ಬಾಲಿವುಡ್‌ ನಟಿ ದೀಪಿಕಾ ಪಡುಕೋಣೆ ವಿಮಾನದಲ್ಲಿ ಸಾಮಾನ್ಯ ದರ್ಜೆ ಅಥವಾ ಎಕಾನಮಿ ಕ್ಲಾಸ್‌ನಲ್ಲಿ ಪ್ರಯಾಣ ಮಾಡಿದ್ದು, ಅದೇ ವಿಮಾನದಲ್ಲಿ ಪ್ರಯಾಣಿಸಿದ್ದ ವ್ಯಕ್ತಿಯೊಬ್ಬರು ವಿಡಿಯೋದಲ್ಲಿ ಸೆರೆ ಹಿಡಿದಿದ್ದಾರೆ.
ನವದೆಹಲಿ (ಫೆಬ್ರವರಿ 16, 2023): ಪಠಾಣ್‌ ಸಿನಿಮಾ ಬಿಡುಗಡೆಗೂ ಮುಂಚೆಯಿಂದಲೂ ಬಾಲಿವುಡ್‌ ಖ್ಯಾತ ನಟಿ, ಕನ್ನಡತಿ ದೀಪಿಕಾ ಪಡುಕೋಣೆ ಸಾಕಷ್ಟು ಚರ್ಚೆಗೆ ಗ್ರಾಸವಾಗಿದ್ದಾರೆ. ಒಂದು ಕಡೆ ಪಠಾಣ್‌ ಸಿನಿಮಾದ ಸಕ್ಸಸ್‌ ಖುಷಿಯಲ್ಲಿದ್ದರೆ, ಮತ್ತೊಂದು ಕಾರಣದಿಂದಲೂ ಇದೀಗ ಹೆಚ್ಚು ಟ್ರೆಂಡಿಂಗ್ ಆಗುತ್ತಿದ್ದಾರೆ. ಇದಕ್ಕೆ ಕಾರಣ, ನಟಿ ಇತ್ತೀಚೆಗೆ ಎಕಾನಮಿ ಕ್ಲಾಸ್ ವಿಮಾನದಲ್ಲಿ ಪ್ರಯಾಣ ಮಾಡಿದ್ದಾರೆ.
ಹೌದು, ಬಾಲಿವುಡ್‌ (Bollywood) ನಟಿ (Actress) ದೀಪಿಕಾ ಪಡುಕೋಣೆ (Deepika Padukone) ವಿಮಾನದಲ್ಲಿ (Flight) ಸಾಮಾನ್ಯ ದರ್ಜೆ ಅಥವಾ ಎಕಾನಮಿ ಕ್ಲಾಸ್‌ನಲ್ಲಿ (Economy Class) ಪ್ರಯಾಣ ಮಾಡಿದ್ದು, ಅದೇ ವಿಮಾನದಲ್ಲಿ ಪ್ರಯಾಣಿಸಿದ್ದ ವ್ಯಕ್ತಿಯೊಬ್ಬರು ವಿಡಿಯೋದಲ್ಲಿ ಸೆರೆ ಹಿಡಿದಿದ್ದಾರೆ. ಕಿತ್ತಳೆ ಬಣ್ಣದ ಉಡುಪು ಧರಿಸಿದ್ದ ನಟಿ, ಜತೆಗೆ ಡ್ರೆಸ್‌ಗೆ ಮ್ಯಾಚ್‌ ಆಗೋ ಕ್ಯಾಫ್‌ ಹಾಗೂ ಸನ್‌ಗ್ಲಾಸ್‌ ಅನ್ನೂ ಸಹ ಧರಿಸಿದ್ದರು. ಆ ವಿಮಾನದಲ್ಲಿ ಪ್ರಯಾಣಿಸಿದ್ದ ವ್ಯಕ್ತಿಯೊಬ್ಬರು ತೆಗೆದ ಈ ವಿಡಿಯೋ ವೈರಲ್ ಆಗಿದೆ.
ಇದನ್ನು ಓದಿ: Pathaan: ಮುಖ ಮುಚ್ಕೊಂಡು ಹೋಗಿ ಸಿನಿಮಾ ವೀಕ್ಷಿಸಿದ ನಟಿ ದೀಪಿಕಾ ಪಡುಕೋಣೆ
ಅಲ್ಲದೆ, ಎಕಾನಮಿ ಕ್ಲಾಸ್‌ನಲ್ಲಿ ದೀಪಿಕಾ ಪಡುಕೋಣೆಯನ್ನು ನೋಡಿದ ಆ ವಿಮಾನ ಪ್ರಯಾಣಿಕರು ಬೆರಗಾಗುವುದನ್ನು ಸಹ ನಾವು ಕಾಣಬಹುದು. ಅಲ್ಲದೆ, ಅಭಿಮಾನಿಯೊಬ್ಬರು "ಹಾಯ್ ದೀಪಿಕಾ" ಎಂದು ಹೇಳುವುದನ್ನು ಸಹ ಈ ವಿಡಿಯೋದಲ್ಲಿ ಕೇಳಬಹುದು. ಆದರೆ ನಟಿ ಅದನ್ನು ನಿರ್ಲಕ್ಷಿಸಿದಂತೆ ಕಂಡಿದ್ದು, ಯಾವುದೇ ಉತ್ತರ ನೀಡದೆ ಹಾಗೇ ಮುಂದೆ ಹೋಗಿದ್ದಾರೆ.
