ಹೃತಿಕ್ ರೋಷನ್ ಈ ಕನಸಿನ ಚಿತ್ರಕ್ಕೆ 700 ಕೋಟಿ ಬೇಕು, ಕೈ ಸುಟ್ಟುಕೊಳ್ಳೋ ಭಯದಲ್ಲಿ ನಿರ್ಮಾಪಕರು! ಯಾವುದು ಆ ಸಿನಿಮಾ?

Krish 4 ಚಿತ್ರದ ನಿರ್ಮಾಣದ ಅಡೆತಡೆಗಳು ಮುಂದುವರೆದಿವೆ. ಸಿದ್ಧಾರ್ಥ್ ಆನಂದ್ ನಿರ್ಮಾಣದಿಂದ ಹಿಂದೆ ಸರಿದಿದ್ದು, ಹೊಸ ನಿರ್ದೇಶಕರ ಹುಡುಕಾಟ ನಡೆಯುತ್ತಿದೆ. ಅಧಿಕ ಬಜೆಟ್ ಕಾರಣದಿಂದ ನಿರ್ಮಾಣ ಸಂಸ್ಥೆಗಳು ಹಿಂದೇಟು ಹಾಕುತ್ತಿವೆ.

ಮುಂಬೈ: Krish 4 Movie ಬಾಲಿವುಡ್ ನಲ್ಲಿ ಕೆಲವು ಸಮಯದಿಂದ ಸುದ್ದಿಯಲ್ಲಿರುವ ಚಿತ್ರ. ಆದರೆ ಈ ಸಿನಿಮಾ ತೆರೆಗೆ ತರಲು ಇರುವ ಅಡೆತಡೆಗಳು ಇನ್ನೂ ನಿವಾರಣೆಯಾಗಿಲ್ಲ ಎಂದು ವರದಿಯಾಗಿದೆ. ಈ ಹಿಂದೆ ಪಠಾಣ್ ನಂತಹ ಚಿತ್ರಗಳನ್ನು ನಿರ್ದೇಶಿಸಿದ್ದ ಸಿದ್ಧಾರ್ಥ್ ಆನಂದ್ ಅವರ ಮಾರ್ಫ್ಲಿಕ್ಸ್, ಹೃತಿಕ್ ರೋಷನ್ ನಟಿಸಿರುವ ಈ ಚಿತ್ರದ ಸಹ-ನಿರ್ಮಾಪಕರಾಗಲಿದ್ದಾರೆ ಎಂದು ವರದಿಯಾಗಿದೆ. ಸಿದ್ಧಾರ್ಥ್ ಆನಂದ್ ಈ ಹಿಂದೆಯೇ ಕ್ರಿಶ್ 4 ನಿರ್ದೇಶಿಸುವ ಆಸಕ್ತಿ ವ್ಯಕ್ತಪಡಿಸಿದ್ದರು.

ಆದರೆ ಹೊಸ ಅಪ್ಡೇಟ್ ಏನೆಂದರೆ ಏನೆಂದರೆ ಸಿದ್ಧಾರ್ಥ್ ಆನಂದ್ ಈ ಪ್ರಾಜೆಕ್ಟ್‌ನಿಂದ ಹಿಂದೆ ಸರಿದಿದ್ದಾರೆ. ಈಗ, ಕ್ರಿಶ್ 4 ಹೊಸ ಬ್ಯಾನರ್ ಅಡಿಯಲ್ಲಿ ಬಿಡುಗಡೆಯಾಗಲಿದೆ ಎಂದು ವರದಿಯಾಗಿದೆ. ಅಲ್ಲದೆ, ರಾಕೇಶ್ ರೋಷನ್ ಈಗಾಗಲೇ ನಿರ್ದೇಶನ ಮಾಡುವುದಿಲ್ಲ ಎಂದು ಘೋಷಿಸಿರುವುದರಿಂದ, ಹೊಸ ನಿರ್ದೇಶಕ ಕೂಡ ಚಿತ್ರಕ್ಕೆ ಸೇರಬಹುದು. 

ಇದನ್ನೂ ಓದಿ: ತಮನ್ನಾ-ವಿಜಯ್ ವರ್ಮಾ ಬ್ರೇಕಪ್ ಸುಳ್ಳಾ? ಹೋಳಿ ಸಂಭ್ರಮದಲ್ಲಿ ಪ್ರಣಯ ಪಕ್ಷಿಗಳ ವಿಡಿಯೋ ವೈರಲ್!

