ಡಾನ್-3 ನಿಂದ ನಟ ಶಾರುಖ್ ಖಾನ್ ಅವರನ್ನು ಕೈಬಿಡಲಾಗಿದ್ದು, ಅವರ ಜಾಗಕ್ಕೆ ಬೇರೆ ನಟನನ್ನು ಹಾಕಿಕೊಳ್ಳಲಾಗಿದೆ ಎನ್ನುವ ಸುದ್ದಿ ಇದೆ
ಶಾರುಖ್ ಖಾನ್ (Shah rukh Khan) ಡಾನ್ ಫ್ರಾಂಚೈಸ್‌ನ ಮೂರನೇ ಚಿತ್ರವನ್ನು ಯಾವಾಗ ಮಾಡುತ್ತಾರೆ ಎಂದು ಅವರ ಅಭಿಮಾನಿಗಳು ಬಹಳ ಸಮಯದಿಂದ ಕಾಯುತ್ತಿದ್ದಾರೆ. ಪಠಾಣ್ ಯಶಸ್ಸಿನ ಬಳಿಕ ಜವಾನ್ ಯಶಸ್ಸಿನತ್ತ ಪ್ರಯಾಣ ಬೆಳೆಸಿರುವ ತಮ್ಮ ನೆಚ್ಚಿನ ತಾರೆ ಶಾರುಖ್ ಅವರ ಡಾನ್ ಚಿತ್ರದ ಬಗ್ಗೆ ಫ್ಯಾನ್ಸ್ ಉತ್ಸುಕರಾಗಿದ್ದಾರೆ. ಡಾನ್ 3ರಲ್ಲಿ ಅವರನ್ನು ನೋಡಲು ಕಾತರರಾಗಿ ಕುಳಿತಿದ್ದಾರೆ. ಆದರೆ ಅವರಿಗೆಲ್ಲಾ ಶಾಕಿಂಗ್ ಎನ್ನುವಂಥ ಸುದ್ದಿಯೊಂದು ಹೊರಕ್ಕೆ ಬಂದಿದೆ. ಅದೇನೆಂದರೆ, ಈಗ ಸಿಕ್ಕಿರುವ ಮಾಹಿತಿಯ ಪ್ರಕಾರ ಡಾನ್-3 ನಲ್ಲಿ ಶಾರುಖ್ ಖಾನ್ ಕಾಣಿಸಿಕೊಳ್ಳುವುದಿಲ್ಲ ಅರ್ಥಾತ್ ಈ ಚಿತ್ರದಲ್ಲಿ ಅವರು ನಟಿಸುವುದಿಲ್ಲ ಎನ್ನುವ ವಿಷಯ ಇದಾಗಿದೆ.
ಹೌದು. ಡಾನ್ 3ಯಲ್ಲಿ (Don 3) ನಟಿಸಬೇಕಿರುವ ಶಾರುಖ್ ಈ ಚಿತ್ರದಿಂದ ಔಟ್ ಆಗಿದ್ದಾರೆ. ಇದಕ್ಕೆ ಕಾರಣ, ನಿರ್ದೇಶಕ ಫರ್ಹಾನ್ ಅಖ್ತರ್ ಯುವ ತಾರೆಯೊಂದಿಗೆ ಕೆಲಸ ಮಾಡಲು ಹಂಬಲಿಸುತ್ತಿದ್ದಾರೆ ಎನ್ನಲಾಗಿದೆ. ಈ ಕುರಿತು ಚರ್ಚೆಗಳು ನಡೆಯುತ್ತಿವೆ. ಶಾರುಖ್ ಅವರಿಗೆ ವಯಸ್ಸು 57 ಆದರೂ ಯುವಕರನ್ನೂ ನಾಚಿಸುವ ನಟನೆ, ಸೌಂದರ್ಯ ಎಲ್ಲವೂ ಇದೆಯಾದರೂ ಫರ್ಹಾನ್ ಅವರು ಯುವ ನಾಯಕರನ್ನು ಹುಡುಕುತ್ತಿದ್ದಾರೆ ಎನ್ನಲಾಗಿದೆ. ವರದಿಗಳನ್ನು ನಂಬುವುದಾದರೆ ಡಾನ್ 3 ಚಿತ್ರದಲ್ಲಿ ಶಾರುಖ್ ಬದಲಿಗೆ ರಣವೀರ್ ಸಿಂಗ್ (Ranveer Singh) ಮುಖ್ಯ ಪಾತ್ರದಲ್ಲಿ ನಟಿಸಲಿದ್ದಾರೆ. ಫರ್ಹಾನ್ ಅಖ್ತರ್ ಚಿತ್ರವನ್ನು ನಿರ್ದೇಶಿಸಲಿದ್ದಾರೆ. ಈ ವಿಷಯಗಳು ನಿಜವಾಗಿದ್ದರೆ ನೀವು ಸ್ವಲ್ಪ ಸಮಯ ಕಾಯಿರಿ. ಜುಲೈ 6 ರಂದು, ರಣವೀರ್ ಸಿಂಗ್ ಅವರ ಜನ್ಮದಿನ ಮತ್ತು ಆ ದಿನ ಅವರು ಹೊಸ ಡಾನ್ ಆಗುವ ಅಧಿಕೃತ ಪ್ರಕಟಣೆ (ಡಾನ್ 3 ಪ್ರಕಟಣೆ) ಆಗಬಹುದು.