ಬಾಲಿವುಡ್‌ ನಟಿ ದೀಪಿಕಾ ಪಡುಕೋಣೆ ಅವರ ಫ್ಯಾನ್‌ ಪೇಜ್‌ವೊಂದು ಈ ವಿಡಿಯೋವನ್ನು ಮೈಕ್ರೋ ಬ್ಲಾಗಿಂಗ್ ಪ್ಲಾಟ್‌ಫಾರ್ಮ್‌ ಟ್ವಿಟ್ಟರ್‌ನಲ್ಲಿ ಶೇರ್‌ ಮಾಡಿದ್ದು, "ಅಭಿಮಾನಿ ದೀಪಿಕಾ ಪಡುಕೋಣೆ ಎಕಾನಮಿ ಕ್ಲಾಸ್‌ನಲ್ಲಿ ಪ್ರಯಾಣಿಸುತ್ತಿರುವುದನ್ನು ಸೆರೆಹಿಡಿದಿದ್ದಾರೆ, ಹೆಚ್ಚಿನ ತಾರೆಯರು ಸಹ ಎಕಾನಮಿ (ಕ್ಲಾಸ್‌ನಲ್ಲಿ) ಪ್ರಯಾಣಿಸಬೇಕೆಂದು ನೀವು ಭಾವಿಸುತ್ತೀರಾ?" ಎಂದು ಅವರು ಟ್ವೀಟ್ ಮಾಡಿದ್ದಾರೆ.
ಇದನ್ನೂ ಓದಿ: ಶಾರುಖ್ ಜತೆ ಕೆಲಸ ಮಾಡುವುದರ ಬಗ್ಗೆ ದೀಪಿಕಾ ಪಡುಕೋಣೆ ಏನ್ ಹೇಳಿದ್ರು ನೋಡಿ
ಕೆಳಗಿನ ವೈರಲ್ ವಿಡಿಯೋ ನೋಡಿ:
Fan captures Deepika Padukone Traveling In Economy Class
Do you think more stars should travel Economy? pic.twitter.com/qayHGFCOee
ಫೆಬ್ರವರಿ 16, 2023 ರ ಬೆಳಗ್ಗೆ ಈ ವಿಡಿಯೋವನ್ನು ಶೇರ್‌ ಮಾಡಲಾಗಿದ್ದು, ಈ ವಿಡಿಯೋವನ್ನು 2,000 ಕ್ಕೂ ಹೆಚ್ಚು ನೆಟ್ಟಿಗರು ವೀಕ್ಷಿಸಿದ್ದಾರೆ. ಇನ್ನು, ಈ ವಿಡಿಯೋಗೆ ಹಲವರು ಕಮೆಂಟ್‌ ಅನ್ನೂ ಮಾಡಿದ್ದು, ಹಲವರು ನಾನಾ ರೀತಿಯ ಅಭಿಪ್ರಾಯಗಳನ್ನು ವ್ಯಕ್ತಪಡಿಸಿದ್ದಾರೆ.
ಇನ್ನು, ನಟರೊಬ್ಬರು ವಿಮಾನದ ಎಕಾನಮಿ ಕ್ಲಾಸ್‌ನಲ್ಲಿ ಪ್ರಯಾಣಿಸುತ್ತಿರುವುದು ಇದೇ ಮೊದಲಲ್ಲ ಬಿಡಿ. ಈ ಹಿಂದೆ, ಕತ್ರೀನಾ ಕೈಫ್ ಮತ್ತು ಪತಿ ಹಾಗೂ ನಟ ವಿಕ್ಕಿ ಕೌಶಲ್ ಅವರು ಸಹ ಎಕಾನಮಿ ಕ್ಲಾಸ್‌ನಲ್ಲಿ ಒಟ್ಟಿಗೆ ಪ್ರಯಾಣಿಸುತ್ತಿರುವ ವಿಮಾನದ ವಿಡಿಯೋ ವೈರಲ್ ಆದ ನಂತರ ಇಂಟರ್ನೆಟ್‌ನಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿತ್ತು.