ಇತ್ತೀಚಿನ ವರದಿಗಳ ಪ್ರಕಾರ, ಕ್ರಿಶ್ 4 ನಿರ್ಮಾಣದ ಪ್ರಸ್ತುತ ಪರಿಕಲ್ಪನೆಗೆ ಏನಿಲ್ಲವೆಂದರೂ 700 ಕೋಟಿ ರೂಪಾಯಿಗಳ ಖರ್ಚಾಗುತ್ತೆ. ಈ ಕಾರಣದಿಂದಾಗಿ, ಅನೇಕ ನಿರ್ಮಾಣ ಸಂಸ್ಥೆಗಳು ಚಿತ್ರವನ್ನು ಕೈಗೆತ್ತಿಕೊಳ್ಳಲು ಹಿಂದೇಟು ಹಾಕುತ್ತಿವೆ ಎಂದು ಬಾಲಿವುಡ್ ಹಂಗಾಮಾ ವರದಿ ಮಾಡಿದೆ. ಈ ನಡುವೆ ಹೃತಿಕ್ ರೋಷನ್ ತಮ್ಮ ಸ್ನೇಹಿತ ಸಿದ್ಧಾರ್ಥ್ ಆನಂದ್ ಅವರಿಗೆ ಸೂಕ್ತವಾದ ಸ್ಟುಡಿಯೋ ಹುಡುಕುವ ಜವಾಬ್ದಾರಿಯನ್ನು ವಹಿಸಿದ್ದಾರೆ ಎಂದು ವರದಿಯಾಗಿದೆ. ಅದೇ ಸಮಯದಲ್ಲಿ, ಮಾರ್ವೆಲ್ ಚಲನಚಿತ್ರಗಳಂತಹ ಸೂಪರ್ ಹೀರೋ ವಿಷಯಗಳು ಸಾಕಷ್ಟು ಇರುವುದರಿಂದ ಸಿದ್ಧಾರ್ಥ್ ಆನಂದ್ ಮತ್ತು ಮಾರ್ವೆಲ್‌ಫ್ಲಿಕ್ಸ್ ಚಿತ್ರದಿಂದ ಹಿಂದೆ ಸರಿಯಲು ನಿರ್ಧರಿಸಿದ್ದಾರೆ ಎಂದು ವರದಿಯಾಗಿದೆ. 

'ಕ್ರಿಶ್ 3 ಬಿಡುಗಡೆಯಾಗಿ ಒಂದು ದಶಕಕ್ಕೂ ಹೆಚ್ಚು ಕಾಲ ಕಳೆದಿರುವುದರಿಂದ, ಮಾರ್ವೆಲ್ ನಂತರದ ಯುಗದಲ್ಲಿ ಈ ಬಜೆಟ್‌ನೊಂದಿಗೆ ಕ್ರಿಶ್ ಯಶಸ್ವಿಯಾಗುತ್ತದೆಯೇ ಎಂದು ಸ್ಟುಡಿಯೋ ಖಚಿತವಾಗಿಲ್ಲ' ಎಂದು ಈ ವಿಷಯದ ಬಗ್ಗೆ ತಿಳಿದಿರುವ ಮೂಲವನ್ನು ಉಲ್ಲೇಖಿಸಿ ವರದಿ ತಿಳಿಸಿದೆ.

ಇದನ್ನೂ ಓದಿ: 3 ಸಿನಿಮಾ, ₹3300 ಕೋಟಿ ಗಳಿಕೆ, ಪ್ಯಾನ್ ಇಂಡಿಯಾ ಸಿನಿಮಾಗಳ ಲಕ್ಕಿ ಹೀರೋಯಿನ್ ಯಾರು ಗೊತ್ತಾ?

ರಾಕೇಶ್ ರೋಷನ್ ಕ್ರಿಶ್ ಫ್ರಾಂಚೈಸ್ ಅನ್ನು 2003 ರಲ್ಲಿ ಹೃತಿಕ್ ರೋಷನ್ ಮತ್ತು ಪ್ರೀತಿ ಜಿಂಟಾ ನಟಿಸಿದ ವೈಜ್ಞಾನಿಕ ಕಾದಂಬರಿ 'ಕೋಯಿ ಮಿಲ್ ಗಯಾ' ಚಿತ್ರದೊಂದಿಗೆ ಪ್ರಾರಂಭಿಸಿದರು. ಈ ಚಿತ್ರದ ಯಶಸ್ಸಿನ ನಂತರ, ಹೃತಿಕ್ ರೋಷನ್ ಮತ್ತು ಪ್ರಿಯಾಂಕಾ ಚೋಪ್ರಾ ನಟಿಸಿದ ಕ್ರಿಶ್ 2006 ರಲ್ಲಿ ಬಿಡುಗಡೆಯಾಯಿತು. ನಂತರ 2013 ರಲ್ಲಿ, ಕ್ರಿಶ್ 3 ಬಿಡುಗಡೆಯಾಯಿತು, ಇದರಲ್ಲಿ ಹೃತಿಕ್, ಪ್ರಿಯಾಂಕಾ, ವಿವೇಕ್ ಒಬೆರಾಯ್ ಮತ್ತು ಕಂಗನಾ ರನೌತ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದರು.