Skin Care Yoga: ಕಾಂತಿಯುತ ಮುಖಕ್ಕಾಗಿ ಸರಳ ಯೋಗ ಹೇಳಿಕೊಟ್ಟ ಮಲೈಕಾ

ಕಾಂತಿಯುತ ಮುಖಕ್ಕಾಗಿ ಸರಳ ಯೋಗ ಹೇಳಿಕೊಟ್ಟ ಮಲೈಕಾ ಅರೋರಾ ಸಿಂಪಲ್ ಯೋಗ ಎಲ್ಲರೂ ಮಾಡಬಹುದು ಬಾಲಿವುಡ್ ಯೋಗ ಸುಂದರಿಯ ಸೌಂದರ್ಯದ ಗುಟ್ಟು ಇದೇನಾ ?

ಮಲೈಕಾ ಅರೋರಾ(Malaika Arora) 48 ವರ್ಷ ವಯಸ್ಸಾದ್ರೂ ಎಷ್ಟು ಹಾಟ್ ಆಗಿ ಫಿಟ್ ಆಗಿದ್ದಾರಾಲ್ಲಾ ? ನೋಡಿದರೆ ನಿಜಕ್ಕೂ ಅಚ್ಚರಿಯಾಗುವಂತಿದ್ದಾರೆ ಬಾಲಿವುಡ್‌ನ(Bollywood) ಈ ಸುಂದರಿ. 48 ವರ್ಷದಲ್ಲಿಯೂ ಸೂಪರ್ ಫಿಟ್ ಆಗಿರೋದೆಂದರೆ ಅದು ಸುಮ್ಮನೆಯಲ್ಲ. ನಟಿ ಯೋಗ(Yoga) ವಿಚಾರವಾಗಿ ತುಂಬಾ ಸ್ಟ್ರಿಕ್ಟ್. ಇದು ಎಲ್ಲರಿಗೂ ಗೊತ್ತು. ಇದೀಗ ನಟಿ ಕಾಂತಿಯುತ ಮುಖಕ್ಕಾಗಿ ಸರಳವಾದ ಯೋಗವನ್ನು ಹೇಳಿಕೊಟ್ಟಿದ್ದಾರೆ. ವಿಶೇಷ ಎಂದರೆ ಇದು ತುಂಬಾ ಸಿಂಪಲ್ ಹಾಗೂ ಈಝೀ. ಹಾಗಾಗಿ ಇದನ್ನು ಮಾಡುವುದಕ್ಕೆ ಉದಾಸೀನ ತೋರಿಸುವ ಅಗತ್ಯವಿಲ್ಲ. ಹೇಗಿದೆ ಈ ಯೋಗ ? ನಟಿಯೇ ಹೇಳಿಕೊಟ್ಟಿದ್ದಾರೆ.

ಮಲೈಕಾ ಅರೋರಾ 2020 ರಲ್ಲಿ ಮೊದಲ ಲಾಕ್‌ಡೌನ್‌ನಿಂದ(Lockdown) ಪ್ರಾರಂಭಿಸಿ, ಮನೆಗಳೊಳಗೆ ಸೀಮಿತವಾಗಿರುವಾಗ ಸಮಯವನ್ನು ಉತ್ತಮವಾಗಿ ಬಳಸಿಕೊಳ್ಳುವ ಆಲೋಚನೆಗಳನ್ನು ಅಭಿಮಾನಿಗಳಿಗೆ ತಲುಪಿಸುತ್ತಿದ್ದಾರೆ. ಯೋಗ, ಫಿಟ್ನೆಸ್, ಹೆಲ್ತ್ ವಿಚಾರದಲ್ಲಿ ತಮ್ಮ ಅಭಿಮಾನಿಗಳನ್ನು ಪ್ರೇರೇಪಿಸುತ್ತಿದ್ದಾರೆ. ಜನರನ್ನು ಉನ್ನತೀಕರಿಸುವ ಪ್ರಯತ್ನದಲ್ಲಿ, ಮಾಡೆಲ್ ಮತ್ತು ಡ್ಯಾನ್ಸರ್ ತನ್ನ ಆನ್‌ಲೈನ್ ಕುಟುಂಬದೊಂದಿಗೆ ಸಂಪರ್ಕ ಸಾಧಿಸಲು ಹೊಸ ಹೊಸ ಐಡಿಯಾಗಳೊಂದಿಗೆ ಬರುತ್ತಿರುತ್ತಾರೆ. ಫಿಟ್‌ನೆಸ್ ಉತ್ಸಾಹಿ ಮಲೈಕಾ ಏಕಕಾಲದಲ್ಲಿ ಅಡುಗೆ ಮಾಡುವ ವೀಡಿಯೊಗಳನ್ನು ಪೋಸ್ಟ್ ಮಾಡಿದ್ದಾರೆ.

ಕ್ವಾರಂಟೈನ್ ತನ್ನ ವ್ಯಾಯಾಮದ ಶಿಸ್ತನ್ನು ಅಡ್ಡಿಪಡಿಸಲು ನಟಿ ಬಿಡುವುದಿಲ್ಲ. ನಟಿ ಉಚಿತ ಡಿಜಿಟಲ್ ಸೆಷನ್‌ಗಳಲ್ಲಿ ಸರಳ ಆಸನಗಳನ್ನು ಹಂಚಿಕೊಳ್ಳಲು ಪ್ರಾರಂಭಿಸಿದ್ದಾರೆ. ತನ್ನ ಇತ್ತೀಚಿನ ವೀಡಿಯೊದ ಮೂಲಕ, ಮಲೈಕಾ ತನ್ನ ಅಭಿಮಾನಿಗಳಿಗೆ ತಮ್ಮ ಕ್ಷೇಮ ಪ್ರಯಾಣವನ್ನು ಪ್ರಾರಂಭಿಸಲು ಸಹಾಯ ಮಾಡಲು ಕೆಲವು ಯೋಗ ಭಂಗಿಗಳನ್ನು ತೋರಿಸಿದ್ದಾರೆ.