ಅದೇ ರೀತಿ, ನಟ ಕಾರ್ತಿಕ್ ಆರ್ಯನ್ ಕೂಡ ಎಕಾನಮಿ ಕ್ಲಾಸ್ ವಿಮಾನದಲ್ಲಿ ಪ್ರಯಾಣಿಸಿ ಸುದ್ದಿಯಾಗಿದ್ದರು. ನಟ ಆ ವಿಮಾನದ ಪ್ರಯಾಣಿಕರ ಜತೆ ಮಾತನಾಡಿದ್ದು, ಸಂತೋಷದಿಂದ ಸೆಲ್ಫಿಗೆ ಸಹ ಪೋಸ್ ನೀಡಿದ್ದರು.
ಇದನ್ನೂ ಓದಿ: ಶಾರುಖ್ ಖಾನ್ ನನಗೆ ಮಧ್ಯರಾತ್ರಿ 2 ಗಂಟೆಗೆ ಕರೆ ಮಾಡಿದ್ರು ಎಂದ ಅಸ್ಸಾಂ ಸಿಎಂ..!
TRAVELLING IN ECONOMIC CLASS BUT HIS HEART IS AS RICH AS BUSINESS CLASS ✨👑💥😘
Yeh ladka hee kuch alag hai!!!
Itna saara pyaar and soooo humble her is ❤️❤️❤️❤️ ❤️ pic.twitter.com/cOTnGkXnFW
ಈ ಮಧ್ಯೆ, ಖ್ಯಾತ ನಟಿ ದೀಪಿಕಾ ಪಡುಕೋಣೆ, ಪ್ರಸ್ತುತ ಶಾರುಖ್ ಖಾನ್ ಮತ್ತು ಜಾನ್ ಅಬ್ರಹಾಂ ಸಹ-ನಟರಾಗಿ ಇತ್ತೀಚೆಗೆ ಬಿಡುಗಡೆಯಾದ ಪಠಾನ್ ಚಿತ್ರದ ಯಶಸ್ಸಿನಲ್ಲಿ ಮುಳುಗಿದ್ದಾರೆ. ಚಿತ್ರದ ಹಿಂದಿ ಆವೃತ್ತಿಯು 500 ಕೋಟಿ ರೂ. ಗಡಿ ದಾಟಲು ಸಿದ್ಧವಾಗಿದೆ ಎಂದು ಸಿನಿಮಾದ ಖ್ಯಾತ ವ್ಯಾಪಾರ ವಿಶ್ಲೇಷಕ ತರಣ್ ಆದರ್ಶ್ ಟ್ವೀಟ್ ಮಾಡಿದ್ದಾರೆ. "#Pathaan ವಾರದ ದಿನಗಳಲ್ಲಿ ಸಹ ತುಂಬಾ ಉತ್ತಮವಾಗಿ ಓಡುತ್ತಿದೆ. [3ನೇ ವಾರ] ಶುಕ್ರವಾರ 5.75 ಕೋಟಿ, ಶನಿವಾರ 11 ಕೋಟಿ, ಭಾನುವಾರ 12.60 ಕೋಟಿ, ಸೋಮವಾರ 4.10 ಕೋಟಿ, ಮಂಗಳವಾರ 5.40 ಕೋಟಿ, ಬುಧವಾರ 3.50 ಕೋಟಿ. ಒಟ್ಟು: ₹ 484.85 ಕೋಟಿ. #Hindi. # #India biz.ಇನ್ನು, [#ಹಿಂದಿ + #ತಮಿಳು + #ತೆಲುಗು] ಒಟ್ಟಾರೆ ವ್ಯವಹಾರ 500 ಕೋಟಿ ರೂ. ದಾಟಿದೆ… 500 ಕೋಟಿ ರೂ. ಮೀರಲಿರುವ ಮೊದಲ #Hindi ಚಿತ್ರ ಆಗಲಿದೆ’ ಎಂದು ತರಣ್ ಆದರ್ಶ್ ಟ್ವೀಟ್ ಮಾಡಿದ್ದಾರೆ.
is performing very well on weekdays… [Week 3] Fri 5.75 cr, Sat 11 cr, Sun 12.60 cr, Mon 4.10 cr, Tue 5.40 cr, Wed 3.50 cr. Total: ₹ 484.85 cr. . biz.
*Combined biz* [ + + ] crosses ₹ 500 cr… FIRST film to breach ₹ 500 cr mark pic.twitter.com/euGHwmAXIj
ಸದ್ಯ, ದೀಪಿಕಾ ಪಡುಕೋಣೆ ಪ್ರಭಾಸ್ ಮತ್ತು ಅಮಿತಾಬ್ ಬಚ್ಚನ್ ಅವರೊಂದಿಗೆ ಪ್ರಾಜೆಕ್ಟ್ ಕೆ ನಲ್ಲಿ ಕಾಣಿಸಿಕೊಳ್ಳಲಿದ್ದು, ಹೃತಿಕ್ ರೋಷನ್ ಜೊತೆ ಫೈಟರ್ ಚಿತ್ರದಲ್ಲೂ ನಟಿಸಲಿದ್ದಾರೆ.