ಶಾರುಖ್ ಖಾನ್ ಫ್ಯಾನ್ಸ್ ಕಾತುರದಿಂದ ಕಾಯ್ತಿರೋ 'ಜವಾನ್' ಡೇಟ್ ಕೊನೆಗೂ ಫಿಕ್ಸ್
ಈ ಫ್ರಾಂಚೈಸಿಯ ಮುಂದಿನ ಕಂತಿನಲ್ಲಿ ರಣವೀರ್ ಸಿಂಗ್ ಅವರನ್ನು ನಾಯಕನನ್ನಾಗಿ ಮಾಡಲು ಸ್ಕ್ರಿಪ್ಟ್ ಅಂತಿಮಗೊಳ್ಳುತ್ತಿದೆ ಎಂದು ಹೇಳಲಾಗುತ್ತಿದೆ. ರಣವೀರ್ ಕೂಡ ಈ ಪಾತ್ರದಲ್ಲಿ ನಟಿಸಲು ಉತ್ಸುಕರಾಗಿದ್ದಾರೆ. ಜುಲೈ 6 ರಂದು ರಣವೀರ್ ಹುಟ್ಟುಹಬ್ಬದ ಆಚರಣೆಯೊಂದಿಗೆ, ಡಾನ್ 3 ಗೆ ಅವರ ಹೆಸರನ್ನು ಘೋಷಿಸಬಹುದು. ನಿರ್ಮಾಪಕ ರಿತೇಶ್ ಸಿಧ್ವಾನಿ ಮತ್ತು ಬರಹಗಾರ-ನಿರ್ದೇಶಕ ಫರ್ಹಾನ್ ಅಖ್ತರ್ ಈ ಯೋಜನೆಯಲ್ಲಿ ಬಹಳ ಸಮಯದಿಂದ ಕೆಲಸ ಮಾಡುತ್ತಿದ್ದಾರೆ. ಡಾನ್ 3 ನಿಂದ ಶಾರುಖ್ ತನ್ನನ್ನು ತೆಗೆದುಹಾಕಲು ನಿರ್ಧರಿಸಿದ್ದಾರೆ ಎನ್ನಲಾಗಿದೆ. ಇದನ್ನು ಅವರು ನಿರ್ಮಾಪಕ-ನಿರ್ದೇಶಕರಿಗೆ ಹೇಳಿದಾಗ, ಅವರು ಡಾನ್ ಪಾತ್ರಕ್ಕೆ ನ್ಯಾಯ ಸಲ್ಲಿಸುವ ನಟನನ್ನು ಹುಡುಕುತ್ತಿದ್ದರು. ಈ ಪಾತ್ರಕ್ಕೆ ರಣವೀರ್ ಸಿಂಗ್ ಸೂಕ್ತವೆಂದು ಅವರು ಕಂಡುಕೊಂಡರು.
ಎಕ್ಸೆಲ್ ಎಂಟರ್ಟೈನ್ಮೆಂಟ್ ರಣವೀರ್ ಸಿಂಗ್ ಅವರೊಂದಿಗೆ ಹಳೆಯ ಒಡನಾಟವನ್ನು ಹೊಂದಿದೆ ಎಂಬುದು ಗಮನಾರ್ಹ. ಈ ಕಂಪನಿಯೊಂದಿಗೆ, ರಣವೀರ್ ಈ ಹಿಂದೆ 2015 ರ ರೋಮ್ಯಾಂಟಿಕ್ ಡ್ರಾಮಾ (Romantic drama) ದಿಲ್ ಧಡಕ್ನೆ ದೋ ಮತ್ತು 2019 ರ ಸಂಗೀತ ಪ್ರಣಯ ಚಿತ್ರ ಗಲ್ಲಿ ಬಾಯ್ ಮಾಡಿದ್ದಾರೆ. ರಣವೀರ್ ಅವರ ಪಾತ್ರವನ್ನು ಮೇ ತಿಂಗಳಿನಲ್ಲಿಯೇ ಅಂತಿಮಗೊಳಿಸಲಾಗಿದೆ ಮತ್ತು ಚಿತ್ರದ ಘೋಷಣೆಗಾಗಿ ಸ್ಟಾರ್ ಪ್ರಚಾರದ ವೀಡಿಯೊವನ್ನು ಸಹ ಚಿತ್ರೀಕರಿಸಿದ್ದಾರೆ ಎಂದು ಕೆಲವು ಮೂಲಗಳು ಹೇಳುತ್ತವೆ. ಜುಲೈ 6ಕ್ಕೆ ಎಲ್ಲವೂ ಸ್ಪಷ್ಟವಾಗಲಿದೆ. ಶಾರುಖ್ ಅಭಿನಯದ ಮೊದಲ ಡಾನ್ 2006 ರಲ್ಲಿ ಬಿಡುಗಡೆಯಾಯಿತು ಮತ್ತು ಅದರ ಮುಂದುವರಿದ ಭಾಗವು 2011 ರಲ್ಲಿ ಬಂದಿತು. ಇದರಲ್ಲಿ ಶಾರುಖ್ ಮತ್ತು ಪ್ರಿಯಾಂಕಾ ಚೋಪ್ರಾ ನಟಿಸಿದ್ದರು. ಶಾರುಖ್ ಅವರ ಮೊದಲ ಡಾನ್ 1978 ರ ಅಮಿತಾಭ್ ಬಚ್ಚನ್, ಜೀನತ್ ಅಮನ್ ಮತ್ತು ಪ್ರಾಣ್ ಅಭಿನಯದ ಡಾನ್ ಚಿತ್ರದ ಅದೇ ಹೆಸರಿನ ರಿಮೇಕ್ ಆಗಿತ್ತು ಎಂಬುದು ಗಮನಾರ್ಹವಾಗಿದೆ.
ಅಮೆರಿಕ: ಮೋದಿ ಸ್ವಾಗತಕ್ಕೆ ಚೈಯಾ ಚೈಯಾ ಹಾಡು, ನಟ ಶಾರುಖ್ ಹೇಳಿದ್ದೇನು?