ಕುಟುಂಬಕ್ಕೆ ಪುಟ್ಟ ಅಥಿತಿ ಬರ ಮಾಡಿಕೊಂಡ ಅನಿಲ್ ಕಪೂರ್!

'55 ದಿನಗಳ ತುಂಟ ಮನೆ ತುಂಬಾ ಓಡಾಡುತ್ತಾನೆ. ಅಪ್ಪನ ಬೆಸ್ಟ್‌ ಫ್ರೆಂಡ್‌,' ಎಂದು ಸೋಷಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಮಾಡಿದ ರಿಯಾ ಕಪೂರ್ ಪೋಸ್ಟ್.

ಬಾಲಿವುಡ್‌ ಸ್ಟಾರ್ ಫ್ಯಾಮಿಲಿ ಸೋಷಿಯಲ್ ಮಿಡಿಯಾದಲ್ಲಿ ಸಿಕ್ಕಾಪಟ್ಟೆ ಸದ್ದು ಮಾಡುತ್ತಿದೆ. ಒಂದು ಕಡೆ ಸೋನಂ ಕಪೂರ್ ಬ್ಯೂಟಿ ಬಗ್ಗೆ ಮಾತು ಶುರುವಾದರೆ, ಮತ್ತೊಂದು ಕಡೆ ರಿಯಾ ಕಪೂರ್ ಫ್ಯಾಷನ್‌ ಸೆನ್ಸ್‌ ಎಲ್ಲರ ಗಮನ ಸೆಳೆಯುತ್ತಿದೆ. ಟ್ಯಾಲೆಂಟೆಡ್‌ ಪುತ್ರಿಯರ ಜೊತೆ ಅನಿಲ್ ಕಪೂರ್ ದಂಪತಿ ಆಫ್‌ ಸ್ಕ್ರೀನ್‌ ಇದ್ದರೂ ಲೈಮ್‌ ಲೈಟ್‌ನಲ್ಲಿ ಇರುತ್ತಾರೆ.

ಕೆಲವು ದಿನಗಳ ಹಿಂದೆ ಕುಟುಂಬಕ್ಕೆ ಪುಟ್ಟ ನಾಯಿ ಮರಿಯನ್ನು ಬರ ಮಾಡಿಕೊಂಡ ರಿಯಾ ಕಪೂರ್ 'Russel crowe' ಎಂದು ನಾಮಕರಣ ಮಾಡಿದ್ದಾರೆ.  ತಂದೆ ಅನಿಲ್ ಕಪೂರ್‌ ಜೊತೆ ರಸೇಲ್ ಇರುವ ಫೋಟೋವನ್ನು ಶೇರ್ ಮಾಡಿಕೊಂಡು 'ನಮ್ಮ ಕುಟುಂಬಕ್ಕೆ ಹೊಸ ಅಥಿತಿ ಬಂದಿದ್ದಾರೆ. ರಸೇಲ್ ಕ್ರೋಯಿ ಎಂದು. ಕೇವಲ 55 ದಿನಗಳ ಈ ತುಂಟ ಈಗಾಗಲೇ ಮನೆಯಲ್ಲಿ ಓಡಾಡಿಕೊಂಡು, ಎಲ್ಲರ ಪ್ರೀತಿ ಗಳಿಸಿದ್ದಾನೆ. ಮೊದಲೆರಡು ದಿನ ಅವನಿಗೆ ಜ್ವರ ಬಂದಿತ್ತು ನಾನು ಪುಟ್ಟ ಹುಡುಗಿಯಂತೆ ದಿನ ಅಳುತ್ತಾ ಅವನ ಆರೈಕೆ ಮಾಡುತ್ತಿದ್ದೆ. ಈಗ ಆರೋಗ್ಯವಾಗಿದ್ದಾನೆ,' ಎಂದು ರಿಯಾ ಕಪೂರ್‌ ಇನ್‌ಸ್ಟಾಗ್ರಾಂನಲ್ಲಿ ಫೋಟೋವೊಂದನ್ನು ಶೇರ್ ಮಾಡಿಕೊಂಡಿದ್ದಾರೆ.

Daughter's Day ಪ್ರಯುಕ್ತ ಅನಿಲ್ ಕಪೂರ್ ಇಬ್ಬರು ಹೆಣ್ಣು ಮಕ್ಕಳ ಜೊತೆ ಫೋಟೋ ಶೇರ್ ಮಾಡಿಕೊಂಡಿದ್ದರು. 'ನನ್ನ ಶಕ್ತಿ, ನನ್ನ ಆಧಾರ ಸ್ತಂಭ ನನ್ನ ಹೆಣ್ಣು ಮಕ್ಕಳು. ನನ್ನ ಜೀವನವನ್ನು ಸುಂದರಗೊಳಿಸಿದ್ದಕ್ಕೆ ನಿಮಗೆ ಧನ್ಯವಾದಗಳು. ದೊಡ್ಡ ಮಟ್ಟಕ್ಕೆ ಹಸರು ಮಾಡಿ ಸಾಧನೆ ಮಾಡಿರುವುದನ್ನು ನೋಡಲು ನನಗೆ ಹೆಮ್ಮೆ, ನನ್ನ ಸಂತೋಷ. ಐ ಲವ್ ಯು' ಎಂದು ಬರೆದುಕೊಂಡಿದ್ದರು.