
ಮಗಳೇ ಎಂದು ಬಾಯ್ತುಂಬ ಕರೆದವಳನ್ನೇ ಮದ್ವೆಯಾದ ಈ ಬಾಲಿವುಡ್ ಸ್ಟಾರ್!
ಆಗಿದ್ದೇನೆಂದರೆ ಪಾರ್ಟಿ ಮುಗಿಸಿ ಜೋಡಿ ಮನೆಗೆ ವಾಪಸಾಗುತ್ತಿದ್ದರು. ಕಾರಿನಿಂದ ಇಳಿಯುತ್ತಿದ್ದಂತೆಯೇ ಫೋಟೋ ಕ್ಲಿಕ್ಕಿಸಲಾಗುತ್ತಿದೆ. ಮೊದಲಿಗೆ ಚೆನ್ನಾಗಿಯೇ ಪೋಸ್ ಕೊಡುತ್ತಲೇ ದಂಪತಿ ಬಂದರು. ಆದರೆ ಫೋಟೋಗ್ರಾಫರ್ಗಳು ಸರ್ ಸರ್ ಸರ್ ಎನ್ನುತ್ತಾ ಮತ್ತಷ್ಟು ಫೋಟೋಗೆ ಪೋಸ್ ಕೇಳಿದರು. ಇದರಿಂದ ಸೈಫ್ ಅಲಿಗೆ ಕಿರಿಕಿರಿಯಾಗಿದೆ. ಸಹನೆ ಕಳೆದುಕೊಂಡು ಬಂದುಬಿಡಿ ನಮ್ಮ ಬೆಡ್ರೂಂಗೆ ಎನ್ನುತ್ತಲೇ ಬಾಗಿಲು ಹಾಕಿಕೊಂಡರು.
ಅಂದಹಾಗೆ ಕರೀನಾ ಕಪೂರ್ ಸೈಫ್ ಅಲಿ ಅವರ ಎರಡನೆಯ ಪತ್ನಿ. ಸೈಫ್ ಅಲಿ ಖಾನ್ ಕರೀನಾರಿಗಿಂತಲೂ 10 ವರ್ಷ ದೊಡ್ಡವರು ಮಾತ್ರವಲ್ಲದೇ ಇದಾಗಲೇ ಇನ್ನೊಂದು ಮದುವೆಯಾಗಿ ಮಕ್ಕಳನ್ನೂ ಪಡೆದಿದ್ದರು ಎನ್ನುವ ಕಾರಣಕ್ಕೆ ಈ ಮದುವೆ ಭಾರಿ ಸುದ್ದಿಯಾಗಿತ್ತು. 5 ವರ್ಷಗಳ ಕಾಲ ಲಿವ್-ಇನ್ (Live in relation) ಸಂಬಂಧದಲ್ಲಿದ್ದ ಈ ಜೋಡಿ ಕೊನೆಗೆ ಮದುವೆಯಾಗಿತ್ತು. ಅದಾಗಲೇ ಲವ್ ಜಿಹಾದ್ ಎಂಬ ಬಗ್ಗೆಯೂ ದೊಡ್ಡ ಮಟ್ಟದಲ್ಲಿ ಸುದ್ದಿಯೇ ಆಗಿಬಿಟ್ಟಿತ್ತು. ಸೈಫ್ ಅಲಿ ಖಾನ್ ಹಿಂದೊಮ್ಮೆ ಕರೀನಾ ಅವರನ್ನು ಬೇಟಿ... (ಮಗಳೇ) ಎಂದು ಹಿಂದೊಮ್ಮೆ ಕರೆದಿದ್ದರು. ನಂತರ ಆಕೆಯನ್ನೇ ಮದುವೆಯಾಗಿರುವ ಬಗ್ಗೆ ಭಾರಿ ಟ್ರೋಲ್ ಕೂಡ ಆಗಿತ್ತು. ಸೈಫ್ ಅಲಿ ಖಾನ್ ಅವರ ಮೊದಲ ಪತ್ನಿ ಅಮೃತಾ ಸಿಂಗ್. ಇವರು ಸೈಫ್ ಅವರಿಗಿಂತಲೂ 12 ವರ್ಷ ದೊಡ್ಡವರು. ಆದರೂ ಲವ್ ಮಾಡಿ ಇವರ ಮದುವೆ 1991ರಲ್ಲಿ ಇವರ ಮದುವೆಯಾಯಿತು. ಆ ಸಂದರ್ಭದಲ್ಲಿ ಅಮೃತಾ ಅವರಿಗೆ 33 ವರ್ಷ ವಯಸ್ಸಾಗಿದ್ದರೆ, ಸೈಫ್ಗೆ 21 ವರ್ಷ. ಈ ಮದುವೆಗೆ ಕಪೂರ್ ಕುಟುಂಬವೂ ಆಗಮಿಸಿತ್ತು. ಆಗಿನ್ನೂ ಕರೀನಾಗೆ 11 ವರ್ಷ ವಯಸ್ಸು. ಕರೀನಾ (Kareena Kapoor) ಕೂಡ ಮದುವೆಗೆ ಹೋಗಿದ್ದರು. ಕರೀನಾ ಮದುವೆಗೆ ವಿಷ್ ಮಾಡಿದಾಗ, ಸೈಫ್ ಅಲಿ ಖಾನ್ ಆ ಬಾಲಕಿಯನ್ನು ನೋಡಿ, ಥ್ಯಾಂಕ್ಯೂ ಬೇಟಾ (ಧನ್ಯವಾದ ಮಗಳೇ...) ಎಂದು ಹೇಳಿದ್ದರು! ಆದರೆ ಮಗಳೇ ಎಂದು ಹೇಳಿದಾಕೆಯನ್ನೇ ಮುಂದೊಂದು ದಿನ ಪತ್ನಿಯಾಗಿ ಸ್ವೀಕರಿಸುತ್ತೇನೆ ಎಂದು ಅವರು ಕನಸಿನಲ್ಲಿಯೂ ಅಂದುಕೊಂಡಿರಲಿಲ್ಲ. ಈ ವಿಷಯ ಬಹಿರಂಗಗೊಂಡಾಗ ಜೋಡಿ ಭಾರಿ ಟ್ರೋಲ್ಗೆ ಒಳಗಾಗಿದ್ದೂ ಇದೆ. 2016ರಲ್ಲಿ ಈ ಜೋಡಿಗೆ ತೈಮೂರ್ (Taimur) ಎಂಬ ಮಗ ಜನಿಸಿದರೆ 2020ರಲ್ಲಿ ಜೆಹ್ ಅಲಿ ಖಾನ್ ಜನಿಸಿದರು. ಸದ್ಯ ಸೈಫ್ ಅಲಿಗೆ ನಾಲ್ವರು ಮಕ್ಕಳು. ಅವರು ಮೊದಲ ಪತ್ನಿಯ ಮಕ್ಕಳ ಜೊತೆಗೂ ಸಮಯ ಕಳೆಯುತ್ತಾರೆ.
Sharmila Tagore: ಸೈಫ್ ಅಲಿ ಅಮ್ಮನ ಬಿಕಿನಿ ಫೋಟೋ ನೋಡಿ ಪತಿಯ ರಿಯಾಕ್ಷನ್ ಹೇಗಿತ್ತು?