ಆರೋಗ್ಯಕರ ಮತ್ತು ಹೊಳೆಯುವ ಚರ್ಮವನ್ನು ಪಡೆಯಲು ನಾವೆಲ್ಲರೂ ನೈಸರ್ಗಿಕ ಮಾರ್ಗಗಳನ್ನು ಹುಡುಕುವುದಿಲ್ಲವೇ? ಎಂದು ಇನ್ಸ್ಟಾಗ್ರಾಮ್ನಲ್ಲಿ ಮಲೈಕಾ ಕೇಳಿದ್ದಾರೆ. ಕ್ಲಾಸಿಕ್ ಆಲ್-ಬ್ಲಾಕ್ ಉಡುಪನ್ನು ಧರಿಸಿ, ನಟಿ ತನ್ನ ಕೂದಲನ್ನು ಅಚ್ಚುಕಟ್ಟಾಗಿ ಪೋನಿಟೇಲ್ನಲ್ಲಿ ಕಟ್ಟಿದ್ದರು.

ಮಲೈಕಾ ಹಂಚಿಕೊಂಡ ಮೂರು ಮುಖದ ವ್ಯಾಯಾಮಗಳು:

ಬಲೂನ್ ಭಂಗಿ: ಯೋಗ ಉತ್ಸಾಹಿಗಳ ಪ್ರಕಾರ ಇದು ಮುಖದ ಸ್ನಾಯುಗಳಿಗೆ ಗೋ-ಟು ಪೋಸ್ ಆಗಿದೆ. ಬಲೂನ್ ಭಂಗಿಯು ರಕ್ತ ಪರಿಚಲನೆಗೆ ಸಹಾಯ ಮಾಡುತ್ತದೆ.

ಫೇಸ್ ಟ್ಯಾಪಿಂಗ್ ಭಂಗಿ: ಟ್ಯಾಪಿಂಗ್ ವಯಸ್ಸಾದ ಮತ್ತು ಸುಕ್ಕುಗಳನ್ನು ತಡೆಯುತ್ತದೆ. ಚರ್ಮಕ್ಕೆ ನೈಸರ್ಗಿಕ ಹೊಳಪನ್ನು ನೀಡಿ, ಈ ಭಂಗಿಯು ರಕ್ತ ಪರಿಚಲನೆಯನ್ನು ಉತ್ತೇಜಿಸುತ್ತದೆ.

ಮೀನಿನ ಭಂಗಿ: ಇದು ಕುತ್ತಿಗೆಯ ಭಾಗವನ್ನು ವಿಸ್ತರಿಸುತ್ತದೆ, ದವಡೆ ಮತ್ತು ಗಲ್ಲದ ನಾದದ ಕಡೆಗೆ ಗುಣ ನೀಡುತ್ತದೆ.

ಈ ತಿಂಗಳ ಆರಂಭದಲ್ಲಿ, ಮಲೈಕಾ ಕೋರ್ ಸ್ನಾಯುಗಳ ಮೇಲೆ ಕೇಂದ್ರೀಕರಿಸುವ ಕೆಲವು ಪ್ರಮುಖ ಆಸನಗಳನ್ನು ತೋರಿಸಿದ್ದರು. ವೈಟ್ ಲಾಸ್ ಮಾಡಲು ಸಹಾಯ ಮಾಡಲು ವಸಿಷ್ಠಾಸನ, ಭುಜಂಗಾಸನ (ನಾಗರ ಭಂಗಿ) ಮತ್ತು ನೌಕಾಸನ (ದೋಣಿ ಭಂಗಿ) ಗಳನ್ನು ಶಿಫಾರಸು ಮಾಡಿದರು.

ಇತ್ತೀಚೆಗೆ ಮಲೈಕಾ ಅರೋರಾ ಹಾಗೂ ಅರ್ಜುನ್ ಕಪೂರ್ ಬ್ರೇಕಪ್ ವಿಚಾರ ಸುದ್ದಿಯಾಗಿತ್ತು. ಬಾಲಿವುಡ್‌ನ ಈ ಜೋಡಿ ಬ್ರೇಕಪ್ ಮಾಡಿಕೊಂಡಿದ್ದಾರೆ ಎನ್ನಲಾಗಿತ್ತು. ಆದರೆ ಸುದ್ದಿ ವೈರಲ್ ಆಗುತ್ತಿದ್ದಂತೆ ಪ್ರತಿಕ್ರಿಯಿಸಿದ ಅರ್ಜುನ್ ಕಪೂರ್ ಮಲೈಕಾ ಜೊತೆಗಿನ ತಮ್ಮ ಇರರ್ ಸೆಲ್ಫೀಯನ್ನು ಪೋಸ್ಟ್ ಮಾಡಿ ಎಲ್ಲರ ಬಾಯಿ ಮುಚ್ಚಿಸಿದರು. ಆದರೆ ಸುದ್ದಿ ಕೇಳಿ ಒಮ್ಮೆಗೆ ಮಲೈಕಾ ಅಭಿಮಾನಿಗಳು ಶಾಕ್ ಆಗಿದ್ದಂತೂ ಸತ್ಯ. ಆದರೆ ನಂತರದಲ್ಲಿ ಈ ಸುದ್ದಿ ಜಸ್ಟ್ ವದಂತಿ ಎಂಬುದು ಗೊತ್ತಾಗಿದೆ.